#Christopher Nkunku — yangiliklari

Matteo Moretto xabariga ko'ra, u hozirda Jonatan Devid, Kristofer Nkunku va Matias Fernandes-Pardo nomzodlarini baholamoqda.

Muqobil variantlar ham mavjud, tanlov jarayonida moliyaviy shartlar muhim ahamiyat kasb etadi.

Kristofer Nkunku ijara asosida «Leypsig» safiga qaytmoqda. Kelishuv 3,5 million yevroni tashkil etadi va unda 30 million yevrodan sal kamroq summaga sotib olish huquqi ham ko'zda tutilgan.

🚨 "Nyukasl" va "RB Leyptsig" Kristofer Nkunku transferi bo'yicha "Milan" bilan bevosita muzokaralarni boshladi.

Hozircha tomonlar dastlabki qadamlarni qo'yishdi, kelishuvga erishilgani yo'q, biroq fransiyalik hujumchi borasidagi muzokaralar davom etmoqda.

Nkunku yozda "Milan"ni tark etadi.

🎖 Fabrisio Romano

Ruben Amorim Kristofer Nkunku xizmatlariga tayanmayapti — fransiyalik futbolchi sotuvga qo'yilgan o'yinchilar ro'yxatiga kiritildi.

Ammo tezkor transfer kutilmayapti: muzokaralar endigina boshlanmoqda.

Matteo Moretto xabariga ko'ra, Nkunkuga quyidagi klublar qiziqish bildirmoqda:

Leipzig
Borussia Dortmund
Newcastle

Shuningdek, Ispaniya va Angliya klublaridan ham so'rovlar mavjud.

Hozircha aniq takliflar yo'q.

Nikolo Skira xabariga ko'ra, Manchester United Kristofer Nkunku bo'yicha ma'lumot so'radi, Milan esa Bruno Fernandes bilan qiziqmoqda.

🎙 Micho bugungi matbuot anjumanida:

Chempionlar ligasi qur'asi haqida:

O'ylaymanki, bizga qiyin qur'a tushdi, ammo Chempionlar ligasida oson raqiblar yo'q. Men baribir shunday ajoyib stadionlarda, juda yaxshi jamoalarga va murabbiylarga qarshi o'ynashdan juda xursandman. Shuning uchun biz juda xursandmiz. «Biz» deganda men futbolchilar, direktorlar kengashi, muxlislar va murabbiylar shtabini nazarda tutyapman.

Kristo (Nkunku) transferi haqida:

Murabbiy sifatida men uchun uning «Leyptsig»ga qaytishni juda xohlagani muhim. Futbolchi qaytishni istab, o'zining eng yaxshi darajasini yana ko'rsatishga harakat qilsa, bu murabbiy uchun katta qadr-qimmatga ega. Uning o'zi ham yana shu yerda bo'lganidan xursand. Qaror qabul qilishdan oldin men u bilan videoaloqa orqali ikki marta gaplashdim. U yoqimli, xotirjam va shu bilan birga juda professional yigit deb hisoblayman. Men uni shaxsan bir haftadan beri bilaman, lekin u ajoyib ko'rinadi va uning sifati haqida gapirishim shart emas. Uning sog'lig'ida muammolar yo'q. Unga faqat o'yin ritmi yetishmayapti.

Kristoning maydondagi pozitsiyasi haqida:

Menimcha, to'p bilan muomalada bunday sifatga ega, u kabi aqlli futbolchi bir pozitsiyaga bog'lanib qolmasligi kerak. Biz shunchaki yaxshi hujumkor futbol o'ynashimiz va to'pni unga imkon qadar ko'proq yetkazishga harakat qilishimiz kerak. U bugun «to'qqizlik», soxta «to'qqizlik», «o'nlik», o'ng qanot yoki chap qanot vingeri bo'lishining ahamiyati yo'q – u shunchaki zavq olishi kerak. Menga faqat uning ishonchini, aniqligini va ritmini qaytarish kerak, umid qilamanki, biz yana Nkunkuni eng yaxshi formasida ko'ramiz. Agar shunday bo'lsa, juda xursand bo'laman. U jamoaga yordam berishga tayyor. Va aytganimdek, u shunchaki aqlli. Men unga: «Ey, hozir bu yerga yoki u yerga ochilishing kerak», deya olmayman. Maydonda ko'plab vaziyatlar, qisqa lahzalar bo'ladi, u yerda qayerga ochilishni o'zi hal qiladi. Maydonda har doim futbolchi qaror qabul qiladi.

Bundesligadagi birinchi o'yin haqida:

Bu yerda murabbiy bo'lish va Bundesligada birinchi rasmiy o'yinni o'tkazish men uchun katta sharaf. Argentina chempionatida murabbiy bo'lganman, lekin birinchi turdan oxirgisigacha emas. Shuning uchun ertangi o'yinni, Bundesliganing birinchi turini intiqlik bilan kutyapman. Biz bu hafta yaxshi ishladik. Har hafta turli jihatlarda yaxshilanib boryapmiz.

Jamoa bilan ishlash haqida:

Men hujumkor futbol o'ynashni, raqib darvozasi oldida ko'plab vaziyatlar yaratishni yaxshi ko'radigan murabbiyman. Ammo hujumkor jamoa bo'lish uchun tuzilmali jamoa bo'lish kerak. Bu himoyadan hujumga o'tishda to'g'ri ishlarni qilishni anglatadi. Birinchi haftadan boshlab biz himoya prinsiplari va konsepsiyalari ustida ish boshladik va har hafta o'sishga harakat qilyapmiz. O'ylaymanki, biz hozir yaxshilanishi kerak bo'lgan mayda detallar qolgan bosqichdamiz. Ertaga maydonda nima bo'lishini ko'ramiz. Eng muhimi, bu hafta sezganim – butun jamoa intizorlik bilan kutmoqda, futbolchilar birinchi daqiqalardanoq o'ynashni xohlashmoqda. Bu murabbiy sifatida meni juda xursand qiladi: men istalgan futbolchini tanlay olaman va ular o'zlarining eng yaxshi sifatlarini ko'rsatishlariga ishonchim komil.

⚡️ Matteo Moretto xabariga ko'ra, Mateu Alemany bir nechta hujumchi ustida ishlamoqda!

Ayni damda u Jonatan Devid, Matias Fernandes-Pardo va Kristofer Nkunku nomzodlarini baholamoqda.

Hozirgi vaqtda yakunlangan kelishuv yo'q va Alemany jamoasi tilga olinganlardan tashqari turli xil muqobil variantlarni o'rganmoqda.

Moliyaviy shartlar tanlov jarayonida muhim rol o'ynaydi.

🎈 Kristo, qaytishing bilan!

Ijara qiymati 3 million yevro, shartnoma 2027-yilning yoziga qadar mo'ljallangan. 28 million yevrolik sotib olish opsiyasi majburiy emas. Klub futbolchining maosh majburiyatlarining yarmini o'z zimmasiga oladi.

RB Leypsigga qaytish imkoniyati paydo bo'lganda, men bu imkoniyatdan foydalanishga qat'iy qaror qildim. Bu yerga qaytganimdan juda xursandman, ajoyib formadaman, jamoaga maydonda darhol yordam berishni istayman va muxlislarimiz qarshisida yana Red Bull Arenaga chiqadigan lahzani intiqlik bilan kutmoqdaman.

RB Leypsig bilan bog'liqligim o'zgacha. Transferimdan keyin ham klubda nimalar bo'layotganini diqqat bilan kuzatib bordim va bu yerda yana bir sahifa yozishga tayyorman. Muzokaralar davomida rahbarlar meni qanchalik qadrlashini va menga qanchalik ishonch bildirishayotganini his qildim. Shu sababli, Leypsig men uchun eng yaxshi natijalarimni ko'rsata oladigan joydir.

Kristofer Nkunku «Milan»dan ketishga yaqin turibdi. Nemis klubi «Nyukasl»ni ortda qoldirdi va kelishuvning asosiy shartlarini kelishib oldi.

Formula: 3,5 million yevro evaziga ijara + 30 million yevrodan kamroq summaga sotib olish huquqi.

Yaqin soatlar ichida klublar hujjat almashishi kerak, shundan so'ng Nkunku tibbiy ko'rikdan o'tish uchun Germaniyaga yo'l oladi.

«Milan» uchun bu Ruben Amorim tarkibini yengillashtirish yo'lidagi yana bir muhim qadamdir.

😐 Futbolchining Germaniyadan tashqaridagi faoliyati o'xshamadi.

Nkunku «Leypsig»ga qaytmoqda.

🚨 "RB Leypsig" ayni damda Kristofer Nkunku uchun kurashda yetakchilik qilmoqda.

28 yoshli hujumchi bilan ko'plab klublar, jumladan "Nyukasl" ham qiziqmoqda.

Shu bilan birga, "Leypsig" allaqachon "Milan" bilan predmetli muzokaralar olib bormoqda. Nemis klubi Nkunkuni qaytarishni juda istamoqda va futbolchining o'zi ham bu variantga ochiq.

Hozirgi vaqtda tomonlar o'rtasida kelishuv mavjud emas.

🥇 Florian Plettenberg

🚨 "Milan" Kristofer Nkunkuning "Galatasaroy"ga o'tishdan bosh tortganini tasdiqladi.

So'nggi soatlarda "Milan" fransiyalik hujumchi borasida "Nyukasl" bilan aloqaga chiqdi. "RB Leyptsig" ham futbolchiga jiddiy qiziqish bildirmoqda.

🥇 Daniele Longo

So'nggi soatlarda «Real Betis»ga hujum chizig'ini kuchaytirish uchun Nkunku nomzodi taklif qilindi.

Ma'lumotlarga ko'ra, «Betis» fransiyalik futbolchini ijaraga olish variantini ko'rib chiqmayapti. Sababi, u Manuel Pellegrini qidirayotgan markaziy hujumchi profiliga mos kelmaydi.

🚨 «Nyukasl», «Leypsig» va Dortmundning «Borussiya» klublari Kristofer Nkunku xizmatlariga qiziqish bildirmoqda.

Fransiyalik hujumchi «Milan»ni tark etishga tayyorgarlik ko'rmoqda va u allaqachon Ispaniya hamda Angliya klublaridan takliflar olgan.

🎖 Matteo Moretto

"Milan" tarkibidan chetlatilgan Kristofer Nkunku uchun kurash kuchaymoqda.

L'Equipe xabariga ko'ra, Ferran Torresga o'rinbosar izlayotgan "Barselona" futbolchining vakillari bilan aloqaga chiqdi. Shuningdek, uning "Leyptsig"ga qaytishi yoki Dortmundning "Borussiya" klubiga o'tishi ham istisno qilinmayapti.