Napoli futbolchisi «Fiorentina»ga qarshi o'yin, Ispaniya terma jamoasi va jamoaning mavsumdagi maqsadlari haqida fikr bildirdi.
«Fiorentina»ga qarshi juda qiyin o'yin bo'ladi, lekin o'z kuchimga ishonaman. Biz ko'p ishlayapmiz va agar mashg'ulotlarda qilgan ishlarimiz bilan Florensiyaga borsak, hammasi yaxshi bo'ladi.
«Vilyarreal»ga o'tishim menga juda ko'p narsa berdi, men La Ligada uchinchi o'rinni egalladim va Chempionlar ligasida o'ynadim. Neapolga ishonch bilan qaytdim. Kumirim doimo Serxio Ramos bo'lib kelgan, uning kuchi va yetakchilik qobiliyatlari uchun. La Liga bilan farqi shundaki, bu yerda o'yinlar jismonan charchatadiganroq, bu yerda ko'proq yugurish va yakkakurashlarda g'alaba qozonish kerak.
Ispaniya terma jamoasi haqida orzu qilaman. Bu oson emas, albatta, men buning ustida ishlayapman va umid qilishda davom etaman.
Shaharga to'liq moslashib ketdim. Neapol meni birinchi kundanoq futbolga bo'lgan ishtiyoqi bilan o'ziga rom etdi. Odamlarning qo'llab-quvvatlashini his qilasiz va bu maydonda ham o'z ahamiyatiga ega.
Bu mavsumdagi maqsad — keyingi mavsum uchun Chempionlar ligasi saralashidan o'tish, bu yil Chempionlar ligasida a'lo darajada ishtirok etish va, balki, Italiya Kubogi kabi bir nechta sovrinlarni yutish.
Kilian Mbappe «Real Madrid» safida har beshinchi penaltini golga aylantira olmayapti. Uning statistikasi Ronaldu va Ramosdan ortda qolmoqda.
📉 Mbappe «Real Madrid» safida har beshinchi penaltini golga aylantira olmayapti. Uning «Real»dagi penaltilar bo'yicha statistikasi Krishtianu Ronaldu va Serxio Ramos ko'rsatkichlaridan pastroq.
Din Xuyzen «Real Madrid»ga o'tishi va afsonaviy 4-raqamni tanlashi haqidagi his-tuyg'ulari bilan o'rtoqlashdi.
Din Xuyzen o'zining ijtimoiy tarmoqdagi sahifasida «Real Madrid»ga o'tishi va 4-raqamni tanlashi haqida fikr bildirdi:
«Real Madrid»da o'ynash va 4-raqamli libosni kiyish doimo mening orzuim bo'lgan. Bolaligimda Serxio Ramos mening kumirim edi. U ushbu raqam ostida to'p surgan va «Real» hamda jahon futboli uchun haqiqiy afsonaga aylangan. Men hatto uning SR4 butsasida o'ynaganman, chunki aynan u kabi bo'lishni istardim.
Unga qadar bu raqamni Fernando Yerro kiygan — u ham «Real» va jahon futboli afsonasi. Ammo men uchun bu raqam yana bir sababga ko'ra qadrli, chunki u ham men kabi Malagadan.
Keyin bu raqam David Alabaga nasib etdi. U bilan bir kiyim almashtirish xonasida bo'lish men uchun katta sharaf edi. U men hayotimda uchratgan eng yaxshi insonlar va sheriklardan biri. U doimo tinim bilmay mehnat qiladi, o'z tajribasi va yetakchilik qobiliyati bilan barchaga yordam berishga tayyor.
Klub, prezident, murabbiy, futbolchilar va barcha muxlislarga minnatdorchilik bildiraman. Bu raqamni afsonalar kiyganini bilaman va umid qilamanki, bir kun kelib odamlar meni ushbu libos va raqamga loyiq deb bilishadi. Ammo shuni aniq ayta olamanki, men har kuni, xoh mashg'ulotda, xoh o'yinda bor kuchimni beraman.
AS gazetasi jurnalisti Ronseroning so'zlariga ko'ra, Vinisius Junior va Real Madrid o'rtasidagi yangi shartnoma bo'yicha muzokaralar to'xtab qolgan.
📰 AS gazetasi direktor o'rinbosari Ronsero xabariga ko'ra:
Vinisius Madrid klubidan yangi shartnoma bo'yicha Kilian Mbappe oladigan maosh bilan bir xil miqdorda haq talab qilmoqda. Shu sababli tomonlar o'rtasidagi muzokaralar boshi berk ko'chaga kirib qoldi.
Avvalroq Ronaldu va Ramos ham yangi shartnoma bo'yicha muzokaralar chog'ida klubga «chaqiriq» tashlashgan, ammo yakunda ikkisi ham Madridni tark etishgan edi.
Vinisius Mbappening maoshi haqida o'ylashni bas qilishi va madridistlar oldidagi obro'sini tiklab olishi kerak. Vinisius Kilian jamoaning asosiy yulduzi ekanligini tan olishi lozim.
Jerar Pike «Real Madrid» muxlislarining hakamlar haqidagi shikoyatlariga munosabat bildirdi va «Barselona»ning o'yin uslubi haqida gapirdi.
Jerar Pike:
«Siz, «Real Madrid» muxlislari, doim hakamlar haqida gapirasiz. Hakamlik xatolari ko'p, ammo tarixan ular doim «Real Madrid» foydasiga bo'lgan. Meni Chempionlar ligasi finallarida hisobga olinmasligi kerak bo'lgan gollar, masalan, Serxio Ramosning goli haqida eslatishga majbur qilmang. «Barselona»ning g'alaba qozonish uchun faqat bitta yo'li bor — yaxshi o'ynash. Aynan shuning uchun biz haqimizda ko'p gapirishadi: biz ajoyib futbol ko'rsatib, ko'plab sovrinlarni qo'lga kiritganmiz».
Kilian Mbappe «Real» safida penaltilarni amalga oshirishda Krishtianu Ronaldu va Serxio Ramos ko'rsatkichlaridan ortda qolmoqda.
📰 AS ma'lumotiga ko'ra, Kilian Mbappe «Real» tarkibida amalga oshirgan 24 ta penaltidan 5 tasini golga aylantira olmadi (20.8%).
Ushbu ko'rsatkich bo'yicha fransiyalik futbolchi «qirollik klubi»ning sobiq asosiy penaltichilari — Krishtianu Ronaldu (92 ta penaltidan 13 tasini o'tkazib yuborgan; 14.1%) va Serxio Ramosdan (23 ta penaltidan atigi 1 tasini aniq amalga oshira olmagan; 4.3%) sezilarli darajada ortda qolmoqda.
Serxio Ramos Madrid klubi mashg'ulotlariga tashrif buyurdi. Sobiq sardor jamoa vakillari bilan uchrashdi.
📰 AS xabariga ko'ra, Serxio Ramos bugungi Madrid mashg'ulotiga tashrif buyurdi. Jamoaning sobiq sardori barcha futbolchilar va xodimlar bilan ko'rishdi.
Eslatib o'tamiz, 40 yoshli himoyachi hozirda erkin agent maqomida.
Din Xausen "Real Madrid"da 4-raqamni tanlagani va bu raqamning afsonaviy tarixi haqida o'z fikrlari bilan o'rtoqlashdi.
Din Xausen ijtimoiy tarmoqlardagi sahifasida "Real Madrid"dagi 4-raqam haqida fikr bildirdi:
Men doim "Madrid"da 4-raqam egasi bo'lishni orzu qilganman. Bolaligimdan Ramos mening kumirim edi. U ham 4-raqamda o'ynagan, "Madrid" va jahon futboli afsonasi hisoblanadi. Hali ham SR4 yozuvi tushirilgan butsalarda o'ynaganim yodimda, chunki men aynan u kabi bo'lishni xohlardim.
Avvallari "Real Madrid"da 4-raqam ostida Yerro ham to'p surgan, u ham klub va jahon futboli afsonasi. Men uchun bu yanada o'zgacha ahamiyatga ega, chunki u ham men kabi Malagadan.
4-raqamda boshqa bir afsona ham harakat qilgan va u bilan bir kiyim almashtirish xonasini baham ko'rish men uchun sharaf edi. Shubhasiz, Alaba faoliyatim davomida uchratgan eng yaxshi jamoadoshlar va insonlardan biri. U doimo tinmay mehnat qildi hamda o'z tajribasi va yetakchiligi bilan yordam berishga tayyor edi.
"Real Madrid", prezident, murabbiy, futbolchilar va ushbu buyuk klubning barcha muxlislariga minnatdorchilik bildirmoqchiman. 4-raqam afsonalarga boy tarixga ega ekanligini bilaman. Umid qilamanki, o'z tariximni yoza olaman va bir kun kelib meni "Madrid" libosiga hamda ushbu raqamga munosib deb topishadi.
Shu bois, har kuni mashg'ulotda bo'ladimi yoki o'yinda, bor kuchimni berishga va'da beraman. Rahmat. Din Xausen №4. Hala Madrid🤍
Konstantinos Kulierakis «Roma»ga o'tishi va jamoaga moslashuvi haqida gapirdi.
Konstantinos Kulierakis «Roma» futbolchisi sifatidagi ilk taassurotlari bilan o'rtoqlashdi. Yangi markaziy himoyachi poytaxtga kelganidan keyingi his-tuyg'ulari haqida gapirdi:
«Avvalo, bu yerda ekanligimdan juda xursandman. Meni juda iliq kutib olishdi. Rostini aytsam, shaharni ko'rishga hali vaqtim bo'lmadi, lekin bu yerda bo'lishning o'zi yoqimli».
«Agentim «Roma» menga qiziqayotganini aytganida, darhol «Yaxshi, ketdik», dedim. Unga Italiyaning ushbu muhim klubi safida to'p surishim uchun qo'lidan kelganini qilishini aytdim. Ikkilanishlar bo'lmadi, shunchaki «Roma» bilan shartnoma imzolashga tayyorlanish haqida o'yladim».
Kulierakis murabbiy va o'zining sifatlari haqida ham to'xtaldi:
«Tsimikas va Mele menga murabbiy haqida gapirib berishdi. U Italiyadagi eng yaxshi mutaxassislardan biri, shuning uchun u bilan ishlashdan juda xursandman. Jamoadoshlarim bilan hali tanishmadim, lekin ular bilan uchrashishni va jamoaga qo'shilishni intiqlik bilan kutyapman».
«Yoshligimda kumirim Serxio Ramos bo'lgan — uning mentaliteti, kuchi va xarakteri uchun. Ammo o'yin uslubi bo'yicha men Laportga o'xshayman, deb o'ylayman, bizda o'xshash jihatlar bor. U ham chap oyoqda o'ynaydi va uning o'yin uslubi menga juda yoqadi. Men yoshman, ko'p narsalarni yaxshilashim kerak va hech qachon to'xtab qolmayman. Doim o'rganish va rivojlanishni istayman. Kuchli tomonlarim — chap oyog'im va ruhiy barqarorligim: men hech qachon taslim bo'lmayman va g'alaba qozonishda davom etishni istayman».
Grek himoyachisi «Olimpiko»da hali o'ynamagan bo'lsa-da, «Roma» muxlislarining ishtiyoqidan xabardor:
«Olimpiko»da bo'lmaganman, lekin televizor orqali ko'rganlarimga qaraganda, u yerdagi atmosfera g'ayritabiiy. Buni videolarda ham payqadim, o'sha stadionda o'ynashni sabrsizlik bilan kutyapman, chunki atmosfera juda jo'shqin bo'lishini bilaman. Shahardan ham katta umidlarim bor, uni kashf etishga tayyorman».
Kostas Manolas ham uning «Roma»ga o'tishida muhim rol o'ynagan:
«Uni bilaman va yozda telefon orqali gaplashganmiz. Jamoa va «Roma» haqida gaplashdik, men unga bu buyuk klub bilan shartnoma imzolash men uchun juda muhim qadam bo'lishini aytdim. Bu shunchaki suhbatdek tuyulgandi, lekin endi men shu yerdaman. Manolas «Roma» tarixidagi eng muhim o'yinchilardan biri, ayniqsa «Barselona»ga qarshi o'sha oqshom. O'sha o'yinni ko'rganman, adashmasam 3:0 hisobida yakunlangandi: bu ajoyib o'yin bo'lgandi va uni ko'rganimdan xursandman».
Yakunda Kulierakis «Jallorossi» klubi va muxlislariga murojaat qildi:
«Muxlislar qarshisida o'ynashni intiqlik bilan kutyapman, chunki ular qanchalik ajoyib ekanini va qanday aqlbovar qilmas atmosfera yarata olishini bilaman. Nihoyat, menga bildirgan ishonchi uchun klub egalariga minnatdorchilik bildirmoqchiman. Endi men shu yerdaman va ulardan juda minnatdorman. Forza Roma!».
