#Franchesko Farioli — yangiliklari

Franchesko Farioli «Portu» boshqaruvida yangi murabbiylik rekordlarini o'rnatmoqda 💙

⏺ italiyalik mutaxassis klub tarixida ketma-ket ikki mavsumda — 2025/26 va 2026/27 yillarda chempionatning dastlabki yettita o'yinida g'alaba qozongan ilk murabbiyga aylandi

⏺ «Ajdarho»lar ustozi chempionat doirasidagi uy uchrashuvlarida hamon mag'lubiyat nimaligini bilmayapti — 21 ta o'yinda 18 ta g'alaba va uchta durang

🗣 Franchesko Farioli: "Jamoa katta yetuklik ko'rsatdi"

Murabbiy "Aroka"ga qarshi kechgan bahsdagi (2:0) ajoyib o'yin va futbolchilarning g'alabaga bo'lgan chanqoqligi uchun ularni maqtadi.

🗣 Franchesko Farioli: «Bu juda kuchli raqibga qarshi yaxshi sinov bo'ldi»

Murabbiy «Portu»ning «Dragau» stadionidagi taqdimot o'yinida «Aston Villa» ustidan qozonilgan g'alaba (2:1) haqida o'z fikrlarini bildirdi.

"Drakonlar" ustunligi 🐉

"Portu" o'z maydonida "Benfika"ni 3:1 hisobida mag'lub etib, chempionatdagi to'g'ridan-to'g'ri raqiblaridan farqni yanada oshirib oldi.

Franchesko Farioli: "Bu g'alaba "portishtash" oilasining jamoaviy mehnati natijasidir".

Murabbiy "Eshtadiu du Dragau" stadionida qo'lga kiritilgan ushbu muhim g'alaba yuzasidan o'z fikrlarini bildirib o'tdi.

Franchesko Farioli boshchiligidagi «Portu» Primeyradagi XXI asrning eng yaxshi himoya ko'rsatkichlaridan biriga yaqinlashmoqda.

Italiyalik murabbiy shogirdlari 37 ta o'yinda 24-marta o'z darvozasi daxlsizligini saqlab qoldi. Chempionatda ushbu asr rekordini takrorlash uchun jamoaga yana bir marta gol o'tkazib yubormasdan g'alaba qozonish kifoya.

Avvalgi rekord (38 ta o'yinda 25 ta «quruq» o'yin) 2014/15-yilgi mavsumda ispaniyalik Xulen Lopetegi boshchiligidagi jamoaga tegishli.

"Portu" va "Riu-Ave" o'rtasidagi o'yin oldidan o'tkazilgan matbuot anjumanida Franchesko Farioli Rodrigo Mora kelajagi haqidagi savollarga javob berdi:

"Bu hafta juda ko'p shov-shuvlar bo'ldi. Bizni kechayu kunduz transfer mish-mishlari bilan savolga tutishdi, ammo yangilik yo'q. Rodrigo Mora – ajoyib professional, u "Portu" futbolchisi, klubning ashaddiy muxlisi va biz uni kerakli deb bilganimizda maydonga tushiramiz. Yangi hech narsa yo'q. Transfer bozori doim shunday. O'yinlar davom etayotgan bir paytda transfer oynasi ochiq qolishiga qarshiman, lekin bu odatiy hol va barcha tomonlardan professionallikni talab qiladi. Muzokaralar olib borayotgan klublar, jamoamiz yuragi bo'lgan futbolchilar va biz, murabbiylar, barcha masalalarda e'tiborli bo'lishimiz kerak".

"Roma" va "Portu" muzokaralarni davom ettirmoqda, ammo ayni damda rimliklar muqobil variantlarni ham ko'rib chiqishmoqda. "Lion" futbolchisi Fofana ham potensial xaridlar ro'yxatida turibdi.

Matteo Moretto xabariga ko'ra, «Portu» «Milan»dan meksikalik hujumchi transferi shartlari bo'yicha ma'lumot so'radi.

Bitimning asosiy tashabbuskori — portugaliyaliklar yangi murabbiyi Franchesko Farioli. U Ximenesning mahoratini yuqori baholaydi va futbolchi bilan shaxsan bog'langan.

Hozircha rasmiy taklif yo'q, ammo «Milan»da Santyago yozda klubni tark etishi mumkinligini tushunib turishibdi.

Endi asosiy savol — «Portu» rasmiy qadam tashlab, «rossonerilar» bilan to'laqonli muzokaralarni boshlashga jur'at etadimi.