Qizilqum — yangiliklari Transfer

Luka Ratkovich bilan tuzilgan shartnoma bekor qilindi

Mavsumning ikkinchi qismida jamoamiz tarkibiga kelib qo'shilgan serbiyalik hujumchi Luka Ratkovich o'z xohishiga ko'ra klub bilan tuzilgan mehnat shartnomasini bekor qildi.

Eslatib o'tamiz, Luka Ratkovich «Qizilqum» tarkibida jami 5 ta bahsda maydonga tushgan edi.

Ratkovichga keyingi faoliyatida omad tilaymiz. Barchasi uchun rahmat Luka!

✅ Ruslan Roziyev — «Qizilqum» futbolchisi!

Jamoamizning hujum chizig’ini kuchaytirish maqsadida navbatdagi transfer amalga oshirildi.

Faoliyati davomida Belarusiyaning «Neftan», Qirg’izistonning «Bishkek Siti», Toshkentning «Paxtakor», Bekobodning «Metallurg» hamda Farg’onaning «Neftchi» jamoalarida faoliyat yuritgan iqtidorli hujumchi Ruslan Roziyev endilikda «oltin izlovchilar» sharafini himoya qiladi.

24 yoshli hujumchi poytaxtning «Paxtakor» klubi akademiyasi tarbiyalanuvchisi hisoblanadi. Faoliyati davomida 75 dan ortiq o’yinda maydonga tushib 20 dan ziyod gol urishga erishgan.

Ruslanga jamoamizdagi faoliyati davomida omad tilab qolamiz!

📌 O'tgan yili Samarqandning «Dinamo» jamoasida harakat qilgan brazilyalik yarim himoyachi Duglas Maykon endilikda "oltin izlovchilar" sharafini himoya qiladi. Futbolchi klub rahbariyati bilan mavsum yakunigacha shartnoma imzoladi.

📋 Eslatib o'tamiz, Duglas Maykon hozirgacha Superliga bahslarida 22 o'yinda maydonga tushib, raqiblar darvozasini bir bor ishg'ol etgan. Qolaversa futbolchi O'zbekiston kubogi musobaqasida ham uch bor maydonga tushishga ulgurgan.

Roman Papariga — «Qizilqum» futbolchisi!

O’tgan mavsumda jamoamiz tarkibida to’p tepgan ukrainalik hujumchi Roman Papariga yana «Qizilqum» ga qaytdi. Futbolchi va klub rahbariyati o’rtasida mavsum so’nggigacha bitim imzolandi.

Eslatib o’tamiz, Roman Papariga klubimiz tarkibida umumiy hisobda 28 ta bellashuvda maydonga tushib 3 marotaba raqib darvozasini ishg’ol etgan hamda 2 marotaba golli uzatmani o’z hisobiga yozdirib qo’ygan.

Ozod Ergashev «Qizilqum» ga qaytdi!

Toshkentning «Olympic Mobiuz» jamoasida to'p surib kelayotgan yarim himoyachi Ozod Ergashev mavsumning ikkinchi davrasida jamoamiz sharafini himoya qiladi. Navoiylik yarim himoyachi 2023-yildan beri poytaxt jamoasida ijara asosida harakat qilib kelayotgan edi.

Elbek Otaqulov — «Qizilqum» futbolchisi!

Qarshining «Nasaf» akademiyasi tarbiyalanuvchisi, Qarshi davlat universitetining «Lochin» klubi a'zosi Elbek Otaqulov mavsum oxirigacha jamoamiz sharafini himoya qiladi.

Elbekjon ushbu mavsumda «Lochin» tarkibida, Pro liga bahslarida jami 12 ta bahsda maydonga tushib, raqib darvozasini 3 marotaba ishg'ol etgan. Undan tashqari 27 yoshli himoyachi O'zbekiston kubogi bahslarida ham 3 ta bellashuvda qatnashgan.

Elbek Otaqulovga klubimizdagi faoliyatida omad va zafarli onlarni tilab qolamiz!