England — yangiliklari Transfer

«Milan» Omari Xatchinson transferini rasman e'lon qildi.

Xatchinson — chap oyoqda harakatlanuvchi hujumkor qanot futbolchisi, shuningdek, Angliya o'smirlar terma jamoalarida ham o'ynagan. 2025-yil iyun oyida u Angliya yoshlar terma jamoasi (U-21) tarkibida Slovakiyada o'tkazilgan Yevropa chempionatida g'olib chiqqan.

«Milan» safida Omari Xatchinson 20-raqam ostida to'p suradi.

Kertis Jons borasida hech qanday yangilik yo'q. Andoni Iraolaning yarim himoyachini olib qolish istagiga qaramay, Jons "Inter"ga o'tishni istamoqda va Italiyaga yo'l olish uchun "Liverpul"dan ketishga qat'iy qaror qilgan.

Gianluigi Longari xabariga ko'ra, "Liverpul" hamon 40 million yevro talab qilmoqda va kelajakda uni tekinga boy berish xavfi bo'lsa ham, narxni tushirishdan bosh tortmoqda.

Grem Smitdan yangi insaydlar:

• Jeyms Trafford «Lids» uchun doimo «birinchi raqamli» nishon bo'lib qolgan. Dzion Sudzuki kabi boshqa variantlar ham ko'rib chiqilgan, biroq klub ular bo'yicha faol qadam tashlamagan. «Oqlar» «Manchester Siti» darvozabonini qo'lga kiritish imkoniyatini kutishgan.

• «Elland Roud»da Yulian Brandt yaqin vaqt ichida o'z kelajagi borasida qaror qabul qilishi kutilmoqda. Hozirda nemis hujumkor yarim himoyachisi «Bayer» bazasida shug'ullanmoqda va unga taklif qilingan variantlarni o'ylamoqda.

• «Valensiya» Larji Ramazanini qaytarishga jiddiy qiziqish bildirmoqda.

• Jek Harrison «Nyu-Inglend Revolyushn»ga o'tishga yaqin. «Lids» u uchun ma'lum bir mablag' oladi, bu esa vingerning maoshidan qutilish bilan birga klub uchun moliyaviy yordam bo'ladi.

Tom Kollomoss xabariga ko'ra, Milan Omari Xatchinson bilan qiziqish bildirmoqda. Futbolchining o'zi ham ushbu transferga qarshi emas.

The Athletic xabariga ko'ra, "Inter" Curtis Jones uchun taklifini 35 million yevrogacha oshirishga tayyor. "Liverpool" futbolchini taxminan 40 million yevroga baholayotganini hisobga olsak, tomonlar kelishuvga erishishi ehtimoli ortib bormoqda.

Futbolchining shartnomasi yakuniga yetishiga bir yil qoldi va uni uzaytirish bo'yicha hech qanday qadam tashlanmadi. Shu sababli, tomonlar uchun xayrlashuv eng mantiqiy yechim bo'lishi mumkin.

O'tgan yilning noyabrida Thomas Tuchel uni chaqirishni to'xtatgunga qadar Angliya terma jamoasi tarkibida bo'lgan Jones rotatsiya elementi emas, balki jamoaning asosiy o'yinchilaridan biri bo'lishni istaydi. Bu esa "Liverpool"da ro'y berishi qiyin.

Daily Mail xabariga ko'ra, Jeyms Trafford "Lids"da o'z kelajagini qurish va Angliya terma jamoasi darvozasida Jordan Pikfordning asosiy raqobatchisiga aylanish imkoniyatini ko'rmoqda.