Udinese — yangiliklari Matbuot

Nauel Molina «Roma» futbolchisi sifatida ilk intervyusini berdi. «Atletiko Madrid»dan «jallorossi» safiga kelib qo'shilgan himoyachi klub rasmiy kanallariga bergan suhbatida poytaxtdagi yangi sarguzashti, mavsumdan kutayotgan umidlari va «Roma» olami haqidagi ilk taassurotlari bilan o'rtoqlashdi.

Avvalo, barchaga salom yo'llamoqchiman. Birinchi lahzadan boshlab meni uydagidek kutib olishdi, bundan juda xursandman. Murabbiy ham, klub ham «Roma»ga o'tishimni juda xohlashdi, buning uchun ularga minnatdorchilik bildiraman. Mashg'ulotlarga darhol kirishishga va jamoaga nafim tegishiga umid qilaman.

«Roma»ni tanlash sabablari haqida:

«Roma»ni buyuk klub va chinakamiga jonkuyar muxlislarga ega jamoa deb bilganim uchun tanladim. Jamoa kuchli va so'nggi yillarda katta muvaffaqiyatlarga erishdi. Bularning barchasi meni «Roma»ni tanlashga undadi. Bu yerga kelganimdan juda xursandman va baxtliman.

Muxlislarning kutib olishi haqida:

Aeroportdagi kutib olish ajoyib bo'ldi. Chiqishim bilan ko'plab odamlar ismimni hayqirib turishganini ko'rdim. Bu men uchun katta quvonch edi, umid qilamanki, muxlislarning muhabbatiga munosib javob qaytara olaman. Jamoadoshlarim bilan gaplashib oldim, ular ham «Roma»ga kelishimning sabablaridan biri bo'lishdi, chunki ularni va jamoaning boshqa o'yinchilarini yaxshi bilaman. O'ylaymanki, bu men uchun juda ijobiy bo'ladi va dastlabki haftalar hamda oylarda yangi jamoaga moslashishimga yordam beradi. Juda hayajondaman.

20-raqamni tanlash sababi haqida:

Shunchaki yangilik istadim. Bu yangi boshlanish. 20-raqam menga yoqdi va u bo'sh edi. Aytganimdek, men uchun bu yangi vaziyat va faoliyatimdagi yangi chaqiriq. O'ylaymanki, o'zgarishlar yangi motivatsiya ham bera oladi.

O'yin uslubi haqida:

Italiya futboli doimo juda murakkab. Men qiyin o'yinlar va yanada kuchliroq kurash kutmoqdaman. Men har doim borini beradigan o'yinchiman. Faoliyatim davomida shunday bo'lgan: hech qachon ortga chekinmayman va jamoa uchun maydonda 100 foiz kuchim bilan harakat qilishga intilaman. Italiya futboli, shuningdek, juda taktik o'yin hisoblanadi.

Universal o'yinchi ekani haqida:

Rostini aytsam, ikkala pozitsiyada ham o'ynaganman. Hujumga yaqinroq o'ynash ham, chuqurroq pozitsiyadan boshlash ham men uchun qulay. O'yin davomida bu men uchun katta o'zgarish qilmaydi. Ko'proq hujum qilishim yoki himoyalanishim kerakligi murabbiyga bog'liq, vaziyatlar o'yindan o'yinga o'zgarishi mumkin.

Rim shahri haqida:

Bu haqda rafiqam bilan ko'p gaplashdik, chunki ikkalamiz ham bu shaharni yaxshi ko'ramiz. Ilgari dam olish kunlarimiz bo'lganda, bu yerga bir necha bor kelganmiz. «Udineze»ga kelganimdan beri Italiyaga oshiq bo'lib qolganman. Juda baxtliman va o'ylaymanki, Rim va rimliklar menga juda yoqadi. Qizimni tarbiyalash va unga dunyoni kashf etish imkonini berish uchun Rimdan yaxshiroq joy yo'q deb o'ylayman.

«Olimpiko» stadioni haqida:

Bu chinakamiga o'zgacha voqea bo'ladi deb o'ylayman. Aytganimdek, aeroportda meni ko'plab muxlislar kutib olishgandi. To'lib-toshgan «Olimpiko»ni, muxlislar har bir o'yinda jamoani qo'llab-quvvatlashini tasavvur qilyapman. O'ylaymanki, bu shunchaki ajoyib bo'ladi.

Chempionlar ligasi haqida:

Chempionlar ligasi – fantastik turnir, o'zgacha musobaqa. Unda ishtirok etish imkoniyati ajoyib va «Roma»ning unda qatnashishi juda muhim. Ham Chempionlar ligasida, ham A Seriyada, shuningdek, «Roma» ishtirok etadigan barcha boshqa musobaqalarda o'z hissamni qo'shishga tayyor bo'lishga umid qilaman.

Hansi Flik o'yinlardan keyingi matbuot anjumanida o'z fikrlari bilan o'rtoqlashdi:

Hansi Flik: "Bular yaxshi o'yinlar bo'ldi, jumladan "Nottingem" bilan ham... "Udineze" bilan ham xuddi shunday. Ikkala jamoa ham kuchli. Birinchi uchrashuv normal o'tdi. Biz ko'p narsani ancha yaxshiroq qila olamiz, ammo voqelik shunday. Biz bu haqda gaplashib olamiz, lekin umuman olganda, ko'rganlarimdan mamnunman. Kecha bizda mashg'ulot bo'lgandi va uning sifati menga unchalik yoqmagani uchun undan unchalik qoniqmadim. Bu mavsumda birinchi marta shunday holat kuzatildi, bugun esa ancha yaxshi edi".

Arauxo va boshqa o'yinchilarning ketishi haqida:

Hansi Flik: "O'yinchilar atrofida katta shov-shuv ko'tarildi deb o'ylayman. Biz nima xohlayotganimizni bilamiz... Biz doimo jamoani rivojlantirish va kerakli o'yinchilar bilan kuchaytirish haqida gapiramiz. Ammo biz mutlaqo xotirjammiz, jamoamizda yuqori mahorat darajasi bor. Bu maydonga yosh futbolchilar tushganida ham ko'rinib turibdi. Kelasi hafta ko'plab o'yinchilarimiz qaytishadi. Buni to'g'ri boshqarish kerak. Xullas, bu mavsumoldi tayyorgarligi odatiy emas. Bizda bor-yo'g'i 10-12 kun bor, keyin esa birinchi o'yin, shuning uchun, aslida, terma jamoalar o'yinlari uchun birinchi tanaffusgacha qandaydir yo'l bilan vaziyatdan chiqib ketishimiz kerak. Keyinroq, o'ylayman-ki, hamma yuz foiz tayyor bo'ladi".

PSJ "Barselona"ga Ferran Torres bilan kelishuvga erishgani haqida:

Hansi Flik: "Men hozir jamoaga e'tibor qaratganman. Aytganimdek: men o'yinchilarning ta'tilini hurmat qilaman. Hozircha bu haqda hech narsa bilmayman, bugun ikki o'yinga e'tibor qaratgandim va boshqa hech narsaga emas. Bu borada menda hech qanday ma'lumot yo'q".

Rafinya va Ferminning o'yini haqida:

Hansi Flik: "Fermin bilan ham qandaydir yo'l tutishimiz kerak bo'ladi. Hozirgi vaqtda Rafinya biz bilan 10-12 kundan beri, Fermin esa bir necha kun ko'proq. Hammasi normal o'tdi, 45 daqiqadan so'ng ularni almashtirdik. Rafinya men uchun — va men buni tez-tez aytaman — eng muhim o'yinchi. Chunki u ajoyib dinamika va intensivlikka ega. Biz undan aynan shuni kutamiz. U sardorlardan biri va bizga u jamoaga, maqsadlarimizga yuz foiz jalb qilinishi kerak. Men unda ko'rmoqchi bo'lgan narsa shu".

Kasado va Runining ketishi haqida:

Hansi Flik: "Men uchun bu oson emas. Klubda qarorlar qabul qilishimizga to'g'ri keldi, men ular bilan o'tgan mavsum oxirida va hozir gaplashdim. Angliyadagi yig'inlar vaqtida ularning vaziyatini muhokama qildik va bu masalada hech narsa o'zgarmadi. Men ularga o'z fikrimni aytdim va ular biz bu haqda nima deb o'ylayotganimizni bilishadi. Gap faqat men haqimda emas, balki klubning pozitsiyasi haqida ham ketyapti. Vaziyat shunday. Mavsumdan so'ng jamoada ma'lum o'zgarishlar bo'lishi tabiiy. Bugun siz ham ko'rishingiz mumkinki, bizda yosh o'yinchilar ko'p... Jumladan, o'tgan mavsumda biz bilan birga bo'lganlar ham. Ular uchun joy bo'shatish va o'ynash imkoniyatini berish muhim. Aynan shuning uchun biz shunday qaror qabul qildik".

🔥Gabriel Jesus'ning "Napoli"ga o'tishi mumkinligi atrofidagi bahslar

😤"Napoli"ning ashaddiy muxlisi bo'lgan jurnalist Raffaele Auriemma keskin fikr bildirdi:

"So'nggi to'rt yil ichida yiliga besh gol. Agar Gabriel Jesusning ko'rsatkichlari shunday bo'lsa, men Luccani olib qolgan bo'lardim. Nega biz Luccani olib qolmasligimiz kerak? Agar biz hujumchini ijaraga olsak — "Arsenal" buni qat'iyan istamayapti, qolaversa, gap shartnomasi yakunlanayotgan o'yinchi haqida ketmoqda. Ijara muddati tugagach, shartnomani uzaytirish kerak bo'ladi. Unga bu shartnomani kim taklif qiladi? "Napoli"mi?!"

"Bizning jamoada kuchli o'yinchi bor, chunki mening nazarimda, Lucca kuchli futbolchi. U 26 yoshda, chaqqon va jismoniy holati eng yuqori cho'qqida. Ammo Lucca yiliga besh gol ura oladimi? Agar u 20 ta o'yinda maydonga tushsa, o'ylaymanki, undan ham ko'proq gol uradi. Unda nima uchun biz 20 ta o'yinda atigi besh gol uradigan va buning ustiga 17 million yevro to'lashimiz kerak bo'lgan Gabriel Jesusni sotib olishimiz kerak?"