BBC xabariga ko'ra, «Real Betis» AZ Alkmaar hujumchisi Troy Parrott transferi bo'yicha muzokaralarni jadallashtirgan.
BBC xabariga ko'ra, «Real Betis» AZ Alkmaar hujumchisi Troy Parrott transferi bo'yicha muzokaralarni jadallashtirgan. Irlandiyalik futbolchi klubning hujum chizig'ini kuchaytirish uchun ko'rib chiqilayotgan 3-4 nomzod orasida asosiy variant bo'lib turibdi.
BBC xabariga ko'ra, Manchester City klubi Chelsi yozgi transfer oynasida Enzo Fernandesni sotishga tayyor deb hisoblamoqda.
BBC xabariga ko'ra, Manchester City klubi Chelsi yozgi transfer oynasida Enzo Fernandesni sotishga tayyor deb hisoblamoqda. 👀
Aleks Hauell (BBC) xabariga ko'ra, Arsenal yaqin vaqt ichida hujum chizig'i va himoyani kuchaytirish uchun yangi transferlarni amalga oshirishi kutilmoqda.
🚨 Aleks Hauell (BBC):
O'ylaymanki, yaqin vaqt ichida Arsenal yana bir nechta transferlarni amalga oshiradi. Klub hujum chizig'ini bir yoki ikki nafar futbolchi bilan kuchaytirishni maqsad qilgan: chap qanot vingeri va markaziy hujumchi variantlari ko'rib chiqilmoqda.
Bundan tashqari, Arsenal darhol tarkibga kirib keta oladigan va o'yin amaliyotiga ega bo'ladigan himoyachi izlamoqda.
Xabi Alonso BBC, Daily Mail va The Athletic nashrlariga bergan intervyusida murabbiylik faoliyati va «Chelsi»ga o'tish sabablari haqida gapirdi.
BBC, Daily Mail va The Athletic nashrlariga bergan intervyusining birinchi qismida Xabi Alonso murabbiylik faoliyati, Gvardiola ta'siri va «Chelsi»ga o'tishi haqida gapirdi.
Murabbiylik faoliyatining boshlanishi haqida:
«Buni taqdir deb ayta olmayman, lekin men urinib ko'rishim kerak edi. Biroq darhol eng yuqori darajada emas. Men 14 yoshgacha bo'lganlar jamoasidan boshladim – aynan shunday bo'lishini xohlagandim. Bu shoshilmasdan, tabiiy jarayondek tuyuldi.
Faoliyatimning so'nggi yillarida, Germaniyaga ko'chib o'tganimda, o'zim qanday ishlashim va to'plangan tajribani shaxsiy uslubim orqali qanday yetkazib berish haqida o'ylashim muhim edi».
Boshqa murabbiylarning ta'siri haqida:
«Bu «nusxalab ko'chirish» emas. Aslo.
[Bavariyadagi faoliyatim yakunida] Gvardiola bilan juda yaqin edik. Men doim qiziquvchan bo'lganman. Faoliyatimning o'sha bosqichida uning kabinetiga kirib: «Pep, nega aynan shunday bo'lyapti? O'yin rejasi qanday?» deb so'ray olardim.
Balki yigirma yoshimda murabbiyning kabinetiga kirib, bunday savollarni berishga yetarlicha ishonchim bo'lmasdi. Ammo o'shanda o'rtamizda ishonch bor edi va bu menga kerak edi. Men buni o'zim xohlagandim.
Men faoliyatimning dastlabki yillariga qaraganda jamoa uchun ko'proq mas'uliyat his qilardim. Men faqat o'zim haqimda emas, balki jamoadoshlarim, qanday o'ynashimiz va yosh futbolchilarga qanday yordam berish haqida o'ylashni xohlardim».
«Real»dagi omadsizlik haqida:
«Yaxshiyamki, faoliyatimda chandiqlar ko'p emas. Bir chandiq olgandim, lekin u bitib ketdi. Hozir «Real»dagi ish boshlanishidan qanday zavqlangan bo'lsam, bu yangi bosqichdan ham shunday zavqlanishga tayyorman.
O'xshamagan ishlar uchun birinchi navbatda o'zimga nisbatan juda talabchan bo'ldim. Nimalarni yaxshiroq qila olishim mumkinligi haqida ko'p o'yladim. Aynan hafsalasi pir bo'lish orqali eng muhim saboqlarni olasan.
Ijobiy jihatlar haqida gapiradigan bo'lsak, ular kam emasdi. Men qimmatli tajriba orttirdim, moslashishga to'g'ri keldi. Nimadir o'xshadi, nimadir yo'q va bu faqat o'yin haqida emas, balki jamoani boshqarish haqida ham. Bularning barchasi yagona tajribani tashkil qiladi».
Murabbiy sifatida yaxshiroq bo'ldimmi? Shubhasiz. Chunki aynan muvaffaqiyatsizliklar seni ko'proq narsaga o'rgatadi. Nima o'xshamaganidan saboq olib, keyingi safar hammasini yaxshiroq qilishga intilasan».
Ishdan bo'shatilgandan keyingi vaqt haqida:
«Menga tiklanish kerak edi. Murabbiy to'liq energiya bilan to'lgan bo'lishi shart, chunki u buni boshqalarga uzatadi.
Futbolga bo'lgan ishtiyoq va g'ayratni har bir mashg'ulotda hamda har bir o'yinga tayyorgarlikda ulashish juda muhim. Men aynan shug'ullandim.
Rostini aytsam, deyarli futbol ko'rmadim. Bu vaqtni o'zimga bag'ishladim».
Nega «Chelsi»ni tanlagani haqida:
«Men «Chelsi»ga chetdan qaradim.
Klubning kuchli tomonlarini ham, savol tug'diradigan jihatlarini ham ko'rdim, shuning uchun ularni darhol muhokama qildik. G'oyalarimiz va vaziyat tahlili mos tushdi. Aynan shuning uchun biz hozir birgamiz va kuchli jamoa qurish uchun qarorlar qabul qilyapmiz.
Bunday qarorlar ichki sezgi bilan qabul qilinadi. Men bu lahza ham klub, ham o'zim uchun ideal ekanligini his qildim. Bu ajoyib imkoniyat edi va bosh murabbiy sifatidagi ishdan zavq ola olishimni tushundim.
Transfer bozoridagi ishlar? Biz allaqachon bir nechta muhim qadam tashladik, lekin yana bir nechta ish qila olamiz deb o'ylayman».
Belgiya terma jamoasi va mutaxassislar Mayk Pendersning salohiyatini yuqori baholamoqda. U «Chelsi»da Sanchesga raqobatchi bo'lishi kutilmoqda.
Belgiya terma jamoasi Mayk Pendersning o'yinidan qoyil qolgan. Mayk Tibo Kurtuani hayratda qoldirgan, murabbiylar shtabi esa Penders kelajakda Kurtua darajasiga chiqa olishiga ishonmoqda.
«Genk»ning sobiq darvozabonlar murabbiyi Gilbert Ruks ham shunday fikrda:
«13 yoshdan 18 yoshgacha bo'lgan davrda bunday tezkor o'sishni hech qachon ko'rmaganman. Maykning mentaliteti fantastik – u bosimni umuman his qilmaydi. Biz ko'plab ajoyib darvozabonlarni tarbiyalaganmiz, ammo aynan Pendersda Kurtua darajasiga yetish uchun barcha imkoniyatlar bor. Uning xotirjamligi – haqiqiy oltin, qolaversa, u o'yinni juda yaxshi o'qiydi. Unda ajoyib texnika va tez qaror qabul qilish qobiliyati rivojlangan, bu esa zamonaviy futbolda juda muhim»
BBC ma'lumotiga ko'ra, Kinsella «Chelsi»da hozircha asosiy darvozabon sifatida Sanchesga ishonch bildirilishini, Mayk esa unga jiddiy raqobatchi bo'lishini qo'shimcha qilgan.
Jon Stounz erkin agent sifatida yangi klub izlamoqda. Unga "Yuventus", "Inter" va "Lids" klublari qiziqish bildirmoqda.
Shu yoz Jon Stounz o'ziga xos natija qayd etdi — u Jahon chempionatida Angliya terma jamoasi safida harakat qilgan tarixda birinchi "erkin agent"ga aylandi. Uning "Manchester Siti" bilan shartnomasi yakuniga yetdi va hozirda futbolchi yangi jamoa izlamoqda.
BBC xabariga ko'ra, 32 yoshli himoyachi xizmatiga "Yuventus" va "Inter" klublari qiziqish bildirmoqda. Shuningdek, "Lids" ham futbolchini APLda saqlab qolish niyatida.
Markaziy himoyachining maoshi transferdagi asosiy masala bo'lishi mumkin. Manchesterda Stounz haftasiga 250 ming funt maosh olgan. Mish-mishlarga ko'ra, u hozirda moliyaviy talablarini ikki baravarga kamaytirishga tayyor.
BBC xabariga ko'ra, Yurrien Timber shu hafta jamoa bilan birgalikda mashg'ulotlarga qaytishi kerak.
BBC xabariga ko'ra, Yurrien Timber shu hafta jamoa bilan birgalikda mashg'ulotlarga qaytishi kerak. 👍
Brunu Fernandeshga Yevropaning bir qator klublari qiziqish bildirmoqda, ammo futbolchi "Manchester Yunayted"da qolish niyatida.
⚡️ "Yuventus", "Milan" va "Galatasaroy" Brunu Fernandesh transferiga qiziqish bildirmoqda.
BBC xabariga ko'ra, futbolchining o'zi "Manchester Yunayted"da qolishni istamoqda va faoliyatining qolgan qismini shu klubda o'tkazishi mumkin.
Manchester Yunayted «Lester» yarim himoyachisi Luis Peyjni o'z safiga qo'shib olishni rejalashtirmoqda. Bu haqda BBC xabar bermoqda.
🗣️ Sami Mokbel, BBC:
Manchester Yunayted «Lester»ning 18 yoshli yarim himoyachisi Luis Peyj transferi bo'yicha muzokaralar olib bormoqda va futbolchi uchun kurashda «Arsenal» hamda «Aston Villa»ni ortda qoldirmoqchi.
Angliya U20 terma jamoasi a'zosi «Lester»ning asosiy tarkibida allaqachon 20 dan ortiq o'yin o'tkazib ulgurgan.
Alehandro Garnacho «Aston Villa»ga ijaraga o'tdi. Bitimda 50 million yevrolik sotib olish opsiyasi mavjud.
«Aston Villa» «Chelsi» bilan 22 yoshli argentinalik vinger Alehandro Garnachoni 2026/27-yilgi mavsum oxiriga qadar ijaraga olish bo'yicha kelishuvga erishdi. Kelishuvda 50 million yevro evaziga sotib olish opsiyasi mavjud bo'lib, u muayyan shartlar bajarilganda majburiy tus oladi. Tibbiy ko'rikdan o'tildi, shaxsiy shartlar bo'yicha esa sotib olish amalga oshirilgan taqdirda kuchga kiradigan to'rt yillik shartnoma kelishib olindi.
Moliyaviy jihatlar:
«Chelsi» Garnachoni 2025-yil sentyabrida «MYu»dan 46,2 million yevroga xarid qilgan edi. Yillik amortizatsiya 9,24 million yevroni tashkil etadi. Balans qoldig'i esa 38 million yevro.
BBC xabariga ko'ra, «Chelsi»da shartlar osonlik bilan bajarilishiga ishonch katta. Agar sotib olish sharti «deyarli muqarrar» deb baholansa, bitim ijara boshlangan paytdan e'tiboran doimiy transfer sifatida qayd etiladi. Biroq, bu baholash klublar va auditorlar ixtiyorida qoladi hamda APL/UEFA tekshiruvidan o'tishi kerak.
Ikkinchi ssenariyda «Aston Villa» 50 million yevroni besh yilga taqsimlashi mumkin (yiliga 10 million yevrodan), «Chelsi» esa transferdan 12 million yevro sof foyda ko'radi va Garnachoning yillik amortizatsiyasi hamda maoshidan xalos bo'ladi.
Kinsella ma'lumotiga ko'ra, «MYu»ning «sell-on» bandi bo'yicha foizi umumiy transfer summasidan 10 foizni tashkil etishi mumkin, Gillning fikricha esa faqat foydadan.
Bu har ikki tomon uchun ham qulay bitim. «Chelsi» o'zini ko'rsata olmagan Garnachodan zarar ko'rmasdan qutulmoqda. «Villa» esa 22 yoshli futbolchini o'z safiga qo'shib oldi, Garnacho esa faoliyatini qayta tiklash ustasi bo'lgan Emeri qo'l ostiga o'tmoqda. 👍
«Ipsvich» vingeri Jeyden Filojin «Roma»ning nishoniga aylandi. Futbolchi uchun «Benfika» va «Bolonya» ham kurash olib bormoqda.
BBC xabariga ko'ra, «Ipsvich» vingeri Jeyden Filojin «Roma» hujum chizig'i uchun variantlardan biri bo'lishi mumkin. U Summervillga nisbatan arzonroq muqobil hisoblanadi va futbolchining taxminiy transfer qiymati 20 million yevro atrofida baholanmoqda.
«Jallorossi» futbolchiga qiziqish bildirmoqda, ammo ular «Bolonya» va «Benfika» bilan raqobatlashishlariga to'g'ri keladi. Ayni damda Portugaliya klubi transfer poygasida yetakchilik qilmoqda. O'tgan mavsumda futbolchi 36 ta o'yinda 13 ta gol urishga erishdi.
Fikr qoldirish va reaksiya uchun Telegram orqali kiring.