#Valentin Barko — yangiliklari

Valentin Barkoning «Chelsi» futbolchisi sifatidagi ilk intervyusidan eng muhim fikrlar:

O'yin uslubi haqida:

Men texnik futbolchiman. To'p bilan ishlashni, uni tez-tez qabul qilib, o'yin sur'atini nazorat qilishni yaxshi ko'raman. Yaxshi paslar bera olaman, lekin eng muhimi – maydonda jamoadoshlarim uchun bor kuchimni beraman.

«Chelsi» futbolchilari bilan suhbat haqida:

Enso [Fernandes] bilan gaplashdim, yana Andrey Santos bilan ham. Uni «Strasbur»dan bilaman. Ular «Chelsi» ajoyib klub ekanligini aytishdi.

Pozitsiya o'zgarishi haqida:

O'ylaymanki, bu hayotimni o'zgartirdi. Men yana muntazam o'ynay boshladim, jamoa uchun muhim futbolchiga aylandim, terma jamoaga qaytdim, jahon chempionatiga bordim, endi esa APLga qaytdim. Markazda o'ynash menga juda qulay. Sen doimo to'p bilan ishlaysan, o'yinni nazorat qilasan va uning sur'atini belgilaysan.

«Strasbur»dagi o'tgan mavsum haqida:

Liga 1 – juda intensiv chempionat. Deyarli barcha jamoalar shaxsiy pressing qo'llaydi, shuning uchun doimo tayyor bo'lish kerak. Deyarli har bir o'yinda maydonga tushganda, asta-sekin bunday yuklamalarga o'rganib qolasan. Bu menga APLga qaytishga tayyorlanishimda yordam berdi.

Asosiy sifatlari haqida:

Paslar, intensivlik va texnika.

Futboldan tashqaridagi hayot haqida:

Padel o'ynashni juda yaxshi ko'raman. Qolgan vaqtimda esa oilam bilan ko'proq vaqt o'tkazishga harakat qilaman.

Direct Racing xabariga ko'ra, Valentin Barko «Strasbur» tarixidagi eng qimmat sotuvga aylanadi. Avvalroq xabar qilinganidek, bitim summasi taxminan 40 million yevroni tashkil etadi — endi bu ma'lumot tasdig'ini topdi.

Direct Racing xabariga ko'ra, Xoakin Panichelli tizza paylari uzilishi jarohatidan so'ng tiklanish jarayonini davom ettirmoqda. Reabilitatsiya rejaga muvofiq ketmoqda va uch haftadan so'ng hujumchi yugurish mashqlari hamda to'p bilan ishlashni boshlashi mumkin. Uning maydonga qaytishi yil oxiriga yaqin, taxminan sentyabr va noyabr oylari oralig'ida kutilmoqda.

Direct Racing xabariga ko'ra, Diyego Moreyra bo'yicha «Roma» bilan muzokaralar boshi berk ko'chaga kirib qoldi. «Strasbur» o'z moliyaviy talablarini pasaytirmoayapti, rimliklar esa allaqachon muqobil variantlarni ko'rib chiqishni boshlashdi. Shunga qaramay, belgiyalik futbolchiga qiziqish saqlanib qolmoqda, jumladan, Dortmundning «Borussiya» klubi ham uni kuzatmoqda.

Direct Racing xabariga ko'ra, Rayan Messi katta ehtimol bilan yana ijaraga beriladi. 19 yoshli vingerga «Standard Liege», «Mechelen» va «Luzern» klublari qiziqish bildirmoqda. Yakuniy qaror transfer oynasi yopilgunga qadar qabul qilinishi kutilmoqda.

Fabrisio Romano xabariga ko'ra, Valentin Barkoning «Chelsi»ga o'tishi bo'yicha kelishuv 100 foiz yakunlandi — barcha hujjatlar imzolandi. Klublar o'rtasidagi kelishuvga hali may oyidayoq erishilgandi.

Yaqin vaqt ichida argentinalik futbolchi «Chelsi» o'yinchisi sifatida rasman tanishtiriladi, u yerda uni Xabi Alonso kutib oladi.

Strasbourg futbolchilarining jahon chempionatidan keyin jamoa safiga qaytish sanalari:

• 27-iyul — Guela Doue, Julio Enciso

• 29-iyul — Diego Moreira, Samir El Mourabet, Jessim Yassin

Valentin Barco jamoa bilan mashg'ulotlarga qo'shilmaydi. U yaqin vaqt ichida rasman Chelsea futbolchisiga aylanishi kutilmoqda.

Simon Johnson xabariga ko'ra, «Chelsi» Valentin Barko transferini rasman e'lon qilishga yaqin turibdi.

🤬 Diario AS xabariga ko'ra, Barko Bellingemni ikki marta provokatsiya qilgan.

Birinchi marta — Enso Fernandes gol urganidan so'ng darhol. Argentinalik futbolchi ingliz o'yinchilari tomon yugurib borib, namoyishkorona tarzda Bellingemning qarshisida nishonladi.

Ikkinchi marta — o'yin yakunida Barko ispan tilida Judni haqorat qildi, u buni Bellingem tushunmaydi deb o'ylagan. Biroq, Bellingem hammasini tushundi va bu uning munosabat bildirishiga sabab bo'ldi.

Valentin Barkoning «Chelsi»dagi ilk intervyusi:

💬 «Chelsi»ga xush kelibsiz. Bir haftadan buyon shu yerdasiz. Moslashuv jarayoni qanday kechmoqda?

Katta rahmat. Birinchi hafta juda yaxshi o'tdi. Bu yerda ekanligimdan, shunday ulkan klub sharafini himoya qilayotganimdan va Premer-ligaga qaytganimdan juda xursandman. Men va oilam baxtlimiz.

💬 Nima uchun aynan «Chelsi»ni tanladingiz?

Chunki bu dunyoning eng yaxshi klublaridan biri. Agar «Chelsi» sizga qo'ng'iroq qilsa, shunchaki «ha» deb javob berishingiz kerak.

💬 Jamoa va futbolchilar haqidagi dastlabki taassurotlaringiz qanday?

Ajoyib. Mashg'ulotlar sifati va intensivligi eng yuqori darajada. «Chelsi» safida to'p surish — bu orzu.

💬 Xabi Alonso bilan ko'p gaplashdingizmi?

Biz biroz suhbatlashdik va men uchun u dunyodagi eng yaxshilardan biri. U o'z vaqtida mening pozitsiyamdagi eng yaxshi o'yinchilardan biri edi, endi esa eng yaxshi murabbiylardan biriga aylandi.

💬 Klubga qo'shilishdan oldin «Chelsi» futbolchilaridan kimdir bilan gaplashdingizmi?

Men Entso bilan, shuningdek, «Strasbur»dan tanish bo'lgan Andrey Santos bilan gaplashdim. Shu suhbatlardan so'ng «Chelsi» — bu top daraja ekanligini tushundim.

💬 «Brayton»da chap qanot himoyachisi edingiz, keyin markaziy yarim himoyachiga aylandingiz. Bu o'zgarish qanday yuz berdi?

O'ylashimcha, bu hayotimni o'zgartirdi. Bu menga yana o'ynashga, jamoada muhim futbolchi bo'lishga, terma jamoaga qaytishga, jahon chempionatiga borishga va endi Premer-ligaga qaytishga katta yordam berdi. Shu bois yarim himoyada o'ynashda o'zimni qulay his qilaman.

Buni juda yoqtiraman, chunki to'p bilan ko'p ishlayapsiz va o'yin tempini nazorat qila olasiz. Shuning uchun bunday o'zgarish faoliyatim va hayotim uchun juda muhim bo'lgan deb hisoblayman.

💬 O'tgan mavsum «Strasbur» safida deyarli barcha o'yinlarda maydonga tushdingiz. Bu intensivlikka ko'nikishga yordam berdimi?

Ha, shunday deb o'ylayman, chunki Liga 1 — jismonan juda kuchli chempionat. Har bir jamoa yakkama-yakka kurashga asoslangan o'yin ko'rsatadi, shuning uchun tayyor bo'lishingiz kerak. Agar har bir o'yinda yoki deyarli har bir o'yinda maydonga tushsangiz, tayyor bo'lasiz. Bu menga bu yerga kelish va Premer-ligaga qaytishga tayyor bo'lishimga yordam berdi.

💬 «Chelsi» muxlislari uchun o'zingizni qanday ta'riflagan bo'lardingiz?

Men texnik futbolchiman. To'p bilan o'ynashni, to'pga tegishni va o'yinni nazorat qilishni yoqtiraman. Yaxshi paslar bera olaman, lekin eng muhimi — maydonda jamoadoshlarim uchun bor kuchimni 100 foiz sarflayman.

💬 Uchta eng yaxshi sifatlaringizni ayta olasizmi?

Paslar, energiya va texnika.

💬 «Chelsi»ning qaysi futbolchilari bilan birga o'ynashni ko'proq istaysiz?

Ris, Entso, Moyzes, Joau, Koul, Morgan bilan. Bu yerdagi har bir futbolchi — top, shuning uchun ular bilan o'ynashni intiqlik bilan kutyapman.

💬 Va oxirgisi: «Chelsi» muxlislariga aytar so'zingiz bormi?

Men ular uchun maydonda bor kuchimni 100 foiz sarflayman. Bu yerga jamoaning kuchayishiga yordam berish va sovrinlar yutish uchun keldim.

Fabrisio Romano xabariga ko'ra, Valentin Barkoning "Chelsi"ga o'tishi bo'yicha barcha hujjatlar imzolandi. 🚨

Yaqin vaqt ichida argentinalik futbolchi "Chelsi"ning yangi o'yinchisi sifatida rasman tanishtiriladi.

Ehtimol, aynan shu holat Jud Bellingemning Valentin Barkoga nisbatan hissiyotli munosabat bildirishiga sabab bo'lgan.

Enso gol urganidan so'ng, Barko zaxira o'rindig'idan yugurib chiqib, Angliya terma jamoasi futbolchilari qarshisida golni shov-shuvli tarzda nishonladi.