Luis Garsiya: «Eduke qoldi va u hozir mening futbolchim»
Luis Garsiya «Rayo Valyekano»ga qarshi o'yindan so'ng transferlar, Eduke va jamoaning ruhiy holati haqida gapirdi.
🎙️ Luis Garsiya «Rayo Valyekano»ga qarshi o'yindan so'ng o'z fikrlari bilan o'rtoqlashdi:
«Eduke ketishga tayyor edi, biz unga o'rinbosar ham topgandik, ammo u qoldi va hozir u mening futbolchim».
«31-avgust kuni tarkibda kimlar qolishini bilmayman. Biz har qanday vaziyatga tayyormiz».
«Bizga futbolchilar kerak, ko'proq futbolchi kerak, bu aniq. Hozir transfer oynasi ochiq va yana ko'plab o'yinchilar ketishi mumkin».
«Meni eng ko'p tashvishga solayotgan narsa – bu g'alaba. Oldinda yana 40 ochko bor».
«Sangante birinchi bo'limni juda yomon o'tkazdi. Tanaffusda undan ko'zimga qarashini so'radim, lekin u buni qilmadi. Shunga qaramay, ikkinchi bo'limda u ajoyib o'yin ko'rsatdi va g'alaba qozonishimizga yordam berdi».
«Ikkinchi penalti vaziyatida asosiy xizmat Manu Buenoga tegishli. Robbi Yur ham juda yaxshi harakat qildi, biz undan kutgan barcha narsani bajardi. U biroz sarosimada ekanligini ko'ryapman, lekin bu tabiiy hol».
«Jamoa o'yinni yaxshi boshladi, ammo 4-daqiqadagi xato bizga noqulaylik tug'dirdi. Keyin bekor qilingan penalti ham ruhiy zarba bo'ldi, biroq biz psixologik jihatdan sindirish qiyin jamoa ekanligimizni ko'rsatdik».
