Valencia — yangiliklari Umumiy

Diomande, Endrik va Pitarch Golden Boy sovrini uchun da'vogarlik qilayotgan 100 nafar futbolchi ro'yxatiga kiritildi.

Eslatib o'tamiz, mazkur sovrin Yevropa chempionatlarining oliy divizionida to'p surayotgan 21 yoshgacha bo'lgan futbolchilarga topshiriladi.

Golden Boy sovrini g'olibi noyabr oyida ma'lum bo'ladi.

📻 Cope xabariga ko'ra, La Ligada yangi hakamlik qoidalari joriy etilishi kutilmoqda:

⚪ VAR ikkinchi sariq kartochka berilishi mumkin bo'lgan vaziyatlarga, shuningdek, qizil kartochka olgan futbolchini noto'g'ri aniqlash holatlariga aralasha oladi;

⚪ VAR noto'g'ri belgilangan burchak zarbalarini bekor qila oladi;

⚪ Almashtirilayotgan futbolchi maydonni 10 soniya ichida tark etishi shart. Aks holda, uning o'rniga tushayotgan jamoadoshi maydonga kirish uchun bir daqiqa kutishiga to'g'ri keladi;

⚪ Tibbiy yordam ko'rsatilgan futbolchi o'yinga qaytishdan oldin bir daqiqa davomida maydon tashqarisida qolishi kerak;

⚪ Agar darvozabon raqib tomonidan qoida buzilishi natijasida jarohat olmagan holda tibbiy yordam so'rab o'yinni to'xtatsa, uning jamoasi bir daqiqa davomida kamchilik bo'lib o'ynashga majbur bo'ladi (bir nafar maydon o'yinchisi bu vaqt davomida maydonni tark etishi kerak);

⚪ Yon chiziqdan to'pni o'yinga kiritish nazorati kuchaytiriladi: hakamlar 5 soniyalik hisobdan foydalanadilar;

⚪ Agar penalti tepish vaqtida futbolchida ikkita tegish holati qayd etilsa va u gol ura olmasa, 11 metrlik zarba amalga oshirilmagan deb hisoblanadi (uni qayta tepishga ruxsat berilmaydi);

⚪ VAR aralashuvidan so'ng, bosh hakam o'zining yakuniy qarorini stadiondagi tomoshabinlarga e'lon qilishi va tushuntirib berishi mumkin.

🚨 Piter Lim Valensiyaga yetib keldi! 🦇👀

Klub egasi ayni damda shaharda va ish jarayonlariga kirishib ketdi.

🤝 Tashrif haqida nimalar ma'lum?

Piter Lim Xavyer Solis va Ron Gurley bilan uchrashuv o'tkazdi. Kun tartibidagi asosiy mavzular:

1. Kelgusi mavsumni rejalashtirish.

2. «Nou Mestalya» stadionini qurish jarayonini nazorat qilish.

💸 Transfer yangiliklari:

Mahalliy OAV xabariga ko'ra, rahbariyat va klub egasiga yozgi transfer oynasida jiddiy moliyaviy harakatlarni amalga oshirish taklif qilingan.

Uilyam Salibani katta ehtimol bilan jarrohlik amaliyoti va uzoq muddatli tiklanish jarayoni kutib turibdi.

DrMahmoud xabariga ko'ra, bu umurtqalararo disk churrasi. O'yinchini bunchalik uzoq muddatga safdan chiqaradigan boshqa jarohat yo'q, xuddi oyoqlariga chaqmoqdek elektr toki urgandek gap. Afsuski, bu operatsiya.

Ayni damda Diomande Golden Boy sovrini uchun da'vogarlar reytingida 3-o'rinni egallab turibdi. Endrik esa ushbu ro'yxatning 8-pog'onasidan joy olgan.

Shu bilan birga, yakuniy ovoz berish jarayoni keyinroq bo'lib o'tadi va Golden Boy g'olibi noyabr oyida ma'lum bo'ladi.

Klub prezidenti Kiat Lim bugun shaharda bo'lib turibdi. Bu tashrif rahbariyat joriy transfer oynasida tarkibni kuchaytirish uchun qo'shimcha mablag' ajratishni ma'qullaganidan 24 soat o'tar-o'tmas amalga oshdi.

Ishchi uchrashuvlardan tashqari, Lim yangi «Mestalya» stadioni qurilish maydoniga ham tashrif buyurib, klubning bo'lajak stadioni ustida olib borilayotgan ishlar jarayoni bilan yaqindan tanishdi. Uning tashrifi rahbariyat nafaqat transfer kampaniyasiga, balki klubning asosiy infratuzilmaviy loyihalaridan biriga ham katta e'tibor qaratayotganini ko'rsatadi.

🚨 Ispaniya futbolida qoidalar o'zgarmoqda:

⏱️ O'yinchini almashtirish uchun maydonni tark etishga 10 soniya vaqt beriladi.

🧤 Agar darvozabon jarohati sababli o'yin to'xtatilsa, uning jamoasidan bir nafar maydon o'yinchisi bir daqiqaga maydonni tark etishi kerak bo'ladi.

⚽ Agar penalti tepish vaqtida o'yinchi tasodifan to'pga ikki marta tegib, gol ursa, penalti qayta tepiladi.

🚩 Agar o'yinchi aut to'pini kiritishda ataylab vaqt cho'zsa, to'p kiritish huquqi raqibga o'tadi.

🥅 Agar jamoa darvozadan zarbani amalga oshirishni kechiktirsa, raqib burchak zarbasini tepish huquqiga ega bo'ladi.

📺 VAR endilikda ikkinchi sariq kartochkalar va xato belgilangan burchak zarbalarini tekshira oladi.

Bu o'zgarishlar, birinchi navbatda, vaqt cho'zishga qarshi kurashish va hakamlarning yaqqol xatolarini to'g'irlashga qaratilgan.

«Valensiya» egasi Piter Lim klubga qilgan yaqindagi tashrifi chog'ida rahbariyatga jamoani saqlab qolish uchun byudjetni oshirmoqchi emasligini ma'lum qildi.

Olingan ma'lumotlarga ko'ra, Lim transferlar yoki maoshlar uchun yangi mablag'lar faqat klub murabbiylar shtabi rejalariga kirmaydigan futbolchilar bilan xayrlashgandan so'nggina paydo bo'lishi mumkinligini ta'kidlagan. Ungacha tarkibni shakllantirish uchun qo'shimcha investitsiyalarni kutish kerak emas.

Shu tariqa, sport rahbariyatining yaqin vaqtdagi asosiy vazifasi — tarkib sonini qisqartirish va maoshlar byudjetini yengillashtirishdir. Lim aynan shu pozitsiyani bosh direktor Ron Gurley va rahbariyatning boshqa vakillariga yetkazib, klubning moliyaviy siyosati o'zgarishiga umid qilmaslik kerakligini tushuntirgan.

Gary Jacob xabariga ko'ra,

Arsenal Uilyam Salibaning bel qismidagi jarohati yuzasidan jarrohlik amaliyotini o'tkazish variantini ko'rib chiqmoqda. Bunday qaror futbolchini yangi mavsum startida maydondan chetda qoldirishi mumkin.

Kristian Moskera uning o'rnini bosa olishi mumkin, biroq klub universal himoyachi izlashda davom etmoqda. Nomzodlar qatorida Ezri Konsa ham tilga olinmoqda.