#Manor Solomon — yangiliklari

Manor Solomon bergan intervyularidan birida «Villarreal»dagi salbiy tajribasi haqida so'zlab berdi:

Kiyim almashtirish xonasida marokashlik futbolchi bor edi, u men bilan qo'l berib ko'rishishni istamasdi. Men gol urganimda u quchoqlashish uchun yaqinlashmasdi. U yerda qolishni xohlamadim. Eng boshidan ruhiy jihatdan qiynaldim. Ilgari hech qaysi jamoada bunday holatga duch kelmaganman.

Bu Yom-Kipur bayrami edi, shuning uchun «Yuventus»ga qarshi o'ynamadim. Keyingi o'yinda — «Real»ga qarshi — maydonda bir daqiqa ham o'tkazmadim; bundan oldin gol urganimni hisobga olsak, bu aqldan ozishdek tuyuldi. Aynan o'shanda murabbiy menga ishonmasligini tushunib yetdim.

Sevilyadagi o'yin vaqtida men aynan ularning ultraslari qarshisida qiziyap turgandim va ular bir soniya ham meni haqorat qilishdan to'xtashmadi. Ular yuzimga Falastin bayrog'ini — qonga belangan Isroil bayrog'ini tiqishdi. Ular biz nimalarni boshdan kechirayotganimiz va aslida nimalar bo'layotgani haqida tushunchaga ega emaslar. Agar mendan so'rasangiz — tushuntirib beraman, lekin dushmanlik kayfiyatida yaqinlashmaslik sharti bilan.

Rasman: Manor Solomon «Vest Xem» safiga o'tdi.

Kelgusi faoliyatingda omad, Manor.

Fabrisio Romano xabariga ko'ra, Manor Solomon «Vest Xem» futbolchisiga aylandi. ✔️

Transfer summasi: 8 million yevro.

Shartnoma 2029-yilga qadar mo'ljallangan.

👀 Matis Tel bilan bir qatorda, Manor Solomon ham «Tottenxem»ning ushbu mavsumoldi tayyorgarlikdagi eng yaxshi hujumkor o'yinchisiga aylandi.

Ammo bir muammo bor: «MK Dons», «Oklend» va «Sidney»ga qarshi o'yinlarda jamoa bor-yo'g'i to'rtta gol urdi.

Agar mavsumoldi o'yinlari nimadir ko'rsatgan bo'lsa, bu «Tottenxem»ga hujum chizig'ini kuchaytirish o'ta zarurligidir. 🙏

🚨 Eshli Fillips, Kota Takai, Manor Solomon va Deyne Skarlett yozgi transfer oynasi vaqtida doimiy asosda Tottenxemni tark etishadi.

Sport5 telekanali xabariga ko'ra, «Vest Xem» yozgi transferlar oynasida hujum chizig'ini kuchaytirish uchun Manor Solomonni asosiy nishon sifatida belgilab oldi.

Manor Solomonning agenti Ronen Katsav mijozi ikki yillik ijaradan so'ng klubni doimiy ravishda tark etishni istayotganini tasdiqladi. Katsav, shuningdek, futbolchining mavsumoldi o'yinlarida asosiy tarkibda maydonga tushishiga unchalik katta ahamiyat bermadi va o'rtoqlik uchrashuvlaridagi chiqishlar «hech narsani anglatmasligini» ta'kidladi.

🎤 Manor Solomonning kelajagi haqida:

Kelgusi mavsum? Men taxmin qilishni yoqtirmayman. Transfer oynasi yopilishiga hali bir oydan ortiq vaqt bor. Maqsad — to'liq transferni amalga oshirish. Statistika bo'yicha, transfer oynasining so'nggi haftasi eng faol davr hisoblanadi.

Men aniq bir jamoa nomini aytmayman, bu o'rinsiz bo'lardi. Shubhasiz, maqsad — kuchli beshlik ligalaridan birida qolish.

U muhim o'yinchi bo'lishni, maydonda ustunlik qilishni va o'yinga ta'sir o'tkazishni istaydi, «Tottenxem»da esa bu katta ehtimol bilan sodir bo'lmaydi. Ko'rinishidan, bu unga mos keladigan joy emas.

Bu yo'l davomida ular undan juda oson voz kechishdi.

Asosiy maqsad — u muntazam o'ynay oladigan joy topish. Manor ham ruhiy, ham professional nuqtai nazardan juda sifatli o'yinchi.