Elche — yangiliklari Transfer

Matteo Moretto xabariga ko'ra, «Barselona» Ektor Fort uchun 20 million yevro talab qilmoqda, biroq klub kelajakdagi sotuvdan 50 foiz ulushni saqlab qolgan holda, 10 million yevroga ham rozi bo'lishi mumkin.

«Borussiya» Dortmund bilan aloqalar mavjud, shuningdek, Angliya, Italiya va Ispaniya klublari ham qiziqish bildirmoqda — umumiy hisobda kamida o'nta klub futbolchi uchun kurash olib bormoqda.

"Sevilya", "Rayo Valyekano" va "Elche" klublari 34 yoshli Adrian Embarba bilan shartnoma imzolashdan manfaatdor. O'tgan mavsumda futbolchi "Almeriya" safida 17+11 natijasini qayd etgan.

Hozircha futbolchi "Almeriya"dan ketish yoki qolish borasida o'ylamoqda.

⭐ Matteo Moretto

🚨 SER xabariga ko'ra, "Levante" "Atletiko Madrid" futbolchisi Xulio Diasni doimiy asosda o'z safiga qo'shib oldi. Tomonlar 2030-yilgacha mo'ljallangan shartnomani imzolashdi.

Klub futbolchining transfer huquqlarining 50 foizini 1,5 million yevro evaziga sotib oldi. Hozirda tomonlar yakuniy hujjatlarni almashishmoqda. 😢

Kataloniyaning Sport nashri «Barselona» o'ng qanot himoyachisi Ektor Fortga da'vogarlar qatorida «Liverpul»ni ham tilga oldi.

Fort o'tgan mavsumni ijarada «Elche» safida o'tkazdi va 14 ta o'yinda maydonga tushib, 2+2 natijasini qayd etdi (mavsumning katta qismini jarohat sabab o'tkazib yuborgan).

O'tgan yili Trent jamoani tark etayotgan paytda, SkiSports tahliliy portali Fort va Trentning o'yin uslubini 99 foizga o'xshash deb baholagan edi.

Ektor endigina 20 yoshga to'ldi. «Barselona» uni 20 million yevroga baholamoqda.

👀 Tutto Mercato xabariga ko'ra, «Sevilla» Alvaro Moratani o'z safiga qo'shib olishni maqsad qilgan.

Garchi bu unchalik ishonchli manba bo'lmasa-da, vaziyatdan kelib chiqib, bu nomzod juda real ko'rinmoqda.

❌ Enes Unal «Sevilya»ga taklif qilingan, ammo klub hozirda bu variantni ko'rib chiqmayapti.

❌ David Romero ham sport rahbariyati uchun asosiy variant emas.

❌ Fede Vinyas asosiy nomzodlardan biri edi, biroq «Toluka»ning taklifi klubni raqobatdan chetlatdi.

Klub hujum chizig'i uchun asosiy maqsadi ustida jimlik bilan ishlamoqda. Uning ismi hali matbuotda paydo bo'lmadi.

Maqsad — birinchi turga qadar shartnomani rasmiylashtirish va transfer oynasi yopilgunga qadar ikkita hujumchini tarkibga qo'shib olish.

Gonsalo Tortosa

🚨 "Sevilya" Enes Unalga qiziqish bildirmoqda.

"Xetafe" va "Alaves" ham futbolchining transferi uchun kurashga qo'shilgan.

• Manba: Matteo Moretto

Matteo Moretto xabariga ko'ra, «Sevilya» Enes Unal transferi bo'yicha so'rov yubordi.

Shuningdek, «Alaves» va «Xetafe» klublari ham futbolchi uchun kurashga qo'shilgan.

❤️ Xulio Dias "Elche" va "Levante" o'rtasida tanlov qilayotgan edi, hatto ikkinchisi bilan ayrim hujjatlar imzolangan ham edi. Biroq "Sevilya" taklif bilan chiqqach, barchasi bir kunda hal bo'ldi. Bu futbolchining qat'iy xohishi edi.

O'tgan mavsumda 21 yoshli ispaniyalik futbolchi "Atletiko" safida Primerada debyut qilib, 4 ta o'yinda maydonga tushdi va ikkinchi davrada "Sevilya"ga qarshi bahsda Bonarning goliga assistentlik qildi.

Shuningdek, Xulio Dias 2024 yilda Yevropa chempionligini qo'lga kiritgan Ispaniya U-19 terma jamoasining asosiy o'yinchisi bo'lgan.

"Sevilya" futbolchining 50 foiz huquqini qo'lga kiritadi.

🚨 Superdeporte xabariga ko'ra, Xulio Diasning "Levante"ga o'tishi barbod bo'ldi va endi futbolchi "Sevilya" safiga borib qo'shiladi.

"Levante" bitimdan voz kechdi. Klub futbolchini ko'ndirish uchun ko'p harakat qilgan bo'lsa-da, o'yinchi bir vaqtning o'zida boshqa klublardan tushgan takliflarni ham ko'rib chiqayotgan edi.

Dastlab uning "Elche" bilan kelishuvi bor edi, endi esa "Sevilya" bilan. "Levante" muzokaralar jarayonida futbolchining sodiqligi yetarli emas deb hisoblab, transferdan voz kechdi.