#Xavyer Zanetti — yangiliklari

Chap ustun yangiliklari

Xavyer Zanettining o'g'li "Inter" bilan shartnoma imzoladi
Internazionale Milano ↗ Umumiy

Xavyer Zanettining o'g'li "Inter" bilan shartnoma imzoladi

#Inter #Xavyer Zanetti #Tomas Zanetti

Xavyer Zanettining 14 yoshli o'g'li Tomas "Inter" U-15 jamoasi bilan 2028-yilga qadar shartnoma imzoladi.

"Inter" vitse-prezidenti Xavyer Zanettining o'g'li Tomas "Inter" U-15 jamoasi safiga qo'shildi. Hozirda Tomas 14 yoshda.

U markaziy yarim himoyachi pozitsiyasida o'ynaydi. O'tgan mavsumda u tayanch yarim himoyachi sifatida harakat qilgan bo'lsa-da, o'yin uslubiga ko'ra unga mezzala (boks-tu-boks) ampluasi mos tushadi.

Tomasning so'zlari:

Har doim orzu qilgan ranglarni kiyishdan baxtiyorman va faxrlanaman. Forza Inter, sempre!

U avval ham "Inter" akademiyasida shug'ullangan, ya'ni butun faoliyatini klub tizimida o'tkazgan. Shartnoma 2028-yilga qadar imzolangan.

Onasining so'zlari:

Bugun sen o'z orzuing sari yana bir qadam tashlamoqdasan. Biz har doim yoningda bo'lamiz, har bir qadamingda seni qo'llab-quvvatlashga va himoya qilishga harakat qilamiz. Sen allaqachon bilasan: sening uchun ko'p narsa ikki barobar ahamiyatga ega bo'ladi – ham yaxshi, ham, afsuski, yomon tomonlari bilan. Sen o'qiysan, yiqilasan, o'rningdan turasan va o'sishda davom etasan. Bu yo'lda eng muhimi – o'zingga va mohiyatingga sodiq qolishdir. Ishtiyoq, mehnat, aql va yurak bilan hech narsa noto'g'ri ketishi mumkin emas... Orzu qilishda davom et. Biz har doim yoningdaman!

Statistikasi: o'tgan mavsum akademiyada 27 ta gol urgan. Uni Mxitaryan bilan solishtirishmoqda: oyoq bilan yaxshi ishlash, otasidan meros qolgan nafislik, yaxshi tezlik, to'p uchun kurashdagi tirishqoqlik, to'psiz harakat qilish va jarima maydonchasiga o'z vaqtida kirib borish qobiliyati. Uning yuqori o'yin intellekti va qaror qabul qilish tezligi alohida qayd etilgan. Jismoniy jihatdan u hali rivojlanish bosqichida (bo'yi baland tengdoshlaridan ortda qoladi), ammo yakkakurashlardan qo'rqmaydi.

Paolo Maldinidan keyin "Milan"da sulola davom etmadi, balki "Inter"da Zanettilar bilan bu ish berar?

Fikr bildirish

O'ng ustun yangiliklari

Xavyer Zanetti: Mourinyu bizga Chempionlar ligasini yutishimizga ishontirgandi
Internazionale Milano ↗ Matbuot Bog'langan (2)

Xavyer Zanetti: Mourinyu bizga Chempionlar ligasini yutishimizga ishontirgandi

#Chelsea #Barcelona #Bayern Munich #Inter #Mourinyo #Xavyer Zanetti

Xavyer Zanetti Netflix uchun bergan intervyusida Joze Mourinyu qo'l ostidagi «Inter»ning Chempionlar ligasidagi g'alabasi haqida xotirladi.

Netflix uchun intervyu bergan Xavyer Zanetti «Inter»ning tarixiy g'alabasi haqida so'zlab berdi:

Jozé kelishi bilan u boshqacha murabbiy ekanligini tushundim. Jozé biz uchun kalit shaxs edi, u biz Yevropada ham g'alaba qozona olishimizga ishontirdi. Biz ahil jamoa edik va hamma tayyor edi. Bu mening so'nggi imkoniyatim edi. Moratti kiyim almashtirish xonasiga kirganida, Jozé unga: «Prezident, agar beshta o'yinchi sotib olsak, Chempionlar ligasini yutamiz», degandi. Bu oson emasdi, lekin orzuimiz ushalishi uchun tinmay mehnat qildik.
«Chelsi»ga qarshi o'yinda u bizga xavotir olmaslikni, «Chelsi»ni yaxshi bilishini va agar ko'rsatmalariga amal qilsak, ularni yengishimizni aytdi. «Barselona»ga qarshi bahsda Eto'O men uchun qo'shimcha himoyachi vazifasini bajargandi. Jamoaviy ruh ustun keldi, biz bir-birimiz uchun kurashdik. Mourinyu mendan bor kuchini beradigan insonni topdi. U uchun biz oila edik, u esa biz uchun oila edi. «Bavariya»ga qarshi finaldan keyin u endi murabbiyimiz bo'lmasligini bilardik, hech kim bu haqda gapirishni istamasdi, lekin biz buni bilardik. Chempionlar ligasidagi g'alaba faoliyatimizdagi eng emotsional lahza bo'ldi.
Fikr bildirish