#Raphinha — yangiliklari

❓Bu sizning "Barsa" murabbiyi sifatidagi uchinchi mavsumingiz. Jamoa bu mavsumni avvalgilaridan farqli ravishda boshlagandek – bu uchtasidan eng yaxshisi: ko'plab gollar, pressing... Yozda nima o'zgardi, jamoa jismonan nega bunchalik yaxshi ko'rinmoqda?

🗣 Xansi Flik: "O'ylaymanki... Xo'sh, biz hali mavsum boshidamiz va uning oxirigacha hali ko'p vaqt borligini yaxshi bilamiz. Aprel va may oylarida sovrinlar uchun kurashish kerak bo'ladi... Ammo hozircha hammasi juda yaxshi, shunchaki a'lo darajada ko'rinmoqda. Biz juda qattiq ishlayapmiz deb hisoblayman. Har kim o'z ustida ishlashni, yaxshiroq bo'lishni xohlaydi. Bu jamoaga ham ta'sir qilmoqda: o'yinlarda qanday harakat qilayotganimizda. Bu ajoyib vaziyat. Biz ishlayotgan intensivlik... Bu bizning o'yin falsafamiz uchun juda muhim. Eng asosiysi shu. Qanday qilib pressing qilayotganimiz... Jamoa sifatida... Bu men ko'rayotgan eng ijobiy narsa: hammasi buni himoyada ham, hujumda ham bajarishmoqda. Biz hamjihat harakat qilyapmiz, o'yinchilar orasidagi masofa qisqa. Shu sababli, to'pni yo'qotganimizda, darhol pressingni boshlay olamiz. Bugun qiyin bo'ldi, chunki "Feyenoord" yaxshi futbol namoyish etdi. Bu menga yoqdi. Shuningdek, Chempionlar ligasida har bir jamoa yuqori saviyaga ega ekanligi va u yerda o'ynashga loyiqligi ko'rinib turibdi. Har bir jamoani hurmat qilish kerak, eng asosiysi shu".

❓Bunda kiyinish xonasining roli qanday? Yangi o'yinchilar kelmoqda va ularga jamoaga moslashish uchun ko'p vaqt kerak bo'lmayapti. Nafaqat o'yin jihatidan, balki kiyinish xonasida ham. Kiyinish xonangizni qanday baholaysiz va yangi futbolchilarning moslashuvi qanday kechmoqda?

🗣 Xansi Flik: "O'ylaymanki, mening murabbiylar shtabim... Nafaqat taktika va o'yin bo'yicha murabbiylar, balki jismoniy tayyorgarlik bo'yicha murabbiylar, har bir mutaxassis... Ular ajoyib ish bajarishmoqda. Bu yerda har kim o'zini yaxshi his qilmoqda. Gap bizning konsepsiyamizni yetkazish va futbolni qanday o'ynashni xohlashimizni ko'rsatish haqida bormoqda. Hozir vaziyat unchalik oson emas, chunki qo'lingizda shunchalik yuqori saviyali futbolchilar bo'lsa, ularning har biri o'ynashni xohlaydi. Biz buni boshqarishimiz kerak. Ammo biz jamoa va klubga e'tibor qaratganmiz. Eng asosiysi shu: maqsadlarimizga erishish. Hammasi shu yo'ldan bormoqda. Bu mashg'ulotlarda ko'rinib turibdi. Ularda eng yuqori saviya hukmron. Ayniqsa, Valensiyadagi o'yindan keyin: keyingi tiklanish mashg'ulotlari so'nggi ikki yildagi eng yaxshilaridan biri bo'ldi, hatto "Bavariya"da murabbiy bo'lib ishlagan davrim bilan solishtirganda ham. Bu aql bovar qilmas edi. Bizga aynan shu narsa kerak: hozirgidek har bir mashg'ulotdagi munosabat. Men faxrlanaman va baxtliman".

❓Muxlislar o'yinchilarni olqishlashi odatiy hol, ammo murabbiy uchun buni qilishlari normalmi? "Kamp Nou"dagi olqishlar siz uchun nimani anglatadi?

🗣 Xansi Flik: "O'ylaymanki, "Barsa" murabbiyi bo'lganimdan juda xursand ekanligim hammaga ma'lum. Muxlislar bilan, shuningdek, butun shahar bilan o'rnatgan munosabatlarimiz... Bu aql bovar qilmas darajada. Bu fantastik vaziyat, bu boshqacha mentalitet. Bu men avval bilgan narsalardan butunlay farq qiladi. Buni boshdan kechirayotganimdan faxrlanaman. Bu tushdan ham ortiqroq".

❓Siz hozirgina "Bavariya"ni esladingiz. Sizda bo'lgan o'sha jamoa... Sifat jihatidan bunisiga o'xshaydimi? Aytgancha, Karim Adeyemining golni qanday nishonlaganini ko'rdingizmi?

🗣 Xansi Flik: "Xo'sh, u buni qilishni biladi... Men bu ikki klubni va bu ikki tarkibni solishtirmoqchi emasman. Men Myunxenda fantastik vaqt o'tkazganman. Menda fantastik jamoa bor edi. Hozir esa hammasi boshqacha. Bu hayotimdagi boshqa bosqich. Va aytganimdek: men "Barselona"dagi har bir kunni juda qadrlayman. Nafaqat men, balki butun murabbiylar shtabi, oilam... Bu meni juda xursand qiladi va men buning uchun minnatdorman".

❓Rafinya bugun juda yaxshi o'yin o'tkazdi. Uni qanday baholaysiz? Shuningdek, Pedri ham o'zini a'lo darajada ko'rsatdi. Ikkalasi ham "Oltin to'p"ga nomzodlar ro'yxatiga kiritilmadi. Bu haqda nima deb o'ylaysiz?

🗣 Xansi Flik: "Xo'sh, albatta, ular fantastik o'yin o'tkazishdi. Va albatta, ikkalasi ham u yerda bo'lishi kerak edi. Ular u yerda bo'lmaslik uchun juda yaxshi o'yinchilar, ammo yakunda biz bu borada hech narsa qila olmaymiz. Shunday bo'lib qoldi. Ular ajoyib futbolchilar va bu ro'yxatda bo'lishga loyiqdirlar".

🔚 Flik matbuot anjumani yakunlandi.

Joriy yilda klub transferlar uchun rekord darajada mablag' sarfladi. Bu sizda qandaydir alohida fikrlarni uyg'otadimi? Bu siz uchun ko'proq bosim, katta mas'uliyatni anglatadimi yoki bunga befarqmisiz? Yoki bu shunchaki Dekuning ishimidi?

Hansi Flik: «Biz bu qarorlarni birgalikda qabul qildik. Vaziyatdan juda mamnunman. Futbolchilarning bir qismi ketganda, boshqalarni jalb qilish kerakligi tabiiy hol. La Masiyada o'sgan futbolchilar bilan gaplashib, rivojlanish uchun boshqa joyga o'tish vaqti kelganini aytish men uchun oson emas. Har bir La Masiya tarbiyalanuvchisi uchun «Barsa»da o'ynash eng katta orzu ekanligini bilaman va bu tabiiy. Ammo biz har bir futbolchiga nisbatan halol bo'lishimiz kerak.

Bu mavsumda oldimizga katta maqsadlar qo'yganmiz, biz — «Barselona»miz va sovrinlar yutishni istaymiz. Shuning uchun jamoa darajasi va sifatini oshirish yaxshi va biz aynan shuni qildik. Hozir hamma narsa juda yaxshi ko'rinmoqda, shuning uchun men xursandman. O'zgarishlar hayotda ham, futbolda ham normal holat. Shunday bo'ldi va biz shu yo'ldan borishimiz kerak. Biz qilgan ishlarimizga yuz foiz ishonchimiz komil. Bu jamoa bilan ishlashdan mamnunman».

Rafinya mavsumni uchta o'yinda beshta gol bilan boshladi. U siz bilan o'tkazgan birinchi mavsumida 34 ta gol urgandi, o'tgan mavsumda esa atigi 33 ta o'yinda maydonga tushib, 21 ta gol kiritdi. Rafinyani jarima maydonchasiga yaqinroq joylashtirish qarori aynan uning samaradorligi bilan bog'liqmi yoki bu uning eng yaxshi pressing qilishi bilan izohlanadimi? Balki gap Gordon o'zini qanotda qulayroq his qilsa, uni cheklamashdadir. Rafinyani bu rolda sinab ko'rishda nima asosiy rol o'ynadi?

Hansi Flik: «Rafa hatto chap qanotda o'ynaganda ham doim markazga intiladi. O'ylaymanki, u uchun o'yinga jalb qilingan bo'lish muhim va hozirgi vaqtda u buni juda a'lo darajada bajaryapti. Hozir u biz uchun bu pozitsiyadagi eng yaxshi variant. Shuningdek, u hujumlarimizga dinamika bag'ishlashi va pressingni boshlab berishini doim takrorlayman, chunki u katta intensivlik va tezlikka ega, bu esa bizga juda yordam beradi. Ammo qolganlar ham, ayniqsa, himoyada, har bir futbolchi o'yinga jalb qilingan holda doimiy diqqatni jamlashgan. Biz jamoa sifatida yaxshi himoyalanyapmiz va bu muhim. Biroq men uchun Rafa hozir bu pozitsiyadagi eng yaxshi variantimiz».

Ispaniya terma jamoasi safida JCHda ishtirok etgan bir nechta futbolchilar bor, masalan, Kubarsi. Pedri va Rodi haqida yaqinda ko'p o'ynashni xohlashlari va ba'zida ularni tiyib turish kerakligi haqida gapirgandingiz. Ba'zi o'yinlarda ular zaxiradan maydonga tushishdi. Lamin masalasida esa hammasi boshqacha: u uchta o'yinning barchasida asosiy tarkibda maydonga tushdi, oxirgi ikkitasida esa 90 daqiqa o'ynadi. Nega Lamin bilan hammasi boshqacha? Nega JCHdan keyin u doim asosiy tarkibda chiqadi va ertangi o'yinni zaxirada boshlashi mumkinmi?

Hansi Flik: «Ertangi kunga kelsak, kutishimizga to'g'ri keladi. Bugun hali hech narsa deya olmayman. U o'zini qanday his qilishini ko'rishim kerak va balki unga dam berish yoki asosiy tarkibda maydonga tushirish to'g'risida qaror qabul qilamiz. U bilan gaplashaman va shundan keyin qaror chiqaramiz.

Lamin — futbol o'ynashni xohlaydigan futbolchi. U alohida yugurishni yoqtiradiganlardan emas, biz esa buni tez-tez qilib turardik. Hozir bu borada qanday darajada ekanligimiz ham ko'rinib turibdi. Men uchun birinchi uy o'yinida u 90 daqiqa o'ynagani muhim edi, chunki keyin uning kayfiyati va atrofidagi hamma narsa ancha yaxshi ko'rinayotgani ma'lum bo'ldi. U o'ziga kerakli darajaga yaqinlashganini his qildi. Ayniqsa, oxirgi o'yinda u juda yaxshi o'ynadi. Bu uning tomonidan ajoyib o'yin bo'ldi va u 90 daqiqa dosh bera olishini ko'rsatdi. Shuningdek, u uchun keyingi kuni mashg'ulotda qatnashgandan ko'ra, 90 daqiqa o'ynab berish ancha foydaliroq deb hisoblayman. Shu bois, uni maydonda qoldirish to'g'ri qaror edi, ertasi kuni esa tiklanish uchun vaqt berdik. O'ylaymanki, biz to'g'ri yo'l tutdik va bu uning uchun ham foydali bo'ldi».

Matbuot anjumani yakunlandi.