Barcelona — yangiliklari Matbuot

"Real Madrid" ustozi Joze Mourinyoning "El Chiringuito" nashriga bergan intervyusining ikkinchi qismi:

"Lamin Yamalni "Real Madrid"ga olib kelarmidim? Yo'q. U ajoyib futbolchi, lekin bizda allaqachon top-darajadagi tarkib bor. Xans-Diter Flik qo'l ostidagi "Barselona" menga yoqadi, ammo mening futbolchilarim eng yaxshisi".

"Arda Gulerga muxlisman. O'ylashimcha, u Luka Modrich bosib o'tgan yo'ldan boradi: faoliyatining boshida "o'nlik" pozitsiyasida o'ynagan bo'lsa, keyinchalik markaziy yarim himoyachi, oxirida esa tayanch yarim himoyachisiga aylanadi".

"Rahbariyatdan Yan Diomandeni sotib olishni so'raganmidim? Yo'q. Garchi uni transfer qilishni talab qilmagan bo'lsam-da, uni jamoamda ko'rishni istaganman. U hujumning har ikki qanotida ham o'ynay oladigan ajoyib futbolchi".

"Benfika"da uzoqroq qolish imkoniyatini ko'rib chiqqandim. Biroq "Real Madrid" men bilan bog'langach, kelajagim borasida qaror qabul qilish juda oson kechdi. "Madrid"ga qaytish men uchun juda katta ahamiyatga ega. Shu bilan birga, birinchi tashrifimdan farqli o'laroq, bu safar "Real Madrid"ni hech qanday sovrin yutmagan holda qabul qilib oldim. Yangi sovrin yutgan murabbiyni tayinlash osonroq. Klubga qaytganimning sababi shuki, rahbarlar meni allaqachon yaxshi bilishadi".

"Bernardu Silva "Madrid"ga maydonda borini beradi. U o'yinni o'zgartira oladi. Uning "Real Madrid" safida to'p surishidan barchamiz juda xursandmiz".

Alejandro, ahvollar qanday? Biz barcha gap-so'zlarni eshitmoqdamiz, to'g'rimi? «Kanselu kelgach, Balde bu yil yanada faolroq ishlashiga to'g'ri keladi». Bularga qanday qaraysiz?

Balde: «Yo'q, aslida men juda xotirjam yigitman. Ha, so'nggi paytlarda atrofimda ko'p gaplar bo'layotgani rost, lekin men o'z ishimni to'g'ri bajaryapman deb hisoblayman, tushunyapsizmi? Men matbuotni o'qimaydigan odamman, lekin baribir bu yangiliklar qulog'imga yetib keladi. Nima ham derdim, men o'z ustimda, o'z ishimda va jamoada diqqatni jamlashim hamda mehnat qilishda davom etishim kerak».

Rodri jamoaga nimalar bera oladi deb o'ylaysiz?

Balde: «Men uni juda yaxshi o'yinchi deb bilaman, hozirgi vaqtda, nazarimda, u dunyodagi eng yaxshi yoki eng yaxshi tayanch yarim himoyachilardan biri; u «Oltin to'p»ga ega, bu katta tajribaga ega futbolchi va u butun jamoaga katta yordam berishiga ishonaman».

Siz ketma-ket ikki marta La Ligada g'olib chiqdingiz. Yangi kiyim almashtirish xonangizda «Chempionlar ligasi» yozuvi tushirilgan ulkan plakat osilganmi?

Balde: «Biz har bir o'yinga alohida yondashamiz. Biz — «Barsa»miz va barcha sovrinlarni yutishni istaymiz. Agar bu Chempionlar ligasi bo'lsa, undan ham yaxshi».

Deku "Barselona"ning transfer rejalari va jamoaning kelajagi haqida fikr bildirdi:

Bizdan ikkita hujumchi ketdi: Levandovski va Ferran. Ferran masalasida yangi xaridlar evaziga yechim topa olamiz deb o'ylayman. Robert bilan esa vaziyat ancha murakkabroq — bunday darajadagi futbolchini almashtirish juda qiyin, chunki u biz bilan birga butun bir davrni boshlab bergan o'yinchi. Ichki zaxiralar orqali yechim topish mumkinligiga ishonaman, garchi transfer oynasi yopilgunga qadar qandaydir harakatlar qilishimiz aniq.

Men yakunda eng yaxshi yechimni izlash kerak deb hisoblayman. Atrofda shov-shuv va gap-so'zlar ko'pligini bilaman. Transfer oynasi yopilgunga qadar nimalar qilishimizni aniqlash ustida ishlayapmiz.

Har qanday futbolchi "Barsa"da o'ynashni, bu muhitdan zavq olishni istaydi, ammo bunday saviyadagi o'yinchilarni taklif qilish uchun g'olibona loyihangiz bo'lishi kerak. Gordon, Adeyemi, Rodri, Kanselu kabi futbolchilarni ruhlantiradigan narsa ham aynan shu deb o'ylayman. Futbolchi haqiqatan ham "Barsa"da o'ynashni, tarix yaratishni va sovrinlar yutishni xohlaydi. Biz bunga erishdik. Klubdan tashqaridagi futbolchilar bu yerda g'alaba qozonish, baxtli bo'lish va tarix yaratish mumkinligini ko'rishmoqda. Menimcha, eng muhimi shu.

Ha, biz ham Lautaro Martinez «Barselona»ning nishonida ekani va klub uni o'z ro'yxatida birinchi o'ringa qo'ygani haqidagi xabarlarni ko'rib turibmiz. Hatto Lautaroning agenti Madridda Deku bilan uchrashgani haqida ham gap-so'zlar bor (garchi bu biror italyan manbasi tomonidan tasdiqlanmagan bo'lsa-da).

Ammo gap shundaki, ular istalgan futbolchini o'z ro'yxatiga kiritishi mumkin. Lautaroning o'zi «ha, men ketmoqchiman» demaguncha va «Barselona» taxminan 100 million yevro taklif qilmaguncha, bu haqda o'ylashning ham hojati yo'q. Golli rekordlar sari odimlayotgan, bir necha yildan buyon sardorlik bog'ichini taqib kelayotgan va muxlislarning eng sevimli futbolchilaridan biri bo'lgan Lautaro shunchaki vaziyatni o'zgartirishga ehtiyoj sezmasa kerak.

Jijantes FC xabariga ko'ra, «Barselona» Lautaroni 9-raqamli pozitsiya uchun asosiy maqsad sifatida belgilagan. Dekuning Madridda futbolchi agenti bilan uchrashuvidan va «Atletiko» rad javobini bergach, u endi ro'yxatning eng yuqori qismida turibdi.

Qolaversa, bu insayd kimdan? Jerar Romeroning o'zidan! 2020 yilda kelishuv yakunlanish arafasida ekani va Lautaro Ispaniyaga uchib ketayotganini aytgan o'sha odamdan! Jerar Romero umuman o'ziga xos «meva». Uning har bir transfer oynasida Frenki de Yong ketadi, goh murabbiy bilan urishib qoladi, goh o'ynashni xohlamaydi, keyin esa Frenki bu safsatalarning barchasini ommaviy ravishda inkor etishga majbur bo'ladi.

Enrike Sereso (Atletiko prezidenti): Xulian uzr so'raydimi yoki yo'q, bilmayman, lekin u ikki o'yin ichida muxlislar mehrini qozonadi. Boshidanoq Barselonaga Xulianni saqlab qolmoqchi ekanligimizni aytgan edik.

📻 A. Romero (Cadena SER jurnalisti):

Rodrini qo'lga kirita olmaslik — Peres davridagi "Madrid"ning eng katta xatolaridan biri. Rodri uchun ustuvor variant aynan "Real Madrid"ga o'tish edi.

📻 Talavera (Cadena SER tahlilchisi):

Rodrining transfer qilinmagani "Madrid" uchun tizimli xato, chunki u jamoani kuchaytirishi aniq edi. "Madrid"ga Rodri shunchalik kerak ediki, muxlislar klub Bernardo va Kukurelyani imzolaganiga ham e'tibor berishmayapti...

📻 Valentin (Radio Marca jurnalisti):

"Madrid"da Rodrini sotib olish bo'yicha qaror qabul qilish cho'zilib ketdi, chunki uning kerakligiga shubhalar bor edi. Klub uni qo'lga kiritishni 100 foiz istayotganini ko'rsata olmadi. Keyin esa "Barselona" paydo bo'ldi va futbolchi ularning foydasiga tanlov qildi.

🎤 Rodri — «Barselona»ga o'tishi haqida:

Nima uchun boshqa klubni emas, aynan «Barselona»ni tanladingiz? «Bu yerda ekanligimdan juda xursandman. Bu faoliyatimdagi muhim sahifaning boshlanishi. Qaror qabul qilish oson bo'lmadi, birinchi navbatda, menga hamma narsani bergan va o'zimni baxtli his qilgan «Manchester Siti»ni tark etayotganim uchun. Men ulardan doimo minnatdor bo'laman. Boshqa takliflar ham bor edi, ammo «Barselona» boshidanoq birinchi tanlovim bo'ldi va buni Joan Laportaga ham bildirgan edim. Bu futbolga bo'lgan qarashi va qadriyatlari bilan dunyo miqyosidagi buyuk klub».

Operatsiyadan keyingi holat va debyut haqida: «O'ynashga tayyorman. Operatsiya kichik edi. Umid qilamanki, ertaga jamoa bilan to'liq mashg'ulot o'tkaza olaman. Qolgani murabbiyning qaroriga bog'liq. Xans-Diter Flik ixtiyorida imkon qadar tezroq bo'lishni istayman».

Flik bilan ilk suhbat haqida: «Xansi menga o'z ishtiyoqini ko'rsatdi. Uning jasur o'yin konsepsiyasi menga juda yoqadi va uning qo'l ostida ishlash imkoniyati juda motivatsiya beradi. U ochiqko'ngil murabbiy va nima kutayotganini to'g'ridan-to'g'ri aytadi. Xususan, jamoaga tajribali futbolchi kerak edi. Men o'z kayfiyatimni sheriklarimga uzatishim va jamoaga yordam berishim kerak».

«Barselona» futbolchilari terma jamoa yig'inida sizni klubga o'tishga ko'ndirishganmi? «Yo'q. O'shanda biz faqat jahon chempionatidagi g'alabaga e'tibor qaratgan edik. Bunday paytlarda klublar yo'q — faqat terma jamoa bor. O'yin uslubi bo'yicha hazillar bo'lgan, ammo qolgan hamma narsa keyinroq sodir bo'ldi».

Serxio Buskets bilan taqqoslash haqida: «Buskets men uchun doimo katta namuna bo'lgan. Pozitsiyamiz va o'yin uslubimiz o'xshashligi sababli bu taqqoslashlarni tushunaman. Serxio bilan solishtirishlari men uchun katta sharaf. Men doimo unga qoyil qolganman va terma jamoada undan ko'p narsalarni o'rganishga harakat qilganman. U ajoyib do'st, hamkasb va o'rnak bo'ladigan inson».

Xulian Alvaresning ehtimoliy transferi haqida: «Boshqa klub futbolchilari haqida ehtiyotkorlik bilan gapirishga harakat qilaman. «Atletiko Madrid»ni juda hurmat qilaman, Xulian esa ularning futbolchisi. Shubhasiz, u ajoyib futbolchi va eng yaxshi hujumchilardan biri. Ammo men tarkibimizdan mamnunman, uni kuchaytirish bilan esa Deku va rahbariyat shug'ullanadi».

Mark Bernalga ustozlik qilasizmi? «Albatta. Men bu yerga 30 yoshda katta tajriba bilan kelyapman va nafaqat o'yinim, balki yosh sheriklarimga uzata oladigan bilimlarim bilan ham foyda keltirmoqchiman. Mark ta'sirli darajada o'smoqda. U jiddiy jarohatdan keyin ajoyib tarzda tiklandi. Unga qo'limdan kelgancha yordam berishga umid qilaman. O'ylaymanki, yonimda u o'sishda davom eta oladi».

❓Nega boshqa jamoani emas, aynan «Barselona»ni tanladingiz?

🗣 Rodri: «Bu yerda ekanligimdan juda xursandman. Bu faoliyatimda juda muhim yangi sahifaning boshlanishi. Bu qiyin qaror bo'ldi. Avvalo, «Manchester Siti»dan ketyapman – bu klub menga hamma narsani berdi va u yerda juda baxtli edim. Ularga cheksiz minnatdorchilik bildiraman. Shuningdek, ketish uchun to'g'ri vaqt kelganini tushunganlari uchun rahmat aytmoqchiman.

«Barselona» – buyuk klub, o'zining futbol falsafasi va qadriyatlari bilan dunyo etaloni. Boshqa imkoniyatlarim ham bor edi, lekin «Barsa» mening birinchi tanlovim edi va bu haqda Laportaga aytganman».

❓Yaqinda belingizdan operatsiya qilindingiz. Mashg'ulotlarni qachon boshlaysiz va debyutingiz qachon bo'ladi?

🗣 Rodri: «Men o'yinga tayyorman. Bu operatsiya jiddiy emasdi, ambulator jarayon bo'ldi. Umid qilamanki, ertaga jamoa bilan normal mashg'ulot o'tkaza olaman. Bu murabbiyning qaroriga bog'liq. Xansi ixtiyoriga imkon qadar tezroq kirishni istayman».

❓Xansi Flik bilan birinchi suhbat qanday o'tdi?

🗣 Rodri: «Xansi bilan gaplashdim. U o'z g'ayratini menga yuqtirdi. Uning qo'l ostida mashg'ulot o'tkazish imkoniyati meni juda ruhlantirmoqda. Uning jasur o'yin konsepsiyasi menga juda yoqadi. O'sish uchun hali imkoniyatlarim bor va bu meni yanada universal o'yinchiga aylantirishi mumkin. Deku va Joan bilan ham gaplashdim. Xansi – ochiq murabbiy, u sizdan nima kutayotganini to'g'ridan-to'g'ri aytadi. Gap, xususan, jamoaga kerak bo'lgan tajribali o'yinchi roli haqida bormoqda. Men jamoadoshlarimni o'z yondashuvim bilan ruhlantirishim va jamoaga yordam berishim kerak».

❓Jahon chempionati oldidan «Barsa»dagi jamoadoshlaringiz sizni o'tishga ko'ndirishganmi?

🗣 Rodri: «Yo'q, biz Jahon chempionatida g'alaba qozonishga e'tibor qaratgandik. Bunday paytda klublar mavjud emas, faqat terma jamoa bor. O'yin uslubi haqida hazillar bo'lgan, lekin bularning hammasi keyinroq yuz berdi».

❓Sizni Buskets bilan solishtirishadi. Bu solishtiruv sizga yoqadimi?

🗣 Rodri: «Bu haqda oldin ham aytganman. U har doim men uchun katta namuna bo'lgan. Pozitsiya va o'yin uslubi tufayli bu solishtiruvni tushunaman. Serxio bilan solishtirilishim – men uchun sharaf. Pozitsiya doirasida bizda o'xshashliklar ham, farqlar ham bor. Unga doim qoyil qolganman va terma jamoada bo'lgan vaqtimizda ko'p narsani o'rganishga harakat qilganman. Hozir u zaxira jamoasida, shuning uchun u bilan tez-tez ko'rishib turamiz. U – ajoyib do'st, jamoadosh va namuna».

❓«Siti»da Alvares bilan ikki yil birga o'ynadingiz. «Barsa» uni sotib olmoqchi. U bilan yana birga bo'lishni istarmidingiz?

🗣 Rodri: «Odatda klubga tegishli bo'lmagan o'yinchilar haqida gapirishda ehtiyot bo'lishga harakat qilaman. «Atletiko»ga katta hurmatim bor, u esa «Atletiko» o'yinchisi. Xulian – ajoyib futbolchi, eng yaxshi hujumchilardan biri, shuni ayta olaman. Bizdagi o'yinchilardan mamnunman, lekin Deku va rahbariyat doimo tarkibni kuchaytirish haqida o'ylashadi, bu ularning ishi».

❓O'zingizni Bernalga ustoz sifatida ko'ryapsizmi?

🗣 Rodri: «Ha, albatta. Aytganimdek, men 30 yoshda, tarkibdagi ko'plab o'yinchilarda yo'q tajriba bilan kelyapman. Men nafaqat o'yinchi sifatida, balki jamoadoshlarimga bera oladigan narsalarim bilan ham foyda keltirish uchun kelganimni tushunishim muhim. Markning rivojlanishi ta'sirli – u og'ir jarohatdan qaytdi. Unga qo'limdan kelgancha yordam berishni va o'rgatishni istayman. Yoshlar tashqaridan kelgan va hayotiy tajribaga ega o'yinchilarni ko'rishlari va bizdan o'rganishlari muhim».

Joau Kanselu o'z kelajagi haqida gapirdi:

«Men Dekuga shunday dedim: yo hozir «Barselona» bilan shartnoma imzolayman, yo bo'lmasa «Al-Hilol»da shartnomam tugaguniga qadar yana bir yil qolaman, hatto bu vaqt davomida o'yin amaliyotisiz qolishimga to'g'ri kelsa ham».

📺 El Chiringuito sohibi Agirre:

Rodri — "Barselona" uchun keraksiz transfer. Ular bu futbolchini "Real Madrid"ga o'tishiga to'sqinlik qilish uchun sotib olishga qaror qilganiga shubham yo'q.

Bundan tashqari, "Barselona" Xulian Alvares transferi barbod bo'lganidan keyingi sharmandalikni yopish uchun Rodrini xarid qilmoqchi. Ular Xulian klubga o'tmasligini bilishadi, shuningdek, "Madrid" yozda ulardan 4 nafar futbolchini [Denzel Dumfris, Mark Kukurelya, Bernardu Silva va Usmon Diomande] "o'g'irlab ketganini" eslashadi.

🎤 Rodri:

"Barselonada o'ynash - orzu! Biz Chempionlar Ligasi va boshqa sovrinlar uchun kurashamiz!"

💬 «Manchester Siti» sobiq tahlilchisi Karles Planchart Rodrining «Barselona»ga o'tishi mumkinligi haqida gapirdi:

«Barselona» muxlislari xursand bo'lishlari kerak. Bu klub sport rahbariyati tomonidan amalga oshirilgan ajoyib ish. Men uni oq libosda ko'rishni istamasdim...»

Radio Marca jurnalisti Valentin:

Agar iyul oyi boshida "Madrid" "Siti"dan Rodri uchun qancha so'rashayotganini bilganida, 70 million yevro degan javobni olgan bo'lardi. Agar klub darhol ushbu summani to'lashga rozi bo'lganida, Rodri ertasiyoq "Real Madrid" futbolchisiga aylangan bo'lardi.

Va yana bir bor ta'kidlayman, buni iyul oyi boshida amalga oshirish mumkin edi!

Men "Madrid" muzokaralar olib borishi, shoshilmasligi va yaxshiroq shartlarga erishishga urinishini tushunaman. Ammo markaziy yarim himoyachi transferi masalasida emas, ayniqsa, klubda Rodrini sotib olish barbod bo'lgan taqdirda "B rejasi" yo'qdek ko'rinsa.

Ba'zilar uchun Rodri "Barselona"ga o'tganini faqat o'zi xohlagani uchun sodir bo'lgan deb o'ylash psixologik jihatdan osonroq ekanini tushunaman.

Ammo haqiqat shundaki, ko'plab madridistlar uchun eng og'riqli tomoni shundaki, "Real Madrid" hech qachon Rodrini jiddiy tarzda sotib olishga urinmagan, chunki klubda ularga umuman markaziy yarim himoyachi kerak emas deb hisoblashadi.

Ikki yil oldin markaziy yarim himoyachi sotib olishmadi, o'tgan yozda ham sotib olishmadi va barchasi bu yozda ham sotib olmasliklariga ishora qilmoqda.

❓Mavsumoldi tayyorgarligini qanday baholaysiz?

🗣 Xansi Flik: «Eshitib qo'ying, bu yil oson bo'lmaydi. Mavsumoldi tayyorgarligi qiyin kechmoqda, chunki ko'plab futbolchilar atigi bir hafta oldin yetib kelishdi. Biz bor kuchimizni o'yin vaqtini taqsimlashga va futbolchilarni maksimal darajaga olib chiqishga sarflashimiz kerak. Yakshanba kuni rasmiy o'yin bo'lib o'tadi».

❓Jamoaning to'liq salohiyatini qachon ko'rishimiz mumkin deb o'ylaysiz?

🗣 Xansi Flik: «Oldinda bizni qiyin o'yinlar kutib turibdi, deb hisoblayman. Yaqinda raqiblar juda yaxshi futbol namoyish etishdi, ammo bizda sifatli, fantastik jamoa bor va biz bu resursdan unumli foydalanishimiz kerak. Biz buni boshqarishimiz lozim, chunki xalqaro tanaffus vazifani osonlashtirmadi, ammo agar biz mavsumga to'liq sho'ng'isak, juda ijobiy kayfiyatda bo'lamiz».

❓Rodri jamoaga nima bera oladi?

🗣 Xansi Flik: «Biz Jahon chempionatida Rodri o'zini eng yaxshi futbolchi sifatida ko'rsatganini ko'rdik. U o'z jamoasiga ko'proq tuzilma bag'ishladi. U to'p bilan ishlashda juda yaxshi, qaror qabul qila oladigan futbolchi. U tempni boshqara oladi: tezroq yoki sekinroq o'ynash. Bizga aynan shunday futbolchi kerak. Bunday o'yinchida tajriba bor, u ham maydonda, ham kiyim almashtirish xonasida yetakchi».

❓Transfer oynasi yopilishiga bir necha kun qoldi. Robert va Ferran o'rnida o'ynaydigan hujumchi kerakmi?

🗣 Xansi Flik: «Biz shunday futbolchi qidirmoqdamiz. Deku allaqachon fantastik ishni amalga oshirdi. Men Deku va sport bo'limiga to'liq ishonaman».

🎤 Xans-Diter Flik:

Rodri — dunyodagi eng yaxshi tayanch yarim himoyachisi. U o'yinni nazorat qiladi va himoyada juda ajoyib.

Uni tarkibga qo'shib olish ajoyib imkoniyat edi. U biz bilan ekanligidan juda xursandmiz.

Enrike Sereso Xulian Alvaresning kelajagi haqida fikr bildirdi:

Xulian uzr so'raydimi-yo'qmi, bilmayman, lekin u ikki o'yin ichida muxlislarning mehrini qaytarib oladi. "Barsa"ga esa eng boshida biz uni olib qolmoqchi ekanligimizni aytganmiz.

👑 Karles Puyol Joze Mourinyo haqida:

Biz buyuk murabbiy haqida gapiryapmiz. Men u bilan hali «Barselona»da bo‘lgan paytimda tanishganman va o‘sha vaqtdayoq uning futboldan qanchalik chuqur xabardor ekanini ko‘rgandim.

Keyinchalik Mourinyo aqlbovar qilmas murabbiylik faoliyatini qurdirdi. U «Real Madrid»ni boshqarganida, o‘rtamizda juda jiddiy raqobat bo‘lgan.

Tarkibingizdagi futbolchilar sizni qoniqtiradimi? Rodri yetishmayaptimi?

Joze Mourino: "Yo'q, menga Rodri yetishmayapti deb o'ylamayman. Bizda yechimlar bor, sifatli futbolchilarimiz bor. Balki siz ularga qarab, avvalgi o'yinlariga qarab baho berayotgandirsiz, lekin men futbolchilarni rivojlantirish qobiliyatiga egaman deb o'ylashni yoqtiraman. Bugun boshqacha bo'lgan futbolchi, ertaga yanada mukammalroq bo'lishi mumkin. Bizda ajoyib, to'liq shakllangan tarkib bor".

"Barselona" Rodrini "Real"dan tortib oldi deb hisoblaysizmi?

Joze Mourino: "Yo'q, bunday deb o'ylamayman. Bilmadim, lekin yo'q".

Rodri bilan gaplashdingizmi?

Joze Mourino: "Ha, ha, bir necha marta gaplashganman. "Real Madrid" unga juda yaxshi taklif bergandi. Menimcha, "Real" va "Manchester Siti" o'rtasidagi munosabatlar juda yaxshi. "Siti" bilan muzokara olib bormagan holda, klub Rodri bilan bog'landi va jiddiy taklif qildi. Rodri ikkilandi. Uning shubhalari menda ham shubha uyg'otdi. U ajoyib futbolchi va biz bilan juda hurmat bilan munosabatda bo'ldi. U haqida yomon gapira olmayman, lekin "Real" shunday darajadagi klubki, u yerda ikki marta o'ylaydigan futbolchilar bo'lmasligi kerak. Ularga murojaat qilsangiz, futbolchi: "Qachon kelishim kerak?" deb so'rashi kerak. Gap shunda, lekin u juda xushmuomala bo'ldi va men unga omad tilayman – albatta, juda ko'p emas, lekin omad tilayman".

Bu transfer "Barselona"ning "Real" ustidan qozongan g'alabasi sifatida talqin qilinmoqda.

Joze Mourino: "G'alabalar maydonda qo'lga kiritiladi. G'alabalar – bu ochkolar, bu sovrinlar. G'alabalar shulardan iborat".

📰 AS gazetasi direktori o'rinbosari Ronsero:

Men ham minglab madridlik muxlislar kabi Rodrining transferidan juda xursand bo'lardim. Ammo kelishuv barbod bo'lganidan keyingi dastlabki xafagarchilikdan so'ng, men vaziyatni tahlil qildim va uni kengroq nuqtai nazardan baholadim.

Rodri o'zining ustuvor maqsadi "Barselona" ekanligini aytgan bo'lsa-da, dastlab u "Real" bilan yiliga 15 million yevro maosh evaziga 4 yillik shartnoma shartlarini kelishib olgandi.

Ammo ma'lum bo'lishicha, keyinchalik Rodri Gvardiola, Laporta, Flik va Deku bilan ham suhbatlashgan... Va yakunda u futbol jannati bo'lmish "Real"dan voz kechishga qaror qildi. Qolaversa, buni men aytmayapman. Rodrining o'zi avvalroq "Real Madrid"ni tarixdagi eng yaxshi klub deb atagan.

Shu bois, Rodrining o'zi eng yaxshi deb bilgan jamoadan voz kechishi meni xavotirga solmaydi. U bosim kamroq bo'lgan va Chempionlar ligasidagi ko'plab muvaffaqiyatsizliklarga o'rganib qolgan "Barselona"ni tanladi. "Real"da esa La Liga o'yinidagi durang ham jiddiy inqirozni keltirib chiqarishi mumkin.

Keling, Rodrining pastroq saviyada o'ynash qarorini hurmat bilan qabul qilaylik. U 2027/28 yilgi mavsumda "Monjuik"da to'p surar ekan, "Bernabeu" o'zining barcha jilosi bilan porlab turadi...

Rodri — ajoyib futbolchi, ammo u hayotidagi eng katta imkoniyatni qo'ldan boy berdi. Har bir buyuk o'yinchi kamida bir marta "Real" libosida maydonga tushishi kerak.

Biroq, endi juda kech. "Real Madrid" boshqa hech qachon Rodrini sotib olishga urinmaydi.

Xansi Flik Rodri haqida shunday dedi:

Albatta, uni qo'lga kiritish biz uchun katta imkoniyat edi va shuning uchun har birimiz bunga 100% ishonch hosil qilgandik, chunki u fantastik o'yinchi. Bundan tashqari, u har qanday jamoaga o'ziga xos narsa beradi va men uchun uni qo'lga kiritish ajoyib bo'ldi, aniqrog'i, u hozir shu yerda ekanligi juda yaxshi. O'ylaymanki, u, ehtimol, eng yaxshi tayanch yarim himoyachisi. U o'yinni nazorat qila oladi, shuningdek, himoyada ham juda katta yordam beradi. U havodagi kurashlarda a'lo darajada harakat qiladi, bu biz uchun juda muhim. Va, albatta, u har bir o'yinchining saviyasini oshiradi.

Rodri «Barselona» safidagi taqdimot marosimida o'z fikrlari bilan o'rtoqlashdi:

«Menda boshqa klubga o'tish imkoniyati bor edi. Ammo mening ustuvor maqsadim aynan «Barselona» edi».

Rodri: "O'tish jarayonidan juda mamnunman. Bu og'ir kunlar edi, ammo barchasi hal bo'lganidan xursandman. Umuman olganda, sizlar bilan tanishganimdan va shu yerda ekanligimdan juda baxtiyorman. Albatta, "Barselona"da o'ynash men uchun orzu. Jamoadagi sheriklarim bilan tezroq uchrashishni istayman, ularning aksariyatini taniyman. Endi ishlash va bor kuchimni berish vaqti keldi. Barcha sovrinlar, Chempionlar ligasi va oldimizda turgan barcha maqsadlar uchun kurashamiz".

📻 Pako Xo (Cadena SER jurnalisti): "Rodrining transferi kelgusi mavsumning ilk finali bo'ldi va unda "Barselona" "Real Madrid"ni mag'lub etdi".

"Madrid"ga qat'iyat yetishmadi, shuningdek, Rodri transferi bilan shaxsan shug'ullanadigan Mourinyo kabi inson kerak edi".