Middlesbrough — yangiliklari Transfer

«Neftchi» futbol klubi finlyandiyalik hujumchi Marcus Forss bilan shartnoma imzolaganini rasman ma’lum qiladi.

1999-yil 18-iyunda Finlyandiyaning Turku shahrida tug‘ilgan Marcus Uolevi Forss — markaziy hujumchi sifatida faoliyat yuritadigan, zarur holatlarda har ikki qanotda ham o‘ynay oladigan futbolchi. Uning bo‘yi 1,82 metr, asosiy oyog‘i — o‘ng oyoq.

Forss futbolchilik faoliyatining katta qismini Angliyaning professional futbol tizimida o‘tkazgan. 13 yoshida «West Bromwich Albion» akademiyasiga qo‘shilgan futbolchi keyinchalik «Brentford» tizimida faoliyatini davom ettirgan va 2018-yilda klubning asosiy jamoasida debyut qilgan.

«Brentford» safida Forss 2018–2022-yillar davomida to‘p tepdi. 2019/20-yilgi mavsumda ijara asosida «AFC Wimbledon» safida harakat qilib, 18 ta liga uchrashuvida 11 ta gol urdi. Keyinchalik «Hull City» safida ham ijara asosida o‘ynadi.

2022-yil yozida Marcus Forss «Middlesbrough» futbolchisiga aylandi. Angliyaning Championship ligasida jamoaning muhim hujumchilaridan biri bo‘lgan Forss klub safida barcha musobaqalarda 90 dan ortiq uchrashuvda maydonga tushib, 18 ta gol qayd etdi.

2025/26-yilgi mavsumni esa ijara asosida «Bolton Wanderers» safida o‘tkazdi.

Marcus Forss — Finlyandiya milliy terma jamoasi a’zosi. U mamlakatining U17, U18, U19 va U21 terma jamoalarida ham o‘ynagan. 2020-yil noyabr oyida Finlyandiya bosh jamoasida debyut qilgan. Ilk xalqaro uchrashuvida Fransiyaga qarshi maydonga tushib, debyutini gol bilan nishonlagan. Forss Finlyandiyaning EURO-2020 tarkibidan ham joy olgan. Terma jamoa safida hozirga qadar 21 ta uchrashuvda 2 ta gol qayd etgan.

Marcus Forss endi o‘zining Angliyadagi katta futbol tajribasini Farg‘onaga olib keladi.

Marcus, «Neftchi»ga xush kelibsiz!

Sem Bayram «Lids»ni tark etdi.

Himoyachi «Lids» bilan shartnomasi yakunlangach, erkin agent sifatida «Midlsbro» safiga o'tmoqda.

Semga kelgusi faoliyatida omad tilaymiz!

Xabi Alonso "Western Sydney Wanderers"ga qarshi o'yin oldidan matbuot anjumanida Morgan Rogersning transferi va jamoaning kelgusi rejalari haqida fikr bildirdi.

Rogersning transferi haqida:

Shubhasiz, bu ajoyib kuchaytirish. Bizga bu pozitsiya uchun kuchli o'yinchi kerak edi va Morgan kabi variantlar juda kamligiga ishonchim komil. Uning kelishi barcha uchun, shu jumladan jamoada bor o'yinchilar uchun ham juda muhim. Biz u bir necha haftadan so'ng jamoaga qo'shilishini intiqlik bilan kutmoqdamiz.

Kelishuvni tezda rasmiylashtirishga muvaffaq bo'ldik va endi Morgan – bizning o'yinchi. Biz uni uzoq vaqtdan beri kuzatib kelayotgandik. Ishonchim komilki, u jamoaning asosiy futbolchilaridan biriga aylanadi.

Rogersning kuchli jihatlari haqida:

Uning asosiy fazilatlaridan biri – universallik. U hujumchi yoki o'nlik yonida yarim qanotda o'ynay oladi, shuningdek, o'ng qanotda ham harakat qila oladi, garchi ko'pincha chap qanotdan markazga intilsa ham. U o'z o'yinidan zavq olayotgani va ritmni his qilayotgani ko'rinib turibdi. Ishonchim komilki, u sheriklari bilan tezda til topishib ketadi. Agar biz bu aloqalarni yo'lga qo'ya olsak, o'yinimiz sifati sezilarli darajada oshadi.

Morgan klub, tizim va yangi sheriklariga moslashishi uchun ko'p vaqt talab qilinmasligiga ishonchim komil. Biz aynan shuni – top-o'yinchi sotib olishni xohlagandik. Morgan aynan shunday futbolchilar sirasiga kiradi.

Rogersni qanchalik uzoq kuzatgani haqida:

Men futbolni yaxshi ko'raman. Hatto Germaniyada ishlaganimda ham APLni kuzatib borganman. Ispaniyada bo'lganimda ham shunday edi. Hozir esa undan ham ko'proq. Men juda ko'plab o'yinchilarni taniyman.

Rogers va Palmer bog'lamasi haqida:

Menda reja bor. Ular qanday o'zaro harakat qila olishi bo'yicha aniq tasavvurga egaman. O'ylaymanki, ular bir-birini mukammal to'ldira oladi. Biz to'g'ri balansni topishimiz kerak. Agar shunday o'ziga xos o'yinchilarni optimal pozitsiyalarga qo'yib, o'yin nazoratini saqlab qola olsak, to'p bilan ham, to'psiz ham kuchliroq bo'lamiz.

Rogersning mavsum boshiga tayyorligi haqida:

Jahon chempionatining kechki bosqichlarida ishtirok etgani uchun jamoaga kechroq qo'shiladigan barcha o'yinchilar tayyor bo'ladi. Bizda bundaylar bir nechta va mavsum startiga ular optimal formada yetib kelishlari kerak.

Tarkibdagi raqobat haqida:

Hali hech narsa hal bo'lgani yo'q. Jamoa ichidagi raqobat faqat foyda keltiradi va bu menga yoqadi.

Taktik moslashuvchanlik haqida:

Biz moslashuvchan bo'lamiz – taktikada ham, yondashuvda ham, o'yinlarga tayyorgarlikda ham. Bizning o'z prinsiplarimiz bor, ular o'zgarishsiz qoladi, lekin biz turli g'oyalarni sinab ko'rdik va sinashda davom etamiz. Gap avvalgi narsalarni rivojlantirish va yangi konsepsiyalarni qo'shish haqida bormoqda. Har bir murabbiyning o'z g'oyalari bor.

Xabi Alonso "Western Sydney Wanderers"ga qarshi o'yin oldidan matbuot anjumanida Morgan Rogersning transferi haqida fikr bildirdi:

Morgan Rogersning transferi – shubhasiz, ajoyib yangilik. Bizga aynan shu pozitsiya uchun muhim futbolchi kerak edi va men bunga mos nomzodlar ko'p emasligiga aminman. Bu klubdagi barcha uchun, shuningdek, hozirgi tarkibdagi o'yinchilar uchun katta ahamiyatga ega. Ular buni katta xursandchilik bilan qabul qilishdi. Biz uning bir necha haftadan so'ng jamoaga qo'shilishini intiqlik bilan kutmoqdamiz.

Maksans Lakrua transferi haqidagi savolga esa murabbiy quyidagicha javob berdi:

Biz eng yuqori darajada raqobatlashishga qodir jamoa qurmoqchimiz va hozir aynan shu jarayondamiz. Tarkibimizda iqtidorli futbolchilar yetarli, ammo Premer-ligada muvaffaqiyatli qatnashish uchun nimalar kerakligini tushunishimiz lozim. Biz o'yin sifati va mentalitet o'rtasidagi muvozanatni topishni istaymiz. Yangi mavsumni yaxshi energiya bilan boshlayapmiz va bu juda muhim.

Rogersning transferi tez amalga oshgani haqida:

Baxtimizga, hammasi tez sodir bo'ldi va endi Morgan bizning futbolchi. Biz uni uzoq vaqtdan beri kuzatib kelayotgandik. U jamoamizning asosiy o'yinchilaridan biriga aylanishiga ishonchim komil.

Transfer oynasining qolgan qismi va tarkibni qisqartirish haqida:

Biz har qanday holatga tayyor turishimiz kerak. Transfer oynasi yana bir necha hafta ochiq bo'ladi. Turli pozitsiyalar va vaziyatlarni diqqat bilan kuzatib borishimiz zarur, shuning uchun bizda aniq reja bor. Hozir nima bo'lishini oldindan aytish qiyin, ammo ayrim o'zgarishlar bo'lishi mumkin.

Rogersning pozitsiyasi haqida:

Uning asosiy ustunligi – universalligida. U chiziqlar orasida, markaziy hujumchi yoki "o'nlik" yonida juda yaxshi harakat qiladi. Shuningdek, u qanotlarda ham o'ynay oladi. Ishonchim komilki, u sheriklari bilan tezda til topishib ketadi. Agar bu o'zaro bog'liqlikni yo'lga qo'ya olsak, bu o'yin sifatimizni oshirishda katta qadam bo'ladi.

117 million funtlik transfer haqida:

Jamoani qurishni boshlaganimizda, raqobatbardosh tarkib kerakligini tushunganmiz. Buning uchun o'yinga darhol ta'sir o'tkaza oladigan futbolchilar zarur. Morgan aynan shunday darajadagi o'yinchi.

Alan Nikson va «Midlsbro» bo'yicha jurnalist Kreyg Jons xabariga ko'ra, «Boro» Eshli Fillipsni transfer qilish imkoniyatini ko'rib chiqmoqda.

«Tottenxem» 21 yoshli himoyachini sotishga tayyor. Fillips «Midlsbro» ko'rib chiqayotgan bir nechta variantlardan biri hisoblanadi.

Uill Lanshkir o'z ijtimoiy tarmoqlarida shunday yozadi:

«Tottenxem»dagi 4 ta ajoyib mavsumdan so'ng, vaqtim yakuniga yetdi. Men barcha xodimlar, o'yinchilar va muxlislarga bu yerdagi faoliyatimni yoqimli qilganlari hamda yo'limda yordam berganlari uchun minnatdorchilik bildiraman. «Tottenxem» hamisha qalbimda qoladi. Rahmat. 🤍

«Tottenxem» hujumchisi Uill Lankshir faoliyatini «Midlsbro» safida davom ettiradi. Klub futbolchining to'liq transferi bo'yicha kelishuvga erishilganini tasdiqladi.

Sky Sports xabariga ko'ra, «Midlsbro» futbolchi uchun taxminan 10 million funt sterling to'laydi, yana 10 million funt esa bonuslar ko'rinishida taqdim etiladi.

Shuningdek, «Tottenxem» futbolchining kelajakdagi transferidan 20 foiz ulush saqlab qoldi va akademiya tarbiyalanuvchisini qaytarib sotib olish huquqiga ega bo'ldi.

Sky Sports jurnalisti Layal Tomas xabariga ko'ra, «Midlsbro» «Tottenxem» bilan hujumchi Uill Lankshirning transferi bo'yicha kelishuvga erishdi.

Hujumchi tibbiy ko'rikdan o'tish uchun bugun «Midlsbro» bazasiga yetib keladi.

Morgan Rojersning transferi haqida katta maqola.

The Athletic nashri Morgan Rojersning Chelsi safiga o'tishi ortidagi tafsilotlarni ma'lum qildi:

O'tgan yozda Chelsi oldiga qo'yilgan asosiy vazifalardan biri tarkibga universal hujumkor o'yinchi qo'shish edi. Klub nomzodlar ro'yxatini tuzib chiqdi, biroq aynan Morgan Rojers asosiy maqsad bo'lib qoldi. Aston Villa va futbolchi vakillari bilan muzokaralar payshanba kuni, ya'ni Angliya terma jamoasi Argentina bilan o'yinda mag'lubiyatga uchraganidan bir kun o'tib boshlandi. Juma kuni Xabi Alonso Rojersga qo'ng'iroq qilib, o'z rejalarini tushuntirdi va o'sha kuniyoq tomonlar shaxsiy shartnoma shartlarini kelishib oldilar.

Ushbu suhbatda Alonso angliyalik futbolchini jamoada ko'rishni qanchalik istayotganini ta'kidlab, uning maydondagi kelgusi roli haqida gapirib berdi. Rojers ispaniyalik mutaxassis bilan tezda til topishdi va bunday obro'ga ega murabbiy uning transferi uchun shunchalik jon kuydirayotganidan hayratda qoldi. The Athletic manbasiga ko'ra: «Ushbu suhbatdan so'ng Rojers Xabi Alonso bilan ishlash ajoyib imkoniyat ekanligini tushundi». Chelsi rahbariyati va murabbiy uning universalligi, jismoniy holati va ishga bo'lgan munosabatini yuqori baholashadi. Kamtarin inson bo'lgan Rojers jamoaga tezda kirishib ketadi.

Chelsi rahbariyati vakillari — Pol Uinstenli, Lourens Styuart, Jo Shilds va Sem Juell bilan bir qatorda bitimda futbolchilar ham ishtirok etishdi. Ris Jeyms terma jamoa yig'inida Rojers bilan transfer haqida gaplashdi, Koul Palmer esa unga shaxsiy xabar yozdi. Rojers uchun bu klubning transferga qanchalik jiddiy yondashayotganini anglatuvchi signal bo'ldi.

Aston Villa Rojersning sotilishi tarkibni qayta qurish va moliyaviy feyr-pley qoidalariga rioya qilishning oson yo'li ekanligini tushunib turardi. Futbolchining o'zi transferni talab qilmadi, biroq uning atrofidagilar va klub bu yoz ketish uchun eng maqbul vaqt ekanligiga kelishib olishdi. Birmingem klubi yetakchisini yo'qotganidan xafa bo'lsa-da, uning kamtarligi, yetakchilik qobiliyati va hissiy intellektini yuqori baholaydi.

Shu bilan birga, Rojersni o'z safiga qo'shib olishga urinayotgan Arsenal uzoq vaqt davomida favoritdek ko'ringandi. Saka, Rays va Edegor uni jamoaga qo'shilishga ko'ndirishga harakat qilishdi, Mikel Arteta esa futbolchi bilan shaxsan gaplashdi. Shu sababli kanonirlarda Rojers aynan ularni tanlaydi degan taassurot qolgandi. Biroq Chelsi buni to'xtata olmadi: ko'klar futbolchiga uni turli pozitsiyalarda ishlatishga tayyor ekanliklarini bildirishdi va bu taktik moslashuvchanlik futbolchiga ma'qul keldi.

Biroq Aston Villa va Arsenal dastlab narx borasida kelisha olishmadi. Arsenal Rojersni 80 million funtga baholadi va Villa talab qilgan rekord darajadagi summani to'lashni istamadi. Chelsi harakatni boshlagach, birmingemliklar rahbariyati Arsenal bilan bog'lanib, ular ham 117 million funt to'lashga tayyormi yoki yo'qligini so'rashdi. Kanonirlar rad javobini berishdi va boshqa maqsadlarga e'tibor qaratishga qaror qilishdi.

Rojersning o'zida ham xavotirlar bor edi. Chelsi uni asosiy tarkib o'yinchisi sifatida ko'rayotgan bo'lsa-da, Arsenalning Alvares, Barkolya va Krupi bilan qiziqayotgani haqidagi mish-mishlar kanonirlarning uni asosiy ustuvorlik deb bilishiga qaramay, futbolchining atrofidagilarni shubhalantirdi. Rojers Chelsi tomonidan ko'proq e'tibor va qiziqish his qildi, u yerda transferni barcha bir ovozdan qo'llab-quvvatladi.

U qayerda ko'proq foyda keltirishi ham muhim omil bo'ldi. Chelsi o'tgan mavsumda 10-o'rinni egallagan va 2017 yildan beri Premer-ligada g'olib chiqmagan jamoani yana chempionlik sari yetaklash imkoniyati borligini ta'kidladi. Ko'klar rahbariyati Chempionlar ligasiga chiqa olmaganini to'siq deb hisoblamaydi va Alonso tarkibni avvalgi darajaga qaytarishiga ishonadi. Klubning so'nggi 30 yildagi boy g'alabalar tarixi ham Rojersni ishontirdi.

Tomonlar futbolchining roziligidan so'ng shaxsiy shartnoma shartlarini tezda rasmiylashtirdilar. Rojers klub tuzilmasi doirasida bazaviy maosh, o'ynagan o'yinlari foizi va Chelsi Chempionlar ligasiga chiqqani uchun bonuslar oladi. Klubda bu transfer jamoaning ham raqiblarga, ham jamoaning o'ziga bo'lgan ambitsiyalarini ko'rsatdi deb hisoblashadi.

Garchi londonliklar yana kamida ikkita muhim xaridni rejalashtirayotgan bo'lsa-da, futbol olamida Morgan Rojersning transferi Chelsi Koul Palmer, Joao Pedro va Estevao bilan birga Yevropadagi eng tomoshabop hujum chiziqlaridan birini yaratishiga imkon beradi degan fikr ustunlik qilmoqda. 🚨

The Athletic nashri o'z tahlilida "Arsenal" Rodjers transferi borasida hech qanday taklif bermasdan, kurashdan chiqib ketganini ma'lum qildi. "Chelsi" tomonidan transferning ilib ketilishi haqidagi xabarlar haqiqatga to'g'ri kelmaydi.

"Arsenal" Rodjersning boshini aylantirib qo'ydi, natijada futbolchida shubhalar paydo bo'ldi. "Chelsi" esa klub uchun aynan ular asosiy variant ekanligini aniq ko'rsatdi. "Arsenal"ning bir necha hafta davomida Xulian Alvares, Bredli Barkolya va Krupi bilan qiziqayotgani haqidagi xabarlar Rodjers atrofidagilarda ikkilanish uyg'otdi. Bu "Arsenal" uni birinchi raqamli nishon deb ishontirganiga qaramay sodir bo'ldi.

"Chelsi" faol harakatlarga o'tgach, Rodjers ushbu klubdan ko'proq e'tibor va uni qo'lga kiritish istagini his qildi. "Arsenal" esa Rodjers borasidagi har qanday kelishuv narxga bog'liq bo'lib qolayotganini ta'kidlashda davom etdi.

"Chelsi" rasmiy taklif bilan chiqqach, "Aston Villa" vakillari "Arsenal" bilan bog'lanib, 117 million funtlik taklifni takrorlashga tayyormi yoki yo'qligini so'rashdi. "Arsenal" rad javobini berdi va muqobil maqsadlarga e'tibor qaratishga qaror qildi.

Yana bir omil — Rodjers qaysi klubda ko'proq ta'sir o'tkaza olishi edi. "Chelsi" uni o'tgan mavsumni o'ninchi o'rinda yakunlagan va 2017-yildan buyon Premer-ligada g'olib chiqmagan klubga yordam berib, yana chempionlikka qaytish imkoniyatiga ega bo'lishiga ishontirdi.

The Athletic nashri Morgan Rojersning "Chelsi"ga o'tishi haqida batafsil maqola e'lon qildi.

The Athletic ma'lumotiga ko'ra:

Rojers Alonso bilan telefon orqali suhbatlashgach, u haqiqiy professional ekanini his qildi va uning ishtiyoqi futbolchini hayratda qoldirdi.

Rojers "Chelsi"da "Arsenal"ga qaraganda ko'proq e'tibor his qildi, chunki londonliklar uni o'z loyihasining muhim qismi deb bilishgan. "Arsenal"da esa undan tashqari boshqa variantlar ham bor edi.

"Chelsi" uni klubni yangi bosqichga olib chiqishga yordam bera olishiga ishontirdi va bu g'oya futbolchiga ma'qul keldi. "Arsenal" allaqachon chempionlikni qo'lga kiritgan bo'lgani uchun, u yerdagi ta'sir boshqacha bo'lardi.

Rojersni "Chelsi" tarixi o'ziga tortdi, shuningdek, u Palmer va Jeyms bilan ham gaplashib olgan.

"Chelsi" Rojersga uni turli pozitsiyalarda sinab ko'rishini aytdi va bu futbolchiga yoqdi. "Arsenal" esa uni asosan chap qanot vingeri sifatida ko'rayotgan edi.

Shuningdek, Arteta Rojersni aynan chap qanot vingeri sifatida ko'rgan bo'lsa, "Chelsi" unga o'n raqam ostida o'ynashni va'da qilmagan bo'lsa-da, turli pozitsiyalarda harakat qilish imkoniyatini kafolatladi. Aynan shu ssenariy Rojersga ko'proq ma'qul keldi.

Fabrisio Romano xabariga ko'ra, Morgan Rojers «Chelsi» bilan olti yillik shartnoma imzoladi. Transfer summasi 117 million funt sterlingni tashkil etadi va «Aston Villa»ga to'liq to'lab beriladi.

Kelishuv 2033-yilning iyuniga qadar shartnomani uzaytirish bandini ham o'z ichiga oladi.

Nizaar Kinsella London Is Blue podkastida Chelsi Morgan Rojers uchun bo'lgan kurashda qanday g'olib chiqqani haqida so'zlab berdi:

Arsenal Aston Villa bilan muzokaralarda narxni tushirishga maksimal darajada harakat qildi. Keyin esa Chelsi ishga kirishdi va shunchaki: "Qancha?" deb so'radi. Shundan so'ng quyidagicha muloqot bo'lib o'tdi:

— Biz Manchester Siti Elliot Anderson uchun to'lagan 116 million funtdan ko'proq pul istaymiz. 🗣️

— Mana sizga 117 million funt. 💷

Shu bilan muzokaralar, aslida, yakunlandi.

The Telegraph muxbiri Sem Din «Chelsi»ning Morgan Rojersni 117 million funt sterling evaziga tarkibiga qo'shib olgani va bu transfer Kol Palmerning kelajagiga qanday ta'sir qilishi haqida tahliliy maqola e'lon qildi.

Morgan Rojersning «Aston Villa»dan «Chelsi»ga rekord darajadagi 117 million funtga o'tishi yozgi transferlar oynasidagi eng shov-shuvli voqealardan biri bo'ldi. Ushbu bitim bir qator savollarni yuzaga keltirdi.

Birinchidan, «Chelsi» bunday transferga qanday qodir bo'ldi? Klubning so'nggi moliyaviy hisobotlari Premer-ligadagi eng katta zarar ko'rsatkichini qayd etdi, qolaversa, jamoa kelasi mavsumda yevrokuboklarda ishtirok etmaydi.

Ikkinchidan, Rojersning kelishi Kol Palmerning kelajagiga ta'sir qiladimi, axir ikkala futbolchi ham hujumkor yarim himoyachi pozitsiyasida o'ynashni afzal ko'radi? Va nihoyat, ushbu bitimdan keyin tarkibda yana qanday o'zgarishlar bo'lishi mumkin?

The Telegraph xabariga ko'ra, «Chelsi» «BlueCo» egaligi ostida Angliyadagi eng faol klublardan biriga aylandi. Faqat 2025/26 yilgi mavsumning o'zida londonliklar 35 dan ortiq bitimni, jumladan, futbolchilarni sotib olish, sotish va ijaraga berish jarayonlarini amalga oshirdi.

O'tgan yozda «Chelsi» transferlar orqali qariyb 300 million funt ishlab topdi — bu tarkibni kuchaytirishga sarflangan mablag' bilan deyarli teng.

Bu yozda ham klub faol sotuvlarni davom ettirmoqda. Mark Kukurelya 52 million funtga «Real»ga, Andrey Santos 48 million funtga «Manchester Yunayted»ga, Tayrik Jorj esa 24 million funtga «Everton»ga o'tdi. Uchta bitim klub g'aznasiga 124 million funt keltirdi.

Asosiy jihat moliyaviy hisob-kitob qoidalarida. Futbolchini sotishdan tushgan daromad darhol to'liq hajmda hisobga olinadi, xarid xarajatlari esa shartnoma muddati davomida (maksimal besh yil) taqsimlanadi. Bu shuni anglatadiki, 117 million funtlik Rojers transferi joriy mavsum moliyaviy hisobotida klubga taxminan 23,4 million funtga tushadi. Shu bilan birga, Kukurelyaning sotuvi joriy moliya yilidagi daromadlarni darhol 52 million funtga oshiradi.

The Telegraph yozishicha, yevrokuboklarning yo'qligi sababli Xabi Alonso bunchalik keng tarkibga muhtoj bo'lmaydi. Haftaning o'rtalarida o'yinlar bo'lmagani uchun rotatsiyaga bo'lgan ehtiyoj sezilarli darajada kamayadi. Shu bois, munosib takliflar tushsa, bir qator futbolchilar «Chelsi»ni tark etishi mumkin.

Aleksandro Garnacho ketishi kutilmoqda, «Chelsi» undan 40 million funtdan ortiq mablag' olishni rejalashtirmoqda. Shuningdek, Malo Gyusto ham o'z kelajagi haqida o'ylamoqda. Bundan tashqari, yozda Trevo Chaloba, Nikolas Jekson, Aksel Disasi, Liam Delap va Filip Yorgensen klubdan ketishi mumkin.

Enso Fernandes atrofidagi vaziyat ham noaniqligicha qolmoqda. Argentinalik futbolchi jamoani o'zgartirish niyatida ekanligini bildirgan. «Chelsi» uni taxminan 120 million funtga baholamoqda.

The Telegraph tahliliga ko'ra, hozircha Rojersning o'tishi Palmerning ketishiga olib kelishi haqida hech qanday belgi yo'q. Kol Palmer «Chelsi»da «tegib bo'lmas» futbolchilar qatoriga kiradi.

Bundan tashqari, Rojers va Palmer birga o'ynashga qodir. Xabi Alonso «Bayer»da ishlagan davrida 3-4-2-1 sxemasidan foydalanib, unda ikki nafar hujumkor yarim himoyachiga joy topa olgan. Agar Alonso 4-2-3-1 sxemasini tanlasa, Rojers o'ngda, chapda yoki hujumchi ortida harakat qilib, o'yin davomida Palmer bilan pozitsiyalarini almashib turishi mumkin.

Ben Jacobs xabariga ko'ra, Morgan Rojers «Chelsi»ga o'tishidan oldin tibbiy ko'rikdan o'tmoqda. Futbolchi «Chelsi» bilan 6+1 ko'rinishidagi shartnoma imzolashi kutilmoqda. 🏥

Devid Ornsteyn xabariga ko'ra, "Arsenal" klubi Morgan Rojersning "Chelsi"ga o'tishi haqida oldindan ogohlantirilgan va bu holat jamoada hech qanday vahima uyg'otmagan.

Devid Ornsteynning so'zlariga ko'ra, Mikel Arteta Morgan Rojers bilan shaxsan uchrashgan. Arteta kelishuv tezroq yakunlanishiga ishongan, ammo "Arsenal" buni ta'minlay olmagan.

"Xabarlarga ishonadigan bo'lsak, ular shaxsan uchrashib, gaplashib olishgan. Artetani yaxshi bilsak, u bu transfer tezroq yakunlanishini istagan bo'lardi. "Arsenal" esa buni ta'minlay olmadi. Ammo bu klub boshqa futbolchi bilan muvaffaqiyatga erisha olmaydi degani emas", - deydi jurnalist.

Devid Ornsteyn xabariga ko'ra:

Mikel Arteta, shubhasiz, Arsenal Rojersni qo'ldan chiqarganidan xafa bo'ladi.

U Rojersni o'z safida ko'rishni juda istagandi. Xabarlarga ishonadigan bo'lsak, ular uchrashishgan. Uni yaxshi bilgan holda aytishim mumkinki, Arteta bu bitim imkon qadar tezroq yakunlanishini istagan bo'lardi.

Daily Mail nashri jurnalisti Kiran Gillning xabar berishicha, «Chelsi» Morgan Rojers transferi ustida ishlamoqda:

Morgan Rojersning 117 million funt sterlingga baholanishi bahsli masala. Ammo bunday transferning o'zi «Chelsi» tomonidan tashlangan katta bayonotdir. Gap faqat Rojersning Koul Palmer kabi gollarni nishonlashda o'ziga xos «sovuqqon» imo-ishorani ishlatishida emas. Yevrokuboklardan chetda qolgan klub bitta transfer bilan bir yo'la bir nechta zarba bermoqda.

Birinchidan, 23 yoshli futbolchiga da'vogarlik qilgan «Arsenal»ga. Bu transfer ayniqsa Mikel Arteta uchun og'riqli bo'lishi mumkin, chunki u Rojersni transfer oynasi ochilishidan ancha oldin kuzatib kelayotgan edi.

Ikkinchidan, «Chelsi»ning yozgi xaridlar uchun mablag'i yo'q deb hisoblaganlarga. Londonliklar 117 million funt to'lashga tayyor — bu «Manchester Siti» Elliot Anderson uchun to'lagan rekord darajadagi 116 million funtdan ham ko'proq.

Uchinchidan, Chempionlar ligasining yo'qligi klubni transfer bozorida jozibador qilmaydi degan fikrga. Aksincha, «Chelsi» amaldagi Angliya chempioni «Arsenal»ning deyarli yakunlangan transferini ilib ketishga muvaffaq bo'ldi.

«Chelsi» uchun bu jiddiy bayonot. O'tgan mavsum muvaffaqiyatsiz chiqdi: klub nafaqat yevrokuboklarsiz qoldi, balki Premer-ligada 10-o'rinni egalladi. Endi esa ular klub rahbariyati tomonidan tayyor futbolchilarga urg'u berish va'dasiga to'liq mos keladigan o'yinchi bilan shartnoma imzolashga yaqin turibdi.

Shanba kuni «Chelsi» Xabi Alonso qo'l ostida Kobbemdagi bazada ilk o'rtoqlik uchrashuvini o'tkazdi. Manba ma'lumotiga ko'ra, jamoa 4-2-3-1 sxemasidan foydalangan. Bu «Bayer»da Alonso 3-4-2-1 sxemasi bilan katta muvaffaqiyatlarga erishganini hisobga olsak, muhim o'zgarish bo'lishi mumkin.

Agar Alonso 4-2-3-1 sxemasida davom etsa, u Rojers va Palmer o'rtasida tanlov qilishi shart emas. Ikkala futbolchi ham universal va hujumning turli pozitsiyalarida bir vaqtning o'zida maydonga tusha oladi.

«Chelsi»ning Rojersga qiziqishi yangilik emas. O'tgan yili londonliklar yarim himoyachini Jeymi Gittens bo'yicha muzokaralar bilan bir vaqtda sotib olmoqchi bo'lishgan. Biroq o'shanda «Aston Villa» futbolchini sotishdan qat'iy bosh tortgan edi.

Alonso muzokaralarda shaxsan ishtirok etib, futbolchi bilan gaplashgan. Uzoq vaqt davomida «Arsenal» favorit sanalgan bo'lsa, «Chelsi» futbolchini o'z loyihasiga ishontira oldi. «Kanonirlar»ning sekin harakat qilishi «ko'klar»ga vaziyatni o'z foydasiga hal qilish imkonini berdi.

Koul Palmer ham bu transferda muhim rol o'ynagan bo'lishi mumkin, chunki u Rojersning yaqin do'sti hisoblanadi. Bundan tashqari, «Chelsi» sardori Ris Jeyms ham so'nggi oyni Angliya terma jamoasi safida u bilan birga o'tkazdi.

Yozda «Chelsi» futbolchilarni sotishi kerak va nomzodlar yetarli. Muzokaralar davomida «Aston Villa» vakillari Nikolas Jekson bilan qiziqishgan. Unai Emeri uzoq vaqtdan beri hujumchining muxlisi, ammo o'shanda muhokama jiddiy davom etmagan.

«Chelsi»da Jeksonning kelajagi borasida hali yakuniy qaror qabul qilinmagan. Xabi Alonso hujumchini mavsumoldi tayyorgarlik davrida baholamoqchi. Agar klub rad eta olmaydigan taklif tushmasa, senegallik futbolchi Avstraliya va Osiyo bo'ylab turne davomida jamoaga qo'shilishi kutilmoqda.

Rojers Angliya terma jamoasi safida jahon chempionatidagi ishtirokini yakunlagani va uchinchi o'rin uchun Fransiyaga qarshi bahsda qatnashgani sababli, unga ta'til beriladi. Odatda bu uch hafta davom etadi, garchi futbolchi o'z xohishiga ko'ra uni qisqartirish huquqiga ega bo'lsa ham.

Shunday qilib, kelishuv yakunlangan taqdirda ham, «Chelsi» Rojersning jamoaga qo'shilishini biroz kutishiga to'g'ri keladi. Klubda bu kutish 117 million funtlik summani to'liq oqlashiga umid qilishmoqda.

CharlieGordonSJ xabariga ko'ra, Morgan Rojersning "Arsenal"ga o'tishi bo'yicha muzokaralar tafsilotlari ma'lum bo'ldi. Transfer jarayonida Rojers bevosita Mikel Arteta bilan muloqot qilgan.

Arteta Rojersni o'zining asosiy hujumkor maqsadi deb bilgan va futbolchiga uni jamoaga qanday moslashtirmoqchi ekanligini tushuntirgan.

Biroq, Rojers bilan bog'liq voqealar yakuniga yetmoqda, "Arsenal" esa rasmiy taklif bilan chiqmadi. Asosiy muammo shundaki, klub bitimni yakunlash uchun kutayotgan yashil chiroqni olmagan.

117 million funt sterlinglik transfer summasi "Arsenal" rahbariyati uchun juda yuqori bo'lib tuyulgan bo'lishi mumkin.

Iqbalning "Aston Villa" egasi Nassef Saviris bilan yaqin munosabatlari tufayli bitimni yakunlash uchun barcha sharoitlar yaratilgan edi.

Chelsi Morgan Rojers bilan muzokaralar olib bormoqda.

⚡️Fabrisio Romano «Arsenal»ning Morgan Rojersga bo‘lgan qiziqishi haqida:

«Arsenal»ning rejasi kelasi hafta «Aston Villa» bilan uchrashib, Morgan Rojers transferi bo‘yicha kelishuvga erishishga urinishdan iborat edi. «Arsenal» hech qachon 117 million funt sterling taklif qilmoqchi bo‘lmagan. Londonliklar uchun o‘yinchi narxi maksimal 90-100 million funt sterling atrofida bo‘lishi kerak edi, bundan ortiq emas.

Rojers bilan muzokaralar juda yuqori bosqichda edi. «Arsenal» va futbolchi vakillari o‘rtasida uchrashuvlar bo‘lib o‘tgan — futbolchining o‘zi ham bir nechta to‘g‘ridan-to‘g‘ri muzokaralarda qatnashgan.

«Arsenal» shartnomani to‘liq kelishib olishga tayyor edi. Shaxsiy shartlar muammo tug‘dirmagan, Rojers bunga ochiq edi. Futbolchi tomonidan ba’zi taktik shubhalar bo‘lgan, biroq moliyaviy masalada hech qachon muammo kuzatilmagan. Shartnoma tayyor va deyarli kelishib bo‘lingan edi.

Fabrisio Romano xabariga ko'ra, Morgan Rojersning "Chelsi"ga transferi ortidan "Midlsbro" 15 million funt sterling miqdorida mablag' ishlab oladi. 💸

Ushbu summa Rojers "Midlsbro"dan "Aston Villa"ga o'tgan vaqtda shartnomaga kiritilgan keyingi sotuvdan foiz olish bandi asosida amalga oshiriladi.

Fabrisio Romano xabariga ko'ra, «Arsenal» haftalab muzokaralar olib borib, rasmiy taklif tayyorlayotgan bir paytda, «Chelsi» so'nggi bir sutka ichida Morgan Rojers transferiga jiddiy aralashdi.

Londonliklar klubi vakillari «Aston Villa» bilan to'g'ridan-to'g'ri uchrashuv o'tkazdi va shunchaki muzokaralarni boshlash emas, balki bitimni darhol yopish maqsadini ko'zlagan.

«Chelsi» «Villa»ga 117 million funt sterling taklif qildi, o'yinchiga esa yana bir yilga uzaytirish imkoniyati bilan 6 yillik shartnoma taklif etildi. Bu «Arsenal» tayyorlagan shartlardan ko'ra yaxshiroq edi. Ammo gap faqat pulda emas. Xabi Alonso juda muhim rol o'ynadi. U Rojers bilan shaxsan bog'lanib, muzokaralarda ishtirok etdi va futbolchini «Chelsi»ga o'tishga ko'ndirdi.

«Aston Villa»da Rojers aynan «Arsenal»ga o'tishiga ishonishgan edi, chunki u Mikel Arteta uchun asosiy maqsad hisoblanardi. Biroq «Chelsi» paydo bo'ldi va bir sutka ichida o'yinchini ilib ketdi. Bu «Arsenal» uchun, ayniqsa Mikel Arteta uchun katta zarba bo'ldi, chunki murabbiy o'yinchini o'z jamoasida ko'rishni juda istagan edi.

🚨 Eliot Anderson endi tarixdagi eng qimmat britaniyalik futbolchi emas.

Devid Ornshteyn ma'lumotiga ko'ra, Chelsi Aston Villa bilan Morgan Rojers transferi bo'yicha 117 million funt sterling evaziga og'zaki kelishuvga erishdi.

😱 Morgan Rojers Britaniya futboli tarixidagi eng qimmatbaho o'yinchiga aylandi. U Elliot Andersonning transfer rekordini yangiladi.

Transfer summasi 117 million funt sterlingni tashkil etadi. Shartnoma 6+1 ko'rinishida imzolandi.

Ben Jeykobsning xabariga ko'ra, Xabi Alonso bilan bo'lgan suhbatdan so'ng, Rodjers aynan «Chelsi»ga o'tishni istayotganini ma'lum qilgan.

🚨 Fabrisio Romano xabariga ko'ra, Morgan Rojers «Chelsi»ga o'tmoqda: HERE WE GO!

Transfer summasi 117 million funt sterlingni tashkil qiladi. Futbolchi bilan 6+1 ko'rinishidagi shartnoma imzolanadi.

Michel Augusto — RASMAN «Neftchi» futbolchisi!

«Neftchi» himoya chizig‘ini Braziliya futbol maktabining vakili bilan kuchaytirdi!

Braziliyalik markaziy himoyachi Michel Augusto Modesto Rafael dos Santos yangi mavsumdan boshlab Farg‘ona klubi sharafini himoya qiladi.

23 yoshli Michel Augusto 2003-yil 20-may kuni Braziliyaning Avaré shahrida tug‘ilgan. Bo‘yi — 1,90 metr. Markaziy himoyachi sifatida harakat qiladigan Michel jismoniy kuchi, ishonchli himoyasi va maydondagi xarakteri bilan ajralib turadi.

Michel Braziliyaning eng mashhur futbol akademiyalaridan biri — «Palmeiras» tarbiyalanuvchisi.

U klub akademiyasidan boshlab asosiy jamoagacha bo‘lgan yo‘lni bosib o‘tdi va «Palmeiras» safida Braziliya A Seriyasida maydonga tushdi.

Michel yoshlar darajasidanoq Braziliya terma jamoalari e’tiborida bo‘lgan.

Braziliya terma jamoasi safida O‘zbekiston U-20 terma jamoasiga qarshi maydonga tushgan!

Bu esa Michelning xalqaro tajribasi va yuqori darajadagi futbol muhitida shakllanganini yana bir bor ko‘rsatadi.

Shuningdek, u 2023-yilda Michel Braziliya U-23 terma jamoasi bilan Panamerika o‘yinlarida ishtirok etib, chempionlikni qo‘lga kiritdi. Turnir davomida himoyachi 4 ta uchrashuvda maydonga tushdi.

Michelning faoliyatidagi muhim yutuqlar:
• 2× Libertadores — «Palmeiras»
• Braziliya A Seriyasi
• Braziliya Kubogi
• Recopa Sudamericana
• Paulista chempionati
• Panamerika o‘yinlari — Braziliya U-23

Endi esa yangi sahifa — Farg‘ona va «Neftchi»!

Osiyo Elit Chempionlar Ligasi oldidan jamoamiz himoya chizig‘iga Braziliya futbol maktabidan yangi kuch qo‘shildi.

Rasman: Sem Bayrem «Midlsbro» a'zosiga aylandi. ✅

Uill Lankshir «Midlsbro»ga to'liq transfer qilinganidan so'ng, Instagram sahifasi orqali «Tottenxem» bilan xayrlashdi. 👋

«Tottenxem» hamisha qalbimda qoladi».

SZY xabariga ko'ra, «Tottenxem» Uill Lankshirning transferidan 20 million funt sterling ishlab oladi.

Futbolchi klubni tark etish istagini bildirgan.

Devid Ornsteyn xabariga ko'ra, «Chelsi» «Aston Villa» bilan 23 yoshli angliyalik hujumkor yarim himoyachi Morgan Rojersning transferi bo'yicha kelishuvga erishdi. Kelishuv summasi 136 million yevroni (117 million funt) tashkil etadi, shartnoma 6+1 ko'rinishida bo'ladi va dushanba kuni tibbiy ko'rikdan o'tish rejalashtirilgan.

«Aston Villa» Rojersni 2024-yil fevral oyida «Midlsbro»dan atigi 9,4 million yevroga sotib olgan edi. Ikki yarim yil ichida 4,7 million yevro amortizatsiya qilindi, qoldiq qiymat ham shunchani tashkil etadi.

«Villa» sof foyda sifatida 131,3 million yevro qayd etadi. Maoshlar fondidan esa 11,4 million yevro (bonuslar bilan) chiqib ketadi.

«Chelsi» uchun transfer yiliga 27,2 million yevroga (besh yillik amortizatsiya) tushadi, bunga maosh ham qo'shiladi (hozircha oshkor etilmagan).

👍 «Aston Villa» uchun fantastik kelishuv – ular sarflagan mablag'idan 14 barobar ko'proq daromad olishdi. Shubhasiz, bu klub tarixidagi eng yaxshi savdo operatsiyasi. Ayniqsa, UEFA nazorati sharoitida («Villa» iyun oyi oxirida tarkib xarajatlari limiti (Squad Cost Ratio) buzilgani uchun 22,5 million yevro (15 millioni shartli) jarimaga tortilgandi). Yangi futbolchilarni ro'yxatdan o'tkazishdagi cheklovlarni olib tashlash uchun buxgalteriyani zudlik bilan to'g'rilash kerak edi.

🤔 «Chelsi» (bir qarashda) ortiqcha to'layotgandek ko'rinadi – TM Rojersni 90 million yevroga baholamoqda. Ammo buning evaziga APLga to'liq moslashgan yosh va universal hujumchi (125 o'yinda 31+29 «Villa» safida, Angliya terma jamoasi a'zosi) qo'lga kiritilmoqda. Qimmat, ammo istiqbolli.