Feyenoord — yangiliklari Transfer

🚨 Sezar Luis Merlo xabariga ko'ra, «Atletiko Madrid» Obed Vargasni ijaraga berishga qaror qildi.

Ispaniya klublari va «Feyenoord» futbolchiga qiziqish bildirmoqda.

Lutsharel Geertruida sirli xabar qoldirdi. ⏳

PSV, Ayaks va Feyenoord qiziqish bildirayotgan 26 yoshli futbolchi Instagram sahifasiga qum soati tasviri tushirilgan qora fonni joylashtirdi.

"Ayaks" "Feyenoord" himoyachisi Lyutsharel Gertryudaga qiziqish bildirmoqda. Avvalroq rotterdamliklar tarbiyalanuvchisi "PSV"ga o'tishi mumkinligi haqida xabarlar tarqalgandi.

Himoyachi esa ijtimoiy tarmoqlardagi sahifasida qiziqarli storis joylab, mish-mishlarga yanada olov qo'shmoqda.

"Feyenoord" afsonasi El-Ahmadi vaziyat haqida shunday dedi: "O'ylashimcha, "Ayaks" bu borada juda katta qadam tashlamoqda".

🚨 Fabrisio Romano xabariga ko'ra, «Feyenoord» «Real Sosedad» himoyachisi Xavi Lopesni o'z safiga qo'shib olish bo'yicha kelishuvga erishdi.

Tomonlar futbolchini sotib olish huquqi bilan ijaraga berish bo'yicha og'zaki kelishuvga erishishdi. Hozirda hujjatlar tekshirilmoqda, shundan so'ng futbolchi Rotterdamga yo'l oladi.

Sky Sports va De Telegraaf xabariga ko'ra, Ayaks Lutsharel Gertruydani o'z safiga qo'shib olish uchun kurashga kirishdi.

Mika Godtsning Pari Sen-Jermen klubiga o'tishi ehtimoli amsterdamliklarga taxminan 18 million yevroga baholanayotgan Gertruydani xarid qilish uchun mablag' ajratishi mumkin.

❌ Lutsharel Gertruydaning Niderlandiyaga qaytishi hozircha ko'rib chiqilmayapti.

BILD xabariga ko'ra, «Leyptsig» himoyachi uchun 20 million yevro talab qilmoqda, shu bilan birga u klubni tark etishiga ruxsat berilgan futbolchilar ro'yxatiga kiritilmagan.

«Feyenoord» va PSV talab qilinayotgan summani to'lashga qurbi yetmaydi, «Leyptsig» esa ijara variantini ko'rib chiqmayapti. Futbolchining Germaniyadagi yuqori maoshi ham Niderlandiya klubiga ehtimoliy o'tishni qiyinlashtirmoqda.

Il Tempo jurnalisti Filippo Biafora xabariga ko'ra, "Roma" "Atletiko Madrid" bilan Nahuel Molinaning transferi bo'yicha kelishuvga erishdi. Ma'lumotlarga ko'ra, bitim 13 million yevro kafolatlangan summa va 4 million yevro bonuslar asosida kelishib olingan.

Fabrisio Romano tasdiqlashicha, "Roma" Nahuel Molina transferini yakunlashga juda yaqin: bitim summasi 17 million yevroni tashkil etadi, shundan 13 millioni kafolatlangan summa, 4 million yevrosi esa bonuslar ko'rinishida. Hozirda futbolchi bilan muzokaralar olib borilmoqda, ammo argentinalik himoyachi "Roma"ga o'tishga bir qadam qoldi.

"Feyenoord" bilan Jivayro Rid transferi bo'yicha muzokaralardagi qiyinchiliklardan so'ng, "Roma" Nahuel Molina nomzodiga e'tibor qaratishga qaror qildi. Gasport, Corsport, Il Romanista, Il Messaggero va Il Tempo xabariga ko'ra, rimliklar "Atletiko Madrid"ga argentinalik himoyachi uchun bonuslar bilan birga 16-17 million yevro taklif qilishgan. Ispaniya klubi 20 million yevro talab qilmoqda, ammo tomonlar o'rtasidagi farq katta emas va muzokaralar davom etishi kutilmoqda.

Ushbu o'zgarish moliyaviy strategiya bilan ham bog'liq. Rid uchun 27-28 million yevro sarflash o'rniga, Molina transferi klubga qariyb 10 million yevro tejash imkonini beradi. Bu mablag'lar bosh murabbiy Jan Pero Gasperini uchun ustuvor hisoblangan chap qanot vingeri pozitsiyasini kuchaytirishga yo'naltirilishi mumkin. Ro'yxatda birinchi o'rinda Antonio Nusa turibdi, ammo "Leyptsig" norvegiyalik futbolchi uchun yuqori narx talab qilmoqda.

Molina shaxsiy shartnoma borasida ham "Roma"ga qarshi emas. Argentinalik futbolchi Italiyaga qaytishga tayyor va rimliklar unga "Atletiko"dagidan biroz yuqoriroq maosh taklif qilishga tayyor. Klub Molina transferini tezroq yakunlab, tejalgan mablag' evaziga Nusa uchun kurashni boshlamoqchi.

Janluka Di Marsio xabariga ko'ra, Ridning «Roma»ga o'tishi bilan bog'liq muzokaralar murakkab kechmoqda. «Feyenoord» niderlandiyalik futbolchi uchun yuqori narx talab qilishda davom etmoqda va o'z pozitsiyasidan qaytish niyatida emas.

Shu bois, «Roma» o'ng qanot himoyasi uchun asosiy nishon sifatida Molinani ko'rmoqda. «Jallorossilar» ushbu transferni tezroq yakunlashni maqsad qilgan.

Roma Atletiko Madrid va Argentina terma jamoasi o'ng qanot himoyachisi Nahuel Molina bilan qiziqmoqda.

Filippo Biafora xabariga ko'ra, jallorossilar aniq qadamlar tashlab, 13 million yevro kafolatlangan to'lov va 3 million yevro bonus ko'rinishidagi dastlabki taklifni yuborishgan. Matteo Moretto ma'lumotiga ko'ra, Romaning Atletikoga yozma taklifi bonuslar bilan birga 17 million yevroni tashkil etadi. Bu qadam Toni D'Amiko Feyenoord bilan Jivayro Rid bo'yicha muzokaralarda yuzaga kelgan qiyinchiliklar sababli ehtiyot choralarini ko'rishni boshlaganini anglatadi.

Shunga qaramay, yosh niderlandiyalik futbolchi bilan bog'liq izlar yo'qolgani yo'q. Fabrisio Romano xabariga ko'ra, Roma Feyenoorddan javob kutmoqda, chunki ular 25 million yevro atrofida va bonuslar bilan birga jami 28-29 million yevrolik yangi taklifni taqdim etishgan. Jallorossilar Rotterdam klubi kelishuvga yaqinlashishga tayyormi yoki himoyachi uchun belgilangan 30 million yevroni talab qilishda davom etmoqchimi, buni tushunishni istashmoqda.

Shunday qilib, Molina Ridga parallel bitim emas, balki real muqobil variant hisoblanadi. Agar Feyenoord yana rad javobini bersa, Roma argentinalik jahon chempionini qo'lga kiritish uchun harakatni tezlashtirishga tayyor. Shu bois, Niderlandiya klubining navbatdagi qadami hal qiluvchi ahamiyatga ega: Rid ustuvor maqsad bo'lib qolmoqda, ammo D'Amiko allaqachon B rejasini tayyorlab, Atletiko Madrid bilan birinchi qadamni tashladi.

Matteo Moretto xabariga ko'ra, «Portu» «Milan»dan meksikalik hujumchi transferi shartlari bo'yicha ma'lumot so'radi.

Bitimning asosiy tashabbuskori — portugaliyaliklar yangi murabbiyi Franchesko Farioli. U Ximenesning mahoratini yuqori baholaydi va futbolchi bilan shaxsan bog'langan.

Hozircha rasmiy taklif yo'q, ammo «Milan»da Santyago yozda klubni tark etishi mumkinligini tushunib turishibdi.

Endi asosiy savol — «Portu» rasmiy qadam tashlab, «rossonerilar» bilan to'laqonli muzokaralarni boshlashga jur'at etadimi.

«Sassuolo» vingeri Arman Lor'ente «Ipsvich» e'tiborini tortmoqda.

Avvalroq «Beshiktosh» ham 27 yoshli fransiyalik futbolchiga qiziqish bildirgan edi. Italiya klubi o'z futbolchisi uchun 30 million yevro talab qilmoqda.

"Roma" va "Feyenoord" o'rtasida Givayro Rid bo'yicha muzokaralar davom etmoqda.

Fabrisio Romano xabariga ko'ra, "Roma" tomonidan taklif qilingan taxminan 25 million yevrolik taklif Niderlandiya klubi tomonidan rad etilmagan.

Biroq, bugun ertalab Rete Sport saytida paydo bo'lgan xabarlar vaziyatni o'zgartirib yubordi. David Rossi ma'lumotiga ko'ra, "Nottingem Forest" "Feyenoord" himoyachisini qo'lga kiritish uchun jiddiy urinish qildi va "Roma"ning 25 million yevrolik taklifini tenglashtirdi. Angliya klubi avvalgi ikki taklifi rad etilganidan so'ng, futbolchi uchun kurashga qaytishga qaror qildi.

Muzokaralardagi asosiy to'siq esa futbolchining maoshi bo'lishi mumkin. Hozirda mavsumiga 1 million yevro atrofida maosh olayotgan Rid Rotterdami tark etish uchun yiliga 4 million yevrolik shartnoma talab qilmoqda. "Nottingem Forest" ushbu summani hech ikkilanmay kafolatlashga tayyor, "Roma" esa bu sarmoyaning maqsadga muvofiqligini ko'rib chiqmoqda.

FR12 xabariga ko'ra, "Komo", "Parij" va "Sanderlend" klublari yaqinda "Feyenoord"ga Anis Xoj Mussa borasida murojaat qilishgan.

Hozircha ushbu uchta klubdan hech biri 24 yoshli vinger uchun rasmiy taklif bilan chiqmagan. "Feyenoord" futbolchini taxminan 37 million yevroga baholamoqda.

"Sevilya", "Valensiya", "Alaves", "Xetafe" va "Feyenoord" klublari "Atletiko" futbolchisi Obed Vargasni ijaraga olmoqchi.

Hozircha hech qanday muzokaralar o'tkazilmagan.

📰 Sezar Luis Merlo

🚨 Cezar Luis Merlo xabariga ko'ra, «Atletiko» Vargasni ijaraga berishga qaror qildi!

Bir nechta Ispaniya klublari va «Feyenoord» ushbu vaziyatdan foydalanib qolishga urinib ko'radi.

Xavi Lopes — «Feyenoord» futbolchisi. 24 yoshli chap qanot himoyachisi «Real Sosedad»dan bir yillik ijara asosida o'tmoqda, shuningdek, shartnomada uni sotib olish huquqi ham mavjud.

✊ Klubga xush kelibsiz, Xavi!

❌ Algemeen Dagblad xabariga ko'ra, Anis Hoj Mussa Saudiya Arabistonidan tushgan taklifni rad etdi.

«Feyenoord» hujumchisiga «Al-Ahli» qiziqish bildirayotgan edi. Saudiya klubi futbolchi uchun avvalroq 30 million yevro taklif qilgandi.

Hoj Mussaning o'zi esa faoliyatini Angliya Premyer-ligasida davom ettirishga ko'proq qiziqmoqda.

Fabrisio Romano xabariga ko'ra, «Feyenoord» «Real Sosedad» bilan chap qanot himoyachisi Xavi Lopezni ijaraga olish bo'yicha kelishuvga erishdi. Jurnalist ushbu xabarni o'zining mashhur «Here we go» iborasi bilan tasdiqladi.

24 yoshli ispaniyalik futbolchi kelasi mavsumni Rotterdam klubi safida ijara asosida o'tkazadi.

Shuningdek, «Feyenoord» «Real Sosedad» bilan futbolchini sotib olish huquqi borasida ham kelishib olgan.

Givayro Rid yozgi transfer oynasida "Feyyenoord"da qoladigan ko'rinadi. 🙂

Voetbal International xabariga ko'ra, 20 yoshli futbolchining yaqinlari shunday ma'lumot berishgan. Avvalroq Rid "Roma"ga o'tishga yaqin turgandi, biroq tomonlar yakuniy kelishuvga erisha olishmadi.

Rid bosh murabbiy Jovanni van Bronkxorstga juda ishonadi va rotterdamliklar klubi bilan sovrinlar uchun kurashishni istamoqda.

Voetbal International xabariga ko'ra, "Feyenoord" Ayase Ueda transferi bo'yicha "Fenerbaxche"dan jiddiy taklif oldi. Bu ma'lumot avvalroq FR12 tomonidan tarqatilgan xabarlarni tasdiqlaydi.

"Feyenoord" bir qancha sabablarga ko'ra ushbu transferni ko'rib chiqishga va "Fener" bilan muzokaralarni boshlashga tayyor.

Rotterdamliklar allaqachon unga o'rinbosar sifatida Nacho Ferrini ko'zlab qo'yishgan. Klub texnik direktori Dennis te Kloze yozgi transferlar oynasida o'yinchilarni sotishi kerak, Uedaning o'zi uchun esa faoliyatida navbatdagi qadamni tashlash vaqti kelgan bo'lishi mumkin.

"Feyenoord" Ueda uchun taxminan 25 million yevro talab qilmoqda.

RTV Rijnmond xabariga ko'ra, Brayton Feyenoord hujumchisi Ayase Ueda bilan jiddiy qiziqmoqda.

Bundan tashqari, ingliz klubi uning jamoadoshi Anis Xaj Mussaga ham qiziqish bildirmoqda.

Ayase Ueda 30 million yevro evaziga "Brayton" safiga o'tmoqda.

Futbolchi "Ipsvich" variantini rad etib, "Brayton"ni tanladi. Tez orada bu borada rasmiy ma'lumot berilishi kutilmoqda.

Ayase Ueda "Brayton"ga o'tishga yaqin.

Danilo Servadei xabariga ko'ra, futbolchi bilan shaxsiy shartnoma shartlari kelishib olingan. "Feyenoord" bilan muzokaralar muvaffaqiyatli davom etmoqda va transfer summasi 30 million yevro atrofida bo'lishi kutilmoqda.

ESPN Tekengeld podkasti xabariga ko'ra, «Feyenoord» Rid uchun kamida 33 million yevro miqdoridagi qat'iy to'lovni talab qilmoqda.

Futbolchiga qiziqish bildirayotgan «Roma» klubi ushbu talabni qondirishga tayyor emas.

Matteo Moretto xabariga ko'ra, Feyenoord klubi o'zining qisqa ro'yxatiga Fenerbahche vingeri O'guz Aydinni kiritdi.

Biroq, Rotterdam klubiga futbolchi uchun kurashda jiddiy raqobat yuzaga kelishi kutilmoqda. Ayni damda o'yinchi uchun Espanyol, Gamburg va Reynjers klublari ham da'vogarlik qilmoqda.

Santiago Ximenez yozgi transfer oynasida "Milan"dan ketishi mumkin. Italiya matbuoti xabariga ko'ra, Jennaro Gattuzo meksikalik hujumchini "Latsio"ning asosiy transfer maqsadi deb bilmoqda.

Murabbiy futbolchi bilan bir necha bor bog'langan va forvard o'tishga dastlabki roziligini bergan. Biroq yakuniy qaror hali qabul qilinmagan, chunki o'yinchi boshqa takliflarni ham kutmoqchi.

Asosiy muammo moliyaviy masalada. "Latsio" faqat sotib olish huquqi bilan ijaraga olishni taklif qilmoqda, "Milan" esa hujumchini bunday shartlar asosida qo'yib yuborishga tayyor emas.

Ruben Amorimning yangi loyihasida Ximenez uchun tarkibdan joy olish qiyinlashmoqda: Gonsalu Ramush asosiy hujumchi hisoblansa, Franchesko Kamarda unga o'rinbosar bo'lishi kutilmoqda.

Roma Jivayro Ridni sotib olish uchun urinishlarni davom ettirmoqda va endi Feyenoorddan yakuniy javobni kutmoqda.

Di Marzio xabariga ko'ra, rimliklar futbolchi uchun 25 million yevro va 3 million yevro bonus ko'rinishidagi yangi taklifni yuborishdi. Klub shu orqali kelishuvga erishib, murabbiy so'ragan o'ng qanot himoyachisini tarkibga qo'shib olmoqchi.

Endi barchasi Niderlandiya klubiga bog'liq. Feyenoord futbolchini sotish yoki sotmaslik borasida qaror qabul qilishi kerak. Tomonlar o'rtasidagi tafovut qisqargan bo'lsa-da, taklif qilingan summa yetarli bo'ladimi yoki yo'q, hozircha noma'lum.

Agar kelishuv amalga oshmasa, Roma boshqa variantlarni ko'rib chiqadi. Asosiy nomzodlar sifatida Nauel Molina va Ivan Fresneda tilga olinmoqda. Biroq, Rid asosiy maqsad bo'lib qolmoqda va Roma keyingi qadamlarni tashlashdan oldin Feyenoordning qarorini kutmoqda.

"Ipsvich" "Feyenoord" hujumchisi Ayase Ueda bilan qiziqib qoldi 👀

📰 Janluka Di Marsio xabariga ko'ra:

Roma Feyenoord bilan Jivayro Rid transferi bo'yicha muzokaralarni qayta boshladi, biroq klublar hozircha kelishuvga erisha olmadi.

💰 Niderlandiya klubi o'z futbolchisini 30 million yevrodan qimmatroqqa baholamoqda, bu esa rimliklarni qoniqtirmayapti.

Roma va Feyenoord o'rtasida Jivayro Rid transferi bo'yicha muzokaralar davom etmoqda.

Golland klubi murosaga kelishni istamayapti va 30 million yevro talab qilishda davom etmoqda. Il Messaggero xabariga ko'ra, Romaning taklifi deyarli 29 million yevroga yetib, talab qilinayotgan summagacha yaqinlashdi, ammo Feyenoord hali ham rad javobini bermoqda.

La Gazzetta dello Sport ma'lumotiga ko'ra, gollandlarning pozitsiyasi o'zgarmas qolmoqda. Bitimni yakunlash uchun Roma 30 million yevro chegarasiga yetib borishi kerak, buning uchun esa yo qat'iy to'lov miqdorini oshirish, yoki oson qo'lga kiritiladigan bonuslar hisobiga kafolatlangan moliyaviy barqarorlikni ta'minlash talab etiladi. Aynan shu narsa kelishuvning asosiy nuqtasi hisoblanadi.

Corriere della Sera yozishicha, futbolchi bilan bog'liq hech qanday to'siqlar yo'q, chunki Rid transferga allaqachon rozilik bildirgan (yillik 2,5 million yevro maosh bilan besh yillik shartnoma bo'yicha kelishib olingan).

MD xabariga ko'ra, Nauel Molina "Everton" uchun variantlardan biriga aylandi. Angliya klubi o'ng qanot himoyachisi izlamoqda.

Fabrisio Romano xabariga ko'ra, PSJ Ayaksning 21 yoshli vingeri Mika Godt transferi bo'yicha muzokaralarni boshladi. ↔️

PSV yaqinda Lyutsarel Gertreydani RB Leyptsigdan sotib olish imkoniyatiga qiziqish bildirdi. Klub dastlabki muzokaralarni o'tkazdi, ammo potentsial transfer murakkab jarayon bo'lishini tushunib turibdi. Leyptsig yuqori tovon puli talab qilmoqda, shu sababli PSV moliyaviy imkoniyatlarini baholab olishi kerak.

Shaxsiy shartnoma masalasi katta to'siq bo'lmaydi, shekilli. Gertreyda Eyndxoven klubiga o'tishga tayyor va o'z faoliyatini sovrinlar uchun kurashayotgan jamoada qayta tiklamoqchi. Biroq, hozircha aniq muzokaralar olib borilmayapti; PSV keyingi qadamlarni tashlashdan oldin vaziyatni o'rganmoqda.