#Luis Garsiya — yangiliklari

Uchrashuv yakunlandi! Yana 3 ochko jamg'arildi! 🎉

Deportivo 0:1 Sevilya ❤️

O'yin bo'yicha: «Sevilya» haqli ravishda yaxshiroq o'ynadi, ko'proq zarba berdi, ko'proq yugurdi, to'pni toza olib qo'ydi va ENG ASOSIYSISI, himoyada strukturani ushlab turdi. Aynan himoyadan kelib chiqib «Sevilya» o'z jamoasini qurishi kerak, deb aytgandi Luis Garsiya va hozir uning jamoasi buni juda muvaffaqiyatli uddalamoqda.

Uchrashuv omadli chiqdi: Luis Garsiya deyarli o'zgarish ham qilmadi, bugun maydonga tushmagan barcha futbolchilar «Barselona»ga qarshi o'yinga tetik holda chiqishadi. Garchi, maydonga tushganlar ham o'yin oxirida biroz bo'shashib, gol urishga yoki darvozaga zarba berishga intilmay, juda ehtiyotkorlik bilan o'ynashgan bo'lsa-da, natija uchun juda xavotirda edim, chunki bunday vaziyatlarda ko'pincha jazolashadi, ammo «Sevilya»ni jazolashmadi va bu eng asosiysi.

3 ochko hidlanmaydi, ayniqsa chempionat startida 18 ochkodan 13 tasini qo'lga kiritganda. Butun jamoaga va alohida Luis Garsiyaga katta hurmat, bugun biz yana bayram qilamiz!

Barchani g'alaba bilan tabriklayman! ❤️🤍🎉

🎙️ Luis Garsiyaning «Deportivo»ga qarshi o'yin oldidan matbuot anjumani:

«Jamoa yaxshi formada, startimiz muvaffaqiyatli chiqdi va bu yaqqol ko'rinib turibdi».

«Raqibimiz hali mag'lubiyatga uchramadi va hamma narsani to'g'ri bajarmoqda. Bu Segundadan chiqqan, kuchli moliyaviy ko'makka ega va ulkan ish bajargan yangi jamoa».

«Kardoso har tomonlama «Sevilya» o'yinchisi, ammo u biz unga ishonmasligimizni biladi va boshqa klub izlashi kerak. Bu menga yoqmaydigan vaziyatlardan biri».

«Bu tavakkalchilik, ammo biz o'yinning katta qismini raqib maydonida o'tkazishga harakat qilamiz. Bu mening o'yin falsafam».

«Ushbu o'yin bizda hech qanday muammo tug'dirmayapti, jamoa to'liq tiklanib oldi. Muammo «Deportivo» bilan o'yindan keyin va «Barselona»ga qarshi bahs oldidan yuzaga keladi. Agar o'yinchilarda eng kichik xavotir bo'lsa ham, tavakkal qilmaymiz».

«Liga boshlanishi g'ayritabiiy kechdi, tarkib to'liq bo'lmagan holda uchta tur o'tkazdik. Biz o'sishimiz kerak, ammo bu doimo g'alaba qozonish degani emas. Men hali maydonda ko'rishni istagan barcha narsalarni ko'rmayapman».

«Fofana kelishi Gilyendan daqiqalarni «tortib oldi». U juda yosh yigit va o'zini o'tgan safargi filial bilan o'yindagi kabi doimiy ko'rsatib borishi kerak».

«O'ylaymanki, raqib darvozamiz oldida imkon qadar kam vaziyat yaratishiga intilishimiz kerak. Bu har qanday futbol jamoasi uchun asosdir».

«Agar hamma narsa biz xohlagandek ketsa, Ruben Vargas terma jamoalar tanaffusidan keyin mashg'ulotlarga qaytadi».

«Bugun stadionda bizni qo'llab-quvvatlaydigan har bir muxlisga minnatdorchilik bildiraman. G'alabani kafolatlay olmayman, lekin bor kuchimizni berishimizga va'da beraman. Safarda bizni qo'llab-quvvatlaydigan 1000 nafar muxlisning borligi bizni juda ruhlantiradi».

«Har qanday o'yinchiga moslashuv kerak, ammo Feliksning o'sishi yaqqol ko'rinib turibdi. Debyut o'yinga katta ahamiyat bermaslik kerak, vaqt o'tishi bilan baholanishi kerak bo'lgan narsalar bor».

🎙️ Luis Garsiyaning «Valensiya»ga qarshi o'yin oldidan matbuot anjumani:

«Biz mavsum boshidamiz. Yaxshi boshlab, yomon yakunlaydigan yoki aksincha bo'lgan jamoalar bor».

«Valensiya» — buyuk klub va ularda juda yaxshi futbolchilar bor. Ular 5 yildan beri bizning stadionda mag'lub bo'lishmayapti».

«Hozirgi «Sevilya» menga o'tgan mavsumdagiga qaraganda ko'proq yoqmoqda. Biz juda dramatik vaziyatlarni boshdan kechirdik, ammo xotirjamlikni saqlash kerak. Jamoa menda yaxshi taassurot qoldirmoqda, kim o'ynashi va qanday o'ynashimizni aniq bilaman».

«Balki, biz ikki hujumchi bilan o'ynarmiz, balki uch yarim himoyachi bilan. Tarkib bizga bularning barchasi uchun imkoniyat bermoqda».

«Bizda hali ham 90 daqiqa o'ynashga tayyor bo'lmagan futbolchilar bor».

«Bizning g'oyamiz — intensiv va kuchli jamoa sifatida o'ynash. Biz har doim g'alaba uchun o'ynaymiz va buni allaqachon isbotlaganmiz».

«O'z darvozamiz oldida ishonchliroq bo'lishimiz kerak, buning ustida ishlashga to'g'ri keladi».

«Markao «Valensiya»ga qarshi o'yin qaydnomasiga kiritiladi. Unga hali jismoniy forma yetishmayapti va Xuan Iglesias hamda Munyos bu pozitsiya uchun ustuvorroq tanlov bo'ladi».

«Sangante mavsum boshida juda omadsizlikka uchramoqda, ammo u bildirilgan ishonchni oqlaydi. Uning tushkunlikka tushganini ko'rdim va unga shuni aytmoqchimanki, men uni har tomonlama qo'llab-quvvatlayman. U maydonda borini bermoqda, ammo avval diskvalifikatsiya, keyin esa bu jarohat… Ishonchim komilki, u «Sevilya»ga ko'p quvonch olib keladi».

«Valensiya — Ispaniyadagi buyuk klub va men ularga aynan shunday munosabatdaman».

«Kike Salas hozir ajoyib formada. U yetakchi va o'ylaymanki, u o'zining eng yaxshi versiyasiga yaqinlashmoqda. Bugungi kunda, va umid qilamanki, bu o'zgarmaydi, u jamoaning eng muhim futbolchilaridan biri».

«Futbol — bu xato va muvaffaqiyatlarga to'la sport. Umuman olganda, biz yaxshi himoyalanyapmiz, ammo shaxsiy xatolarimiz bizni qattiq jazolamoqda».

«Ruben Vargas men uchun juda muhim futbolchi va unga eng yaxshi darajasini tiklashi uchun barcha imkoniyatni hamda ishonchni beraman».

«Agume ham o'zini juda yaxshi ko'rsatmoqda. U o'tgan mavsum oxirida meni xursand qilgandi, bu mavsumni esa shunchaki a'lo darajada boshladi».

«Eng muhimi — gol urish, ammo barcha futbolchilarim bilishadiki, men bilan faqat tinimsiz mehnat qiladiganlar qoladi. Kim ishlamasa, mening jamoamda imkoniyatga ega emas. Hozir hujum chizig'ida katta raqobat bor».

Luis Garsiya "Barselona"ga qarshi o'yindan so'ng, terma jamoalar tanaffusi vaqtida jamoaning uchinchi sardorini tanlab oladi. ✅

Umuman olganda, "Sevilya"da jami 6 nafar sardor bo'ladi, ulardan uchtasini jamoa futbolchilari o'zlari saylab olishadi.