#Asensio — yangiliklari

😘 Diario AS: Raul o'zining tiklanishi uchun uch oydan kamroq vaqt ketishini taxmin qilmoqda. U maydonga qaytish va o'z salohiyatini isbotlashga qat'iy bel bog'lagan.

Joze Mourinyu uni to'liq qo'llab-quvvatlamoqda. U Asensio bilan birga ishlamoqda va «Real Madrid»ga qaytgan ilk kunidanoq unga alohida e'tibor qaratmoqda.

Joze jamoa muvaffaqiyatga erishishi uchun insoniy munosabatlar birinchi o'rinda turishi kerakligiga ishonchi komil — ayniqsa, o'yinchi qo'llab-quvvatlashdan ko'ra ko'proq tanqidga uchragan paytda.

MARCA xabariga ko'ra, himoyachi uchun Angliya Premyer-ligasidan ikkita taklif bo'lgan: «Chelsi» va «Liverpul» jiddiy qiziqish bildirgan, biroq futbolchi muzokaralarni boshlashni ham istamagan.

Endi Xyuyzenning diskvalifikatsiyasi va Konate jarohati sababli Asensio o'z imkoniyatiga ega bo'ladi.

📰 Canarias7 xabariga ko'ra, Madrid himoyachisi Asensio avgust oyida Gran-Kanariya janubida Porsche avtomobilini mast holda boshqarayotganda qo'lga olinganidan so'ng, yo'l harakati qoidalarini buzganlikda aybdor deb topildi. Alkotest maksimal ruxsat etilgan 0,25 mg/l o'rniga 0,90 mg/l ko'rsatkichni qayd etgan.

Asensio 14 400 yevro miqdorida jarimaga tortildi va 8 oy muddatga haydovchilik guvohnomasidan mahrum qilindi.

Ta'kidlash joizki, yoz boshida ijtimoiy tarmoq foydalanuvchilari 23 yoshli futbolchini kazinoda o'ynayotgani aks etgan kadrlar uchun qoralashgan edi. Ertaga esa Asensio ayblanayotgan voyaga yetmaganlar ishtirokidagi jinsiy xarakterdagi videolarni tarqatish ishi bo'yicha sud bo'lib o'tadi.

📰 Marca | Asensio atrofidagilar «Madrid» tibbiyot xizmati ishidan norozi. Ularning fikricha, klub himoyachini 9 oy davomida bezovta qilgan jarohat bo'yicha operatsiyani juda kechiktirgan va yakunda jarrohlik amaliyotiga eng noqulay pallada ruxsat bergan.

Asensioda muammolar hali yanvar oyida boshlangandi. O'shanda shifokorlar natija bermagan kam invaziv davolash usulini tanlashgan. Yozda 23 yoshli futbolchi operatsiya qilinishni xohlagan, biroq tibbiyot shtabi buni noo'rin deb topib, dam olish va reabilitatsiyani tavsiya qilgan.

Avgust oyidagi retsidivdan so'ng, «Madrid» shifokorlari nihoyat operatsiyaga rozilik berishdi. Ammo hozir Asensio yuzaga kelgan vaziyatni og'ir qabul qilmoqda, chunki operatsiya tufayli u uzoq muddatni o'tkazib yuboradi hamda o'zini ko'rsatib, Mourinyuni ishontirish imkoniyatidan mahrum bo'ladi.

Marca xabariga ko'ra, Asensio o'tgan yozda boshqa klublardan tushgan 3 ta taklifni rad etgan — «Chelsi», «Liverpul» va Turkiya klublaridan biri.

23 yoshli himoyachi «Madrid»da qolishga qaror qildi, chunki u mashaqqatli mehnat evaziga yakunda o'zini ko'rsatish uchun yana bir imkoniyatga ega bo'lishiga ishonadi.

Xausenning diskvalifikatsiyasi va Konate jarohatini hisobga olgan holda, Asensio «Vilyarreal»ga qarshi o'yinda maydonga tushishi mumkin (10.10, 22:00 msk).