#Unai Emeri — yangiliklari

Unai Emeri "Man Siti"ning moliyaviy qoidabuzarliklari haqida:

"Bu muammo haqida allaqachon bilishardi. Hammada o'z cheklovlari bor va biz ularga rioya qilish uchun futbolchilarni sotishga majburmiz. Yangi futbolchilar bilan qanday shartnoma imzolash haqida o'ylash kerak.

Moliyaviy adolat - bu balans: faqat topganingni sarflaysan, inflyatsiyasiz. Ammo ko'plab klublar byudjetni oshirib yuborishgan va endi bu narsalar yuzaga chiqmoqda. "Manchester Siti"ni qanday jazo kutmoqda?

Buni sudlar va rasmiylar hal qiladi. Menga achinarli, chunki o'sha jamoa qanday o'ynaganini hisobga olish kerak. Gvardiola qo'l ostida ularni yengish ba'zida imkonsiz edi".

Fabrisio Romano xabariga ko'ra, «Aston Villa» Nikolas Jekson va uning vakillari bilan shaxsiy shartnoma shartlari bo'yicha kelishuvga deyarli erishdi.

Unai Emeri transferni amalga oshirishga qattiq urinmoqda va endilikda klublar rasmiy muzokaralarni boshlashdi. «Aston Villa» futbolchi uchun 60 million funt sterlingdan ortiq mablag' sarflashga tayyor.

🚨 Fabrisio Romano xabariga ko'ra, «Atletiko» Jeksonning vakillari bilan aloqada, ammo «Aston Villa» muzokaralarda ancha ilgarilab ketdi.

Jekson Unai Emeri boshqaruvidagi jamoa bilan shaxsiy shartnoma shartlari bo'yicha kelishuvga yaqin turibdi.

«Aston Villa» futbolchi uchun taxminan 60 million funt sterling va bonuslar taklif qilishga tayyor, «Chelsi» esa ushbu taklifni qabul qilishga yaqin.

The Athletic (Devid Ornsteyn) xabariga ko'ra, Alehandro Garnacho "Aston Villa"ga ijaraga o'tmoqda. Kelishuvda ma'lum shartlar bajarilganda futbolchini sotib olish majburiyati ham ko'zda tutilgan.

Alehandro Garnacho "Chelsi"dan "Aston Villa"ga ijaraga o'tmoqda. 22 yoshli vinger shartli ravishda sotib olish majburiyati bilan "Aston Villa" safiga qo'shiladi. Tibbiy ko'rikdan o'tildi va Argentina terma jamoasi a'zosi transferni yakunlash uchun Birmingemda. Doimiy transfer amalga oshgach, 4 yillik shartnoma imzolanadi. Bu transfer tashabbuskori Unai Emeri.

🚨 "Aston Villa" bir necha haftadan buyon Martin Baturinaga qiziqish bildirmoqda.

✅ Agar Morgan Rojers transferi yakunlansa, "Komo" yarim himoyachisi birmingemliklar klubining yozgi transfer oynasidagi eng qimmat xaridi bo'lishi mumkin.

Baturina "Komo" safidagi muvaffaqiyatli mavsumdan so'ng Yevropa klublari e'tiborini tortishda davom etmoqda, Unai Emerining qiziqishi esa xorvatiyalik futbolchining yuqori saviyasini tasdiqlaydi.

📰 Germanijak

Kiran Gill xabariga ko'ra, "Aston Villa" "Chelsi" bilan Morgan Rojers transferi bo'yicha muzokaralar olib borayotgan vaqtda Nikolas Jekson haqida ham so'rab surishtirgan. "Villa" bosh murabbiyi Unai Emeri uzoq vaqtdan beri futbolchining muxlisi hisoblanadi.

Shunga qaramay, muzokaralar dastlabki bosqichdan nariga o'tmadi. "Chelsi" esa Jeksonning kelajagi borasida yaqin kelajakda qaror qabul qiladi.

Jon Persi Alejandro Garnachoning qiymatini oshirmoqda.

Jurnalistning xabar berishicha, argentinalik futbolchi xalqaro tanaffus davomida juda qattiq ishlagan — uch hafta ichida o'ziga xos mini-mavsumoldi tayyorgarligini o'tkazgan. U individual dastur asosida shug'ullangan va klubdagilar uning sezilarli darajada o'sganini allaqachon payqashgan. U taktikani Emeri va murabbiylar shtabi bilan muhokama qilib, o'yin jarayoniga tezroq kirishib ketishga harakat qilgan.

Tanaffus vaqtida Villa o'rtoqlik uchrashuvlarida Sautgempton va Sevilya bilan to'qnash keldi. Garnacho har ikkala bahsda ham gol urishga muvaffaq bo'ldi.

Emeri Garnachoni ketma-ket uchta o'yinda maydonga tushirmayapti, u yangi klubi safida bor-yo'g'i 31 daqiqa harakat qildi.

Angliyada ko'pchilik argentinalik futbolchini o'tgan mavsumdagi Elliott kabi aldab ketishlariga ishonmoqda, buning sababi esa sotib olish majburiyatini faollashtirmaslikdir.

Garnacho o'ziga xos iqtidor egasi, ammo «Villa» biroz oshirib yuborgandek. Ular yosh futbolchilarning taqdirini bunday harakatlar bilan barbod qilishga odatlanib qolishdi.

Boshqa tomondan, Xarvi bilan bog'liq vaziyatdan so'ng, «Chelsi» ham bunday shartlarga rozi bo'lishdan oldin yaxshilab o'ylab ko'rishi kerak edi.

❤️ Luis Garsiya tayinlanganidan beri «Ramon Sanches Pisxuan»da o'tkazgan 7 ta o'yinning 5 tasida g'alaba qozondi. Bu 21-asrda klub murabbiylari orasida qayd etilgan ikkinchi eng yaxshi natija:

• 6/7 — Sampaoli, Emeri va Ximenes

• 5/7 — Luis Garsiya, Machin

Fabrisio Romano xabariga ko'ra, «Aston Villa» Nikolas Jeksonga shartnoma bo'yicha taklif yubordi va tomonlar shaxsiy shartlarni kelishib olish ustida ishlamoqda.

Unai Emeri senegallik hujumchini o'z safiga qo'shib olishni istamoqda. «Aston Villa» tez orada «Chelsi»ga rasmiy taklif bilan chiqishi kutilmoqda.

«Chelsi» «Aston Villa»dan Nikolas Jekson bo'yicha taklif kutmoqda. London klubi «Atletiko» taklif qilayotgan ijara shartnomasidan ko'ra, futbolchini to'liq sotib yuborishni afzal ko'rmoqda. «Ko'klar» hujumchi uchun 65 million funt sterling talab qilmoqda.

«Aston Villa» Jeksonni to'liq transfer qilish uchun eng real nomzod sifatida qaralmoqda. Birmingemliklar klubi yoz davomida senegallik futbolchiga qiziqish bildirib kelgan.

«Al-Hilol» Olli Uotkins bo'yicha yangi taklif bilan chiqish imkoniyatini ko'rib chiqmoqda, Unai Emeriga esa yangi mavsum oldidan hujum chizig'ini kuchaytirish talab etiladi.

Jekson «Vilyarreal»da Emeri qo'l ostida ishlagan va u «Villa Park»da murabbiy bilan yana birga ishlash imkoniyatiga ochiq ekani aytilmoqda. Manbalar transfer bo'yicha kelishuvga erishish imkoniyatlarini optimistik baholamoqda.

«Aston Villa» «Chelsi» bilan 22 yoshli argentinalik vinger Alehandro Garnachoni 2026/27-yilgi mavsum oxiriga qadar ijaraga olish bo'yicha kelishuvga erishdi. Kelishuvda 50 million yevro evaziga sotib olish opsiyasi mavjud bo'lib, u muayyan shartlar bajarilganda majburiy tus oladi. Tibbiy ko'rikdan o'tildi, shaxsiy shartlar bo'yicha esa sotib olish amalga oshirilgan taqdirda kuchga kiradigan to'rt yillik shartnoma kelishib olindi.

Moliyaviy jihatlar:

«Chelsi» Garnachoni 2025-yil sentyabrida «MYu»dan 46,2 million yevroga xarid qilgan edi. Yillik amortizatsiya 9,24 million yevroni tashkil etadi. Balans qoldig'i esa 38 million yevro.

BBC xabariga ko'ra, «Chelsi»da shartlar osonlik bilan bajarilishiga ishonch katta. Agar sotib olish sharti «deyarli muqarrar» deb baholansa, bitim ijara boshlangan paytdan e'tiboran doimiy transfer sifatida qayd etiladi. Biroq, bu baholash klublar va auditorlar ixtiyorida qoladi hamda APL/UEFA tekshiruvidan o'tishi kerak.

Ikkinchi ssenariyda «Aston Villa» 50 million yevroni besh yilga taqsimlashi mumkin (yiliga 10 million yevrodan), «Chelsi» esa transferdan 12 million yevro sof foyda ko'radi va Garnachoning yillik amortizatsiyasi hamda maoshidan xalos bo'ladi.

Kinsella ma'lumotiga ko'ra, «MYu»ning «sell-on» bandi bo'yicha foizi umumiy transfer summasidan 10 foizni tashkil etishi mumkin, Gillning fikricha esa faqat foydadan.

Bu har ikki tomon uchun ham qulay bitim. «Chelsi» o'zini ko'rsata olmagan Garnachodan zarar ko'rmasdan qutulmoqda. «Villa» esa 22 yoshli futbolchini o'z safiga qo'shib oldi, Garnacho esa faoliyatini qayta tiklash ustasi bo'lgan Emeri qo'l ostiga o'tmoqda. 👍

Daily Mail xabariga ko'ra, Alehandro Garnachoning "Chelsi"dan ketishi bo'yicha qaror ikki tomonlama kelishuv asosida qabul qilingan.

Argentinalik futbolchi jamoaga kerak emasligini his qilgan va mavsumoldi tayyorgarligiga kelmagan. Unga klub transfer ustida ishlayotgan vaqtda uyda qolishi mumkinligi aytilgan.

Muvaffaqiyatsiz mavsumga qaramay, "Chelsi"da vingerlarga bozor talabi yuqori ekanligiga ishonch bildirishmoqda. "Aston Villa" futbolchining salohiyatini ko'rib, tavakkal qilishga tayyor, Unai Emeri esa unga o'ziga bo'lgan ishonchni qaytarishda yordam berishi mumkin.

"Chelsi" butun mavsum davomida Garnachoni qo'llab-quvvatladi, ammo yakunda har ikki tomon ham hamkorlik o'z nihoyasiga yetgani va ular bir-biriga mos emasligi xulosasiga keldi.

Fabrisio Romano xabariga ko'ra, Aston Villa Alexandro Garnacho uchun rasmiy taklif yuborgan. Gap futbolchini sotib olish huquqi bilan ijaraga olish haqida ketmoqda.

Unai Emeri Garnachoni o'z jamoasida ko'rishni istamoqda. Ayni damda klub futbolchining vakillari bilan muzokaralar olib bormoqda.

May oyi oxiridan beri Rafael Leao jamoasini o'zgartirmoqchi ekanini va Angliya yoki Ispaniyada o'ynashni orzu qilayotganini ochiq aytib kelmoqda. Biroq, bir oy o'tgan bo'lsa-da, aniq takliflar kelib tushgani yo'q 😕

Agentlar «Manchester Yunayted» va «Chelsi» bilan bog'lanishdi, ammo ular kutgan javobni olishmadi.

Transfer oynasi uchun belgilangan muddat — 29 iyul. Agar futbolchi shu vaqtgacha yangi klub topa olmasa, jamoa bilan Pertga yig'inga borishiga to'g'ri keladi va hozircha ish shu tomonga qarab ketmoqda.

Hozircha faqat quyidagi klublardan real qiziqish mavjud:

«Al-Hilol» (Saudiya Arabistoni) va Istanbulning top-klublari, xususan «Galatasaroy» — ular juda manfaatli shartnoma taklif qilishga tayyor.

Ammo bu variantlarning hech biri Rafael Leaoni Angliyada o'ynash orzusidan voz kechishga unday olmayapti.

Qiziq bir jihat: «Chelsi» Morgan Rojers uchun 100 million funtdan ortiq mablag' sarfladi. Bu esa vinger izlayotgan «Aston Villa» uchun yo'l ochishi mumkin. Agar Unai Emeri futbolchining iqtidoriga ishonsa, ular Leao variantini ko'rib chiqishi mumkin.