#Ross Uilson — yangiliklari

Ross Uilson:

Mattiasning boshqaruv uslubi va uning futbol falsafasi bizning sportdagi qarashlarimizga to'liq mos keladi. Uning jamoalari shijoatli va intensiv futbol namoyish etadi. Muzokaralar davomida biz uning o'yinga va ishga bo'lgan ishtiyoqini yaqqol his qildik.

Murabbiylik faoliyati davomida u o'yinchilarni rivojlantirish, jipslashgan jamoalar tuzish va eng yuqori darajada natijalarga erishish uchun zarur muhitni yarata olishini doimo isbotlab kelgan.

Uning «Red Bull Zalsburg» va «Al-Ahli»dagi muvaffaqiyatlari g'alabalarga erishish bilan birga, o'ziga xos o'yin uslubini shakllantirish qobiliyatini tasdiqlaydi. Biz Mattias klubda yaratilgan poydevorni yanada rivojlantirib, «Nyukasl»ning keyingi qadamni tashlashiga yordam bera olishiga ishonamiz.

Ross Uilson: «Harvining klubdagi statistikasi hammasini o'zi aytib turibdi. O'tgan mavsumda u yangi shaxsiy darajaga chiqdi va bu biz har kuni ko'rib turgan professionallik hamda kayfiyatni tasdiqlaydi.

Biz Barnsni kelajak rejalarimizning muhim qismi deb bilamiz, shuning uchun shartnomani uzaytirish mutlaqo mantiqiy qaror edi.

Fabian Sher va Sven Botman holatlarida bo'lgani kabi, biz Harvining tajribasini uning faoliyatidagi eng yaxshi yillar bo'lishi kutilayotgan kelgusi mavsumlarda ham jamoada saqlab qolganimizdan xursandmiz.

Hamma uning maydonda nimalarga qodirligini biladi va maydon tashqarisidagi xarakteridan ham yaxshi xabardor. Hozir u bo'lajak mavsumga to'liq e'tibor qaratgan va «Nyukasl»da erishgan barcha yutuqlarini yanada rivojlantirishni istaydi».

Ross Uilson:

Biz Alajining "Monako"dagi o'yinlarini diqqat bilan kuzatib bordik. So'nggi yillarda u tez sur'atlarda o'sib bordi va Yevropaning ko'plab klublari e'tiborini tortdi.

O'yinchini qo'lga kiritish imkoniyati paydo bo'lganda va biz uning "Nyukasl"ga o'tish istagi borligini bilganimizda, transferni rasmiylashtirish uchun tezda harakat qildik.

Biz uning Premer-ligadagi rivojlanishini ko'rishni intiqlik bilan kutmoqdamiz va Alajini Taysaydda qutlayotganimizdan xursandmiz.

Ross Uilson: «Amar Dedichni «Nyukasl»da ko'rib turganimdan xursandman. Mattias uni juda yaxshi biladi va biz uning sifatlarini yuqori baholaymiz. U ham o'ng, ham chap qanotda o'ynay olgani uchun jamoamizni darhol kuchaytiradi, deb hisoblaymiz.

U «RB Zalsburg» va «Benfika»da maydonning har ikki tomonida ham samarali harakat qila oladigan zamonaviy qanot himoyachisi sifatida o'z saviyasini ko'rsatib bo'lgan. U bu yerda o'zini ko'rsatishga juda motivatsiyalangan».

Ross Uilson:

Lukashni "Nyukasl"da ko'rib turganimdan juda xursandman. U so'nggi yillarda katta o'sishga erishdi va haqli ravishda Yevropadagi eng istiqbolli yosh darvozabonlardan biri hisoblanadi.

Biz o'tgan mavsumdan keyin Lukashga qiziqish yuqori bo'lishini bilardik, ammo u bizning loyihamizning bir qismi bo'lishni qanchalik istayotgani juda tez ma'lum bo'ldi.

Bitimni tezda yakunlaganimizdan mamnunman. Shu bois Lukash Ispaniyadagi mavsumoldi yig'inining dastlabki kunlaridayoq jamoaga qo'shila oldi. Bu hafta unga yangi jamoadoshlari va murabbiylar shtabi bilan tezroq tanishib olishga yordam beradi.

⚡️ "Nyukasl" "Beshiktosh"ning yarim himoyachi Jo Uillok transferi bo'yicha qilgan taklifini rad etdi.

"Beshiktosh" vositachilar orqali 10 million funt sterling taklif qildi, ammo rad javobini oldi. Istanbuldagi manbalarning ta'kidlashicha, "Nyukasl" Uillok uchun 25 million funt sterling olmoqchi. Shu sababli yarim himoyachi hozircha klubda qolmoqda va shanba kuni "Geytsxed"ga qarshi o'yinda maydonga tushdi.

Lee Ryder xabariga ko'ra, Eddi Xau endilikda ayrim transfer qarorlarida kamroq ishtirok etmoqda, sport direktori Ross Uilson esa transfer bozorida yetakchi rolni o'ynamoqda.

Uillokning o'zi tarkibdagi o'rni uchun kurashishga tayyor, biroq "Nyukasl" agar bu mablag'ni jamoani kuchaytirishga qayta investitsiya qilish imkonini bersa, rotatsiya o'yinchilarini sotishga tayyor.

🥇 Lee Ryder