Ligue 1 yangiliklari ↔ Bog'langan

Nil Mope:

«PSJ»ga qarshi o'yindagi xatolarimmi? Men xavotirda edim, chunki jamoaga yordam berish uchun yaxshiroq o'ynashni xohlardim.

O'yindan keyingi mikst-zona? Men matbuot bilan tez-tez muloqot qilmayman, lekin o'z fikrimni bildirishga qarshi emasman.

Garchi o'sha paytda men zaif ko'ringan bo'lsam ham, aynan shunday his qilayotgan edim.

Bu men va biz uchun oson oqshom bo'lmadi, lekin futbol shunaqa, men avval ham shunga o'xshash holatlarni boshdan kechirganman.

"Real"da yetarlicha o'yin amaliyotiga ega bo'lmayotgan Endrik shu qishda yana ijaraga ketishi mumkin.

Cadena SER xabariga ko'ra, "Olimpik Lion" o'tgan mavsumda ijarada muvaffaqiyatli to'p surib, 21 ta o'yinda 8 ta gol va 8 ta golli uzatmaga mualliflik qilgan braziliyalik hujumchini qaytarishdan juda manfaatdor.

Biroq futbolchi uchun raqobat jiddiy bo'lishi kutilmoqda. Xususan, uning uchun kurashda "Roma", "Milan" va eng avvalo, "Aston Villa" ishtirok etmoqda.

Yozda Endrikni qaytarish bo'yicha muvaffaqiyatsiz urinishdan so'ng, "Lion" qishda yana urinib ko'rishi kerakmi?

«Lill», Leni Yoroning sobiq klubi, uning Fransiya terma jamoasidagi debyutidan so'ng Instagram orqali xabar yo'lladi:

«Biz sendan faxrlanamiz, Leni

Klubimiz tizimida o'sib ulg'aygan Leni Yoro Fransiya terma jamoasiga ilk chaqiruvini 4:1 hisobidagi g'alaba va maydonda to'liq 90 daqiqa o'ynash bilan nishonladi

Tabriklaymiz».

📻 Esteban (Onda Cero eksperti): "Mbappe qaysi klubda o'ynayotganini tushunmayapti... "Real Madrid" — bu "PSJ" emas. Mbappe professionallik masalasida Ronaldu va Messidan ancha ortda qolmoqda. Qolaversa, u faqat individual sovrinlarga e'tibor qaratgan"

📻 Sierra (Onda Cero jurnalisti): "Mbappe qayerda ekanligini tushunadigan aqlli yigit deb o'ylayman. Ammo muammo shundaki, uning baribir parvoyi palak"

📻 Karreno (Cadena SER jurnalisti): "Mbappe — "Madrid"ning eng yaxshi futbolchisi, ammo bu kiyinish xonasining yetakchisi maqomiga erishishiga hali ancha bor. Mbappe "Madrid"ga faqat gol urish uchun o'tgani tobora oydinlashib bormoqda. Boshqa o'yinchilar uchun o'rnak bo'lish darajasiga yetishiga esa hali uzoq"

📻 Uskiano (Cope jurnalisti): "Madrid" muxlislari Mbappening ham sport, ham maydon tashqarisidagi harakatlaridan norozi. O'tgan mavsumda Mbappe eng muhim o'yinlarda o'zini ko'rsata olmadi"

Filip Yorgensen muxlislar ovoziga ko'ra «Strasbur» klubining oyning eng yaxshi futbolchisi deb topildi.

Vali Diuf, Endining akasi:

Sizga birinchi teginishdayoq raqib oyog'i orasidan to'pni o'tkazib yuborish? Bu uning uslubi, u juda texnik futbolchi. Zidan uni aynan shu sababli chaqirdi. Bu uning zamonaviy qanot himoyachisiga bo'lgan qarashi. Endi ilgari hech qachon bu ampluada o'ynamagan, hatto 14 yoki 15 yoshgacha bo'lgan jamoalar darajasida ham. U umuman himoyada o'ynamagan: u o'ynagan eng chuqur pozitsiya bu «sakkizlik» roli edi. U menga murabbiy bilan gaplashganini va Zidan uni bu pozitsiyaga aniq sabablarga ko'ra chaqirganini aytdi: zamonaviy futbol universallik va o'zaro almashinuvga qurilgan, xuddi «PSJ»da Luis Enrike qilayotganidek yoki Pep Gvardiola o'z jamoalaridan talab qilganidek. Universallik — bu katta ustunlik. U uchun bu juda yaxshi, chunki bu sifat unga Fransiya terma jamoasi eshiklarini ochmoqda va umid qilamanki, u shu ruhda davom etadi.

[Bien Public]

Le Parisien xabariga ko'ra, Erling Xoland agar "Manchester Siti" Premer-ligadan chetlatilsa, "Arsenal"dan ko'ra "Pari Sen-Jermen"ga o'tishni afzal ko'radi.

Mayli.

Marca xabariga ko'ra, Kilian Mbappe va PSJ o'rtasidagi barcha sud nizolari yakuniga yetdi.

Fransiya adliya tizimi "Real Madrid" hujumchisining PSJga qarshi "ma'naviy tazyiq" bo'yicha bergan shikoyati yuzasidan ishni yopdi [2023-yilda klub shartnomani uzaytirishdan bosh tortgan futbolchini mashg'ulotlardan chetlatgan edi].

Ishning yopilishiga dalillar yetishmasligi va Mbappening o'zi shikoyatni qaytarib olishga qaror qilgani sabab bo'ldi.

Koppola uchun o'yin kuni! 02.10

Italiya OAV ma'lumotlariga ko'ra, Koppola Fransiya — Italiya uchrashuvini o'tkazib yuboradi.

«Parij FK» himoyachisi yana sakkiz nafar futbolchi bilan birga Koverchanoda qoladi va individual dastur asosida shug'ullanadi. Italiya terma jamoasi xalqaro tanaffus vaqtida tarkibda rotatsiya o'tkazmoqda. 5-oktyabr kuni bo'lib o'tadigan Italiya va Turkiya o'rtasidagi bahsda esa Diyego maydonga tushishi mumkin.

Samervillning shaxsiy murabbiyi:

Yozda u menga «Real Madrid», «Pari Sen-Jermen», «Liverpul», «Roma» va «Manchester Yunayted» u bilan bog'langani haqida aytib berdi...

Men unga: «Biroz kutib tur, nima bo'lishini ko'ramiz... Nimalar bo'lishi mumkinligini hech qachon bilmaysan», dedim.

Bir necha kundan so'ng esa «Al-Hilol» klubi qo'ng'iroq qildi.

Rui Pintu FIFA prezidenti Janni Infantinoni 2014-yilda «Man Siti»ni «yopib qo'yganlikda» ochiqchasiga aybladi.

Bugun bu odam FIFAga rahbarlik qilmoqda. O'sha paytda UEFA bosh kotibi lavozimida ishlagan mash'um Janni Infantino o'z vakolatlarini suiiste'mol qildi, maxfiy hujjatlarni uzatdi va aslida tergov palatasini aldab, «Man Siti» hamda «PSJ» jarima bilan qutulib qolishi hamda chetlatishga olib kelishi mumkin bo'lgan chuqur tekshiruvdan qochishi uchun qo'lidan kelgan barcha ishni qildi.

Pintu Infantinoni «futbolning saraton o'smasi» deb ataydi va FIFA prezidenti kelajakdagi futbolda o'z o'rniga ega bo'lmasligi kerak deb hisoblaydi.

Aslida bu yangilik emas. Pintu 2018-yil noyabr oyida Der Spiegel nashri Football Leaks hujjatlariga asoslanib e'lon qilgan ma'lumotlarni takrorlamoqda. Yangiligi shundaki, endi bu ayblovlar APL qarori fonida yangramoqda.

Gap qaysi ish haqida ketmoqda?

2013/14-yilgi mavsumda UEFA «Siti»ni 2012 va 2013-yillardagi moliyaviy feyr-pley qoidalari bo'yicha tekshirgan. Tergovni Klublar moliyaviy nazorati organi (CFCB) tergov palatasi olib borgan.

Der Spiegel ma'lumotlariga ko'ra, dastlabki hisobotda tergovchilar shayx Mansur Abu-Dabidagi homiylarga «sezilarli ta'sir» o'tkazgani, ular «Siti»ga bozor narxidan uch barobar ko'p pul to'laganini yozishgan. Klubning 2013-yildagi zarari ikki yillik davr uchun 233 million yevroni tashkil etgan – bu ruxsat etilganidan 188 millionga ko'p.

Katta jazolargacha yetib bormadi. 2014-yil may oyida UEFA va «Siti» o'zaro kelishuv imzoladi, unga ko'ra klub 60 million yevro jarima (shundan 40 millioni shartli), Chempionlar ligasi uchun qaydnomani cheklash (25 tadan 21 ta o'yinchigacha) va keyingi ikki mavsum uchun transfer xarajatlariga cheklovlar bilan qutuldi. «Siti»da bu kelishuvni «kompromiss» deb atashdi.

Infantinoning roli nimada edi?

Janni Infantino 2009-yildan 2016-yilgacha UEFA bosh kotibi lavozimida ishlagan. Football Leaks hujjatlariga ko'ra, 2014-yil bahorida u «Siti» bilan muzokaralarda shaxsan ishtirok etgan.

2014-yil aprel. «Siti» bosh direktori Ferran Soriano direktorlar kengashi raisi Xaldun al-Muborakka yozishicha, ular Infantino bilan yuristlarga «ogohlantirishdan ko'ra ko'proq» bo'lgan hamda «samarali va tiyib turuvchi», ammo klub biznesiga «dramatik tarzda zarba bermaydigan» kelishuvni ishlab chiqishni topshirishga kelishib olishgan.

8-may. Soriano Infantino bilan Londondagi uchrashuvni «yakuniy bitimni kelishib olish uchun» «maxfiy» deb ataydi.

12-may. Infantino «Siti» raisi Xaldun al-Muborakka shunday yozadi: «Afsuski, menga tergov palatasi o'zaro kelishuv uchun pozitsiyalar hali ham juda uzoq degan xulosaga kelgani haqida xabar berishdi».

16-may. Kelishuv sehrli tarzda imzolandi. Der Spiegel ma'lumotlariga ko'ra, «Siti»ning amirlik kompaniyalari bilan homiylik shartnomalariga «adolatli qiymat»dan yiliga 26 million yevrogacha oshib ketishiga ruxsat berildi.

Infantino bunga nima deb javob berdi?

U o'z harakatlarining noqonuniyligini rad etdi. Uning so'zlariga ko'ra, o'zaro kelishuvlar «reglamentda to'g'ridan-to'g'ri ko'zda tutilgan» va muzokaralar olib borish UEFA ma'muriyatining majburiyati hisoblanadi. Nashrlarni esa u «chalg'ituvchi va adolatsiz» deb atadi.

Hozir nima yangilik bor?

Tergov natijalarida aytilishicha, UEFA tergov palatasi klubning moliyaviy feyr-pleyga rioya qilgani haqidagi da'vosi bilan rozi bo'lmagan. Biroq jazo qo'llanilmadi – UEFA va klub o'zaro kelishuvga erishdi.

Shu bilan birga, APL komissiyasi o'sha davrda «Siti» yashirin moliyalashtirish sxemasi bo'yicha ishlaganiga amin, bu esa «avvaliga UEFA qoidalariga rioya qilishda yaxshi taraqqiyot ko'rinishini yaratishga», keyin esa «UEFA oldida ularga rioya qilayotganini tasdiqlashga» imkon bergan.

Ma'lum bo'lishicha, UEFA tergovchilari 2014-yilda to'g'ri yo'lga chiqishgan, ammo ishni kompromiss bilan yopishgan. Infantinoning qarordagi roli haqida esa bir og'iz ham so'z yo'q.

Shunday qilib, 2014-yilda jahon futbolida «Siti» sxemasini to'xtatish imkoniyati bo'lgan.

Infantino qoidalarni buzganmi yoki yo'q, yuridik jihatdan aniqlanmagan. Ammo boshqa narsa aniq: 2014-yilda «Siti» xo'jayinlari bilan muzokaralarni bugungi kunda jahon futbolini boshqarayotgan odam olib borgan.

Gregori Lorensi L'Equipe nashriga bergan intervyusida «OM»dagi vaziyat va jamoaning kelajagi haqida gapirdi:

«Men biz sport va moliya nuqtayi nazaridan qayta qurish jarayonida ekanligimizni hamda DNCG va Yevropa Ligasi ishtiroki bilan bog'liq ko'plab cheklovlarimiz borligini bilardim. Maoshlar fondini qisqartirish uchun futbolchilarni sotishimizga to'g'ri keldi. Bu vazifalarni bajarishning imkoni bo'lmadi va biz yangi futbolchilarni jalb qila olmadik. Biz moslashishga majbur bo'ldik va hozirda o'zimiz istagan holatda emasmiz. Endi maydonda vaziyatni o'nglashimiz kerak», — dedi Lorensi.

«PSJ»dan uchralgan mag'lubiyatdan so'ng Bruno Jenezio klub rahbariyati bilan gaplashib olishini aytgandi. Lorensi bu borada shunday dedi:

«Gap dastlabki o'yinlarni tahlil qilish haqida edi. Biz ko'plab vaziyatlar yaratdik, ammo yuqori himoya chizig'i bilan o'ynab, qarshi hujumlarda ko'p gol o'tkazib yubordik. Bu bizni o'ylantirmoqda. Bizga ritm yetishmayapti: ko'p to'g'ri ishlarni qilyapmiz, lekin bir soatdan keyin pasayishni boshlayapmiz. Tarkibni tubdan o'zgartirmaymiz, chunki bunga qurbimiz yetmaydi. Qo'limizdan kelayotgan ishlarni kuchaytirishimiz va shu bilan birga o'zimizni xavf ostiga qo'ymasligimiz kerak».

Jenezio va klub egasi Frenk MakKort o'rtasidagi munosabatlar haqida Lorensi shunday fikr bildirdi:

«O'ylaymanki, biz barchamiz — murabbiy, rahbariyat va men — bir fikrdamiz. Bruno o'z o'ylari bilan o'rtoqlashadi. Men u bilan bu haqda gaplashdim va uning his-tuyg'ularini ifoda etish uning vazifasi deb hisoblayman. Ammo bu haqda matbuotda gapirishimiz qandaydir foyda keltirmaydi. Biz tarkibni qanday bo'lsa, shundayligicha qabul qilib oldik va bu muammoni hal qilish bizga bog'liq. U klub egasi bilan gaplashadimi — bu savolga javob bera olmayman. Uning jahli chiqqanini tushunish mumkin, chunki u jamoada salohiyat borligini his qilmoqda va bu unda umidsizlik uyg'otmoqda. Ammo bu jamoa ichida kelishmovchilik bor degani emas. Biz vaziyatga xotirjam qarayapmiz va bu «OM»dagi murabbiy loyihasiga hech qanday shubha tug'dirmaydi».

Murabbiyning iste'foga chiqishi mumkinligi haqidagi savolga Lorensi keskin javob berdi:

«Yo'q, aslo. Murabbiy biz bilan 2028-yilgacha shartnoma imzolagan, biz Bruno bilan birgalikda rejalar tuzmoqdamiz va bu masala umuman kun tartibida yo'q».

Shuningdek, u Jenezio bilan munosabatlari haqida to'xtaldi:

«Bizda umumiy jihatlar bor. Brunoni xotirjam inson deyishadi. Har doim ham emas. U o'z fikrini ochiq ayta oladi va «Parij»ga qarshi o'yindan (1:2) keyin kiyim almashtirish xonasida vaziyat biroz o'zgargandi. Men xotirjam ko'rinishim mumkin, lekin futbolchiga biror narsa deyish kerak bo'lsa, albatta aytaman».

Kelajakdagi maqsadlar va yanvar oyidagi transferlar haqida:

«Qisqa muddatli istiqbolda eng muhimi — maqsadlar haqida gapirmaslik. Ishonchni qaytarish va g'alaba qozonish kerak, balki chiroyli emas, lekin samaraliroq o'ynash lozim. Murabbiy yoki klubdagi bizlar qaysidir turnirda taslim bo'lishimizni aytganimizni tasavvur qila olmayman. Bizda o'rta va uzoq muddatli qarashlar bo'lishi kerak, shuning uchun ham murabbiyga hech qanday bosim o'tkazmayapmiz. Qayta qurish — bu ikki oylik ish emas. Yanvar oyiga kelsak, bu uzoq davom etadigan jarayon va xotirjamlikni saqlash kerak. DNCG tomonidan cheklovimiz bor, dekabr oyidagi eshituvga tayyorgarlik ko'ryapmiz va uning natijalaridan kelib chiqib qaror qabul qilamiz».

RMC xabariga ko'ra, Xeybyergda chov qismi bilan bog'liq jarohat bor. Daniyalik futbolchi Marselga qaytganidan so'ng qo'shimcha tibbiy ko'rikdan o'tadi.

Diegu Moreyraning «Milan»ga o'tishi bilan bog'liq barcha tafsilotlar ma'lum bo'ldi!

Portugaliyalik futbolchi rasman «rossoneri» tarixidagi ikkinchi eng qimmat xaridga aylandi 🔴⚫

Bitimning bazaviy summasi «Strasbur» uchun 51,28 million yevroni tashkil etadi.

Ammo bu hali hammasi emas 👀

Shartnomada bonuslar ko'zda tutilgan:

— 10 ta gol va/yoki assist uchun 2,05 million yevro

— asosiy tarkibda 15 ta o'yin uchun 1,03 million yevro (bonus ikki marta faollashishi mumkin)

— shartnomani uzaytirish uchun 2,05 million yevro (shuningdek, ikki martagacha)

— 2000 daqiqa o'ynagan holda Chempionlar ligasiga chiqish uchun 1,03 million yevro

— 2000 daqiqa o'ynagan holda A Seriyada g'alaba qozonish uchun 1,54 million yevro

Bonuslar evaziga maksimal 14,36 million yevro qo'shilishi mumkin 🤯

Moreyraning kelajakdagi transferi bo'yicha ham shartlar mavjud. Transfer summasiga qarab, «Strasbur» belgilangan to'lov yoki qayta sotuvdan foiz olishi mumkin.

Ya'ni, bitimning potensial qiymati 65 million yevrodan oshishi mumkin.

Qanday deb o'ylaysiz, Moreyra bunchalik katta summani oqlay oladimi? 🔥

Brayan Rimer, Daniya terma jamoasi bosh murabbiyi, Xoybyergning jarohati haqida shunday dedi:

«U maydonni tark etganida, bu Merfi qonuni deb o'yladim. Nimaiki noto'g'ri ketishi mumkin bo'lsa, albatta, noto'g'ri ketadi.

Agar ixtiyorimda to'liq tarkib bo'lganida, ba'zi vaziyatlarda boshqacha yo'l tutgan bo'lardim. Ammo agar juda ko'p o'zgarishlar qila boshlasam, hammasi izdan chiqib ketardi. Bizga hamma narsa bosim o'tkazgan bo'lardi. Biz cheklangan tarkib bilan o'ynashga majbur bo'ldik.»

«Lion» juma kuni kechqurun (20:45) «Bollart» stadionida bo'lib o'tadigan Liga 1 doirasidagi «Lans»ga qarshi bahsda o'z himoya yetakchisiga tayanmaydi. Jamoa terma jamoalar o'yinlari sababli yuzaga kelgan uch haftalik tanaffusdan so'ng maydonga qaytmoqda.

Mussa Niakate Senegal terma jamoasi ixtiyorida bo'lgan vaqtida son qismidan jarohat olib, yakshanba kuni Komor orollariga qarshi kechgan o'yinda (1:0) ishtirok eta olmadi.

U terma jamoa safini o'tgan payshanba kuniyoq tark etib, tibbiy ko'rikdan o'tish uchun yo'l olgan edi. Bungacha u Senegal terma jamoasining Patrik Viyeyra qo'l ostidagi dastlabki ikki o'yinida maydonga tushgandi. Mazkur bahslarda Senegal Mozambik bilan durang (1:1) o'ynab, Efiopiyani mag'lub etgan (1:0). Viyeyra hatto Niakateni jamoa sardori etib tayinlagan edi.

Chap oyoqli markaziy himoyachi 15-oktabr, payshanba kuni Yevropa Ligasi doirasida «Kristal Pelas»ga qarshi o'tkaziladigan uy uchrashuvida ham maydonga tushishi so'roq ostida qolmoqda.

🚨 Mett Lou xabariga ko'ra, Chelsea Aleks Skottni o'z safiga qo'shib olish poygasida yetakchilik qilmoqda.

Enso Fernandes Manchester Siti jamoasiga sotib yuborilgach, yarim himoya chizig'i Chelsea yanvar oyida ham, kelasi yozda ham kuchaytirmoqchi bo'lgan pozitsiyalardan biriga aylandi.

Yozgi transfer oynasining so'nggi kunlarida klub Lamin Kamarani sotib olishga yaqin turgandi, biroq Monako futbolchisiga bo'lgan qiziqish Skottni xarid qilish bo'yicha navbatdagi urinishni inkor etmaydi.

Bornmut Skottni qishki transfer oynasida sotmasligini qat'iy ta'kidlamoqda, biroq bu Chelsea qiziqishini susaytirgani yo'q — hatto klub yozgacha kutishga majbur bo'lsa ham.

Lens Dide Deshamga chiqdi!

Lens klubi Dide Desham bilan bog'lanib, uning klubga kelish imkoniyatlarini muhokama qildi.

Aloqa o'rnatildi. Voqealar rivojini diqqat bilan kuzatib boramiz.

Desham hech narsani istisno qilmayapti.

Keylian Abdalla:

«Mening «Tarragona»dagi ijaram? Bu menga oldinga katta qadam tashlashimga yordam berdi.

Men Marseldagi qulaylik zonasidan chiqib ketdim, yolg'iz qoldim va butunlay o'zimga tayanib qoldim.

Ham ruhiy, ham jismoniy tomondan u yerdan ancha yetukroq bo'lib qaytdim.

Gol urish menga yoqadi va men gol urishda davom etishni xohlayman. Agar aynan shunday fikrlasam, orqaga chekinmasdan yoki shunchaki qanot bo'ylab to'p surmasdan, rivojlana olaman.»

Dimitris Manakos xabariga ko'ra:

Xristos Tsolis «Arsenal»ga qarshi bo'lajak uchrashuvlarni o'tkazib yuborishi kutilmoqda:

«Lids» — 10 oktyabr

«Lill» — 13 oktyabr

«Nottingem Forest» — 18 oktyabr

«Bavariya» — 21 oktyabr

«Everton» — 24 oktyabr

«Flitvud» — 27 oktyabr

Uning noyabr oyida, «Liverpul»ga qarshi bahsdan boshlab safga qaytishi tasdiqlandi.

Usmon Dembele (PSJ hujumchisi): "Mening Mbappe bilan ziddiyatim haqidagi mish-mishlarmi? Bu gap-so'zlarda hech qanday alohida narsa yo'q. Bu shunchaki ijtimoiy tarmoqlardagi mayda tortishuvlar. Men bunday narsalarga aralashmayman.

Menga 29 yosh, bunday narsalarga vaqtim yo'q. Biz Mbappe bilan allaqachon gaplashib oldik. Biz u bilan bir stolda o'tiramiz. O'rtamizda hech qanday muammo yo'q".

Eslatib o'tamiz, avvalroq Dembele va uning atrofidagilar "Oltin to'p" uchun kurash jarayonida Mbappening media kampaniyasidan norozi ekanliklari xabar qilingandi.

Troy Parrott so'nggi 5 ta o'yinda 5 ta gol urdi va 1 ta golli uzatmani amalga oshirdi.

Real darvozasiga gol.
Lill darvozasiga gol.
Xetafe bilan o'yinda assist.
Isroil terma jamoasi darvozasiga gol.
Avstriyaga qarshi o'yinda dubl (Maradona uslubidagi gol bilan birga).

Qanday hujumchini qo'lga kiritdik!