Sobiq futbolchi Samuel Umtiti «Barselona»dagi faoliyati va shahar haqidagi iliq xotiralari bilan o'rtoqlashdi.
💭 Samuel Umtiti:
«Barselona»dagi yillarim ajoyib o'tgan. Men u yerda olti yoki yetti yil o'tkazdim va o'zimni juda qulay his qildim.
Barselona — yashash uchun ajoyib shahar. Men futbolchi bo'lganimda uni yaxshi ko'rardim va faoliyatimni yakunlaganimdan keyin ham yaxshi ko'rishda davom etaman».
Samuel Umtiti va Nacho Fernandes "Oltin to'p" sovrini uchun Kilian Mbappeni asosiy nomzod deb bilishadi.
Umtiti ("Barselona" sobiq himoyachisi): "Aynan Mbappe bu yil "Oltin to'p"ni yutishi kerak, chunki u dunyoning eng yaxshi o'yinchisi.
Kilian "Madrid" tarkibida va Fransiya terma jamoasi safida JCH-2026da ajoyib mavsum o'tkazdi, ko'plab gollar urdi. Mbappe "Oltin to'p"ga loyiq.
Nacho: "Oltin to'p"mi? Agar ovoz berishim kerak bo'lsa, men Mbappeni tanlagan bo'lardim. Har yili u yanada tezroq bo'lib bormoqda va ko'proq gol urmoqda"
Samuel Umtiti Lionel Messi va Kilian Mbappe o'rtasidagi farq haqida gapirdi. U Mbappe'ning o'zini tutishi jamoadoshlariga yoqmasligi mumkinligini ta'kidladi.
Samuel Umtiti:
Barcelona'da bo'lgan davrimda Lionel Messi bilan birga o'ynaganman. U o'zining eng yaxshisi ekanini bilardi. Ammo hech qachon "Oltin to'p" haqida bunday bayonotlar bermasdi, bu shunchaki imkonsiz edi.
Kilian esa tabiatan shunaqa va bu uning jamoadoshlarining g'ashiga tegishi mumkin. Shaxsan men uchun buni qabul qilish biroz qiyin.
Samuel Umtiti va Xosep Pedrerol Vinisius Juniorning hozirgi sport formasi hamda uning o'yinidagi pasayish haqida o'z fikrlarini bildirishdi.
Umtiti (eks-himoyachi "Barselona"): "Vinisiusning hozirgi holati? Menga uning achinarlisi shundaki, u bir necha haftadan, oylardan va balki undan ham ko'proq vaqtdan beri eng yaxshi sport formasida emas. Vinisius raqiblarda avvalgidek hech qanday qo'rquv uyg'otmayapti.
U 2024-yilda "Oltin to'p"ni olmaganidan keyin o'zligini yo'qotib qo'ydi. Biz endi o'sha yorqin Vinisiusni ko'rmayapmiz".
Pedrerol (boshlovchi El Chiringuito): "Vinisiusni eng yaxshi formasiga qaytarish kerak va Mourinyu buni biladi".
Samuel Umtiti Andi Diufning qanot himoyasidagi o'yinini tahlil qilib, unga hali ko'p ishlash kerakligini ta'kidladi.
Samuel Umtiti Andi Diuf haqida:
Diuf qanot himoyachisi pozitsiyasida? Agar pozitsiya tanlash haqida gapiradigan bo'lsak, masalan, uzun paslar vaqtida, o'yinni o'qiy olish va yarim burilishda joylashish kerak. Ko'rinib turibdiki, u bu rolga ko'nikmagan: ba'zida u juda frontal joylashadi va keyin yugurish kerak bo'lganda, unga qiyin bo'ladi.
Birga-bir vaziyatlarda u qanday himoyalanayotgani va raqibni qanday yo'naltirishga urinayotganidan ham uning profil himoyachisi emasligi seziladi. Ammo bular ustida ishlash mumkin. Vingbek sifatida o'ynash — to'rt nafar himoyachidan iborat chiziqda o'ynash bilan bir xil narsa emas.
Ehtimol, yonida Upamekanoning borligi uning vazifasini biroz yengillashtirar. Ammo to'p sening qanotingga kelganda, kim sug'urta qilayotgani muhim emas — Upamekano yoki boshqa birov. Asosiysi — himoyalanishga va muayyan vaziyatlarda pozitsiyani egallashga qanchalik o'rgatilganingdir.
Biz buni ko'rdik: vaqti-vaqti bilan to'p uning zonasiga bordi, lekin u boshqacha rivojlanishni kutdi va yakunda kechikdi. Shunday ekan, birinchi navbatda uni individual ish kutib turibdi va murabbiylar u bilan birgalikda shug'ullanishadi deb o'ylayman.
Bu oson emas, chunki bor-yo'g'i bir necha yil oldin u sof hujumkor o'yinchi edi. Uni hozir qanot himoyasiga o'tkazish va himoyalanishga o'rgatish — oson vazifa emas.
Samuel Umtiti Kilian Mbappening «Oltin to'p» haqidagi so'zlariga munosabat bildirdi va Lionel Messining kamtarligini esladi.
🎙 Samuel Umtiti — Mbappe'ning u «Oltin to'p»ga loyiq degan so'zlari haqida:
Bunday narsalarni gapirib bo'lmaydi!
Men Messi bilan «Barsa»da birga o'ynaganman. U dunyoning eng yaxshi futbolchisi ekanligini bilardi, lekin ishoning, butun faoliyati davomida u hech qachon bunday gapni aytmagan bo'lardi.
Kilian Mbappening so'zlari va uning "Real Madrid"dagi faoliyati hamda "Oltin to'p" haqidagi fikrlariga ekspertlar munosabat bildirishdi.
📻 A. Romero (Cadena SER jurnalisti):
Mbappening kechagi so'zlari? Uning gollari "Madrid"ga hech qanday sovrin yutishda yordam bermadi. Yo Mbappening o'zi "Real Madrid" nimaligini tushunmayapti, yo bo'lmasa jamoa uchun o'z ahamiyatini so'zlar bilan isbotlamoqchi.
Gerrero ("Atletik" sobiq futbolchisi va Onda Cero eksperti):
Ronaldu "Madrid" bilan ko'plab sovrinlar yutgan. Mbappe esa hozircha bunga erisha olgani yo'q.
Umtiti ("Barselona" sobiq himoyachisi):
Mbappe — o'ziga ishongan inson. Ammo u kim "Oltin to'p"ga loyiqligi haqida mulohaza yuritmasligi kerak. Kilian maydonda bo'layotgan voqealarga e'tibor qaratishi lozim.
Odamlar "Oltin to'p"ga haddan tashqari ko'p e'tibor qaratib, jamoaviy sovrinlarni unutib qo'yishmoqda.