Superliga 22-turidan o'rin olgan «Mash'al» – «Paxtakor» uchrashuvidan so'ng «Paxtakor» bosh murabbiyi Kamoliddin Tojiyev matbuot anjumanida ishtirok etdi.
Kamoliddin Tojiyev: «Qizil kartochka rejalarimizni o'zgartirib yubordi»
Superliga 22-turidan o'rin olgan «Mash'al» – «Paxtakor» uchrashuvidan so'ng «Paxtakor» bosh murabbiyi Kamoliddin Tojiyev matbuot anjumanida ishtirok etdi.
Paxtakor bosh murabbiyi Mash`alga qarshi kechgan qiyin bahs hamda Oybek Bozorovning holati haqida gapirdi.
- O'yin haqida fikringiz?
- "Mash`al" bilan bahs qiyin kechishini bilardik. Muhimi, g'alaba qozonganimiz. Birinchi bo'limdagi qizil kartochka rejalarimizni o'zgartirib yubordi. Tanaffusda yigitlarga kerakli ko'rsatmalarni berdik va ikkinchi taymda iroda ko'rsatib g'alaba qozondik. Oxirigacha kurash olib borishgani uchun yigitlarga rahmat aytib qolaman. Bu o'yin biz uchun nihoyatda muhim edi. Aslida har bir bahs biz uchun muhim bo'lib qolmoqda.
- Bugun kim ko'proq xatoga yo'l qo'ydi: "Mash`al"mi, "Paxtakor"mi yo hakamlar jamoasimi?
- Qo'pol xatolar ko'rinmadi. Biz ham, "Mash`al" ham qo'pol xatolarga yo'l qo'ymadi. O'z imkoniyatlarimizdan foydalanib g'alabaga erishdik. O'yin yoqdi deya olmayman, murakkab uchrashuv kechishini bilardik. Uzoq yo'l bosib keldik. O'yinga tayyorgarlik ko'rish uchun ikki kun vaqtimiz bo'ldi va asosan tiklanish bilan mashg'ul bo'ldik.
- Qizil kartochka o'yinni qanchalik o'zgartirib yubordi?
- Aytganimdek, rejalarimizni tubdan o'zgartirib yubordi. Hech kim o'yin boshida qizil kartochka olib keyin bu rejaga o'tamiz deb o'ylamaydi. O'zim tomonimdan xato kuzatildi deya olmayman. Kimni maydonga tushirgan bo'lsak, hamma yaxshi harakat qildi. O'n kishi qolib ham g'alaba qozondik.
- "Mash`al" hozircha oxirgi o'rinda va tarkibida yoshlarni o'ynatyapti. "Paxtakor" esa ikkinchi o'rinda bormoqda. Kichik hisobda g'alaba qozondik deb hisoblaysizmi?
- Bitta to'p farqi bilan yutuqqa erishgan bo'lsak-da, futbolchilar o'yinga oddiy qarashdi deya olmayman. Baribir kurash oxirigacha kechdi. Tig'iz taqvim bo'yicha o'yinlarni o'tkazyapmiz, hech bir bellashuv oson bo'lmayapti. "Al Ahli" bilan o'yindan keyinoq bu uchrashuvga hozirlikni boshladik. "Mash`al" yosh bo'lgani bilan o'z o'yin uslubi bor. Bugun ham o'zini ko'rsatishga harakat qildi.
- Oybek Bozorov bir necha yil "Nasaf"ning asosiy futbolchisi bo'lib keldi. Lekin u "Paxtakor"da zaxirada qolib ketyapti. Bu futbolchining jismoniy holati bilan bog'liqmi yoki o'yin uslubi mos tushmayapti?
- Oybekda jarohat bor edi, shu bois Saudiyaga ham bora olmadi. G'uzorga kelishimizdan oldin faqat ikkita mashg'ulotda ishtirok etdi. Hozircha to'liq tayyor emas. Endi-endi tuzalib safimizga qaytyapti. Jarohati yana takrorlanmasin deb hozircha zaxirada qoldirdik.
- Ma'lumki, "Paxtakor" ishtirokidagi o'yinlar Iroqda translyatsiya qilinyapti va shu bois Iroqda "Paxtakor" futbolchilariga nisbatan qiziqish ortganini eshitdik. Siz bu borada nima deya olasiz?
- Translyatsiyadan oldin ham bizning futbolchilar Iroqqa borgandi, bir o'yinchimiz to'purar bo'ldi. Ularning uch nafar futbolchisi bizda to'p tepmoqda. Endi baribir qiziqish bo'ladi. Lekin hozircha hech kimga taklif tushmadi.
Paxtakor bosh murabbiyi G'uzordagi g'alaba va jamoaning tig'iz taqvimdagi holati haqida fikr bildirdi.
G'uzordagi uchrashuvdan keyin jamoamiz bosh murabbiyi matbuot anjumanida qatnashdi.
Tojiyev: - O'yin oson bo'lmasligini bilardik. Birinchi bo'limda sustroq harakat qildik, qizil kartochka ham rejalarimizni buzib yubordi. Ikkinchi bo'limda yigitlar xarakter va darajalarini ko'rsatishdi. O'yinimiz yoqdi deya olmayman, ammo oxirigacha kurashganimiz ma'qul keldi. Hozir har bir o'yin muhim. Bahs boshidan 10 futbolchi bilan qolib, zafar quchish oson emas. Qolaversa, biz juda tig'iz taqvimda o'ynayapmiz. Safardan qaytib kelib, yana bu yerga yetib keldik. Bunday holatda o'ynash qiyinlashadi. "Al Ahli" bilan bellashuvdan keyinoq shu o'yinga hozirlikka kirishdik.
Bozorov jarohatdan endigina tiklandi. U keyingi o'yinlarda maydonga tushadi.
Emilian Karas va Ibrohim Ibragimov «Al-Ahli»ga qarshi o'yin oldidan matbuot anjumanida ishtirok etib, bo'lajak bahs haqida o'z fikrlari bilan o'rtoqlashdi.
Emilian Karas va Ibrohim Ibragimovning o'yindan oldingi fikrlari
«Al-Ahli»ga qarshi o'yin oldidan jamoamiz murabbiyi Emilian Karas va yarim himoyachi Ibrohim Ibragimov matbuot anjumanida ishtirok etishdi.
Karas: - Biz musobaqaning guruh bosqichini boshlayotganimizdan xursandmiz. Jiddaga uzoq parvoz bilan yetib keldik. Jamoamiz o'yinga yaxshi tayyorlandi. «Al-Ahli»ning kuchli klub ekanini bilamiz. Ularning safida yuqori saviyali futbolchilar ko'p. Shunga qaramay, ertaga yaxshi o'yin namoyish etishga intilamiz. Bir maqsad sari yakdil jamoaga aylanamiz. Ijobiy natijaga erishish uchun harakat qilamiz.
Ibragimov: - Elit Chempionlar Ligasi guruh o'yinlari boshlanayotgani bilan barchani tabriklayman. Raqibimizni yaxshilab o'rganib chiqdik. Ertangi bellashuv biz uchun oson bo'lmaydi. «Al-Ahli» juda kuchli jamoa. Lekin biz maydonda borimizni bergan holda ijobiy natijaga erishish uchun urinamiz.
Paxtakor bosh murabbiyi Kamoliddin Tojiyev OKMKga qarshi o'yindan so'ng jamoaning o'yini va kelgusi rejalar haqida fikr bildirdi.
"Paxtakor" bosh murabbiyi Kamoliddin Tojiyev OKMKga qarshi o’yindan so’ng o’z fikrlarini bildirib o’tdi.
— O'yin haqida fikringiz?
— Yaxshi o'yin bo'ldi. Bahs qiyin kechishini bilardik va shunga yarasha hozirlik ko'rgandik. Bugun ko'p vaziyatlar yaratdik va unumli foydalandik. Avvalgi o'yinlarda ham ko'p vaziyat yuzaga keltirib, foydalana olmay kelayotgandik. G'alaba bilan hammani tabriklayman. Yigitlarga rahmat aytaman.
— "Paxtakor" oxirgi ikkita o'yinda ayniqsa hujumda yaxshi harakat qildi va bir nechta gollar urdi. Engillik yuzaga kelishining sababi nimada?
— Mashg'ulotlarda doim hammasi yaxshi bo'lishi uchun ishlaymiz. Omadimiz kelib gollar uryapmiz. Bundan hammamiz xursandmiz. Yanayam ko'proq to'p kiritishga intilamiz.
— Bugun realizatsiya zo'r bo'ldi: to'rtta imkoniyat va uchta gol. Adashmasam, OKMKda 6-7ta vaziyat bo'ldi. Agar hisob 2:2 yoki 3:3 bo'lib qolganida "Paxtakor" yana qo'sha olarmidi?
— Bu - o'yin, vaziyatlarni yuazaga keltirdik va ulardan foydalandik. Olmaliq jamoasi standartlarda kuchli ekanini futbolchilarimizga alohida uqtirgandik. Bugun raqibga imkon bermadik deb o'ylayman. Sal erkin harakat qilgan paytimiz ham bo'ldi. Kamchiliklar ustida ishlaymiz.
— Hisob 2:0dan keyin ham qarshi hujumlardan foydalanib hisobni 4:0ga keltirish mumkin edi.
— To'g'ri, bugun qarshi hujumga ko'p marta chiqdik. To'g'risi, yanada yaxshi o'yin ko'rsatishimizga maydon holati yo'l qo'ymadi. Hali mavsum uzun, yoshlarga ham imkon beramiz.
— Jamoa "Al Ahli" bilan o'yinga tiklanishga ulguradimi?
— Bugundan shuning ustida ishlaymiz.
— Yaqinda Ro'ziqul Berdiev va Aleksandr Xomyakov O'zbekistondagi eng yaxshi hujumkor jamoa deb OKMKni aytishgandi.
— Aslida men ham ularning fikriga qo'shilaman. OKMK yaxshi jamoalardan biri. Jamoani tajribali murabbiy boshqaryapti, tarkibi ham kuchli. OKMK oxirigacha kurashib futbol o'ynaydigan jamoa. Ham o'zi o'ynaydi, ham raqibga imkon beradi. Olmaliqda g'alaba qozonish oson emas. Hozirgi OKMK oldingilarga nisbatan kuchliroq. Bu yerda boshqa jamoalarga qiyin bo'ladi deb o'ylayman.
— Elit OCHLdagi raqib "Al Ahli"ni qanchalik o'rgandingiz?
— Bu jamoa o'yinlarini kuzatib boryapmiz va tahlil qilyapmiz. Har 3-4 kunda maydonga tushayotganimiz sababli yigitlarda toliqish bor. To'rt nafar futbolchimiz jarohat olgan. Zaxiramizda birgina Nasrullaev bor edi, qolganlar esa yoshlar. Albatta, "Al Ahli" bilan qiyin bo'ladi, lekin o'zimizni ko'rsatishga harakat qilamiz.
— "Paxtakor" ishlari yurishib ketishi, uchtalab gol urib g'alaba qozonishi uchun Ortiqxo'jaev ketdi degan gaplar chiqishi yoki jamoadan Kubokdan chiqib ketishi kabi intriga kerakmidi?
— Biz ham birinchi davrada chempion bo'lmoqchi bo'ldik, endi shunaqasi ham bo'p turadi.
«Al-Ahli» bosh murabbiyi Mattias Yayssle Nik Voltemade atrofidagi transfer mish-mishlariga izoh berdi.
Mattias Yayssle: «Voltemade haqidagi mish-mishlarmi? Hurmat bilan aytaman, matbuot anjumanida bu mavzuni muhokama qilish men uchun umuman o'rinli emas.
Men bu haqda kecha aytib o'tganman va Nik biz uchun qanchalik muhim ekanini ta'kidlaganman. Boshqa qo'shimcha gapim yo'q».
Mattias Yayssle o'zini iliq kutib olishganini va stadiondagi muhitni yuqori baholaganini ta'kidladi.
Mattias Yayssle:
«Menga juda omad kulib boqdi, meni juda iliq kutib olishdi. Men allaqachon ushbu ikki rasmiy o'yin davomida stadiondagi muhitni his qilishga ulgurdim va bu haqiqatan ham o'zgacha tuyg'u edi».
Matthias Jaissle yosh futbolchilar bilan ishlash va jamoaning kelajakdagi rivojlanish rejalariga to'xtalib o'tdi.
🗣 Matthias Jaissle:
«Biz allaqachon boshlagan ishni rivojlantirishda davom etmoqchimiz. Yosh futbolchilar bilan ishlaganda ko'tarilish va pasayishlarga tayyor turish kerak. Men bu yo'lni intiqlik bilan kutyapman.
Yigitlar o'z ishiga juda sadoqatli va men mashg'ulotlarda ko'rayotgan narsalarimdan chin dildan mamnunman. Bizda nimadir alohida narsani barpo etish uchun ajoyib poydevor bor».
Mattias Yayssle jamoa futbolchilarining kelajagi borasida o'z fikrlari bilan o'rtoqlashdi.
🗣 Mattias Yayssle: «Sotuvlarmi? Hozirgi vaqtda barcha futbolchilar jamoada qolishini kutmoqdaman. Ammo futbol oldindan aytib bo'lmaydigan sport turi va har qanday vaziyatda hammasi o'zgarib ketishi mumkin».
Ross Uilson "Nyukasl"ning yangi futbolchisi Niko haqida fikr bildirdi.
Ross Uilson: 🗣
Biz ushbu transfer ustida bir necha hafta davomida sabr bilan ishladik. Bu aynan biz tarkibga qo'shib olishni istagan futbolchi edi, shu bois Nikoni bugun kechqurun "Nyukasl"da qutlayotganimizdan juda mamnunmiz. Bu ambitsiyali maqsad edi, ammo muzokaralarimizdan so'ng, u klubga o'tishni o'zi ham juda istadi.
U biz ushbu pozitsiya uchun dastlab belgilab olgan talablarga to'liq javob beradi va biz murosaga borishga tayyor emasdik. Nikoning yoshi 24 da va u "Manchester Siti", "Portu" hamda "Barselona" safida eng yuqori saviyada o'ynash bo'yicha katta tajribaga ega. U Premer-ligada o'z sifatlarini ko'rsatib ulgurgan va biz qora-oq libosda u yanada ko'proq narsaga qodir ekanligiga ishonamiz.
Biz u jamoamizni mukammal to'ldiradigan sifatlar to'plamiga ega deb hisoblaymiz. Uning Yevropaning eng kuchli turnirlaridagi tajribasi ham "Nyukasl"ga katta foyda keltiradi.
Futbolchi o'yin yakuni va hakamlik qarorlari bo'yicha o'z fikrlari bilan o'rtoqlashdi.
Har doimgidek. Bor kuching bilan harakat qilib, raqibdan ustun o'ynashing mumkin.
Ammo yakunda tasodifiy bir vaziyat barchasini hal qiladi.
Ilgari bunday o'zgarishlar hech narsani o'zgartirmasdi, endi esa mana. To'pni maydondan chiqarib yuboramiz, hujum tashkil etishga imkon beramiz va o'tgan mavsumda hech kim e'tibor bermagan vaziyat uchun penalti belgilaymiz. Bunda pauza qilib, 5 soniya davomida reaksiyani kuzatib, keyin nuqtaga ko'rsatishadi.
Bravo jamoa, bunday futbolni ko'rish menga yoqimli, hatto hakamlikdagi ba'zi ahmoqona vaziyatlarga qaramay, qayerda fol fol emas, qayerda fol emas — fol hisoblanadi.
Mattias Yayssle Amar Dedichning jamoaga o‘tishi va uning o‘yin uslubiga mosligi haqida fikr bildirdi.
Mattias Yayssle: «Amar jamoamizga juda mos keladi. U universal futbolchi va bizning o‘yin uslubimizga yaxshi mos tushadi. Biz avval ham birga ishlaganmiz, shuning uchun uning o‘yinlarga tayyor ekanligiga shubham yo‘q».
Mattias Jayssle jamoasining o'yini va tarkibdagi muammolar haqida fikr bildirdi.
Mattias Jayssle:
O'yinni yaxshi boshladik, o'yinchilarning harakatlari menga yoqdi. Ammo o'tkazib yuborilgan goldan keyin pasayish kuzatildi va biz bu muammoni halol tahlil qilib olishimiz kerak.
Sizlar o'yinlarni kuzatasizlar va tarkibda nimalar yetishmayotganini ko'radigan darajada futbolni yaxshi tushunasizlar. Biz bu masalalarni klub ichida hal qilmoqdamiz.
Mattias Yayssle jamoaning hozirgi holati va tarkibdagi o'zgarishlar haqida fikr bildirdi.
Mattias Yayssle:
Biz hozir o'tish davridamiz. Ketgan futbolchilar kuchli xarakterga ega, tajribali va ajoyib o'yinchilar edi. Endi ma'lum bir bo'shliq paydo bo'ldi. Biz tarkibni to'g'irlashimiz, ya'ni mos profilga ega o'yinchilarni olib kelishimiz kerak, aks holda boshqa futbolchilar oldinga qadam tashlab, yetakchilik vazifalarini o'z zimmalariga olishlari lozim.
Bizga nima yetishmayotganini va qanday tarkibni ko'rishni istayotganimizni tushunib turibmiz. Klub ichida barcha buni anglab yetgan va biz shu ustida ishlayapmiz.
Bu bir kechada sodir bo'lmaydi, ayniqsa jamoa bunchalik jiddiy o'tish davrini boshdan kechirayotgan bo'lsa. Bizda aniq maqsad va qayerga borishni istayotganimiz haqida tushuncha bo'lishi kerak. Agar muxlislar, o'yinchilar va klub xodimlari bilan birgalikda shu maqsad sari intilsak, ishonchim komilki, bizni muvaffaqiyatli tarix kutmoqda.
Ammo hozir bizga vaqt kerak. Biz faqat har kuni qo'limizdan kelganini qilib, asta-sekin uzoq muddatli maqsadimiz sari harakat qilishimiz mumkin.
Biz ambitsiyali jamoamiz. Ammo sizga biror narsani va'da qilishning ma'nosi yo'q, chunki yarim yil yoki bir yildan keyin vaziyat qanday bo'lishini bilmayman. Biz o'zimizga bog'liq bo'lgan narsalarni nazorat qilamiz. Vazifalarni kunma-kun hal qilamiz, ishimizni sifatli bajaramiz va shunda to'g'ri yo'nalishda harakatlanamiz. Aynan shu muvaffaqiyat garovi bo'ladi.
Mattias Yayssle yangi sardor tayinlangani haqidagi savolga javob berdi.
Mattias Yayssle yangi sardor tayinlangani haqidagi savolga javob berdi:
Yangi sardorni tanladimmi? Yo'q.
Mattias Yayssle «Nyukasl» bosh murabbiyi etib tayinlangani haqida fikr bildirdi.
Mattias Yayssle: «Men uchun «Nyukasl» bosh murabbiyi bo'lish katta sharaf. Bu boy tarixga, o'ziga xos o'ziga xoslikka va ajoyib muxlislarga ega Yevropa futbolidagi eng yirik klublardan biri. Men bu muhitni va klub hamda uning muxlislari o'rtasidagi bog'liqlikni shaxsan his qilishni intiqlik bilan kutmoqdaman.
«Nyukasl»ni boshqarish imkoniyati tug'ilganda, uzoq o'ylab o'tirmaysiz. Klubning ambitsiyalari, kelajakka bo'lgan aniq qarashlari va loyiha ko'lami bu taklifni haqiqatan ham o'zgacha qildi. So'nggi yillarda jamoa rivojlanishini diqqat bilan kuzatib bordim va erishilgan taraqqiyot barchaga ayon.
Men kelajakka katta ishtiyoq bilan qarayman. Ushbu loyihaga, uning ambitsiyalariga va klub rivojlanayotgan yo'nalishga to'liq ishonaman. Bu yerda aniq qarash, kuchli rahbariyat va keyingi o'sish uchun ajoyib poydevor mavjud.
Mening jamoalarim har doim birlik, fidoyilik, intensivlik va har kuni yaxshiroq bo'lishga intilish ustiga quriladi. Klubga qo'yilgan maqsadlarga erishishda yordam berish uchun bor kuchimni, butun energiyamni sarflayman va qo'limdan kelgan barcha ishni qilaman.
Ushbu jamoa va butun futbol klubi ulkan salohiyatga ega ekanligiga aminman. «Nyukasl»ni birgalikda oldinga siljitish uchun futbolchilar, murabbiylar shtabi va rahbariyat bilan ishlashni boshlashni intiqlik bilan kutyapman.
Ishni boshlashga oshiqyapman. Men o'zimni ushbu imkoniyatga to'liq bag'ishlayman va «Nyukasl Yunayted»ning yangi muvaffaqiyatlarga erishishiga yordam berish uchun qo'limdan kelganini qilaman».
Superliga 22-turidan o'rin olgan "Mash'al" – "Paxtakor" uchrashuvidan so'ng "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Jamoani shakllantirish ustida ish olib boryapmiz"
Superliga 22-turdan o'rin olgan "Mash'al" – "Paxtakor" uchrashuvidan so'ng "Mash'al" bosh murabbiyi Sergey Lushchan matbuot anjumanida ishtirok etdi.
Paxtakor bosh murabbiyi Emilian Karas Jiddadagi bahs va "Al-Ahli"ga qarshi o'yin haqida o'z fikrlari bilan o'rtoqlashdi.
Jiddadagi bahsdan so'ng jamoamiz murabbiyi Emilian Karas matbuot anjumanida qatnashdi.
O'yin kutganimizdek qiyin kechdi. "Al-Ahli" juda kuchli va tajribali jamoa. Havo harorati va yuqori namlik ham qiyinchilik tug'dirdi. Shu sababli tanaffusdayoq o'zgarishlar boshlandi. Gol urganimizdan keyin ikkita qarshi hujum uyushtirdik, ammo foydalana olmadik. Bellashuv taqdirini hal qilishimiz mumkin edi. Mezbonlar ham golga arzirli o'ynashdi, lekin golli imkoniyatlarimiz bo'lgandi.
"Al-Ahli"da o'zgarishlar bo'lganini bilamiz. Lekin bellashuvga hozirlik ko'rishda o'z futbolimiz haqida bosh qotirdik. Mezbonlar murabbiyini "Shaxtyor"dagi faoliyatidan bilaman. Unga yangi jamoasida barchasini o'zgartirish uchun vaqt kerak.
OKMK bosh murabbiyi Mirjalol Qosimov "Paxtakor"ga qarshi o'yindan so'ng hakamlik qarorlari va jamoaning natijalari haqida o'z fikrlarini bildirdi.
OKMK bosh murabbiyi Mirjalol Qosimov “Paxtakor”ga qarshi o’yindan so’ng o’z fikrlarini bildirib o’tdi.
— O'yin haqida fikringiz?
— Qiziqarli o'yin guvohi bo'ldik. Natija qoniqarsiz, lekin o'yinimiz yomon emas. Yana eski kasalimiz qo'zg'adi: gol ura olmadik. Bahs boshida oson golni o'tkazib yubordik. Shundan keyin kuch topib oldinga bordik. Gol urishga muvaffaq bo'ldik, lekin qaysi sababga ko'ra ofsaydni aniqlashdi, tushunmadim. Birinchi marta VAR orqadan chiziq chizishini ko'rishim, hayron qoldim. Lekin na iloj, kinoda aytadi-ku: qozi pochcha, chiqargan qonunlariz hamma narsaga to'g'ri kelaveradi. Yangi qoida chiqib biz bexabar qoldikmi, yoki ma'lumotlardan orqadamizmi - bilmadim. Juda uyatli ko'rindi, shaxsan men tushunmadim. "Paxtakor"ni g'alaba bilan tabriklayman. Gol urmasang vaziyat uchun ochko bermaydi. Yigitlarimizning kayfiyati tushib ketdi. Endi keyingi o'yinga hozirlik ko'ramiz.
— Ikkinchi bo'limda etarlicha vaziyatlar yaratildi. Jamoangiz nechanchi o'yindirki 0:2 hisobida ortda borib ham ko'p vaziyatlarga ega bo'lyapti. Ammo hisob tenglashish o'rniga raqib uchinchi golni urdi. Buni qanday izohlaysiz?
— Aytdim-u bir vaziyatda golimizni hisobga olishmadi. Yangi qonun chiqqan bo'lsa kerak. Buning ustiga futbolchimiz uch metrdan to'p kirita olmadi. Tanaffusga 2:1 hisobida chiqib ketganimizda ikkinchi bo'lim boshqacha kechishi mumkin edi. Mashg'ulotlarda yigitlar bilan gaplashyapmiz. Xatolarni tushuntiramiz. Hisob 3:0 bo'lganida ham o'yin tempi tushib kyetmadi. Oxirigacha kurash kechdi.
— Murabbiy sifatida jamoangiz ko'rsatayotgan futboldan qoniqyapsizmi?
— Qo'l ostimdagi futbolchilardan minnatdorman. Natijaga kelsak, yanada yuqorida bo'lishni maqsad qilgandik. Bunga o'zimiz aybdormiz. Avgust oyida hammasi "Nasaf" bilan o'yindan boshlandi. "Nasaf"ga yutqazmasligimiz kerak edi. "Surxon" bilan "Dinamo"ni yutishimiz, Buxoroda yutqazmasligimiz kerak edi. Hamma o'yinlarda vaziyat bo'lyapti. Baribir menda bugungi o'yin bo'yicha savol qolyapti: urgan golimizda ofsayd bormidi-yo'qmidi. Balki kamerani ko'paytirish kerak. Chiziqni sal haqiqatga yaqinroq chizish kerak. Chunki bu ham muxlislar kayfiyatiga ta’sir qiladi. Jamoa bilan ishlash o'zi emas. Futbol bu koptokni ber - o'ynayveradi degani emas. Bu bilan bahona qilmayapman, bor gapni aytyapman. Biz ko'p ochko yo'qotdik, lekin maqsadimiz sovrindorlar qatoriga kirish. Buning uchun oxirigacha kurashamiz.
— OKMK o'rtamiyona jamoa bo'lib qolmay sovrindorlar qatorida yurishi uchun nima qilish kerak deb hisoblaysiz?
— Qisqa aytganda yaratilgan vaziyatlardan foydalanib gol urish kerak. Shunda g'alaba qozonasiz va tepada yurasiz.
— 2024 yil OKMK chempionatda ikkinchi o'rinni olgandi. Natijalar pasayib qolsa, odamlar Mirjalol Qosimov o'sishdan to'xtab qoldi, o'n yil oldingi Qosimov emas, jamoaga yangi qon kerak deyapti.
— Endi hammaning o'z shaxsiy fikri bor. Tilning suyagi yo'q. Hozir hamma mutaxassis. Lekin bu erga kelib ishlab ko'rishsa biladi. Noliydigan joyim yo'q, biz muxlislarga yoqadigan futbol namoyish etyapmiz. Har doim yuqori natija ko'rsatishga harakat qilganman. Men birovning fikriga qarab yashamayman.
Mattias Yayssle kubok o'yinlaridagi g'alaba va jamoaning ko'rsatgan xarakteri haqida fikr bildirdi.
Mattias Yayssle:
Kubok o‘yinlarida eng muhimi — kerakli natijaga erishish va keyingi bosqichga chiqish.
Biz uchun maydonda xarakter ko‘rsatish muhim edi. Ikkinchi golni o‘tkazib yuborganimizdan so‘ng biroz ortga chekindik, ammo darhol gol urishga muvaffaq bo‘ldik.
Qur’a haqida? Men yonimda o‘tirgan futbolchilarning reaksiyasiga ko‘proq e’tibor berdim. Ular u yerda o‘ynash qanchalik qiyinligini bilishadi.
«Al-Ahli» bosh murabbiyi Mattias Yayssle bo'lajak o'yin haqida o'z fikrlari bilan o'rtoqlashdi.
Mattias Yayssle:
Biz juda kuchli jamoaga qarshi o'ynashimiz kerak, bu jiddiy sinov. Biz o'z yondashuvimizni o'zgartirmaymiz. Bizni haqiqatan ham kuchli raqib kutib turibdi, ammo o'yin uslubimiz tufayli istalgan jamoaga muammo tug'dira olamiz.
«Al-Ahli» bosh murabbiyi Mattias Yayssle yangi futbolchi Niko haqida o'z fikrlari bilan o'rtoqlashdi.
🗣 Mattias Yayssle:
Niko allaqachon biz bilan mashg'ulot o'tkazdi, u yaxshi formada. U shanba kuni maydonga tushishi mumkin. Bu ulkan salohiyatga va ko'plab sifatlarga ega aqlli futbolchi. O'ylaymanki, u jamoamizga tezda moslashib ketadi.
Mattias Yayssle o'z shogirdi Voltemadening o'yiniga baho berdi va uning kelajagiga ishonch bildirdi.
Mattias Yayssle: «Voltemade kurash olib bordi. Yolg'iz hujumchi rolida o'ynash oson emas. Uning oldiga aniq vazifa qo'yilgandi va to'psiz holatda ham bor kuchi bilan harakat qildi.
U gol urmadi, ammo ajoyib fidoyilik ko'rsatdi. O'ylaymanki, u gol ura boshlashi faqat vaqt masalasi».
Mattias Yayssle yangi transferlar amalga oshirilishi kerakligini va bu uning ustuvor vazifasi ekanligini ta'kidladi.
🗣 Mattias Yayssle: «Yana transferlarmi? Rostini aytsam, bu ustuvor vazifa va men bunga qat'iy talab qilyapman».
Mattias Yayssle shogirdlarining o'yinidan faxrlanishini va belgilangan penaltidan norozi ekanligini bildirdi.
Mattias Yayssle:
Yigitlar bilan faxrlanaman. Ular o'z ishiga to'liq berilib harakat qilishmoqda va bu kelgusi ishlarimiz uchun ajoyib poydevor. Men uchun bu juda bahsli penalti bo'ldi. Agar shunday vaziyatlarda penalti belgilansa, o'yin davomida ularni ancha ko'proq berish kerak.
Yoan Vissa ajoyib o'yin o'tkazdi, garchi unda o'yin taqdirini hal qilib qo'yish imkoniyati bo'lgan bo'lsa ham. Ammo bu futbol va eng muhimi, u qanday fidoyilik bilan o'ynadi. Boshqa yigitlar haqida ham xuddi shunday deya olaman.
Rafinya Joan Gamper kubogi doirasidagi o'yinda "Barselona" safida eng yaxshi futbolchi deb topildi.
Sport xabariga ko'ra, Rafinya Joan Gamper kubogi doirasida "Barselona"ning "Al-Ahli" ustidan qozongan 2:1 hisobidagi g'alabasidan so'ng uchrashuvning eng yaxshi futbolchisi deb topildi.
"Barselona" sardori sifatidagi ilk o'yinida braziliyalik futbolchi penaltini golga aylantirdi, birinchi golga hammualliflik qildi va himoyada ko'p mehnat qildi.
Mattias Yayssle muxlislarni jamoani qo'llab-quvvatlashga va birdamlikka chaqirdi.
Mattias Yayssle:
Muxlislar jamoaga ishonishlarini va bizni xuddi shu izchillik bilan qo'llab-quvvatlashda davom etishlarini istayman. Ko'rganlarimdan allaqachon juda taassurotlandim.
Hozir eng muhimi - birdamlik, barchamiz birgalikda ushbu yo'ldan o'tayotganimizni tushunishdir. Aynan shu narsa bu mavsumda bizning asosiy ustunligimizga aylanishi mumkin.
Mattias Yayssle "Liverpul"ga qarshi o'yin va transferlar haqida fikr bildirdi.
Mattias Yayssle:
"Liverpul" bilan o'yin kelasi haftada bo'lib o'tadi, shuning uchun biz ushbu bahsga tayyorgarlik ko'rish uchun har bir kundan unumli foydalanmoqdamiz.
Bu oldinga qarab harakat qilishimiz uchun qo'limizdan keladigan eng yaxshi narsa.
Xuddi shu narsa transfer bozoriga ham tegishli. Umid qilamanki, u yerda ham ijobiy o'zgarishlarga erishamiz".
Mattias Yayssle transferlar borasidagi ishlar va jamoa rahbariyatining rejalari haqida fikr bildirdi.
Mattias Yayssle:
Matbuot anjumanida ortiqcha tafsilotlarni oshkor qilmoqchi emasman, lekin bizga nima kerakligini tushunib turibmiz. Endi vazifa Ross va rahbariyat zimmasida – yechim topish kerak. Barchamiz optimistik kayfiyatdamiz va transferlar ustida ishlayapmiz. Shu sababli optimizmni saqlab qoling.
«Nyukasl» sport direktori Ross Uilson yangi bosh murabbiy Mattias Yaysslening tayinlanishi haqida fikr bildirdi.
Ross Uilson:
Mattiasning boshqaruv uslubi va uning futbol falsafasi bizning sportdagi qarashlarimizga to'liq mos keladi. Uning jamoalari shijoatli va intensiv futbol namoyish etadi. Muzokaralar davomida biz uning o'yinga va ishga bo'lgan ishtiyoqini yaqqol his qildik.
Murabbiylik faoliyati davomida u o'yinchilarni rivojlantirish, jipslashgan jamoalar tuzish va eng yuqori darajada natijalarga erishish uchun zarur muhitni yarata olishini doimo isbotlab kelgan.
Uning «Red Bull Zalsburg» va «Al-Ahli»dagi muvaffaqiyatlari g'alabalarga erishish bilan birga, o'ziga xos o'yin uslubini shakllantirish qobiliyatini tasdiqlaydi. Biz Mattias klubda yaratilgan poydevorni yanada rivojlantirib, «Nyukasl»ning keyingi qadamni tashlashiga yordam bera olishiga ishonamiz.
Fikr qoldirish va reaksiya uchun tizimga kiring.