#Palmeiras — yangiliklari

Michel Augusto — RASMAN «Neftchi» futbolchisi!

«Neftchi» himoya chizig‘ini Braziliya futbol maktabining vakili bilan kuchaytirdi!

Braziliyalik markaziy himoyachi Michel Augusto Modesto Rafael dos Santos yangi mavsumdan boshlab Farg‘ona klubi sharafini himoya qiladi.

23 yoshli Michel Augusto 2003-yil 20-may kuni Braziliyaning Avaré shahrida tug‘ilgan. Bo‘yi — 1,90 metr. Markaziy himoyachi sifatida harakat qiladigan Michel jismoniy kuchi, ishonchli himoyasi va maydondagi xarakteri bilan ajralib turadi.

Michel Braziliyaning eng mashhur futbol akademiyalaridan biri — «Palmeiras» tarbiyalanuvchisi.

U klub akademiyasidan boshlab asosiy jamoagacha bo‘lgan yo‘lni bosib o‘tdi va «Palmeiras» safida Braziliya A Seriyasida maydonga tushdi.

Michel yoshlar darajasidanoq Braziliya terma jamoalari e’tiborida bo‘lgan.

Braziliya terma jamoasi safida O‘zbekiston U-20 terma jamoasiga qarshi maydonga tushgan!

Bu esa Michelning xalqaro tajribasi va yuqori darajadagi futbol muhitida shakllanganini yana bir bor ko‘rsatadi.

Shuningdek, u 2023-yilda Michel Braziliya U-23 terma jamoasi bilan Panamerika o‘yinlarida ishtirok etib, chempionlikni qo‘lga kiritdi. Turnir davomida himoyachi 4 ta uchrashuvda maydonga tushdi.

Michelning faoliyatidagi muhim yutuqlar:
• 2× Libertadores — «Palmeiras»
• Braziliya A Seriyasi
• Braziliya Kubogi
• Recopa Sudamericana
• Paulista chempionati
• Panamerika o‘yinlari — Braziliya U-23

Endi esa yangi sahifa — Farg‘ona va «Neftchi»!

Osiyo Elit Chempionlar Ligasi oldidan jamoamiz himoya chizig‘iga Braziliya futbol maktabidan yangi kuch qo‘shildi.

📰 A BOLA xabariga ko'ra, "Roma" Richard Riosga bo'lgan qiziqishini qayta tikladi.

"Benfika" futbolchini sotib olish huquqi bilan ijaraga berish variantini ko'rib chiqishga tayyor, ammo ijaraning o'zi uchun 3 million yevro talab qilmoqda.

The Athletic xabariga ko'ra, Estevao mushaklari bilan bog'liq jiddiy jarohat olmagan. Futbolchining holati dastlab taxmin qilinganidek qo'rqinchli emas.

Allan «Manchester Siti»ga o'tganidan so'ng o'z taassurotlari bilan o'rtoqlashdi:

«Men uchun bu shunchaki xayoliy lahza. «Manchester Siti» so'nggi 15 yildagi barcha g'alabalari bilan futbolchilar uchun dunyodagi eng jozibador klublardan biri. Bugun shu yerda o'tirganim va ushbu jamoaga qo'shilganimni ayta olishim — hayotimdagi eng faxrli lahza.

«Men «Palmeyras»ni yaxshi ko'raman va doim yaxshi ko'raman, ammo «Siti»ga o'tish qarori men uchun oson bo'ldi. Men qo'limdan kelgancha eng yaxshi futbolchi bo'lishni istayman va «Siti» vakillari bilan o'tkazgan suhbatlarim meni ishontirdiki, o'z ambitsiyalarimni ro'yobga chiqarish uchun bu klubdan yaxshiroq joy yo'q.

«Men «Manchester Siti» muxlislariga va'da bermoqchimanki, ushbu imkoniyatdan maksimal darajada foydalanish uchun bor kuchimni beraman. Endi og'ir mehnat boshlanadi. Mashg'ulotlarda 100 foiz kuch bilan ishlayman va murabbiyni tarkibdan joy olishga loyiq ekanimga ishontirish uchun qo'limdan kelganini qilaman.

«Maqsadim — «Siti»ga sovrinlar yutishda yordam berishda davom etish. Agar bunga erisha olsam, bu orzularimning ushalishi bo'ladi».

"Roma" Richard Riosni qo'lga kiritish uchun yangi, qat'iy urinishni amalga oshirmoqda.

CNN Portugal xabariga ko'ra, so'nggi soatlarda sport direktori Toni D’Amiko ushbu transfer bo'yicha ishlarni faol ravishda qayta boshlagan.

Ma'lumotlarga qaraganda, "Roma" shartnoma shartlarini kelishib olish uchun Riosning vakillari bilan bog'langan va bir vaqtning o'zida "Benfika"ga rasmiy taklif yuborgan. Biroq, Portugaliya klubi narxni tushirish niyatida emas va 30 million yevrodan ortiq mablag' talab qilmoqda.

"Benfika" Riosni o'tgan yozda "Palmeyras"dan taxminan 27 million yevro evaziga sotib olgan edi. Endilikda, transfer oynasining so'nggi kunlarida kolumbiyalik futbolchi yana diqqat markaziga tushdi.