#Olympique de Marseille — yangiliklari

Filip Yorgensen «Marsel»ga qarshi o'yin oldidan o'tkazilgan matbuot anjumanida:

Men uchun Ugo juda muhim edi, u transferimda hal qiluvchi rol o'ynadi. Biz yaxshi suhbatlashdik: u menga o'z rejalari va darvozabondan nimalarni kutayotgani haqida gapirib berdi. Aynan shu narsa meni o'tishga ko'ndirdi. «Chelsi»dagi ikki mavsumdan so'ng, u yerda ko'p o'ynamadim, «Strasbur»da yana o'yin amaliyotiga ega bo'lish uchun ajoyib imkoniyatni ko'rdim. Men oxirgi ikki yil davomida klubni kuzatib bordim va u yerda Petrovich hamda Mayk Penders qanday rivojlanganini ko'rdim.

Men o'zimni zamonaviy va universal darvozabon deb bilaman: to'p bilan ham, to'psiz ham o'ynay olaman, bo'sh zonalarni himoya qilib, jamoaga o'yinning turli bosqichlarida yordam bera olaman. Hozir men uchun o'yinlarda maydonga tushish va tajriba orttirish juda muhim, chunki aynan o'yinlarda ko'proq o'sishga erishasan. Mavsumni «Marsel»ga qarshi o'yin bilan boshlash — yaxshi narsa, chunki bu katta klub. O'ylaymanki, biz tayyormiz: ko'p ishlayapmiz va yaxshi o'yin rejamiz bor.

Liam Rosenyor — yaxshi murabbiy. Uning «Strasbur»da yaxshi davri bo'lgan, «Chelsi»ga esa yaxshi g'oyalar bilan kelgandi, ammo bu ish bermadi. Nima uchunligini bilmayman, lekin aynan shunday bo'ldi.

Ugo Oliveyra «Marsel»ga qarshi o'yin oldidan o'tkazilgan matbuot anjumanida:

Men uchun muxlislar jamoaning eng muhim qismi. Men «Velodrom»da ular birinchi daqiqadan biz bilan birga o'ynashlarini istayman. 12 nafar o'yinchi bilan 11 nafardan ko'ra har doim yaxshiroq. Men muxlislarning his-tuyg'ularini va klub atrofidagi vaziyatni tushunaman, ammo hozir hamma birga bo'lishi ayniqsa muhim. Biz qayta qurish davrini boshdan kechirmoqdamiz — bu yangi siklning boshlanishi, ammo katta ambitsiyalar va katta hajmdagi ish bilan. Har kuni biz jamoani, o'yinchilarni va o'yin g'oyalarimizni rivojlantirishimiz kerak. Jamoa hozir mukammal bo'lmaydi, lekin ertaga u bugungidan ko'ra yaxshiroq bo'lishi kerak.

«Marsel» — juda kuchli raqib, ularda ko'plab sifatli va tajribali o'yinchilar hamda yaxshi murabbiy bor. Biz uchun bu jiddiy, lekin juda qiziqarli sinov. Biz «Velodrom»ga mukammal o'yin uchun emas, balki raqobatlashish va birga bo'lsak, kuchli ekanligimizni ko'rsatish uchun boryapmiz. Yozda jamoa juda o'zgardi: ba'zi o'yinchilar ketishdi, chunki ular uchun mos vaqt kelgandi. Endi men uchun asosiysi — shu yerda bo'lganlar. Men ularning «Strasbur» bilan ham aqlan, ham jismonan birga bo'lishlarini, klubga to'liq sodiq qolishlarini va u uchun kurashishga tayyor bo'lishlarini istayman. Transfer oynasi 31-avgustgacha ochiq, shuning uchun o'zgarishlar bo'lishi mumkin. Men hozirgi zamonga tayyorgarlik ko'ryapman, lekin kelajak haqida ham ko'p o'ylayapman.

O'yinchilarning tayyorgarligi bo'yicha bir nechta futbolchida shubhalar bor. Ertaga biz hammasini tekshirib, qaror qabul qilamiz. Shuningdek, Filip Yorgensen biz bilan ekanligidan juda xursandman. Darvozabon bizning tizimimizda ulkan rol o'ynaydi: u hujumlarni boshlashga yordam berishi, to'p bilan ishlashi va bo'sh zonalarni himoya qilishi kerak. Uning tajribasi va sifati jamoaga qo'shimcha ishonch bag'ishlaydi.

"Vest Xem" tayanch yarim himoyachisi Sungutu Magassa transfer oynasi yopilgunga qadar jamoani tark etishi mumkin. So'nggi haftalarda bir nechta klublar, jumladan "Marsel" va "Lion" futbolchiga qiziqish bildirmoqda. Hozircha aniq takliflar kelib tushmagan.

📰 Foot Mercato

Fabrisio Romano xabariga ko'ra, Manchester City bugun Rulli uchun birinchi rasmiy taklifini yubordi. Muzokaralar davom etmoqda.

🎙️ «Strasbur»ga qarshi o'yin oldidan Timoti Vea matbuot anjumanida ishtirok etdi:

«Biz o'zimizni juda yaxshi his qilyapmiz. Klubda hozir, albatta, qiyin davr, ammo biz buni tashqariga chiqarmaslikka va futbolga diqqatimizni qaratishga harakat qilyapmiz. Biz tayyormiz, o'rtoqlik o'yinlaridagi kayfiyatni saqlab qolishimiz kerak. Biz birgalikda yaxshi ishlayapmiz, hech kimda xudbinlik yo'q — buni ko'rish yoqimli.»

— Arit bilan o'ng qanotdagi bog'liqlik haqida:

«Amin bilan hamkorligimiz juda yaxshi ketmoqda, uning ijobiy jihatlari ko'p. U shunchaki ajoyib, umid qilamanki, maydonda birgalikda ko'plab yaxshi daqiqalarni o'tkazamiz.»

— O'z pozitsiyasi haqida:

«Bir oz yuqoriroqda o'ynashmi? Men istalgan pozitsiyada o'ynashga tayyorman, jamoa uchun borimni beraman. Men buyuk himoyachi bo'lishni istayman, ammo murabbiyga pozitsiyamni o'zgartirish kerak bo'lsa, jamoa uchun hamma narsaga tayyorman.»

— JCHga borish va kam o'yin vaqti haqida:

«Shunday bo'lib qoldi, bu murabbiyning qarori. Menda jamoadoshlarimni ko'proq qo'llab-quvvatlashim kerak bo'lgan rol bor edi. Shunday bo'ldi. U yerda bo'lganimdan juda faxrlanganman.»

— Bruno Jenezio haqida:

«Murabbiyga juda hurmat bilan qarayman. Biz hujum qilishni, gol urishni, agressiv o'ynashni istaymiz — bu menga yoqadi. Murabbiy juda xotirjam, bizga aynan shu kerak, u «Marsel» uchun ideal murabbiy.»

— O'z holati va sardorlik roli haqida:

«O'zimni yaxshi, 100 foiz his qilyapman, jamoaga yordam berishga tayyorman. «Atletiko»ga qarshi o'yinda sardor bo'ldim, bu men uchun katta sharaf va buni boshdan kechirganimdan juda faxrlanaman. Bu ulkan g'urur, chunki bu rolda birinchi marta maydonga tushishim edi. Bu mening qarorim emasdi va men Xyoybergga to'liq qo'shilaman. Ammo klubni qanchalik sevishimni ko'rsatish uchun menga sardorlik bog'ichi kerak emasdi. Bu shunchaki yoqimli bonus bo'ldi va murabbiy men haqimda o'ylaganidan juda xursandman.»

— O'yin haqida:

«Bu juda muhim o'yin, mavsumni yaxshi boshlash kerak. «Strasbur» — ko'plab yosh o'yinchilarga ega yaxshi jamoa. Biz 100 foiz kuchimizni berishimiz, agressiv o'ynashimiz kerak. Futbolga hurmat bilan qaraganimizda, hamma narsa yaxshi bo'ladi. Qiyin pallalarda ham birga bo'lishimiz kerak, Marselda esa bunday vaziyatlar ko'p bo'lishini bilamiz.»

— Klubdagi muhit haqida:

«Yangiliklarni ko'rganingizda, bu ba'zan aqldan ozdirishi mumkin. Tashqarida shovqin ko'p, ammo bu jamoada xudbinlikka o'rin yo'q. Bular g'alaba qozonishni istaydigan yigitlar. Kamtar bo'lib qolish muhim. Bu jamoa ko'p narsaga loyiq, chunki biz yaxshi ishlayapmiz. Biz «OM»dagi barcha uchun g'alaba qozonishni istaymiz. Biz tinimsiz mehnat qilishda davom etamiz. Rostini aytsam, vaziyatni a'lo darajada boshqaryapmiz. Asosiysi — g'alaba qozonish va «Marsel» uchun o'ynashni istayotganimizni ko'rsatish. Yosh o'yinchilar ishtiyoqqa to'la. Futbolda ba'zan shunday bo'ladi va bu faqat «OM»da emas. Ba'zan muammolar chiqadi, ammo biz g'alaba qozonish uchun shu yerdamiz. Sardor sifatida ijobiy kayfiyatni saqlab qolishga va jamoa uchun qulay sharoit yaratishga harakat qilaman.»

«Men bu yerda 100 foizman. Diqqatim «Marsel»da. Bu mening shahrim, bu mening uyim. Agar qolish imkonim bo'lsa, men shu yerda bo'laman, tamom. Ertaga nima bo'lishini bilmayman, chunki bu klub qarori, ammo hozircha shu yerdaman va klubim uchun borimni beraman.»

Aleksi Kum «AM»ga qarshi o'yindan so'ng o'z fikrlari bilan o'rtoqlashdi:

«O'ylaymanki, bizda uyaladigan narsa yo'q — biz yaxshi natija qayd etdik va buni kelasi hafta takrorlashga harakat qilishimiz kerak. Mayda kamchiliklarni bartaraf etib, g'alaba bilan qaytish uchun ishlashda davom etamiz. Ushbu tayyorgarlik davrida ham jismoniy, ham taktik jihatdan ko'p ishladik. Murabbiyning uslubi o'z samarasini bera boshlayapti deb o'ylayman. U bizdan qanday o'yin kutayotgani oxirgi ikki uchrashuvda yaqqol ko'zga tashlandi.

Maydonga tushish menga yoqimli bo'ldi, chunki tayyorgarlik davridagi barcha o'yinlarda ishtirok eta oldim. Chempionat boshlanish arafasida va mening maqsadim — imkon qadar ko'proq o'yin amaliyotiga ega bo'lish, ko'proq o'ynash va chaqirilgan paytimda tayyor turish. Men o'yin vaqti bo'yicha kafolat so'ramadim, menga bunday va'da ham berishmadi. Mendan shunchaki har bir mashg'ulotda borimni berishimni so'rashdi. Maydonga tushish imkoniyati tugilishi bilan bor kuchimni ishga solishga harakat qilaman.»