Leicester City — yangiliklari ↔ Bog'langan

Enzo Mareska APLdagi ilk 5 ta o'yinida g'alaba qozongan oltinchi murabbiy bo'lishi mumkin:

Karlo Anchelotti (Chelsi) — 6
Pep Gvardiola (Manchester Siti) — 6
Kreyg Shekspir (Lester) — 6
Ole-Gunnar Sulsher (Manchester Yunayted) — 6
Mauritsio Sarri (Chelsi) — 6
Enzo Mareska (Manchester Siti) — ❓

🚨 Enso Xabi Alonsodan «Manchester Siti» bilan olib borilayotgan muzokaralar fonida uni o'yin uchun tarkibga kiritmaslikni so'radi.

The Athletic nashriga bergan intervyusida Uesli Fofana yangi transferlar, klub loyihasiga bo'lgan ishonchi va kelajakdagi maqsadlari haqida gapirdi.

Danni Uelbek va Jordan Xendersonning jamoaga qo'shilishi haqida:

«Ular juda katta yordam bera olishadi. Ular shunchaki boshqa o'yinchilarga yordam berish uchun kelishmadi, o'zlari ham juda yaxshi mavsumlarni o'tkazishgan va o'ynash uchun kelishgan. Jordan deyarli hamma narsani yutgan, Danni ham ko'p narsaga erishgan va katta klublarda to'p surgan. Ular g'alaba qozonish va mavsum davomida yuqori saviyani saqlab qolish sirlarini bilishadi. Mashg'ulotlarda ham ular juda muhim bo'lishadi, chunki katta intensivlik olib kirishadi. Agar kimdir o'ziga bo'lgan talabni pasaytirsa, ular turtki berishadi. Klub bunga e'tibor qaratgani juda yaxshi bo'ldi».

«Chelsi» loyihasiga bo'lgan ishonchi haqida:

«O'ylashimcha, bizda kerakli hamma narsa bor. Yaxshi o'yinchilar, ajoyib muxlislar va yaxshi klub. Bizda yaxshi egalar va direktorlar bor — ularning klub uchun qilayotgan ishlari haqiqatan ham ta'sirli. Jamoamizga qarasangiz, hozir hamma narsa joyida. Danni va Jordan boshqa narsalar qatori, hammaga to'g'ri mentalitetni saqlab qolishga yordam berish uchun ham kelishdi, chunki o'tgan mavsumda bu borada muammolar bor edi. Bizda juda iqtidorli futbolchilar bor. Har bir pozitsiyada ikki-uch nafardan yuqori saviyadagi o'yinchi bor, shuning uchun kelajak juda porloq bo'lishi mumkin».

Klub bilan sovrinlar yutish istagi haqida:

«Men bu klub bilan sovrin yutmoqchiman, chunki «Chelsi»ga o'tish mening orzuim edi. Avvalroq sovrin yutganman [2021-yilda «Lester Siti» bilan Angliya Kubogi], lekin bu yerga kelganimda ambitsiyalarim juda yuqori edi. Men klub bilan hamma narsani yutmoqchi edim va bu istak yo'qolgani yo'q. Turnirdan chiqib ketish, ayniqsa «Arsenal» kabi raqibga qarshi o'yinda mag'lub bo'lish juda og'ir. Jamoangiz nimagadir qodir ekanini his qilib, unga erisha olmasangiz, buni qabul qilish qiyin. Lekin endi bu ortda qoldi. Yangi mavsum boshlanyapti, oldinda yangi turnirlar va kurashish kerak bo'lgan yangi sovrinlar bor. Biz «Chelsi»miz, shuning uchun hamma narsani yutishga urinishimiz kerak: har bir o'yin, har bir turnir».

Yevrokuboklar yo'qligi haqida:

«O'ylashimcha, bunda ijobiy tomon ham bor. Bizda Chempionlar ligasi va umuman yevrokuboklar bo'lmaydi, shuning uchun Premer-ligaga diqqatimizni qarata olamiz. Bizda kuchli jamoa bor va hamma narsa uchun kurasha olamiz. Bizda yangi, juda yaxshi murabbiy va kuchli shtab bor. Kurashish uchun barcha sharoitlar mavjud».

💭 Enso Mareska:

Tijani – biz bilan birga bo'lgan futbolchi. Mening burchim – jamoani tark etguniga qadar ular uchun qo'limdan kelganini qilish. Uning o'yinidan mamnunman, ta'tildan qaytganidan beri yaxshi mashg'ulot o'tkazmoqda. Hozirgi vaqtda undan juda xursandman.

Ayni damda futbolchilarimiz haqida ko'plab mish-mishlar tarqalmoqda – Savinyu yagona emas. Savinyu shu yerda ekan, uning o'yinini yaxshilashga yordam berish uchun qo'limizdan kelganini qilamiz. Afsuski, transfer oynasi ochiq vaqtda har narsa bo'lishi mumkinligini ko'p marta ta'kidlaganmiz, biz bunga tayyor turishimiz kerak.

Mike McGrath xabariga ko'ra, «Lester» yana bir futbolchini o'z safiga qo'shib olmoqda. Ues Berns transfer oldidan tibbiy ko'rikdan o'tmoqda 🥲

Fabrizio Romano xabariga ko'ra, Stounz bilan shartnoma imzolash uchun barcha ishlar tayyor, biz tibbiy ko'rik natijalari va imzolarni kutmoqdamiz. Romero masalasiga kelsak, men aytganlarimni tasdiqlayman: «Inter» uning agentlari bilan aloqani uzmagan, ammo bugun ular boshqacha pozitsiyani egallashdi.

Bir necha kun oldin bu o'yinchi tomonidan ishlashni talab qiladigan bitim edi. Bugun «Inter» markaziy himoyachi sotib oldi va Kuti talablari bilan solishtirganda, vaziyat butunlay o'zgardi. Ular markaziy himoyachini imzolashdi, shuning uchun ular yo transfer oynasi yopilguncha ulgurishadi, yoki Romero bo'yicha bitim boshi berk ko'chaga kirib qoladi. Muzokaralar davom etmoqda, ammo bu endi boshqacha masala.

Shuni aniqlashtirmoqchimanki, «Barselona» ham Romeroni xohlaydi, ammo avval markaziy himoyachi ketishi kerak va Kristian yagona variant emas. Kataloniyaliklar Romeroga hech qanday kafolat berishmayapti, ular uni baholashmoqda, ammo hali u bilan kelishuvga erishishgani yo'q. Bu ochiq masala bo'lib qolmoqda.

🔵 Transfer dayjesti

Asosiy jamoa

• Ben Jacobs xabariga ko'ra, «Ipsvich» Abdul Fatavu bo'yicha «Lester» bilan muzokaralarni boshladi.

• BBC Sport ma'lumotiga ko'ra, Jeyden Filojin «Ipsvich»ni tark etishga tayyor — unga «Benfika», «Roma» va «Bolonya» qiziqish bildirmoqda. Biroq, vinger mashg'ulotlarda astoydil mehnat qilayotgani qo'shimcha qilingan.

🆕 • Niderlandiya manbalariga ko'ra, «Taun» «Volendam»ning 22 yoshli darvozaboni Keyn Van Uvelen uchun 3 million yevrolik taklif bilan chiqdi. Niderlandiya klubi esa 4 million yevro talab qilmoqda.

Akademiya

✅ • Kris Aterton «Ipsvich» U18 jamoasiga qo'shildi.

✅ • Darvozabon Genri Grey mavsumni o'z vatanida o'tkazadi — uni Yangi Zelandiyaning «Vellington Feniks» klubi ijaraga oldi.

Jeremi Monga:

«Manchester Siti» menga qiziqish bildirayotganini bilganimda, bu men uchun to'g'ri tanlov ekanligini darhol tushundim.

Har qanday yosh futbolchi uchun ushbu ajoyib klubning bir qismiga aylanish — bu ushalgan orzu.

Bu Angliyaning so'nggi 10 yildagi eng yaxshi klubi. Qolaversa, u Fil Foden va Niko O'Rayli kabi akademiya tarbiyalanuvchilariga o'zini ko'rsatish uchun imkoniyat berdi, bu esa bu yerda muvaffaqiyatga erishish yo'li borligini isbotlaydi.

Bu yerda ekanligimdan juda faxrlanaman va jamoaga qo'shilganimdan juda xursandman».

Enso Mareska «Manchester Siti»ning APLdagi peshqadamligi haqida:

«Uch ochko kamroq bo'lgandan ko'ra, ko'proq bo'lgani yaxshi, bunda shubha yo'q. Ammo shu bilan birga, biz mavsum endigina boshlanganini tushunamiz…»

Mareska intervyu berib, ikki marta sobiq klubi nomini aytishni unutdi.

Dastlab undan APLdagi eng yaxshi xotirasi haqida so'rashdi:

Sobiq klubimni boshqarganimda, u yerda o'tkazgan mavsumim juda yaxshi bo'lgandi.

Keyin esa murabbiylik faoliyatidagi eng yaxshi lahza haqida so'rashdi:

Qisqa vaqt ichida omadim keldi. Men shu yerda, «Siti»da bo'lganimda klub trebl qayd etdi. Keyin ketdim va «Lester» bilan ligada g'olib chiqdik. So'ngra boshqa klubga o'tdim va biz nimadir yutdik.

Barchamiz Mareska va rahbariyat o'rtasidagi munosabatlar yaxshi yakunlanmaganini tushunamiz.

Ammo klub – bu egalaridan kattaroq tushuncha.

Bu nafaqat xayrlashuv postlarini yozgan, balki intervyularda Mareskaning ishdan bo'shatilishini noto'g'ri deb hisoblagan futbolchilar.

Bu muxlislar, ularning ko'pchiligi mojaroda murabbiy tomonida turishdi. Hatto Enso klubni o'zi tashlab ketgani haqidagi rasmiy bayonotdan keyin ham uni qo'llab-quvvatlaganlar qoldi.

Bu klub xodimlari, ular har kuni nonushta tayyorlab, mashg'ulot bazasini hozirlab, ichki muhitni yuqori darajada ushlab turishgan.

Bu klub murabbiy bilan birgalikda yozgan tarix. Uning birinchi yevrokubogi. Balki yagona bo'lgan klublar o'rtasidagi jahon chempionati. Chempionlar ligasiga chiqish. Bu faqat uning xizmati emas – bu ko'plab insonlarning mehnati.

Ha, rahbariyat rasmiy bayonotda «sobiq bosh murabbiy» deb yozdi. Bu sovuqqon va adolatsiz. Ammo Enso bilan ishlagan va unga ishonganlar shunday mensimaslikka loyiqmi? Men bunday deb o'ylamayman.

Joze qanday ketganini eslang. U Abramovich bilan qattiq janjallashgan. Ammo «Chelsi» haqida bir og'iz ham yomon gapirmagan. Aksincha, doim minnatdorchilik bildirgan. Chunki u ajrata olgan. Hatto «Inter» bilan Chempionlar ligasida «Brij»ga kelganida ham, Joze Abramovichga qarshi o'ynagan. Klubga qarshi emas.

Shuning uchun biri – ulkan meros qoldirgan buyuk murabbiy. Ikkinchisi esa – xafa bo'luvchi italyan hasharoti.

🤡 Enso Mareska «Chelsi»dagi bosqichi uning hayotida deyarli bo'lmagandek ko'rinishga harakat qilmoqda.

Faoliyatidagi eng yaxshi lahza haqidagi savolga javob berar ekan, italiyalik murabbiy «Siti» bilan treblni, «Lester» bilan chempionlikni esladi va kamtarlik bilan «so'ngra shunchaki boshqa klubga o'tdim va u yerda ham sovrin yutdim» deb qo'shib qo'ydi. U hatto «Chelsi» nomini tilga olishni ham istamadi. 😅

«Stemford Brij»dagi muxlislarga italiyalik murabbiyning bunday «kamtarligi» va unutuvchanligi umuman yoqmadi — X ijtimoiy tarmog'ida allaqachon unga «iliq» kutib olish tashkil etishga chaqirishmoqda. 🤝

Uesli Fofana The Athletic nashriga bergan intervyusida tanqidlar, jarohatlar va jamoadagi o'zgarishlar haqida gapirdi.

💬 Tanqidlar haqida:

"Jamoa yutqazganda va ishlar yurishmaganda, aybdor qidirishadi: "Bu uning aybi, buniki". Men buni qabul qila olaman. Klub men uchun katta summa to'lagan. Men o'z pozitsiyamdagi eng yaxshi o'yinchi bo'lish va jamoaga yordam berish ambitsiyalari bilan kelganman. Shuning uchun ishlar yomon ketganda, aybdor bo'lishga tayyorman".

"Eng muhimi – klubda mening mentalitetimni bilishadi, jamoadoshlarim esa meni yaxshi tushunishadi. Zaxiradamanmi yoki maydonda – albatta, g'alaba qozonishni istayman va har bir o'yinda bor kuchimni berishga harakat qilaman. To'rt yil oldin "Chelsi" bilan katta shartnoma imzolaganman. Dastlab bularning hammasini tushunish qiyin edi, ammo endi, to'rt yildan so'ng, futbol qanday ishlashini tushunib yetdim".

💬 Jarohatlari haqida:

"O'tgan mavsumda men uchun eng muhimi sog'lom qolish va nihoyat jarohatlar hamda boshqa muammolar haqidagi fikrlarni boshimdan chiqarib tashlash edi. Jarohatlarsiz to'liq mavsum o'tkazish men uchun juda muhim edi. Endi keyingi qadamlarga e'tibor qarata olaman. Yaxshi formada bo'lishni, o'z darajamni ko'rsatishni va jamoaga yordam berishni istayman. Oldinga qarab harakatlanishga tayyorman, eng asosiysi shu".

"Formada bo'lsam, o'ynayman, yaxshi harakat qilaman, jamoamga g'alabalar va sovrinlar uchun kurashishda yordam beraman. Hozir bizda Chempionlar ligasisiz va umuman yevrokuboklarsiz mavsum, shuning uchun bor e'tiborimizni Premer-ligaga qarata olamiz. Bizda kuchli jamoa, yangi va juda yaxshi murabbiy, ajoyib shtab bor – sovrinlar uchun kurashish uchun barcha narsa mavjud. Agar sog'lom bo'lsam va yaxshi formada bo'lsam, yordam bera olaman".

💬 Tarkibdagi raqobat haqida:

"Har kim yaxshi o'ynashi va yaxshi mashg'ulot o'tkazishi kerak, shundan so'ng murabbiy qaror qabul qiladi. Hamma bilan shunday bo'ladi. Kimdir ketishi, kimdir qaytishi mumkin. Menga kelsak, hammasi oddiy: yaxshi mashg'ulot o'tkazish, sog'lom qolishga harakat qilish, qolganini esa murabbiy hal qiladi".

"Agar klub menga endi kerak emasligimni aytsa, demak shunday bo'lishi kerak ekan. Albatta, xafa bo'laman, lekin bu futbol. Har kim o'z o'rni va o'ynash imkoniyati uchun kurashishi kerak. Bu nafaqat menga, balki hammaga tegishli – barchada shunday mentalitet bo'lishi kerak. Hozir eng muhimi – mavsumoldi o'yinlari va mashg'ulotlarda bor kuchini berish. U tugagach, har kim klub va murabbiy bilan suhbatlashadi va yakuniy qaror qabul qilinadi".

💬 O'tgan mavsumdagi muvaffaqiyatsizlik haqida:

"Mavsum davomida bizda ko'plab o'zgarishlar bo'ldi. Albatta, buni bahona sifatida ishlatish mumkin, lekin o'ylaymanki, gap o'yinchilarning o'zida. Biz borimizni bermadik, o'yinlarni boy berdik va xatolarga yo'l qo'ydik".

"Bularning hammasini yangi mavsumga ko'chirib bo'lmaydi. O'ylaymanki, hamma o'tgan yili nima noto'g'ri bo'lganini juda yaxshi tushunib turibdi. Har kim o'ziga ko'zgu orqali qarab, o'z ishini baholadi".

"Bunda ijobiy tomon ham bor: endi biz oldinga qarab har keta olamiz. Bu kelajak uchun yaxshi saboq va biz undan xulosa chiqara olamiz".

💬 Jamoadagi o'zgarishlar haqida:

"O'ylaymanki, hamma bizga barqarorlik kerakligini tushunib turibdi. Bu haqda o'tgan mavsumdayoq rahbariyat bilan gaplashganmiz, direktorlar ham xuddi shuni aytishgandi. Ular ham o'yinchilar kabi fikrlashadi. Albatta, bizga natijalar kerak. Agar har bir o'yinda yutqazsang, nimadirni o'zgartirish kerak".

"Ammo bizga barqarorlik ham zarur. O'ylaymanki, Xabi Alonso buning uchun munosib inson. U yosh murabbiy, biz yosh jamoamiz, o'zi esa ajoyib o'yinchi bo'lgan. U o'yin detallarini biladi, futbolni yaxshi tushunadi va bizda juda kuchli murabbiylar shtabi bor".

"Bunday tuzilma bilan biz rivojlanishimiz va bu mavsumda hamma narsa uchun kurashishga yetarlicha kuchli bo'lishimiz mumkin. O'ylaymanki, klubdagi hamma bir tomonga qarab harakat qilyapti: ishlashimiz, g'alaba qozonishimiz, raqobatlashishga harakat qilishimiz va keyin qayerda bo'lishimizni ko'rishimiz kerak".

"O'yinchilarning Entso [Mareska] bilan munosabatlari ajoyib edi, chunki birga ishlashga, uni bilishga va u o'yinchilardan nima kutayotganini tushunishga vaqtimiz bo'ldi. Xabi bilan ham shunday bo'ladi deb o'ylayman. Biz ishlashimiz, o'rganishimiz, uni murabbiy va inson sifatida bilib olishimiz kerak".

"Vaqt o'tishi bilan biz o'zgacha narsa qura olamiz. Klub uchun hozir eng muhimi – murabbiy, o'yinchilar, shtab va egalar o'rtasida mustahkam munosabatlar o'rnatish, shunda hamma bir yo'nalishda harakat qiladi".

🚨 Agar Savinyo "Tottenxem"ga o'tib ketsa, "Manchester Siti" uning o'rniga yangi futbolchi sotib oladi.

✍️ Biroq, bu aynan vinger bo'ladimi yoki yo'q, hozircha noma'lum — Entso Mareska va Ugu Viana hujum chizig'ini kuchaytirish uchun turli variantlarni ko'rib chiqishmoqda.

‼️ Telegraph

Rasman: Ues Byorns «Lester» safiga qo'shildi.

«Ipsvich» zamonaviy davrining haqiqiy afsonasi 💙

💭 "Inter" bosh murabbiyi Kristian Kivu Enzo Mareska haqida o'z fikrlari bilan o'rtoqlashdi:

"U avvalroq klubda ishlagan, chunki Pep bilan hamkorlik qilgan. Keyin u o'z murabbiylik faoliyatini boshladi va hozircha o'z vazifalarini a'lo darajada bajarmoqda. Unga "Lester" va "Chelsi"da oson bo'lmadi, ammo u Chempionship va Klublar o'rtasidagi jahon chempionatida g'olib chiqdi. U mos murabbiy, chunki Pep bilan ishlagan va o'z qarashlariga ega. U dunyodagi eng yosh murabbiylardan biri, hali ustida ishlashi kerak bo'lgan jihatlari bor, garchi hozirgacha yaxshi natijalar ko'rsatgan bo'lsa ham".

✅ Abdul Fatawu safga qo'shildi!

Transfer summasi 20 million funt sterlingni tashkil etdi, shuningdek, yana 3 million funt bonus sifatida ko'zda tutilgan. Tomonlar 2031-yilga qadar mo'ljallangan shartnomani imzolashdi.

O'Rurk xabariga ko'ra, «Ipswich Town» Abdul Fatawu uchun 20 million funt sterling to'laydi, yana 4 million funt bonus sifatida ko'zda tutilgan.

Bugun Abdul transfer oldidan tibbiy ko'rikdan o'tmoqda.

🚨 "Ipswich" Abdul Fatawu transferi bo'yicha kelishuvni yakunlamoqda.

Transfer summasi taxminan 20 million funt sterlingni tashkil qiladi.

"Lester" Ipsvich"ning Abdul Fatawu uchun yuborgan ilk taklifini rad etdi.

Muzokaralar davom etmoqda.

Ugo Viana:

Jeremi — o'zining yosh karyerasida katta muvaffaqiyatlarga erishgan va'dali futbolchi. Klubimiz uni anchadan beri kuzatib keladi. U "Lester" safida o'ynaganida biz uning qobiliyatiga o'z ko'zimiz bilan guvoh bo'lganmiz. Hozir u atigi 17 yoshda. Ishonchimiz komilki, u o'sishda davom etadi va bu uning karyerasidagi to'g'ri qadamdir. Biz unga har tomonlama yordam berishga tayyormiz.

MEN nashri jurnalisti Aleks Jeymsning yozishicha, Monga Osiyo bo'ylab tashkil etiladigan turnega yo'l oladi. Shundan so'ng uning kelajagi borasida yakuniy qaror qabul qilinadi.