#Diego Maradona — yangiliklari

Chap ustun yangiliklari

Zbignev Bonek: «Men har doim Maradonani tanlagan bo'lardim»

Zbignev Bonek: «Men har doim Maradonani tanlagan bo'lardim»

Polsha futboli afsonasi Zbignev Bonek Maradona va Messi o'rtasidagi farq hamda argentinalik yulduzga qarshi o'yinlar haqidagi xotiralari bilan o'rtoqlashdi.

Il Corriere dello Sport bosh muharriri bilan suhbatda polshalik futbol afsonasi, A Seriyada to'p surgan Zbignev Bonek «Maradona yoki Messi?» degan savolga javob berdi:

Ikkovi ham fenomenal o'yinchilar, lekin sezilarli farq bor. Diyego fol ishlatish odatiy hol bo'lgan dunyoda o'ynagan, Lionel esa maydonda unga tegish mumkin bo'lmagan dunyoda. Himoyachilarning Maradonaga bo'lgan munosabatini bugungi kun bilan solishtirib bo'lmaydi. Diyego juda ziddiyatli hayot kechirganiga qaramay, betakror. Agar menga tanlov imkonini berishsa, men har doim Maradonani tanlagan bo'lardim.

Bonek o'zi to'p surgan «Yuventus» va «Napoli» o'rtasidagi o'yinlardan birini ham esladi:

O'shanda birinchi bo'limdan keyin kiyinish xonasiga kirdik va kimdir: «Maradonani yaxshilab urib qo'yish kerak, chunki u xohlagan ishini qilyapti», dedi. Biz qaytdik, lekin hech kim unga tegmadi, chunki barchamiz unga juda qoyil qolardik. U ajoyib edi! Diyego yaxshi yigit va muloqotda juda yoqimli inson edi.
Diego Simeone: "Messi raqamlar borasida tengsiz"

Diego Simeone: "Messi raqamlar borasida tengsiz"

Diego Simeone Maradona va Messi haqidagi savolga javob berib, Lionel Messining argentinaliklar uchun tutgan o'rni va uning buyukligi haqida gapirdi.

🗣 Savol: "Siz Maradona bilan birga o'ynagansiz va Messini kuzatib borgansiz. Agar ertangi o'yin uchun murabbiy sifatida ulardan birini tanlashingiz kerak bo'lsa, kimni tanlagan bo'lardingiz?"

🚌 Simeone: "Eshiting, men bu o'yinga berilib, birini ikkinchisidan ustun qo'ymoqchi emasman. Siz savolni boshqacha shaklda berdingiz, lekin baribir meni birini tanlashga majburlamoqchisiz. Men Maradona bilan birga o'ynash baxtiga muyassar bo'lganman, lekin Messiga qarshi o'ynash nasib etmagan. Haqiqat shundaki, biz, argentinaliklar, tarixda ikki buyuk futbolchiga ega bo'lganimizdan minnatdormiz. Messi raqamlar borasida tengsiz. Tengsiz. U shaxs va sportchi sifatida ko'rsatgan o'sish barcha to'siqlarni yorib o'tdi, chunki u har doim hurmat va yaxshi xulq bilan ajralib turdi. Buni 20 yoki 25 yil davomida ushlab turish qiyin. Hatto necha yildan beri o'ynayotganini ham bilmayman. Argentinalik sifatida unga bizga bergan barcha narsalari uchun minnatdorchilik bildirmoqchiman. Haqiqat shundaki, u bizga shunchalik ko'p quvonch baxsh etdi, lekin eng muhimi — bizga o'rgatganlari uchun rahmat. Chunki u bizni kurashishga o'rgatdi. Ishlar joyida ketmayotganda ham bosimni davom ettirish va hech qachon taslim bo'lmaslik kerakligini ko'rsatdi. O'ylashimcha, bu Messining argentinaliklar uchun, hech bo'lmaganda men uchun, eng katta qadri."

O'ng ustun yangiliklari

Ruud Gullit: Maradona tarixning eng yaxshi futbolchisi

Ruud Gullit: Maradona tarixning eng yaxshi futbolchisi

Ruud Gullit Diego Maradona bilan o'zaro to'qnashuvlari hamda uning o'yin uslubi haqidagi xotiralari bilan o'rtoqlashdi.

Ruud Gullit Maradona haqida shunday deydi:

Men Maradona bilan birinchi marta to'qnashganimni eslayman. Donadoni va Anchelotti undan to'pni olib qo'ymoqchi bo'lishdi, lekin uddalay olishmadi. U nihoyatda kuchli va texnik jihatdan ajoyib edi.
Bundan tashqari, u lider edi, jamoadoshlariga har doim bor kuchini berishni uqtirardi.
Ular uni qo'pol o'yinlar bilan maydondan chiqarib yubormoqchi bo'lishdi va oxir-oqibat Goykochea uni jarohatlaganida bunga erishishdi. Uni to'xtatib bo'lmasdi. Tasavvur qiling-a, agar u bugungi himoya bilan o'ynaganida edi. Videolar, kameralar va boshqalar. Ular uni umuman to'xtata olishmasdi.
Men unga qarshi o'ynaganman va ayta olamanki, u tarixda eng yaxshisi edi.