OFK Chempionlar ligasi Elit bosqichi uchun qur'a tashlandi. O'zbekiston klublari — Neftchi va Paxtakorning raqiblari ma'lum bo'ldi.
OFK Chempionlar ligasi Elit bosqichi uchun qur'a tashlash marosimi o'tkazildi. Unda O'zbekiston sharafini himoya qiladigan Neftchi va Paxtakor jamoalarining raqiblari ma'lum bo'ldi.
Bugun Neftchi futbol klubi AFC Champions League Elite 2026/27 mavsumi uchun qur'a tashlash marosimida o'z raqiblarini bilib oladi.
Bugun sevimli jamoamiz Neftchi AFC Champions League Elite 2026/27 musobaqasidagi raqiblarini bilib oladi. 🌏🏆
Kimlar Neftchiga qarshi maydonga tushadi? Qaysi grandlar Farg‘onaga tashrif buyuradi? Qaysi stadionlarda jamoamizni yana bir bor Osiyo maydonida ko‘ramiz?
Qur’a tashlash marosimi: 🕚 13:00 | Toshkent vaqti
Qur’ani birgalikda kuzatamiz!
Bugun Kuala-Lumpurda OFK Chempionlar Ligasi Elite liga bosqichiga qurʼa tashlanadi. «Neftchi» va «Paxtakor» qaysi savatchada va format qanday?
Bugun Malayziya poytaxti Kuala-Lumpur shahrida Osiyo qitʼasining eng nufuzli klublar musobaqasi — OFK Chempionlar Ligasi Elite yangi mavsumi liga bosqichiga qurʼa tashlash marosimi bo‘lib o‘tadi.
Musobaqa formati
Ishtirokchilar soni: Yangilangan formatga ko‘ra, turnirda jami 32 ta jamoa kurash olib boradi.
Mintaqaviy taqsimot: Jamoalar geografik jihatdan G‘arb va Sharq mintaqalariga ajratilgan.
O‘yinlar tartibi: Har bir klub liga bosqichida 8 ta turli raqibga qarshi maydonga tushadi — 4 ta o‘yin o‘z maydonida va 4 ta uchrashuv safarda o‘tkaziladi.
Savatchalar va «Neftchi»ning o‘rni
Farg‘onaning «Neftchi» klubi musobaqaning G‘arb mintaqasida 2-savatchadan joy olgan. Mazkur savatchada Farg‘ona jamoasidan tashqari Saudiya Arabistonining «Al-Nassr», Birlashgan Arab Amirliklarining «Shabab Al-Ahli» hamda Iroqning «Air Force SC» klublari ham o‘rin olgan.
Mamlakat himoyasi tamoyili
Qurʼa jarayonida amaldagi reglamentga muvofiq mamlakat himoyasi tamoyili qo‘llaniladi:
Bitta assotsiatsiya (mamlakat) sharafini himoya qilayotgan klublar ushbu bosqichda o‘zaro raqib bo‘la olmaydi. Shu sababli vakillarimiz «Neftchi» va «Paxtakor» liga bosqichida o‘zaro to‘qnash kelmaydi.
Boshlanish vaqti
Qurʼa tashlash marosimi Toshkent vaqti bilan soat 13:00 da start oladi.
«Andijon» bosh murabbiyi Islom Ahmedov «Neftchi»ga qarshi o'yindan so'ng mag'lubiyat sabablari va jamoadagi transferlar haqida gapirdi.
Vodiy derbisi doirasidagi «Andijon» - «Neftchi» o'yinidan keyingi matbuot anjumanining ikkinchi qismida mezbonlar bosh murabbiyi Islom Ahmedov qatnashdi.
Muxlislarimizdan uzr so'raymiz. Juda alamli mag'lubiyatga uchradik. Bizni tinmay qo'llab-quvvatlab kelayotgan ishqibozlarimiz oldida juda uyatdamiz. O'yinga kelsak, qizil kartochkagacha uchrashuv tizgini bizning nazoratimiz ostida o'tayotgandi. Birgina qizil kartochka hamma rejalarimizni buzib yubordi. Uni joyini to'ldirgunimizcha birinchi golni o'tkazib yubordik.
- Mag'lubiyatni asosiy sababchisi kim deb o'ylaysiz?
Mag'lubiyatga uchragandan keyin baribir murabbiy aybdor bo'ladi. Qo'ldan kelgancha tayyorgarlik ko'rdik. Birinchi taymda yomon o'ynamadik. Hujumlarimiz ko'p bo'ldi, to'pni nazorat qildik. Ikkinchi taymni boshidagi kutilmagan qizil kartochka barcha rejalarimizni buzdi. U o'yinchimizni ham atay qildi, deb ayta olmaymiz. Balki emosiyada o'zini to'xtata olmagandir. Futbolchilarimiz ham professional bo'lishi va o'zini boshqarishni ham bilishi kerak. Qizil kartochka xissiyot orqali yuz berdi. Qolgan joyda futbolchilarimiz 100 foiz borini berishdi. Ayblash noto'g'ri.
- O'sha qizil kartochka butun boshli jamoaning o'yinini, tayyorgarligini o'zgartirib yubordi. Oxirgi uchrashuvlarda qizil kartochkalar ko'paymoqda. Buni oldini olish uchun jamoada ruhiy tayyorgarlik ham olib boriladimi?
Baribir futbol hissiyotlarga boy. Tushuntiramiz, gapiramiz. Futbolchilar ham o'zini boshqarishni bilishi kerak. Futbolchilar maydonda o'zini boshqara bilishi kerak. O'yinchilarimiz ham atay qilishyapti, deb o'ylamayman.
- «Andijon» yozgi ta'tilgacha yaxshi o'yin ko'rsatayotgandi. Yozgi tanaffusdan so'ng 6 ta o'yin o'tdi va 5 ochko oldi, xolos. Bu natija murabbiylar shtabini o'ylantirmayaptimi?
Albatta. Izlanyapmiz, kamchiliklar ustida ishlayapmiz. Ko'rib chiqamiz. O'yin tomonlama yomon o'ynamayapmiz. Biroq yakuniy hujumlar bo'yicha bizda muammolar bo'layotgandi. Mana, yangi hujumchi oldik. Bugun ham yaxshi o'ynayotgandik, ammo qizil kartochkadan keyin vaziyat o'zgardi.
- Shoxmalik Komilov nega o'yin qaydnomasiga kiritilmadi?
Qaydnomaga 20 ta o'yinchi kiritiladi. Hamma o'yinchilarga imkoniyat beramiz. Mashg'ulotlar jarayonida kuzatib boramiz. Har bir chiziqqa o'yinchilar qoldirishimiz kerak bo'ladi. Bizda raqobat kuchli. Bu uchrashuvda Shoxmalikka dam berishga qaror qildik. U safimizga yig'inimiz yakunlanayotgan paytda qo'shildi. Hali bizning o'yin uslubimizni to'liq tushunib yetgani yo'q. Shu bois futbolchiga dam berib turdik.
- Bu mag'lubiyatni omad bilan bog'laysizmi? Holbuki, jamoangizda gol urish uchun bir nechta yaxshi vaziyatlar bo'ldi, darvozabon, himoyachilar qaytarib qolishdi...
Omaddan ko'ra, taqdir deb o'ylaymiz. Harakat qildik, bugun yutqazish peshonamizga yozilgan ekan.
- Jamoaga qabul qilingan Nodirxon Ne'matxonov ko'p o'tmasdan shartnomani bekor qilib ketdi. Shuningdek, darvozabon Rustamjonovni ketishiga nima sabab bo'ldi?
Nodirxon Ne'matxonovga «Qizilqum»dan o'yin amaliyoti bo'yicha aniq taklif berishgan. Bizda aytganimizdek, raqobat kuchli. Ko'proq o'yin amaliyotiga ega bo'ladigan joyga o'zi tanladi. Rustamjonov bilan 6 oyga kelishilgan ekan va u «Respublika FA» jamoasiga ketdi.
- Yozgi transferlardan ko'nglingiz to'ldimi?
Ochig'i, ro'yxatimizda bir qator o'yinchilar bor edi. Ularni hammasini ham ololmadik. Oxirgi kungacha futbolchilar bilan aloqada bo'ldik. Olishga harakat qildik. YAxshiki, Rustam Turdimurodovni jalb qila oldik.
- «Neftchi» Izzatilla Po'latovni «Andijon»ga qo'yib yuborishga rozi bo'lgan ekan, lekin «Andijon» bu taklifni rad etibdi. SHu holatga to'xtalib o'tsangiz.
Rahbariyat hal qiladi. Ayrim sabablarga ko'ra o'xshamadi.
Kot-d’Ivuarlik himoyachi Koffi Kouao «Istiqlol» stadionida «Neftchi» jamoasining yangi futbolchisi sifatida muxlislarga tanishtirildi.
Xabaringiz bor, jamoamiz Kot-d’Ivuarlik tajribali qanot himoyachisi Koffi Kouao bilan shartnoma imzolagan edi.
Bugun yangi futbolchimiz “Istiqlol” stadionida keng jamoatchilik va muxlislarimizga rasman tanishtirildi.
Koffi, “Neftchi” oilasiga xush kelibsan!
Farg'onaning Neftchi klubi Kot-d’Ivuarlik himoyachi Koffi Kouao bilan shartnoma imzolaganini rasman ma'lum qildi.
🟢 Neftchi klubi Kot-d’Ivuarlik himoyachi Koffi Kouaoni oʻz safiga qoʻshib olganini eʼlon qildi.
Neftchi yarim himoyachisi Yovan Jokich Finlandiyada muvaffaqiyatli jarrohlik amaliyotini o'tkazdi. Futbolchi 2-3 oydan so'ng safga qaytishi kutilmoqda.
Jamoamiz yarim himoyachisi Yovan Jokich “Navbahor”ga qarshi uchrashuv oldidan o’tkazilgan chigalyozdi mashg’ulotlari vaqtida avvalgi o’ng oyog’idagi Axill payi jarohatini qayta his qildi.
Batafsil tibbiy tekshiruvlar natijasiga ko’ra, jarohatni jarrohlik yo’li bilan davolash tavsiya etildi. Shu maqsadda futbolchimiz Finlandiyaning Turku shahriga yo’l oldi va bugun muvaffaqiyatli jarrohlik amaliyotini boshdan kechirdi.
Operatsiya reja asosida muvaffaqiyatli yakunlandi. Shifokorlar tavsiyasiga ko’ra, Yovan endilikda reabilitatsiya jarayonini boshlaydi. Rejaga muvofiq, u 2-3 oy davom etadigan tiklanish dasturidan so’ng jamoa mashg’ulotlariga qaytishi kutilmoqda.
Yovan Jokichga tezroq sog’ayib, maydonlarga yanada kuchliroq holatda qaytishini tilab qolamiz! 🟢
Joriy mavsum Superliga o'yinlarida Neftchi jamoasini qo'llab-quvvatlash uchun Istiqlol stadionga tashrif buyurgan muxlislar soni 100 mingdan ortdi.
Joriy mavsum Superliga o'yinlarida Neftchi jamoasini qo'llab-quvvatlash uchun Istiqlol stadionga tashrif buyurgan muxlislar soni 100 mingdan ortdi.
Neftchi klubining uy stadioni — Istiqlolda projektorlar modernizatsiya qilindi. Endilikda maydonning o‘rtacha yoritish darajasi 2080 lyuksni tashkil etadi.
🟢 Ushbu mavsum Elit chempionlar ligasida ishtirok etuvchi Neftchi klubining uy stadioni — Istiqlolda projektorlar modernizatsiya qilinishi natijasida maydonning o‘rtacha yoritish darajasi 2080 lyuksga yetkazildi.
Neftchi jamoasining Osiyo Chempionlar Ligasi Elite 2026/27 mavsumi liga bosqichidagi taqvimi bilan tanishing.
Neftchi 2026/27-yilgi Osiyo Chempionlar Ligasi Elite musobaqasining liga bosqichida G‘arb mintaqasida ishtirok etadi. Farg‘ona klubi liga bosqichida jami 8 ta uchrashuv o‘tkazadi — 4 tasi o‘z maydonida, 4 tasi safarda.
Neftchining liga bosqichidagi taqvimi:
14 sentabr, 2026
Neftchi — Air Force
📍 Farg‘ona, Istiqlol stadioni
⏰ 18:45
12 oktabr, 2026
Al Nassr — Neftchi
📍 Ar-Riyod, King Saud University Stadium
⏰ 21:15
26 oktabr, 2026
Neftchi — Al-Ittihad
📍 Farg‘ona, Istiqlol stadioni
⏰ 18:45
2 noyabr, 2026
Tractor — Neftchi
📍 Maskat, Sultan Qaboos Sports Complex
⏰ 20:00
23 noyabr, 2026
Neftchi — Al Hilal
📍 Farg‘ona, Istiqlol stadioni
⏰ 18:45
7 dekabr, 2026
Esteghlal — Neftchi
📍 ***
⏰ ***
9 fevral, 2027
Neftchi — Al Ahli Saudi
📍 Farg‘ona, Istiqlol stadioni
⏰ 18:45
15 fevral, 2027
Al Qadsiah — Neftchi
📍 Dammam, Prince Mohammed Bin Fahd Stadium
⏰ 21:15
Birinchi uchrashuv 14 sentabr kuni Farg‘onada Air Forcega qarshi, liga bosqichining so‘nggi bahsi esa 15 fevral kuni safarda Al Qadsiahga qarshi bo‘lib o‘tadi.
OChL-2 qur'a tashlash marosimi bo'lib o'tdi. Farg'onaning «Neftchi» klubi raqiblari nomi ma'lum bo'ldi.
🟢 Qur’a tashlash marosimi boshlandi
O’zbek futboli afsonalaridan biri Odil Ahmedov bugungi qur’a tashlash marosimida assistent maqomida qatnashmoqda.
Shuningdek, Yasushi Endo ham huddi Odil Ahmedovdek tadbirning asosiy ishtirokchisi hisoblanadi, har ikki Osiyo yulduzi ayni paytda OFK sahnasiga chiqib kelishdi.
Qur’a mexanizmi qatnashchilarga tushuntirilmoqda.
Demak, boshlandi, asosiy qismga o’tamiz.
Neftchi - C2
Safarda:
Al-Nassr
Istiqlol
Traktorsozi
Al-Qodisiya
Uyda:
Al-Hilol
Al-Ahli
Air Force
Al-Ittihod
Bugun Kuala-Lumpurda OFK Chempionlar ligasi Elit hamda OFK Chempionlar ligasi 2 musobaqalari uchun qur’a tashlanadi.
Bugun Kuala-Lumpurda OFK Chempionlar ligasi Elit hamda OFK Chempionlar ligasi 2 musobaqalari uchun qur’a tashlanadi.
11:00 | OFK Chempionlar ligasi 2 (Nasaf)
13:00 | OFK Chempionlar ligasi Elit (Neftchi, Paxtakor)
Neftchi klubi vakillari AFC Champions League Elite 2026/27 musobaqasi doirasidagi seminarda ishtirok etish uchun Malayziyaga yetib bordi.
Neftchi klubi vakillari Osiyo Futbol Konfederatsiyasi (OFK) tomonidan tashkil etiladigan AFC Champions League Elite 2026/27 musobaqasi doirasidagi tadbirlarda ishtirok etish uchun Malayziyaning Kuala-Lumpur shahriga yetib bordi.
Klub nomidan ushbu tadbirlarda ijrochi direktor Zohidjon G‘ofurov, matbuot kotibi Saidafzal Abdullayev hamda klub xalqaro bo‘limi vakili Nurillo Subhonov ishtirok etadi.
17-avgust kuni musobaqada ishtirok etuvchi klublar vakillari uchun maxsus Club Workshop — klublar seminari o‘tkaziladi. Seminar davomida ishtirokchi klublarga OFK musobaqalarini o‘tkazish tartibi va talablari bo‘yicha batafsil ma’lumot beriladi. Jumladan:
musobaqa haqida umumiy ma’lumotlar; uchrashuvlarni tashkil etish va o‘tkazish tartibi; hakamlik; xavfsizlik masalalari; tijoriy tadbirlar; translyatsiya jarayonlari; stadion tablosida namoyish etiladigan ma’lumotlar; media tadbirlar; VAR va futbol texnologiyalari; tibbiyot va anti-doping masalalari; AFCAS — OFK musobaqalarini boshqarish platformasidan foydalanish tartibi.
Shuningdek, seminarda AFC Champions League Elite 2026/27 liga bosqichi qur’asi qanday tamoyillar asosida o‘tkazilishi ham tushuntiriladi. 18-avgust kuni esa AFC Champions League Elite 2026/27 liga bosqichiga qur’a tashlash marosimi bo‘lib o‘tadi. Neftchi’ning Osiyoning eng nufuzli klublar musobaqasidagi raqiblari aynan shu qur’a natijasida aniqlanadi.
Andijon va Neftchi o'rtasidagi uchrashuvga 19 170 nafar muxlis tashrif buyurdi. Bu joriy mavsumdagi eng yaxshi ko'rsatkich.
Andijon va Neftchi jamoalari o'rtasidagi o'yinni tomosha qilish uchun 19 170 nafar muxlis tashrif buyurdi.
⚽️ Bu Superliganing joriy mavsumidagi eng yaxshi natija hisoblanadi.
Neftchi va Qizilqum jamoalari o'rtasidagi o'yinning eng qiziqarli lahzalari aks etgan fotogalereyani tomosha qiling.
Neftchi — Qizilqum jamoalari o'rtasidagi bellashuvdan fotogalereya!
Koffi Kouao – Neftchi jamoasining yangi a'zosi. Tajribali himoyachi faoliyatini O‘zbekiston Superligasida davom ettiradi.
Jamoamiz ikkinchi davra oldidan himoya chizig‘ini yanada mustahkamlash maqsadida tarkibini yangi futbolchi bilan kuchaytirdi. Tajribali qanot himoyachisi Koffi Kouao endilikda jamoamiz sharafini himoya qiladi.
To‘liq ismi: Koffi Franck Kouao
Tug‘ilgan sanasi: 1998-yil 20-may
Tug‘ilgan joyi: Abidjan, Kot-d’Ivuar
Fuqaroligi: Kot-d’Ivuar
Bo‘yi: 1,73 metr
Asosiy pozitsiyasi: O‘ng qanot himoyachisi
Qo‘shimcha pozitsiyalari: Chap qanot himoyachisi, o‘ng yarim himoyachi
Oyog‘i: O‘ng
Faoliyati
Koffi Kouao futbolchilik faoliyatini Kot-d’Ivuarning mashhur ASEC Mimosas akademiyasida boshlagan. Keyinchalik Portugaliyaning Vizela klubiga ko‘chib o‘tgan va aynan shu yerda professional faoliyatini boshlagan. Faoliyati davomida Moreirense hamda Famalikão klublarida ijara asosida to‘p surgan. 2022-yilda Fransiyaning Metz klubiga transfer qilinib, jamoaning asosiy himoyachilaridan biriga aylangan.
Xalqaro faoliyati
Kouao Kot-d’Ivuar U-23 terma jamoasi sharafini himoya qilgan va yoshlar o‘rtasidagi xalqaro musobaqalarda ishtirok etgan.
Koffi Kouao tezkorligi, kurashuvchanligi va himoyadagi ishonchli harakatlari bilan ajralib turadi. U qanot bo‘ylab faol o‘ynaydi, hujumlarga qo‘shila oladi, aniq uzatmalar amalga oshiradi hamda zarurat tug‘ilganda chap qanot himoyasida ham samarali harakat qiladi.
Futbolchi 2026-yil yozida Metz bilan shartnomasi yakunlangach, erkin agent maqomiga ega bo‘ldi. Professional faoliyati davomida Fransiya va Portugaliya chempionatlarida 200 dan ortiq rasmiy uchrashuvlarda maydonga tushgan tajribali himoyachi hisoblanadi.
Ayni paytda Transfermarkt portali Koffi Kouaoning transfer qiymatini 2,5 million yevro etib baholamoqda. Mazkur ko‘rsatkich uni O‘zbekiston futbolidagi eng qimmat transfer qiymatiga ega futbolchiga aylantiradi. Shuningdek, Kouao transfer qiymati bo‘yicha O‘zbekiston Superligasi tarixida to‘p surgan eng qimmat futbolchilar qatoridan joy olmoqda. Uning tajribasi, tezkorligi va himoyadagi ishonchli o‘yini jamoamiz mudofaa chizig‘ini yanada mustahkamlashi kutilmoqda.
Xush kelibsiz, Koffi Kouao!
O‘zbekiston Superligasidagi vodiy derbisi Braziliyaning MatchdayTV telekanali orqali ilk bor jonli efirda namoyish etildi.
Vodiy derbisi nafaqat O‘zbekiston, balki xorij futbol jamoatchiligi tomonidan ham katta qiziqish bilan kuzatildi. Mamlakatimiz futbolining eng murosasiz qarama-qarshiliklaridan biri yana bir bor o‘zining yuqori atmosferasi, muxlislar faolligi va maydondagi keskin kurashi bilan xalqaro auditoriya e’tiborini tortdi.
Ahamiyatlisi, Braziliyaning xususiy internet telekanali MatchdayTV o‘z faoliyati davomida ilk bor O‘zbekiston Superligasi uchrashuvini jonli efirda namoyish etdi. Vodiy derbisini braziliyalik sharhlovchi Lucas Vinísius de Souza sharhlab bordi. Jonli efir Braziliya bilan bir qatorda Janubiy Amerikaning boshqa davlatlaridagi futbol ixlosmandlari tomonidan ham kuzatildi.
So‘nggi yillarda O‘zbekiston futboliga, xususan, Superligamizga bo‘lgan xalqaro qiziqish tobora ortib bormoqda. Ayniqsa, to‘la stadionlar, yorqin muxlislik muhiti va keskin raqobatga boy uchrashuvlar xorijiy futbol ixlosmandlari e’tiborini o‘ziga jalb qilmoqda. Vodiy derbisining Janubiy Amerikada namoyish etilgani ham buning yaqqol isbotidir.
Bunday translyatsiyalar O‘zbekiston Superligasining xalqaro maydondagi nufuzini oshirish, klublarimizni kengroq auditoriyaga tanitish va futbolchilarimizning salohiyatini dunyoga namoyish etish yo‘lida muhim ahamiyat kasb etadi. Xususan, Neftchi kabi tarixga ega klublarning xorij auditoriyasi oldida namoyon bo‘lishi o‘zbek futbolining xalqaro imijini mustahkamlashga xizmat qiladi.
Ishonamizki, bunday tashabbuslar kelgusida ham davom etadi va O‘zbekiston Superligasi uchrashuvlari dunyoning yanada ko‘proq mamlakatlarida jonli efir orqali namoyish etiladi.
Farg‘onaning Neftchi klubi 20 yillik tanaffusdan so‘ng safar o‘yinida raqib darvozasiga 5 ta gol kiritishga muvaffaq bo‘ldi.
Neftchi 20 yildan so‘ng ilk bor safarda 5+ gol kiritdi. Bu ishni so‘nggi bor farg‘onaliklar 2006-yilda Yuriy Sarkisyan boshqaruvida Xorazm maydonida uddalagan edi.
Fikr qoldirish va reaksiya uchun Telegram orqali kiring.