#Red Bull Salzburg — yangiliklari

Kuhayb Driuexning «Reynjers»ga o'tishi barbod bo'lganidan so'ng, futbolchida hali ham variantlar mavjud. Xabarlarga ko'ra, «Zalsburg», «Kolambus Kryu» va «Selta» klublari unga qiziqish bildirmoqda.

Hozircha hech bir klub PSV bilan aniq muzokaralarni boshlamagan. Shu sababli, transfer amalga oshishi yoki oshmasligi so'roq ostida qolmoqda. Driuex yozda jamoani tark etishi mumkin, ammo Eyndxovenda qolish varianti ham istisno qilinmayapti.

Ross Uilson: «Amar Dedichni «Nyukasl»da ko'rib turganimdan xursandman. Mattias uni juda yaxshi biladi va biz uning sifatlarini yuqori baholaymiz. U ham o'ng, ham chap qanotda o'ynay olgani uchun jamoamizni darhol kuchaytiradi, deb hisoblaymiz.

U «RB Zalsburg» va «Benfika»da maydonning har ikki tomonida ham samarali harakat qila oladigan zamonaviy qanot himoyachisi sifatida o'z saviyasini ko'rsatib bo'lgan. U bu yerda o'zini ko'rsatishga juda motivatsiyalangan».

Rasman: Amar Dedich «Nyukasl» futbolchisiga aylandi.

«Hoffenxaym» Daniya terma jamoasi futbolchisi Adam Dagimni o'z safiga qo'shib olganini rasman e'lon qildi. 20 yoshli o'yinchi «Red Bull Zalsburg»dan transfer qilindi va klub bilan 2031-yilga qadar mo'ljallangan uzoq muddatli shartnoma imzoladi. OAV xabarlariga ko'ra, klub vinger uchun 13–14 million yevro atrofida tovon puli va bonuslar to'lagan.

Dagim chap oyoqda o'ynaydi va hujum chizig'ining bir nechta pozitsiyalarida harakat qila oladi.

Klub sport direktori Andreas Shiker shunday dedi:

«Adam — yosh va iqtidorli futbolchi. O'zining sifatlari va yuqori tezligi evaziga u ushbu pozitsiya uchun asosiy nomzodimiz edi. Atigi 20 yoshda bo'lishiga qaramay, u katta rivojlanish salohiyatiga ega va ham klub darajasida, ham milliy terma jamoa safida xalqaro tajribaga ega. Qolaversa, o'tgan mavsumda u «Volfsburg» safida to'p surib, Bundesligada o'zini sinab ko'rgan».

Dagimning o'zi shunday deydi:

«Hoffenxaym»ga o'tganimdan juda xursandman. Bu klub yosh o'yinchilarga rivojlanish uchun qanday imkoniyatlar taqdim etishini bilaman. Shu bois ongli ravishda TSGni tanladim va imkon qadar tezroq jamoaning bir qismiga aylanishni intiqlik bilan kutyapman. Birgalikda muvaffaqiyatga erishish uchun bor kuchimni ishga solaman».

Hujumchining bo'yi 189 sm. U «Kopengagen» va «Orxus» akademiyalari tarbiyalanuvchisi hisoblanadi.

2023-yil yozida Dagim «Red Bull Zalsburg»ga o'tdi, shundan so'ng bir mavsumga «Lifering»ga ijaraga berildi. 2024/25-yilgi mavsumda u «Red Bull Zalsburg» safida 47 ta o'yin o'tkazdi: 29 tasi Avstriya chempionatida, 11 tasi Chempionlar ligasida (saralash bosqichini qo'shganda), 4 tasi Avstriya kubogida va 3 tasi FIFA klublar o'rtasidagi jahon chempionatida. U 6 ta gol va 5 ta golli uzatmaga mualliflik qilgan.

O'tgan mavsumni daniyalik futbolchi «Volfsburg»da ijara asosida o'tkazib, 30 ta rasmiy o'yinda maydonga tushdi (2 ta gol, 3 ta assist).

2026-yil iyun oyi boshida Dagim Daniya milliy terma jamoasida debyut qildi. DR Kongo terma jamoasiga qarshi o'rtoqlik uchrashuvida (0:0) u 90 daqiqa davomida maydonda bo'ldi. Bungacha Kopengagenlik futbolchi Daniyaning o'smirlar va yoshlar terma jamoalarida 17 ta o'yin o'tkazgan.

Ross Uilson:

Mattiasning boshqaruv uslubi va uning futbol falsafasi bizning sportdagi qarashlarimizga to'liq mos keladi. Uning jamoalari shijoatli va intensiv futbol namoyish etadi. Muzokaralar davomida biz uning o'yinga va ishga bo'lgan ishtiyoqini yaqqol his qildik.

Murabbiylik faoliyati davomida u o'yinchilarni rivojlantirish, jipslashgan jamoalar tuzish va eng yuqori darajada natijalarga erishish uchun zarur muhitni yarata olishini doimo isbotlab kelgan.

Uning «Red Bull Zalsburg» va «Al-Ahli»dagi muvaffaqiyatlari g'alabalarga erishish bilan birga, o'ziga xos o'yin uslubini shakllantirish qobiliyatini tasdiqlaydi. Biz Mattias klubda yaratilgan poydevorni yanada rivojlantirib, «Nyukasl»ning keyingi qadamni tashlashiga yordam bera olishiga ishonamiz.

«Barselona» Dortmundning «Borussiya» klubi vingeri Karim Adeyemini o'z safiga qo'shib olganini rasman e'lon qildi. 24 yoshli futbolchining transferi 22 million yevroni tashkil etadi, shuningdek, yana 7 million yevro bonuslar ko'rinishida nazarda tutilgan. Tomonlar 2031-yilning iyuniga qadar mo'ljallangan shartnoma imzolashdi.

Moliya masalasiga to'xtaladigan bo'lsak:

«Borussiya» Adeyemini 2022-yil yozida «RB Zalsburg»dan 30 million yevroga sotib olgandi. Shartnoma muddati tugashiga bir yil qolganini inobatga olsak, klub sof foyda sifatida 16 million yevro qayd etadi.

«Barselona» uchun ushbu transfer moliyaviy jihatdan maqbul ko'rinmoqda. Klub hujum chizig'ini sifatli tarzda kuchaytirib oldi.