#Artyom Dovbik — yangiliklari

"Bolonya" vingeri Jonatan Rou ukrainalik hujumchi Artyom Dovbikning jamoaga kelib qo'shilishi borasida o'z fikrlari bilan o'rtoqlashdi.

– "Bolonya" bu mavsumda yevrokuboklarda ishtirok etmasligi sizni xafa qilmayaptimi?

– Biroz, albatta. Biz barchamiz yevrokuboklarda o'ynashni istaymiz, ayniqsa o'tgan mavsumdagi ajoyib tajribadan keyin. Bu bizning asosiy maqsadimiz – Yevropaga qaytish. Biz shu yo'lda mehnat qilyapmiz.

– Kastro ketganini qanday qabul qildingiz?

– Uning uchun xursandman. Unga "Roma"da o'sishda davom etishini tilayman, chunki u ajoyib futbolchi va mening do'stim. Unga qarshi o'ynash juda g'ayritabiiy bo'ladi. Umid qilamizki, bizga qarshi o'yinlardan tashqari, hammasi yaxshi bo'ladi.

– Shu bilan birga, Dovbik keldi.

– Men uchun u top darajadagi futbolchi. U jismoniy kuch, texnika va gol sezish qobiliyatiga ega. Uning yaxshi o'yin ko'rsatishi va tiklanishi uchun barcha imkoniyatlari bor. U biz bilan ekanligidan juda xursandman, – dedi Rou.

29 yoshli ukrainalik futbolchi "Roma"dan "Bolonya"ga 2027-yilning 30-iyuniga qadar ijaraga o'tdi.

"Roma" esa "Bolonya" hujumchisi Santyago Kastroni 35 million yevro evaziga sotib oldi.

✔️ Rasman: Artem Dovbik Bolonya futbolchisiga aylandi.

Ukrainalik hujumchi Roma klubidan sotib olish huquqi bilan ijaraga olindi.

La Repubblica nashri xabariga ko'ra, Artyom Dovbikning transferi pullik ijara asosida amalga oshirilishi mumkin. Ijara qiymati 3 million yevroni tashkil etadi, shartnomada futbolchini sotib olish huquqi ham ko'zda tutilgan.

Sotib olish summasi 18 milliondan 20 million yevrogacha etib belgilangan. Markaziy hujumchining yillik maoshi 3,6 million yevroni tashkil etadi; ushbu xarajatlarni to'liq Bolonya o'z zimmasiga oladi.

Artyom Dovbik Bolonyaga yetib keldi. U bugun tibbiy ko'rikdan o'tadi va klub bilan shartnoma imzolaydi.

Ukrainalik hujumchi «Roma»dan taxminan 25 million yevrolik kelishuv doirasida o'tmoqda. Transfer 5 million yevrolik pullik ijara va 20 million yevro atrofidagi sotib olish huquqini o'z ichiga oladi. Bunda sotib olish opsiyasi majburiy emas.

Tibbiy ko'rik yakunlangach, transfer rasman e'lon qilinadi.

Manà Manà Sport xabariga ko'ra, Simone Valdarki Artyom Dovbik «Bolonya»ga sotib olish huquqi bilan ijaraga o'tayotganini ma'lum qildi. Xarid qilish summasi 20 million yevrodan biroz ko'proq etib belgilangan.

Il Romanista nashri ma'lumotiga ko'ra, Dovbik «Bolonya»da «Roma»dagidek maosh oladi — yiliga 3,6 million yevro. «Bolonya» barcha xarajatlarni o'z zimmasiga olgan.

Kelasi mavsumda Artyom Dovbik Bolonya safida to'p suradi.

Ukrainalik markaziy hujumchi Bolonya taklifiga rozilik bildirdi va Fabrisio Romano xabariga ko'ra, kelishuv yakuniga yetdi. Futbolchi «Roma»ga o'tishi kutilayotgan Kastro o'rnini egallaydi. Ertaga o'yinchi tibbiy ko'rikdan o'tishi rejalashtirilgan. Transfer ijara asosida amalga oshiriladi.

Artyom Dovbik «Roma»ni tark etib, «Bolonya» safiga o'tdi. Bu haqda klub o'zining rasmiy sayti orqali ma'lum qildi.

Ukrainalik hujumchi «Rossoblu» tarkibiga 2027-yilning 30-iyuniga qadar ijaraga asosida qo'shildi. Shartnomada futbolchini sotib olish huquqi ham ko'zda tutilgan.

Matteo Moretto xabariga ko'ra, bugun Artyom Dovbik «Bolonya» vakillari bilan hal qiluvchi uchrashuv o'tkazadi. Unda futbolchining klubga o'tishiga oid roziligi yakuniy tasdiqdan o'tishi kutilmoqda. O'yinchi «Bolonya»ga sotib olish huquqi bilan ijara asosida o'tadi.