Newcastle United — yangiliklari Matbuot

Entoni Gordon intervyusi:

❓Qachon «Barsa»ga o'tish imkoniyati paydo bo'lganini bilganingizda, birinchi munosabatingiz qanday bo'ldi?

🗣 Gordon: «Rostini aytsam, bir lahzaga bunga ishonmadim, chunki bu bolaligimdan beri orzuim edi. Angliyadan «Barselona»ga o'tish umuman oson ish emas. Nazarimda, bu faqat to'rt nafar futbolchiga nasib qilgan. Shu bois bunday transfer qanchalik murakkabligini juda yaxshi tushunardim va hayajonda edim. «Barsa»ning qiziqishini bilgan zahotiyoq, aynan shu narsani eng ko'p xohlayotganimni angladim».

❓Liverpullik bola uchun «Barselona»ga o'tish nimani anglatadi?

🗣 Gordon: «Mening nazarimda, «Barsa» — dunyodagi eng yaxshi klub. Qayerda yashashidan qat'i nazar, har bir bola bir kun kelib shu yerda o'ynashni orzu qiladi. Aytganimdek, bu yerga Angliyadan kelib qo'shilish, albatta, La Masiya orqali o'tishdan ham qiyinroq. Angliyada tug'ilganim uchun bunday imkoniyatga hech qachon ega bo'lmasam kerak deb o'ylagandim. Nihoyat imkoniyat tug'ilganda, o'zimni juda baxtli his qildim».

❓«Barsa» tarixida ayniqsa qoyil qoladigan futbolchi bormi?

🗣 Gordon: «Men ko'rgan eng yaxshi «Barsa» — bu Pep Gvardiola jamoasi edi, ular Xavi va Inyesta kabi futbolchilar bilan Chempionlar ligasini yutishgan. Messini hisobga olmaganda, «Barsa» tarixidagi eng sevimli futbolchim — Luis Suares. Men «Liverpul»ning katta muxlisiman va u yerda Stiven Jerrard bilan birga mening eng sevimli o'yinchilarimdan biri edi. U «Barsa»ga o'tganida, o'yinlarini juda diqqat bilan kuzatganman va u klub ikonasi bo'lishiga amin edim, chunki «Liverpul»da erishgan barcha yutuqlarini ko'rganman».

❓Klubdagi dastlabki oylaringiz qanday o'tdi? Moslashishga kim ko'proq yordam berdi?

🗣 Gordon: «Meni shunday darajadagi futbolchilar bunchalik ochiq va samimiy kutib olishgani juda hayron qoldirdi. Hech kimni unutishni istamayman, lekin Erik Garsiya menga juda ko'p yordam berdi, chunki u ingliz tilida juda yaxshi gaplashadi. Ispan tilini biroz tushunaman, lekin boshqalar juda tez gapirganda yoki o'zaro muloqot qilganda, ularni kuzatib borish qiyinroq. Dani Olmo ham menga juda ko'p yordam berdi».

❓Barselona — Angliyadagi shaharlardan butunlay farq qiladi. Bu yangi hayot bosqichini qanday o'tkazyapsiz?

🗣 Gordon: «Bu shaharni juda yaxshi ko'raman. Unda o'zgacha narsa bor va bu yerda juda oilaviy muhit hukm suradi. Odamlar nihoyatda mehribon. Bu hayotimdagi haqiqatan ham ajoyib davr».

❓Katalon tilida biror so'z ishlatishga jur'at etdingizmi? Birinchi bo'lib nimani o'rgandingiz?

🗣 Gordon: «Bir nechta so'zni bilaman. Ularni o'rganishga va ishlatishga harakat qilyapman, lekin ingliz tilidan ispan va katalon tillariga o'tish biroz murakkab. Men allaqachon «Molt bé», «Com va?», «Jo em dic Anthony» yoki «Estic molt feliç» deb ayta olaman. Gapma-gap o'rganyapman».

❓Muxlislar bilan juda tez til topishib ketdingiz. Kuleslarning sizga bo'lgan mehridan hayron qoldingizmi?

🗣 Gordon: «Ha. Bu muxlislar Messi, Luis Suares, Ronaldinyo va tarixiy eng yaxshi futbolchilarga qoyil qolishgan. Dastlabki kunlardanoq o'zimni bunchalik qadrli his qilishimni kutmagandim. O'ylaymanki, odamlar jamoa uchun bor kuchingizni berayotganingizni sezishadi. Balki ularni mening futbol mahoratim ham hayron qoldirgandir. Shunga o'xshash holat «Nyukasl»da ham bo'lgan, u yerda ko'pchilik meni faqat tezkor va agressiv o'yinchi deb bilardi, keyin esa o'yinimning boshqa jihatlarini kashf etishgandi».

❓«Barsa»da tashqaridan ko'rib bo'lmaydigan nimalarni ichkaridan kashf etdingiz?

🗣 Gordon: «Bu klubning kamtarligi deb aytgan bo'lardim. Bu dunyodagi eng yaxshi klub, bu yerda eng yaxshi futbolchilar o'ynaydi va shunga qaramay, hamma juda kamtar. Biz nihoyatda ambitsiyalimiz va hammasini yutishni xohlaymiz, lekin hech kim keragidan ortiq gapirganini eshitmaysiz. Mashg'ulot o'tayotgan, bundan zavq olayotgan va har kuni yaxshiroq bo'lish uchun birga ishlayotgan odamlarni ko'rasiz».

💭 Entoni Gordon:

Men Judni juda diqqat bilan kuzatib boraman.

U mavsumni ajoyib tarzda boshladi.

«Oltin to'p» topshirish marosimi yaqinlashmoqda. Aytishlaricha, Harri Keyn favorit, Lamin Yamal esa ikkinchi o'rinda. Shu bois biz ushbu ikki futbolchini baholash uchun aynan siz eng munosib nomzod deb o'yladik.

🗣 Gordon: «Men bu borada gapiradigan odam emasman (kuladi)».

❓Siz bu haqda nima deb o'ylaysiz?

🗣 Gordon: «Mening fikr bildirishim qiyin, chunki o'zim hali bunday darajada emasman. Bu vaziyatda men ham siz kabi shunchaki ushbu ikki futbolchining muxlisiman. Mening nazarimda, erishgan yutuqlarini hisobga olsak, sovrin ulardan biriga nasib etishi kerak. Laminning bunchalik yoshligida erishgan yutuqlari... U aqlbovar qilmas futbolchi. Hozir u mutlaqo boshqa darajada. 19 yoshda bunday ishlarni qilish — bu shunchaki aqldan ozish».

❓Lamin hozir dunyodagi eng yaxshi vinger hisoblanadimi?

🗣 Gordon: «O'ylayman-ki, ha. Agar faqat futbol mahorati va ko'nikmalari haqida gapiradigan bo'lsak, men uchun u shubhasiz birinchi raqamli futbolchi. Ammo o'tgan mavsumga nazar tashlasak, Harrida ham boshqalardan kam bo'lmagan jiddiy dalillar bor, chunki uning mavsumi tarixiy bo'ldi. Urilgan gollar soni, Jahon chempionatida biz uchun qilgan ishlari... Ikkalasining ham juda jiddiy argumentlari bor. Ikkalasiga ham omad tilayman».

❓Biz Harri Keyn haqida gaplashdik, ammo Jahon chempionatining eng yaxshi futbolchisi va ayni vaqtda g'olibi Rodri bo'ldi. Hamma uning qanchalik kuchli ekanini biladi, lekin siz uni qanday baholaysiz?

🗣 Gordon: «Sizga bu haqda aytib o'tirishim shart emas, chunki biz uzoq vaqtdan beri uni kuzatishdan zavq olib kelamiz, men esa unga qarshi o'ynaganman va u qanchalik yaxshi futbolchi ekanini doim bilganman. Endi u bilan birga o'ynayotganimdan juda xursandman, chunki futbol nuqtai nazaridan u — daho. Uning xotirjamligi, to'pni deyarli yo'qotmaslik qobiliyati... Unga qarshi o'ynaganimda, doim u mendan bir qadam oldinda ekanini his qilardim. Bunday futbolchining jamoamda borligi yaxshi. Eng avvalo, aynan shu xotirjamlik haqida gap ketyapti. Unga qarshi o'ynashga majbur bo'lganimdan ko'ra, jamoamda u bilan birga bo'lish menga ancha xotirjamlik bag'ishlaydi».

Mattias Yayssle:

Lidsdan uchralgan mag‘lubiyatdan keyingi reaksiya aqlbovar qilmas darajada. Birinchi bo‘lim ajoyib o‘tdi, o‘yinni to‘liq nazorat qilganimiz uchun uchinchi golni urib, uchrashuv taqdirini hal qilishimiz mumkin edi.

Ikkinchi bo‘limda oyoqlar charchay boshlagani ko‘rindi va bu ham tabiiy, chunki jarohatlar sabab 9 nafar futbolchimiz safda emas edi.

Jo Uillok:

Dushanba kungi o‘yindan keyin yaxshi reaksiya ko‘rsatdik. Birinchi bo‘lim ajoyib o‘tdi, ammo hech qachon raqibga o‘yinga qaytish imkonini bermasligimiz kerak edi. Bu biz uchun saboq va diqqatni saqlashimiz kerak.

Men chap oyog‘imda zarba berishni mashq qildim. Dadam menga darvozaga ko‘proq zarba berishim kerakligini aytdi. Men unga: “Dada, ko‘proq zarba beraman”, deb javob berdim. Shuning uchun u xursand bo‘ladi! Dadalar har doim haq!

Hozir futboldan rostdan ham zavq olyapman. Men ishonch bilan o‘ynashim, gollarni nishonlashim va odamlarga nimalarga qodir ekanimni ko‘rsatishim kerak. O‘tgan mavsum qiyin bo‘ldi, ammo bu yerda qolganimdan va nimalarga qodir ekanimni ko‘rsatish imkoniga ega bo‘lganimdan xursandman.

Matthias Jaissle Hull City haqida:

Hull ajoyib ishlamoqda, ularning aniq o'yin uslubi bor. Ular maydonda nima qilayotganini, kuchli tomonlari nimada ekanligini va ulardan qanday foydalanishni juda yaxshi bilishadi. Biz ularning kuchli tomonlarini zararsizlantirishimiz va ijobiy natijaga erishish uchun zaif tomonlaridan foydalanishimiz kerak.

Mattias Yayssle:

Albatta, biz hafsalamiz pir bo‘ldi. O‘zimizni juda yomon his qilyapmiz.

Birinchi bo‘lim, shubhasiz, yomon o‘tdi, chunki maydonda futbolda zarur bo‘lgan eng oddiy narsalarni ham ko‘rsata olmadik.

Yakkama-yakka kurashlar va jismoniy kurashlarda "Lids"ning intensivligiga javob bera olmadik. Bu futbolning asosi bo‘lishi kerak.

Keraksiz xatolarga yo‘l qo‘ydik. Maydonda to‘g‘ri javob qaytarishimiz kerak edi, ammo bunda muammolarga duch keldik.

Jamoa asosan yosh futbolchilardan tashkil topgan, ammo ular juda tez o‘rganishadi.

🗣️ David Raya Bruno Gimaraes haqida:

U yetuklik, raqobatbardosh ruh va yetakchilik sifatlarini olib keladi. U haqiqiy jangchi, shu bilan birga nihoyatda texnik futbolchi.

U o'yinni juda va juda yaxshi o'qiydi hamda jamoaga ham himoyada, ham hujumda yordam berish uchun borini berishga tayyor.

Bruno Gimaraish «Sanderlend» ustidan qozonilgan g'alabadan so'ng:

Bu aql bovar qilmas tuyg'u. Mavsumni jarohatlar tufayli qiyin boshladim, ammo maydonga qaytganimdan va chiroyli gol urganimdan xursandman. Bu men va oilam uchun o'zgacha lahza.

«Nyukasl» bilan ajoyib tarixim bor, ammo men bu yerga «Arsenal» bilan yangi tarix yozish uchun keldim. Va boshlanishi ideal tarzda kechdi.

Mattias Yayysle «Lids»ga qarshi o‘yin oldidan matbuot anjumanida:

Lyuis Hollning yangi shartnomasi haqida:

Uning shartnomasiga bevosita to‘xtalmasdan aytishim mumkinki, hozirgacha undan ko‘rganlarimdan juda mamnunman. U ajoyib futbolchi va hali ham rivojlanish uchun ulkan salohiyatga ega. Shuning uchun umid qilamanki, u biz bilan uzoq yillar qoladi va bundan juda xursand bo‘lardim. U biz jamoada ko‘rishni istayotgan o‘yin uslubiga, futboldagi qarashlarimizga juda mos keladi. Yana bir bor aytaman: u ajoyib ish qilmoqda.

Mattias Fernandes-Pardo asosiy tarkibda maydonga tushishga qanchalik yaqin?

U tobora yaqinlashmoqda. Avval ham aytganimdek, uning yuklamasini to‘g‘ri taqsimlashimiz kerak. Hozir u asta-sekin ko‘proq o‘yin vaqti olmoqda. «Lids»ga qarshi o‘yindan oldin u deyarli ilk bor to‘liq bir haftalik mashg‘ulot o‘tkazish imkoniyatiga ega bo‘ladi. Bu unga juda katta yordam beradi. Menimcha, u bizga kelganidan beri ilk bor shunday imkoniyatga ega bo‘lmoqda. Shuning uchun qarorni yakshanba kuni yoki, ehtimol, dushanba kuni qabul qilamiz.

Tino Livramentoning qaytishi haqida:

U uchun juda xursandman. U kuchli raqibga qarshi va juda og‘ir sharoitlarda 45 daqiqa yuqori darajada o‘ynadi — «Milluoll» maydonida o‘ynash har doim qiyin. Uning allaqachon shunday darajani ko‘rsata olayotganini ko‘rish biz uchun yoqimli. Shuningdek, uning bu 45 daqiqani juda yaxshi o‘tkazganidan ham mamnunman.

Lukas Gornichek haqida:

Hozircha u ajoyib ish qilmoqda. Bu juda yaxshi transfer. U hali juda yosh, Premyer-ligaga kelib, darhol shunday yuqori darajada o‘ynash va shu bilan birga barcha bosimni uddalash oson emas. U menga juda yoqadi. Lukas nihoyatda xotirjam va yoshiga nisbatan juda yetuk. Uning darvozadagi ishonchli harakatlari butun jamoaga o‘ziga bo‘lgan ishonch beradi. Unda zarracha ham asabiylik alomati ko‘rinmaydi.

Bazumana Ture va Aladji Bambaning kam o‘yin vaqti haqida:

Bazning holatida hammasi tushunarli. U yosh futbolchi va mashg‘ulotlarda qanday rivojlanayotganini ko‘rib turibmiz. U bor kuchini ishga solmoqda. Ammo hozir Xarvi Barns juda yuqori darajada o‘ynamoqda, shuning uchun ba’zida Bazga kamroq o‘yin vaqti tegmoqda. AB bilan ham xuddi shunday. Biz ularga kerakli vaqtni beramiz. Bu jarayonni sun’iy ravishda tezlashtirmaymiz va har qanday yo‘l bilan ularga ko‘proq daqiqa berishga urinmaymiz. Bizning vazifamiz — ularni qo‘llab-quvvatlash.

«Lids»ga qarshi «Elland Roud»dagi o‘yin haqida:

Bu o‘zgacha o‘yin bo‘ladi. U yerdagi muhit haqida ko‘p eshitganman, shuning uchun bunga tayyor bo‘lishimiz kerak — xuddi «Den»dagi o‘yinga tayyor bo‘lganimiz kabi. «Milluoll» stadionida ham aqldan ozdiradigan atmosfera bor edi, «Lids»da ham taxminan shunday bo‘ladi. Ammo agar biz bu sinovni qabul qilib, raqibga hissiy jihatdan munosib javob bera olsak — axir bizning muxlislarimiz ham bizni qo‘llab-quvvatlaydi — unda ijobiy natijaga erishish uchun yaxshi imkoniyatimiz bo‘ladi.

Mavsum starti haqida:

Albatta, mavsumni qanday boshlaganimizdan mamnunmiz. Shunchalik qisqa vaqt ichida birgalikda erishgan natijalarimizni oddiy hol deb bo‘lmaydi. Ammo Premyer-liga — Premyer-liga. Bu yerda har turda seni juda yuqori darajadagi raqib kutadi. Biz shu yo‘lda davom etishni xohlaymiz. Ambitsiyalarimiz bor, lekin ayni paytda vaziyatga real qarashni ham saqlab qolamiz.

Mattias Yayssle:

Vazifa bajarildi. Hammasi juda oddiy. Bu yerda hech qachon oson bo‘lmaydi. Biz buni bilardik va bunday sinovga tayyor edik.

Jo Uillok men kelganimdan beri ajoyib ish qilmoqda. Uning salohiyati borligini o‘zingiz ham ko‘rdingiz va biz bu yo‘lda uni qo‘llab-quvvatlash uchun shu yerdamiz.

Mavsumni qanday boshlaganimizdan juda mamnunman. Maydonda ham, undan tashqarida ham birdamligimizni ko‘rsatdik. Ammo vaziyatga real qaraymiz. Bunday start uchun minnatdormiz, lekin allaqachon "Lids"ga e’tiborimizni qaratganmiz.

Menga ingliz futboli juda yoqadi. Shunchaki kechqurun maydonga chiqish, shunday ajoyib muhitda o‘ynash… Buning uchun minnatdorman va bu men uchun katta sharaf.

Mattias Yayssle:

Biz sabrli bo‘lishimiz kerak. Bizda yosh jamoa bor va yosh futbolchilarimiz o‘zlari uchun yangi bo‘lgan rollarni o‘zlashtirmoqda.

Biz esa bu yo‘lda ularni qo‘llab-quvvatlash uchun shu yerdamiz.

O‘yinga kelsak, hissiyotlar aralash. Bir tomondan, kuchli jamoaga qarshi hisobni tenglashtira olganimizdan xursandmiz va faxrlanamiz. Ammo boshqa tomondan, birinchi bo‘limni yomon o‘tkazdik, ko‘p narsalar biz kutgandek chiqmadi. Lekin bu hali boshlanishi, shuning uchun biz yanada yaxshilanamiz.

Aleksandr Isak o'yindan so'ng o'z fikrlari bilan o'rtoqlashdi:

🛑 Gakpo bilan o'zaro hamkorlik haqida: «Ko'rinishidan, endi men unga golli uzatma berishim kerak! U meni aynan men to'pni qabul qilishni yoqtiradigan zonalarda juda yaxshi topib oldi».

🛑 O'tgan mavsum va joriy mavsumdagi farq haqida: «Albatta, normal mavsumoldi tayyorgarligi bo'lganda, o'zing xohlagandek o'ynash osonroq. Oson bo'lmadi, uzoq muddatli jarohat, umuman olganda og'ir mavsum bo'ldi. Men yaxshi mavsum o'tkazishga va to'liq mavsumoldi tayyorgarligiga e'tibor qaratishga harakat qildim. O'tmishda qoldi, bu yaxshi».

🛑 Ikkinchi gol haqida: «Bu shunchaki instinkt. Men bu pozitsiyani, chap yarim qanotni yaxshi ko'raman. Bu zonalarda to'p bilan qanchalik ko'p bo'lsam, shunchalik ko'p gol uraman. Sof instinkt, men hatto darvozabon qayerda bo'lgani haqida ham o'ylamadim».

🛑 Jamoaning hujumdagi kuchi haqida: «Shubhasiz, hujumda juda ko'p kuchli o'yinchilarimiz bor. Agar to'pni olib qo'yib, uni tezda hujumga o'tkaza olsak, hujumdagi o'yinimizdan o'zimiz ham zavq olamiz. To'pni olib qo'yganingizda, raqib jamoa deyarli har doim tartibsiz bo'ladi va himoyalanishga tayyor bo'lmaydi — biz hujumdagi sifatimizni hisobga olgan holda bundan foydalanishimiz kerak».

Elanga va Vissa haqida:

Ular mavsumni juda yaxshi boshlashdi va ularning o‘zini ko‘rsatayotganidan xursandmiz. Futbolda futbolchining ishlarida hammasi ham yurishmaydigan davrlar bo‘ladi.

Ammo hozir ularning mehnati o‘z natijasini bermoqda. Bizning vazifamiz ularni qo‘llab-quvvatlash, qolgan ko‘p narsa esa ularning o‘ziga qanchalik ishonishi va maydonda qancha kuch berishiga bog‘liq.

Nik Voltemadeni Yuventusga qo‘yib yuborish qanchalik qiyin bo‘ldi?

Bu oson qaror bo‘lmadi. Men Nikni ham futbolchi, ham inson sifatida juda qadrlayman. U ulkan salohiyatga ega o‘zgacha futbolchi. Biz bir necha bor juda ochiq suhbatlashdik va u o‘ziga munosib bo‘lgan o‘yin vaqtini olish uchun yangi chaqiruvni qabul qilishga qaror qildi.

Endi u top-liga va top-klubga yo‘l oldi. Men unga omad tilashimni aytdim. Ishonchim komil, u o‘zini ko‘rsata oladi va ko‘plab gollar uradi. Biz uni diqqat bilan kuzatishda davom etamiz va aloqada bo‘lib turamiz.

Bu biz futbolchilarni keyinchalik sotish uchun rivojlantiradigan klub bo‘lishni xohlayotganimizni anglatadimi?

Men bunday demagan bo‘lardim. Biz qanday futbol o‘ynashni va qanday futbolchilarni taklif qilishni aniq bilamiz: yosh, iqtidorli va uslubimizga to‘liq mos keladigan futbolchilar.

Biz bu yondashuvda izchil bo‘lishni va nafaqat maydonda, balki klubning barcha bo‘limlarida rivojlanishni xohlaymiz. Bu yerga kelishga qaror qilganimning sabablaridan biri ham shu.

Amar Dedich haqida:

Uning mavsumdagi starti ajoyib bo‘ldi. Uning ligaga qanchalik tez moslashganidan juda mamnunman. U mening talablarimni allaqachon bilishi sababli unga biroz osonroq, ammo shunga qaramay, starti juda zo‘r bo‘ldi.

Transfer oynasiga 10 ballik tizimda qanday baho beraman?

Baholamayman, ammo mamnunman.

Aleksandr Isakning o'yindan keyingi intervyusi:

🛑 O'yin haqida

Jamoamizda ruh bilan bog'liq muammolar yo'q, biz hech qachon taslim bo'lmaymiz. Bugungi o'yinni juda yomon boshladik. O'yinga kirishib, gol urganimizda, yanada yaxshiroq harakat qilishimiz kerak.

🛑 Iraola haqida

Hozircha hammasi yomon emas. O'yin uslubiga ko'nikishimiz uchun bizga vaqt kerak. U xohlagandek o'ynash uchun qattiq mehnat qilyapmiz. Natijalar ham kelishiga shubham yo'q.

🛑 Urilgan gol haqida

Bu hujumchining vazifasi. Albatta, mavsumdagi ilk golimni urganimdan xursandman. Bu mavsum uchun samaradorlik bo'yicha maqsadlarim? Hozircha bu haqda o'ylaganim yo'q, lekin har bir hujumchi har o'yinda kamida bitta gol urishni xohlaydi.

🛑 «Enfild»dagi qo'llab-quvvatlash haqida

Muxlislarimiz ajoyib edi. Uyga qaytganimdan juda xursandman va bu yerda yana o'ynashni intiqlik bilan kutyapman.

Mattias Yayysle "Tottenhem"ga qarshi o'yin oldidan matbuot anjumanida:

Bugun ertalab qilgan birinchi ishim — transferlar bo'yicha ishlarni tezlashtirishni yana bir bor so'rash bo'ldi. Ammo rahbariyat va Ross ajoyib ishni amalga oshirmoqda. Biz oqilona harakat qilishga va vahimaga berilmaslikka harakat qilyapmiz. Men juda optimistik kayfiyatdaman va hali yana nimadir sodir bo'ladi, deb o'ylayman.

Niko Gonsalesni ko'ndirishimga ko'p vaqt ketmadi. Shunday muxlislar va shunday tarixga ega bo'lgan klubning o'zi hammasini aytib turibdi — "Nyukasl Yunayted" o'zgacha klub. Biz qanday futbol o'ynashni xohlayotganimizni aniq bilamiz, jasorat bilan harakat qilishni istaymiz. O'ylaymanki, bularning barchasi o'z rolini o'ynadi va oxir-oqibat uni bizga qo'shilishga ishontirdi.

Niko allaqachon jamoa bilan mashg'ulotlarda qatnashdi va juda yaxshi ko'rinmoqda. U "Tottenhem"ga qarshi o'yinda maydonga tushishi mumkin. Albatta, unga biroz vaqt kerak bo'ladi, ammo u juda aqlli futbolchi va ulkan salohiyatga ega. Hozirning o'zidayoq uning darajasi juda yuqori. O'ylaymanki, u bizning tizimimiz va o'yin uslubimizga tezda moslashadi.

Nik Poupning kelajagi? Bu boradagi vaziyat Nik Voltemade bilan bo'lgani kabi. U "Nyukasl Yunayted" futbolchisi va matbuot anjumanida bunga qo'shimcha qiladigan gapim yo'q.

Voltemade va "Napoli" haqidagi mish-mishlarga kelsak, butun hurmatim bilan aytaman, bu men matbuot anjumanida muhokama qilmoqchi bo'lgan mavzu emas. Kecha ham Nik biz uchun qanchalik muhim ekanini aytgandim. Qo'shimcha qiladigan gapim yo'q.

Har doimgidek. Bor kuching bilan harakat qilib, raqibdan ustun o'ynashing mumkin.

Ammo yakunda tasodifiy bir vaziyat barchasini hal qiladi.

Ilgari bunday o'zgarishlar hech narsani o'zgartirmasdi, endi esa mana. To'pni maydondan chiqarib yuboramiz, hujum tashkil etishga imkon beramiz va o'tgan mavsumda hech kim e'tibor bermagan vaziyat uchun penalti belgilaymiz. Bunda pauza qilib, 5 soniya davomida reaksiyani kuzatib, keyin nuqtaga ko'rsatishadi.

Bravo jamoa, bunday futbolni ko'rish menga yoqimli, hatto hakamlikdagi ba'zi ahmoqona vaziyatlarga qaramay, qayerda fol fol emas, qayerda fol emas — fol hisoblanadi.

❓Sen har doim «Barsa» o'yin uslubiga qoyil qolgansan. Uni qanday ta'riflagan bo'larding?

🗣 Gordon: «Men nazorat, tiki-taka va o'yin jarayonini boshqarish deb aytgan bo'lardim. O'ylaymanki, hozirgi vaqtda bu uslub biroz evolyutsiya qildi, chunki biz juda yuqori intensivlikda pressing qilamiz, ammo uning asosi o'zgarishsiz qolmoqda: to'pga egalik qilish va raqibning to'p bilan imkon qadar kamroq aloqada bo'lishiga intilish. Aynan shu narsa men uchun «Barsa»ni anglatadi».

❓Faoliyating davomida senga alohida ta'sir o'tkazgan murabbiy bormi?

🗣 Gordon: «Xansi Flik. U menga ajoyib arenada o'ynash, muxlislar bilan bog'liqlik o'rnatish va men har doim orzu qilgan barcha narsalarni boshdan kechirish imkoniyatini berdi. Shunga qaramay, men o'zim ishlagan barcha murabbiylarni juda qadrlayman, chunki ularning har biri menga o'z tajribasini berdi, buning sharofati bilan men yaxshiroq inson va yaxshiroq futbolchiga aylandim. Eddi Xau, Frenk Lempard, Rafa Benites, Li Karsli... . Men hech kimni esdan chiqarishni istamasdim».

❓APL kabi talabchan ligadan o'tib, Xansi Flik talab qiladigan intensivlikka moslashish senga oson bo'ldimi?

🗣 Gordon: «Ha, bu borada nisbatan oson bo'ldi, chunki «Nyukasl»da biz allaqachon shunga o'xshash tarzda o'ynardik: juda intensiv pressing qilar va hujum qilardik. Bu jihatdan moslashish oson kechdi. Xuddi shu narsa to'p bilan o'yinga ham tegishli, chunki hozir meni dunyoning eng yaxshi futbolchilari qurshab turibdi. Faoliyatim davomida hech kim sezmagan ko'plab harakatlarni to'psiz amalga oshirganman, ammo endi menda hamma narsani ko'ra oladigan Pedri bor».

❓APL va La Liga o'rtasidagi asosiy farqlar nimada?

🗣 Gordon: «Avvalo, intensivlikda. Bu yerda o'yin xotirjamroq, ko'proq nazorat va to'pga egalik qilishga asoslangan. APLda esa hamma narsa jismonan muhimroq va aqldan ozganroq. Ba'zida bu hatto basketbol o'yinini eslatadi».

❓Har bir o'yin va har bir harakat sinchkovlik bilan tahlil qilinadigan klubda bosimni qanday yengib o'tasan?

🗣 Gordon: «Men bosimga unchalik ishonmayman. Bu o'zingiz boshingizda yaratadigan narsa. Agar bolaligingizda o'yin vaqtida bosimni his qilmagan bo'lsangiz, hozir ham his qilmasligingiz kerak. Men shunchaki o'yindan zavq olaman va jamoaga yangi narsa olib kirishga harakat qilaman. Qachonki shunga e'tibor qaratsangiz, bosimga o'rin qolmaydi va siz o'zingizni eng yaxshi tomondan ko'rsata olasiz».

❓«Barsa» tarkibidagi birinchi mavsuming oxiriga kelib qanday maqsadlarga erishmoqchisan?

🗣 Gordon: «Men barcha sovrinlarni yutmoqchiman. Hammasi oddiy. Bizda buni amalga oshirishga qodir tarkib bor deb hisoblayman. Albatta, ba'zida jarohatlar va boshqa omillar haqida gap ketganda, omad ham kerak bo'ladi, ammo mening maqsadim — hammasini yutish, chunki men «Barsa» tarixiga kirishni va bu jamoani abadiy eslab qolishlarini xohlayman».

❓Qaysi kuchli tomonlaringni hali to'liq namoyish etishga ulgurmading, ammo ular jamoaga katta foyda keltirishi mumkin?

🗣 Gordon: «Gollar. Menda hali gol urish uchun juda ko'p imkoniyat bo'lmadi. Shunga o'xshash holat faoliyatim davomida ham bo'lgan. Har bir klubda va har bir bosqichda muntazam ravishda gol ura boshlashimdan oldin menga biroz vaqt kerak bo'lgan. Biroq, men ularni juda ko'p urishimga ishonchim komil».

🔚 Entoni Gordon bilan intervyu yakunlandi.

Joelinton:

Rejamiz — xalqaro tanaffusdan keyin safga qaytish. O‘zimni juda yaxshi his qilyapman. Qattiq mehnat qildim. Jamoaga, yigitlarga va yangi futbolchilarga muxlislarimiz qarshisida yana qo‘shilishni sabrsizlik bilan kutyapman.

O‘zimni ancha yaxshi his qilyapman. Maydonga qaytishni, yana libosimizni kiyib, muxlislarimiz uchun o‘ynashni sabrsizlik bilan kutyapman. Bularni juda sog‘indim.

Entoni Gordondan kutilmagan taqqoslash

Jurnalist:

Sizga ingliz futbolchilari Premer-ligadagi mavsumdan so'ng, ehtimol, klub darajasida birga o'ynayotgan jamoadoshlariga qaraganda ko'proq charchagan holda kelayotgandek tuyulmaydimi?

Gordon:

O'ylashimcha, bu katta ehtimol bilan haqiqat. Statistika qandayligini bilmayman, lekin bunga deyarli aminman. Chunki Angliyada... Boshqa ligalarda oson o'yinlar bo'ladi demoqchi emasman, lekin bu yerda har bir o'yin avvalgisidek og'ir kechadi.

Arsenalga qarshi o'ynash — bu ma'noda Premer-ligaga endigina chiqqan jamoaga qarshi o'ynash bilan bir xil.

Premer-liganing qiyinchiligi ham shunda. Har bir o'yin juda katta intensivlik bilan o'tadi va istalgan jamoa g'alaba qozonishi mumkin. Masalan, adashmasam, Xall Premer-ligaga endigina ko'tarilgandi va ular Nyukasl bilan o'yingacha mag'lubiyatsiz ketayotgan edi. Bu Premer-liga va umuman ingliz futbolining kuchini ko'rsatadi. Va menimcha, Premer-ligada to'p suradigan ingliz futbolchilari uchun organizmdagi yuklama boshqa mamlakatlarda o'ynaydigan futbolchilarnikiga qaraganda sezilarli darajada yuqori.

❓Sen Ispaniya va Angliya futboli o'rtasidagi farqlar haqida gapirganding. «Barselona»dagi o'yining, ayniqsa hujumdagi sheriklaring bilan o'zaro harakatlaring qanday o'zgarmoqda?

🗣 Gordon: «Bu albatta o'zgarmoqda, chunki avval men «Nyukasl»da Eddi Xau qo'l ostida butunlay boshqacha uslubda o'ynaganman. Biz juda yuqori intensivlikda o'ynardik, harakatlar bir qanotdan ikkinchisiga tez ko'chardi va o'yinlar odatda juda shiddatli kechardi. «Barselona»da esa intensivlik butunlay boshqacha tusga ega. O'yin ancha xotirjam, chunki biz to'pni uzoq vaqt nazorat qilamiz. Qolaversa, ayni damda biz juda ustunlik qiluvchi jamoamiz, shuning uchun men uchun bu ko'nikishim kerak bo'lgan mutlaqo boshqacha uslub. Boshqa tomondan, Angliya yoshlar terma jamoalarida men doimo shunday o'ynaganman, shuning uchun bu menga unchalik begona emas.

Men yuqori futbol IQ'siga ega ekanligimdan faxrlanaman va to'g'ri qarorlar qabul qilishga intilaman — balki, biroz haddan tashqari ko'pdir. Ba'zida, ehtimol, futbolchi sifatida biroz xudbinroq bo'lishim kerak edi, lekin bu mening tabiatimda yo'q. «Barselona» kabi jamoaga o'tish menga juda mos keladi. Ehtimol, bu odamlar avval bilmagan yoki e'tibor bermagan kuchli tomonlarimni ochib berar. Tezkorligim va ko'p pressing qilganim uchun, odamlar asosan faqat shu ikki narsa haqida gapirishadi. Aslida esa o'yinim tezlik va pressingdan ko'ra ko'proq narsani taklif qila oladi».

❓Ilgari sen to'pni juda yaxshi nazorat qiladigan ispanlar haqida gapirganding, Angliyada esa o'yin boshqacha. Bizda ham shunday uslubda o'ynashga qodir futbolchilar borligiga doir fikringni tushunaman, lekin APL muxlislari bunday uslubni qabul qilarmidi?

🗣 Gordon: «Rostini aytsam, ishonchim komil emas. Men APL jamoalariga qarshi o'ynaganimda, ular juda kombinatsion futbol yoki «tiki-taka» o'ynashga uringanlarida, muxlislar buni unchalik qadrlashmaydi. Ingliz muxlislari inglizcha futbol ko'rishni istashadi. Bu tabiiy, chunki Ispaniyada muxlislar ispancha uslubni qadrlashadi. Men aynan shu haqda gapiryapman. Biz qayerdadir to'g'ri namunani izlash o'rniga, o'zimiz kim ekanligimizni qadrlashimiz kerak. Ingliz futbolchilarining o'z sifatlari bor. Ispan futbolchilariniki esa boshqacha. Biz javoblarni chetda izlashni to'xtatib, borimizni qadrlashni boshlashimiz kerak.

Mening nazarimda, Angliyadagi muxlislar basketbolni eslatuvchi o'yinlarni yaxshi ko'rishadi. Ularga atletik, to'g'ridan-to'g'ri o'yin yoqadi. Jamoa yutqazayotganida, ular to'pni o'z darvozasi oldidan qanday o'ynayotganini ko'rishni istashmaydi. Ular baland bo'yli hujumchini, havodagi kurashlarda g'olib chiqayotganini va biroz tartibsizlikni ko'rishni xohlashadi. Men uchun bu an'anaviy inglizcha o'yin uslubi. Shunday ekan, aytganimdek, balki bundan haqiqatan ham foydalanish vaqti kelgandir».

❓Yaqin yillarda ham «Barselona», ham Angliya terma jamoasida nimaga erishmoqchisan?

🗣 Gordon: «G'alaba qozonish. Bu har doim birinchi raqamli maqsad — oldimizda turgan barcha narsani yutish. Bu Millatlar ligasi, Yevropa chempionati, Jahon chempionati yoki Ispaniyaga qarshi bo'lajak o'yin bo'ladimi, farqi yo'q. Bu uchrashuv men uchun muhim, chunki ich-ichimdan agar biz Jahon chempionati finaliga chiqqanimizda, ulkan imkoniyatlarga ega bo'lishimizga ishonganman. Hozirgi g'alaba, albatta, haq ekanligimni isbotlamaydi, lekin ehtimol, u tufayli o'zimni biroz yaxshiroq his qilaman.

«Barselona» bilan ham xuddi shunday. Men g'alaba qozonishni istayman. Futbolchilik faoliyati juda qisqa. Menga allaqachon 25 yosh, shuning uchun futbol olamida men unchalik yosh emasman. Men imkon qadar ko'proq sovrinlar yutishni va ko'proq ajoyib lahzalarni boshdan kechirishni xohlayman».

Dik Sxreder «Yuventus»dan uchralgan mag'lubiyatdan so'ng:

Biz ochiqchasiga yetarlicha yaxshi emasmiz va yevrokuboklardagi chiqishimiz boshlanishidan oldin buni kutmagandim.

1:0 hisobidagi o'sha vaziyat... Barcha hurmat bilan aytaman, men bu to'pni boshim bilan qaytargan bo'lardim. Axir qayerga uchayotganini ko'rib turibsan-ku.

Bruno Gimaraes:

«Albatta, David Raya – dunyodagi eng yaxshi darvozabon».

🎙️ Big Gabi Brunu Gimaraesh haqida:

«Men uning shu yerda ekanligidan juda xursandman. Biz birga jahon chempionatida ishtirok etganmiz va men unga «Arsenal»ga o'tishini aytgandim! Biz juda yaqinmiz, umid qilamanki, u har kuni baxtli bo'ladi. U juda yaxshi o'yinchi, unga bu klubda juda yoqadi».

Iraola Jeremi van Xek va Virjil van Deyk juftligi haqida fikr bildirdi:

Har bir markaziy himoyachi uchun Van Deyk yonida o'ynash — bu mahorat darsi, bu katta saboq. Dastlabki ikki o'yinni Jeremi oxirigacha o'tkaza olmadi. Ikkinchi bo'limda uni maydonda qoldirish kerakmi yoki yo'q, deb ikkilandim, ammo u bunday vaziyatlardan o'tishi kerak. U jismoniy holatini yaxshilashda davom etadi.

Andoni Iraola Gakpo va vingerlar o'rtasidagi raqobat haqida:

Gakpo biz uni qanchalik qadrlashimizni biladi, bunda hech qanday shubha yo'q. Men uni juda qadrlayman va albatta, unga juda ishonaman. Kodida o'yin vaqti uchun qattiq raqobat bo'ladi, chunki bizda bu pozitsiyalarda ajoyib futbolchilar bor. Gap ular bir-birini oldinga undashi haqida bormoqda: Bredli, Rio, Viktor. Ba'zida ular asosiy tarkibda boshlashadi, ba'zida zaxirada qolishadi, ba'zida esa maydonga tushmasliklari ham mumkin, ammo bu barchasiga foyda keltiradigan raqobat.

Mattias Yayysle "Bornmut"ga qarshi o'yin oldidan matbuot anjumanida:

Vissaning maqtovlari haqida:

Bunday gaplarni Vissadan eshitish yoqimli. Ammo eng muhimi, yigitlarning o‘zlari ajoyib ish qilishmoqda. Men buni La-Mangadagi yig‘inning ilk kunidayoq his qilganman: ular ishtiyoq bilan yondashmoqda, yangi g‘oyalarga ochiq, o‘rganishni xohlashadi, tez moslashishmoqda va rivojlanishmoqda. Ularning maydonga chiqib, har bir to‘p uchun kurashayotganini ko‘rish juda yoqimli. Umid qilamanki, shanba kuni ham shu ruhda davom etamiz.

Fernandes-Pardoni qayerda o'ynatgan ma’qul?

Hujumimizda bir nechta pozitsiyada o‘ynay oladigan futbolchilar ko‘p. O‘ylaymanki, dam olish kunlari Marko Roze uchun ham buni hal qilish oson bo‘lmaydi.

Lyuis Holl haqida:

Ishonchim komilki, qishda ham unga qiziqish bo‘ladi, boshqa ko‘plab futbolchilarimizga bo‘lgani kabi. Ammo biz, albatta, unga ishonamiz. Lyuisning salohiyati juda katta, u allaqachon juda yuqori darajada o‘ynamoqda. Shu bilan birga, u bundan ham ko‘prog‘iga qodirligini tushunamiz. Uning jamoamiz tarkibida ekanidan juda xursandmiz va umid qilamizki, bu uzoq vaqt davom etadi.

Nik Poup bilan nima bo‘ladi?

Ayrim mamlakatlarda transfer oynasi hali ham ochiq. Bir necha hafta oldin Nik bilan klubdagi holati haqida juda ochiq suhbatlashdik. Ammo transfer faqat klubga bog‘liq emas — futbolchining o‘zi, agenti va boshqa tomonlarning ham qarori bor. Hozircha u jamoaning bir qismi. Nikning klub uchun qilgan barcha ishlarini va hozirgi vaziyatga professional munosabatini juda qadrlayman.

Yozgi transferlar oynasi haqida:

Transfer bozoridagi ishlarimiz hozir "Nyukasl Yunayted" boshdan kechirayotgan o‘tish davrini juda yaxshi aks ettiradi. Biz nafaqat futbolchilarni sotib oldik, balki katta pullarga futbolchilarni ham sotdik. Shu bilan birga, o‘tgan mavsumga nisbatan tarkibning o‘rtacha yoshini sezilarli darajada kamaytirdik. Bularning barchasi kelajak uchun tanlagan dadil yo‘limizga mos keladi. Ishonchim komilki, bu bizga muvaffaqiyat olib keladi.

Mattias Yayssle:

Ha, bu aql bovar qilmaydigan holat. Men juda faxrlanaman. Klub va murabbiylar shtabi sifatida biz juda faxrlanamiz. Maydondagi jamoaning o'yin rejasini yuqori darajada amalga oshirayotganini, shuningdek, futbolchilarning qilayotgan ishimizga to'liq sodiq ekanini ko'rish juda quvonarli. Bu yaxshi start. Juda-juda faxrlanamiz. Shuning uchun bu lahzadan zavq olishimiz ham kerak.

Ha, bu ham butunlay yangi jamoa emas. "Nyukasl Yunayted"ning DNKsi men ko'rishni istaydigan o'yin uslubiga juda mos keladi. Shu sababli, avval ham ayrim o'xshash jihatlarni ko'rganmiz. Endi esa biz mavjud vaqtimizdan imkon qadar yaxshi va samarali foydalandik. Buni amalda ko'rayotganimdan yana bir bor faxrlanaman.

Andoni Iraola:

Bu biz kutgan natija emas. O'ylaymanki, o'yin ikki xil bo'limdan iborat bo'ldi. Birinchi bo'limda kuchsiz o'ynadik deb hisoblayman, ammo kuchsiz bo'lsak ham, birinchi gol o'tkazib yuborilgan vaziyatda omadimiz kelmadi.

Ikkinchi bo'limda ancha yaxshiroq harakat qildik, intensivlik boshqacha edi. Agar mag'lub bo'lish kerak bo'lsa, aynan ikkinchi bo'limdagi kabi o'ynab mag'lub bo'lish kerak! Raqib darvozasi oldida ancha xavfliroq va shijoatliroq edik. Ikkinchi bo'limdagi o'yinimizdan qoniqdim, ammo kambek qilish uchun juda kech uyg'ondik.

Eddi Xau jamoasidagi jarohat olgan futbolchilarning holati hamda Tottenhemga qarshi bo'lajak bahs haqida fikr bildirdi:

Osula eng yaxshi davolanishni olmoqda, ammo hozircha aniq prognoz berish va uning qachon qaytishini aytish juda erta. Xuddi shu narsa Joelinton va Den Byorn uchun ham amal qiladi. Shunga qaramay, har kuni ertalab ularni ko'rganimda, kayfiyatlari juda yaxshi ekanini sezaman.

Bazumana Ture biroz noqulaylik his qilgandi, ammo dam olish kunlariga kelib u bilan hammasi joyida bo'lishi kerak. Biz shunchaki tavakkal qilishni xohlamadik.

Tottenhemga qarshi o'yin qiyin bo'ladi, ayniqsa raqib ko'plab yangi futbolchilarni jamoaga qo'shayotganini hisobga olsak. Shu sababli ko'p narsa o'zgarishi mumkin va tayyorgarlik biroz murakkablashadi. Ammo vaziyatga obyektiv qarashimiz kerak: biz turnir jadvalining eng yuqori pog'onalarida kurashadigan top-jamoaga qarshi o'ynaymiz. Bu biz uchun yaxshi sinov va men o'z yondashuvimni o'zgartirmoqchi emasman.

Sandro Tonalini kutib olish mumkinligi haqida? Avvalo, Londonda bizni qo'llab-quvvatlaydigan muxlislarimiz imkon qadar ko'p bo'lishini xohlayman. Eng muhimi shu — futbolchilarimizga e'tibor qaratish va ularga maydonda muxlislar energiyasini yetkazish. Aynan shunday qo'llab-quvvatlash Liverpulga qarshi ajoyib o'yin o'tkazganimiz va keyin Liga Kubogida yaxshi natija ko'rsatganimiz sabablaridan biri bo'lgan.

Nyukasl Yunaytedda bizni qanchalik iliq kutib olishganidan haqiqatan ham hayratdaman. Stadiondagi atmosfera ajoyib, unda chinakamiga o'zgacha bir narsa bor. Men buni avval ham bilardim, ammo bilish boshqa, buni o'zing his qilish esa butunlay boshqa.

Biz bu yerda jiddiy loyiha qurishni va doimo yaxshilanib borishni xohlaymiz. Yosh jamoaga ega bo'lganingda, ma'lum ko'tarilishlar va pasayishlarga tayyor bo'lishing kerak — bu normal holat. Ammo men faqat oldinga qarayman va bizni kutayotgan yo'lni katta hayajon bilan intiqlik bilan kutyapman.