#Il Corriere dello Sport — yangiliklari

«Roma»dan ketganiga ikki yildan oshgan bo'lsa-da, Joze Mourino va «jallorossi» o'rtasidagi bog'liqlik saqlanib qolmoqda. Il Corriere dello Sport xabariga ko'ra, kecha «Real» bosh murabbiyi sifatidagi taqdimoti chog'ida portugaliyalik mutaxassis «Roma» muxlislari haqida iliq fikrlarni bildirib o'tdi.

Xususan, u «Roma»ning yangi xaridi, vatandoshi Rodrigo Mora haqida quyidagilarni aytdi:

Rodrigo Mora — Portugaliya futbolining eng buyuk iqtidorlaridan biri. U texnik jihatdan juda kuchli, o'yin taqdirini o'zgartira oladigan kreativ futbolchi. O'ylaymanki, «Roma» muxlislariga u juda yoqadi, men esa bu muxlislarni hech qachon unutmayman.

Il Corriere dello Sport xabariga ko'ra, fransiyalik markaziy himoyachi Benoa Badyashil bugun Rimga yetib keladi. 💥

Ertaga u Villa Styuart klinikasida tibbiy ko'rikdan o'tishi va “Napoli” bilan shartnoma imzolashi kutilmoqda. 📃

Il Corriere dello Sport nashri xabariga ko'ra, «Napoli» jamoasi tarkibni kuchaytirish uchun ikki nafar futbolchi bilan shartnoma imzolamoqchi:

«Jamoaga zudlik bilan ikkita asosiy xarid kerak: biri himoya, ikkinchisi hujum uchun. Nomzodlar orasida «Chelsi»dan Benua Badyashil va «Arsenal»dan Gabriel Jezus bor. Premer-liga futbolchilari sifat kafolatini beradi. Ochig'ini aytganda, ular jamoa saviyasini yuqori darajada ushlab turish uchun, demak, Italiya chempionati va Chempionlar ligasidagi ambitsiyalari uchun juda zarur. Ayniqsa, himoyadagi yo'qotishlar va hujumdagi muammolarni inobatga olsak, Lukaku sotuvi va Lukkaning barqarorsiz o'yini vaziyatni o'nglay olmaydi».

«Badyashil – tajribali va ishonchli 25 yoshli fransuz giganti, u qiyin mavsumni o'tkazdi va buni tezroq unutishi kerak. Marianuchchi «Selta»ga qarshi o'yinda chap tizzasidan jarohat olganidan keyin, uning transferi yanada dolzarb ahamiyat kasb etmoqda».

Il Corriere dello Sport xabariga ko'ra, «Napoli» «Arsenal» hujumchisi Gabriel Jesusga qiziqish bildirmoqda.

«Neapol klubi va «Arsenal»dan ketish arafasida turgan futbolchining vakillari o'rtasidagi muzokaralar transfer ko'lamini aniqlashga qaratilgan. Bitim joriy transfer oynasi yopilgunga qadar yakunlanishi kerak. Braziliyalik futbolchi A Seriyaga o'tish imkoniyatini ijobiy baholadi. «Napoli» esa yangi hujumchini tarkibga qo'shib olishdan avval, kelasi mavsumda Rasmus Xoylund bilan juftlik hosil qilishi ko'zda tutilgan futbolchini ro'yxatdan o'tkazish uchun tarkibni bo'shatishi kerak.

Futbolchi Italiyaga o'tishga rozi, chunki u Angliyadagi faoliyatidan charchagan. Shu bois u o'z kelajagini Jovanni Brankini kabi nufuzli agentga ishonib topshirgan. U «Napoli» taklifiga ochiq, biroq italyan klubi avvaliga hujum chizig'ida joy bo'shatib olishi talab etiladi.»

Il Corriere dello Sport xabariga ko'ra, neapolliklar Benua Badyashil transferi bo'yicha muzokaralarni to'xtatib turishibdi, bunga o'yinchining jarohatlar tarixi sabab bo'lmoqda. Shu bois «Yuventus» himoyachisi nomzodi yana birinchi o'ringa chiqdi:

«Napoli» bosh murabbiyi Massimiliano Allegri Gattini juda yaxshi biladi: u bilan Turinda ishlagan va uni qaytadan kashf etishi yoki maxsus o'rgatishi shart emas. Bu xabardorlik «adzurri» uchun yaqqol ustunlik hisoblanadi, ayniqsa, murabbiy talablarini tushunadigan va Italiyada o'ynash tajribasiga ega tayyor markaziy himoyachi qidirilayotgan transfer oynasida. Ikkala klubni ham qoniqtirishi mumkin bo'lgan variant – bu sotib olish majburiyati bilan ijaraga berish. «Yuventus» o'z navbatida, sotuv imkoniyatini istisno qilmayapti, biroq «Napoli» qanday taklif bilan chiqishini kutmoqda. Ayni damda «adzurri» rasmiy taklif yuborishdan avval kelishuvning barcha jihatlarini tahlil qilmoqda.

Il Corriere dello Sport xabariga ko'ra, Romelu Lukaku «Napoli»ni tark etadi. Uning agenti futbolchining kelajagi ustida ishlamoqda.

«Napoli» Romelu Lukaku bo'yicha takliflarni kutmoqda. Agent Federiko Pastorello bilan bo'lgan muhokamalardan so'ng, tomonlar kutilmagan holatlar yuz bermasa, xayrlashishga qaror qilishdi. Agent allaqachon ham klub, ham futbolchiga mos keladigan variantlarni qidirmoqda», — deyiladi gazeta xabarida.

Strasbourg Moreira uchun yuqori narx talab qilmoqda.

Moreira bilan shaxsiy shartnoma shartlari bo'yicha kelishuvga erishilganiga va u poytaxtda yiliga 2 million yevro atrofida maosh olishiga qaramay, Toni D'Amiko Strasburg talablarini yumshata olmadi.

Il Corriere dello Sport xabariga ko'ra, jallorossilar transfer uchun 30 million yevrodan ortiq mablag' sarflash niyatida emas. Fransiya klubi esa o'z navbatida 40 million yevro talab qilmoqda. Biroq, 10 million yevrolik farq bitimning muvaffaqiyatli yakunlanishiga to'sqinlik qilmaydiganga o'xshaydi: kichik muzokaralardan so'ng Rim klubi transferni yakunlashi mumkin.

Il Corriere dello Sport xabariga ko'ra, Kostantino Favazuli o'z orzulari haqida gapirib o'tdi:

Men o'z orzuimni ro'yobga chiqaryapman. Xudo xohlasa, barchasi yaxshi bo'lishini kutyapman. Bu menga juda ajoyib tuyulyapti. Men hali Allegri bilan gaplashmadim. Hali emas, lekin buni intiqlik bilan kutyapman. Men undan ko'p narsani o'rganmoqchiman. Uning futboldagi yutuqlari hammaga ma'lum deb o'ylayman. Shunchaki tayyor bo'lishim kerak.

Di Lorenso – ajoyib futbolchi va professional. Uning o'yinini kuzatib, ko'p narsani o'rganishim mumkin. Bu juda qiyin, ammo «Napoli»da, balki milliy terma jamoada ham xuddi shunday yo'lni bosib o'tish ajoyib bo'lardi, ayniqsa ular Yevropa chempionligini qo'lga kiritganini hisobga olsak. Sardor va agentim Mario menga mashg'ulotlar bazasidan videoqo'ng'iroq qilishdi. Yevropaning eng yaxshi qanot himoyachilaridan biri yonida shug'ullanish juda zo'r bo'ladi.

Biz, yoshlar, o'sishimiz kerak. Shunchaki o'ynashni boshlashimiz lozim. «Napoli» ko'plab boshqa klublar uchun namuna bo'la oladi.

❌ Il Corriere dello Sport xabariga ko'ra, David Neres A Seriya birinchi turida Genuyadagi uchrashuvni o'tkazib yuboradi.

🩺 Gazeta ma'lumotiga ko'ra, braziliyalik futbolchi o'tgan mavsum o'rtalarida olgan jiddiy jarohatidan hali to'liq forig' bo'lmagan. Tibbiyot xodimlari o'yinchi holatini «Komo»ga qarshi bahsdan oldin yana bir bor baholashadi.

Il Corriere dello Sport xabariga ko'ra, «Napoli» Gabriel Jesusni o'z safiga qo'shib olishga urinib ko'radi. 📰

«Gabriel Jesus – «Napoli» uchun aqldan ozgan, ammo amalga oshishi mumkin bo'lgan transfer g'oyasi: u haqiqiy g'olib. U 2017-yildan 2022-yilgacha «Manchester Siti»da De Bryuyne bilan birga to'plagan boy sovrinlar kolleksiyasi va tajribasiga ega. Shuningdek, u hozirda hujum chizig'ida faqatgina Xyoylundga umid bog'layotgan jamoani kuchaytirishi mumkin. Lukaku esa sotuvga qo'yilgan, uning agenti bilan muzokaralar murakkab kechmoqda. Shu bilan birga, Lukka «Nottingem Forest»dagi omadsiz ijaradan so'ng «Napoli»da o'z imkoniyatidan foydalanib qolishga harakat qilmoqda», — deb yozadi gazeta.

Ayaks Noa Langni o'z safiga qo'shib olmoqchi. Avvalroq xabar qilinganidek, Amsterdam klubi agar Mika Godts PSJga o'tib ketsa, uning o'rniga aynan Noani tanlagan.

Il Corriere dello Sport nashrining yozishicha, Napoli niderlandiyalik hujumchini qo'yib yuborishga tayyor bo'lgan shartlarni ma'lum qildi:

«Gap doimiy transfer yoki 25 million yevro atrofidagi summa hamda bonuslar evaziga sotib olish majburiyati bilan ijaraga berish haqida bormoqda. Ya'ni, bu Napoli bir yil avval uni PSVdan sotib olish uchun sarflagan sarmoya bilan tengdir.»

Il Corriere dello Sport xabariga ko'ra, Leverkuzen klubi Migel Gutyerres uchun taklifni 30 million yevroga oshirdi va bu "Napoli"ni qoniqtirdi.

"Napoli" va Germaniya klubi hozirda bitimni yakunlash uchun zarur bo'lgan tafsilotlarni muhokama qilmoqda.

Gutyerres o'tgan yozda "Jirona"dan 18 million yevro va 2 million yevro bonus evaziga sotib olingandi. Ispaniyalik futbolchining kutilmagan transferi markaziy himoyachi va o'ng qanot himoyachisiga muhtoj bo'lgan neapolliklarning transfer kampaniyasiga turtki berishi kutilmoqda.

🛫 Alessandro Buongiorno Barselonaga yo'l oldi.

🩺 Futbolchi travmatologiya va ortopedik jarrohlik sohasidagi dunyoning yetakchi mutaxassislaridan biri, professor Ramon Kugat bilan maslahatlashish uchun uchrashuvi kerak.

Il Corriere dello Sport xabariga ko'ra, Alessandro Kataloniyaga safari yakunida muhim qaror qabul qiladi: konservativ terapiya yoki o'ng son payidagi muammoni bartaraf etish uchun jarrohlik amaliyoti.