Jamoamiz 16-avgust kuni Qarshida "Nasaf" bilan o'tadigan o'yinga tayyorgarlikni boshladi. Bugundan yangi futbolchimiz Murtazo Puraliganji ham mashg'ulotga qo'shildi.
Jamoamiz 16-avgust kuni Qarshida "Nasaf" bilan o'tadigan o'yinga tayyorgarlikni boshladi. Bugundan yangi futbolchimiz Murtazo Puraliganji ham mashg'ulotga qo'shildi.
Eronlik futbolchi Murtazo Puraliganji Toshkentga yetib keldi.
Murtazo Puraliganji Toshkentga yetib keldi!
Hojiakbar Abdullayev faoliyatini «So'g'diyona» safida davom ettiradi.
⚪️ «So'g'diyona» Hojiakbar Abdullayevni o'z safiga qo'shib oldi.
OKMK klubi Odilbek Abduhamidov va Sanjarbek Odilbekov bilan shartnoma imzolaganini rasman e'lon qildi.
OKMK klubi o'z safiga yangi futbolchilarni qo'shib oldi. Olmaliqliklar Odilbek Abduhamidov va Sanjarbek Odilbekov bilan shartnoma imzolaganini ma'lum qildi.
Odilbek Abduhamidov va Sanjarbek Odilbekov OKMK safiga kelib qo'shildi.
Himoyachi Abdulla Abdullayev faoliyatini Farg'onaning Neftchi klubida davom ettiradigan bo'ldi.
Abdulla Abdullayev faoliyatini Neftchi jamoasida davom ettiradi.
Quvonchbek Xushvaqtov «Nasaf» bilan shartnomani uzaytirdi. Futbolchi klubda 2029-yil oxiriga qadar qoladigan bo'ldi.
🔵 Quvonchbek Xushvaqtov «Nasaf» bilan kelishuvni uzaytirdi.
Muhammadbobur Mo'ydinov «Mash'al» jamoasi bilan shartnoma imzoladi. Himoyachi avval «Navbahor» safida to'p surgan.
«Mash'al» yana bir o'zbekistonlik futbolchi bilan shartnoma imzolaganini ma'lum qiladi.
Muhammadbobur Mo'ydinov endi «Mash'al» sharafini himoya qiladi. 2004-yil 3-yanvarda tug'ilgan futbolchi o'ng qanot himoyachisi pozitsiyasida o'ynaydi, shuningdek, markaziy himoyada ham harakat qila oladi.
Mo'ydinovning avvalgi jamoasi «Navbahor» bo'lgan. U 2025-yilgi Superliga bahslarida «Navbahor» safida maydonga tushib, jumladan, «Mash'al»ga qarshi uchrashuvda ham ishtirok etgan.
Xush kelibsan, Muhammadbobur!
Ukrainalik hujumchi Roman Papariga mavsum so'nggigacha «Qizilqum» bilan shartnoma imzolab, jamoaga qaytdi.
Roman Papariga — «Qizilqum» futbolchisi!
O’tgan mavsumda jamoamiz tarkibida to’p tepgan ukrainalik hujumchi Roman Papariga yana «Qizilqum» ga qaytdi. Futbolchi va klub rahbariyati o’rtasida mavsum so’nggigacha bitim imzolandi.
Eslatib o’tamiz, Roman Papariga klubimiz tarkibida umumiy hisobda 28 ta bellashuvda maydonga tushib 3 marotaba raqib darvozasini ishg’ol etgan hamda 2 marotaba golli uzatmani o’z hisobiga yozdirib qo’ygan.
O'zbekiston milliy terma jamoasi himoyachisi Muhammadqodir Hamraliyev «Navbahor» bilan shartnoma imzoladi.
✔️ Muhammadqodir Hamraliyev – «Navbahor» futbolchisi!
O'zbekiston milliy terma jamoasi a'zosi Muhammadqodir Hamraliyev jamoamiz bilan shartnoma imzoladi.
Ushbu futbolchi 2001-yil 6-iyul kuni Farg'ona shahrida tug‘ilgan. Ampluasi – himoyachi.
Faoliyati davomida «Dinamo» (Samarqand, 2020-2021-yillar), «Olimpik» (Toshkent, 2022-yil) jamoalarida o'ynagan, 2023-yildan buyon «Paxtakor» (Toshkent) safida o'ynayotgandi.
Bundan tashqari, Muhammadqodir Hamraliyev O'zbekiston U-23 (2021-2024) terma jamoasi tarkibida maydonga tushgan va 2023-yildan buyon O'zbekiston milliy terma jamoamiz a'zosi sanaladi.
Muhammadqodir Hamraliyevga «Navbahor» tarkibida yorqin o‘yinlar namoyish etib, «lochinlar»ning zafarlariga o‘zining munosib hissasini qo‘shishiga tilakdoshmiz.
Jamoamizda xush ko'rdik, Muhammadqodir!
🔵 «Navbahor» PFK matbuot xizmati.
Iste’dodli futbolchi Behruz Karimov faoliyatini Shvetsariyaning Lugano klubida davom ettiradigan bo‘ldi. Surxon futbolchiga omad tiladi.
Jamoamizning iste’dodli futbolchilaridan biri Behruz Karimov faoliyatini Shvetsariyaning Lugano klubida davom ettiradi.
Behruz Karimov 2025-yilgi mavsum davomida Surxon safida ishonchli va mazmunli o‘yinlari bilan muxlislar mehrini qozonib, jamoamizning muhim uchrashuvlarida o‘zining sermahsul harakatlari hamda gollari bilan munosib hissa qo‘shdi.
Surxon futbol klubi Behruz Karimovning jamoamiz safidagi bir yarim yillik samarali faoliyati uchun minnatdorlik bildiradi.
Behruzjonga yangi jamoasidagi faoliyatida muvaffaqiyat, ulkan zafarlar va yangi marralar tilaymiz!
Yarim himoyachi Quvondiq Ro'ziyev Navbahor klubi bilan shartnomasini bekor qildi.
Quvondiq Ro'ziyev Navbahor klubi bilan tuzilgan mehnat shartnomasini bekor qildi.
Farg‘onaning Neftchi klubi Kot-d’Ivuarlik himoyachi Koffi Kouaoni O‘zbekiston Superligasi uchun ro‘yxatdan o‘tkazdi.
🟢 Neftchi klubi Kot-d’Ivuarlik himoyachi Koffi Kouaoni Ligada ro‘yxatdan o‘tkazdi.
«Neftchi» himoyachisi Mo‘minxon Bahodirxonov mavsumning qolgan qismini ijara asosida «Surxon» safida o‘tkazadi.
Jamoamiz himoyachisi Mo‘minxon Bahodirxonov mavsumning qolgan qismida ijara asosida Superliga vakili — Termizning «Surxon» jamoasi safida faoliyat olib boradi.
Unga yangi jamoasida sog‘lik, omad va muvaffaqiyatlar, maydonda esa ko‘plab chiroyli o‘yinlar va g‘alabalar tilaymiz! 🟢
Xorazm klubi o'z safiga uch nafar yangi futbolchi – Sardor Azimov, Maksim Shiryayev va Rafael dos Santos Tavareshni qo'shib oldi.
Xorazm klubi o'z safiga uch nafar yangi futbolchini qo'shib oldi. Jamoa tarkibini Sardor Azimov, Maksim Shiryayev hamda Rafael dos Santos Tavaresh to'ldirdi.
Paxtakor klubi eronlik himoyachi Murtazo Puraliganjini o'z safiga qo'shib oldi.
Paxtakor klubi eronlik himoyachi Murtazo Puraliganjini o'z safiga qo'shib oldi. 🟡
Yozgi transfer oynasi doirasida jamoaga kelib qo'shilgan va tarkibni tark etgan futbolchilar ro'yxati.
Yozgi transfer oynasidagi o'zgarishlar
Kelganlar:
Ayman Hussayn - "Al Karma", Iroq (erkin agent)
Murtazo Puraliganji - "Persepolis", Eron (erkin agent)
Abdurahmon Aliqulov - "Rozenxeym 1860", Germaniya (erkin agent, U-21)
Erkinjon Erkinov - "Toktogul", Qirg'iz Respublikasi (erkin agent, proliga)
Arslan Vepayev - "Arqadag'", Turkmaniston (erkin agent, proliga)
Dilshod Sharofiddinov - "Neftchi" (U-21, erkin agent)
Ketganlar:
Pyotr Pajishek - KuPS, Finlyandiya (erkin agent)
Shahzod Azmiddinov - "Al Salmiya" Kuvayt (ijara)
Rustam Turdimurodov - "Andijon" (ijara)
Muhammadqodir Hamraliyev - "Navbahor" (transfer)
Jamoa ichidagi o'tishlar:
Farruh Agayev U-21 - Proliga
Abdusamad Saidov Proliga - U-21
Amirsaid Kamolxonov Proliga - U-21
Rustam Turdimurodov «Andijon»ga qaytishi, jamoa bilan maqsadlari va vodiy derbisiga tayyorgarlik haqida gapirdi.
«Andijon» klubi yozgi transferlar doirasida iqtidorli hujumchi Rustam Turdimurodovni o'z safiga qo'shib oldi. Futbolchi avval ham ushbu jamoada to'p surgan va tajriba orttirgan edi. Bir yillik tanaffusdan so'ng, Rustam jamoaga qaytdi.
Hujumchi klubga qaytishi va kelgusi rejalar haqida o'z fikrlari bilan o'rtoqlashdi.
- Assalomu alaykum. Xudo xohlasa, bu boshqacha qaytish bo'ldi. Baribir jamoa va bu muhit boshqa. Bu yerdagi fan-klub, muxlislar ham boshqacha.
- Dastlab bu ma'lumotni agentim tomonidan eshitdim. Yozgi transfer oynasi ochilganida shu xabar keldi. Albatta, oldimizda boshqa klublarning variantlari ham bor edi. Hammasini ko'rib chiqib, yakunda «Andijon»ga to'xtaldik.
- O'sha davrlardagi xayolimga keladigan birinchisi – bu «Andijon» tarkibida ilk bor tarix yaratganimiz. Farg'onada O'zbekiston Kubogini yuqoriga ko'targanimiz, Andijon ahlini xursand qilganimiz albatta esga keladi.
- Birinchi navbatda sharoit o'zgargan. Yangi baza, bu yerda hamma sharoitlar bor. Yangi mashg'ulot maydonlari, ichki muhit, qulay shart-sharoitlar yangilangan. Hammasi ajoyib.
- Avvalo, «Andijon»ni tanlashimda agentim yordam berdi. Chunki bu yerda bo'lganman, o'ynaganman va «Andijon»ga yordam berish uchun keldik. Oldimizda 15-16 ta o'yin bor, maqsad qo'yganmizki, ko'proq gollar urib, yaxshi statistika qayd etib, jamoaga yordam berib, chempionlikka da'vogar bo'lish niyati bilan keldik. Xudo xohlasa, harakat qilamiz.
- Albatta, maqsadim oldingi yoqimli onlarni takrorlash va Kubokni yana bir bor boshimiz uzra ko'tarish.
- Bu yil ko'proq gol urmoqchiman. Birinchi maqsadim 10 ta gol urish. Chunki oldingi o'ynagan paytlarimda 8-9 ta gol urganman. Endi ko'proq urmoqchiman.
- Ko'p derbilarda bo'ldim. Baribir vodiy derbisi boshqacha. Bu yerda bo'lganimda ham o'ynaganman. Bu derbida faqat «Andijon» uchun, g'alaba uchun chiqamiz. Borimizni beramiz, o'yinga 100 foiz tayyorlanamiz va tayyor bo'lib chiqamiz.
- O'yinga kelib bizni qo'llab-quvvatlashlariga ishonaman, Xudo xohlasa, g'alabani birga nishonlashni tilab qolaman! 👍
O‘zbekiston U-18 terma jamoasi a’zosi Mo‘minxon Bahodirxonov mavsum yakuniga qadar ijara asosida «Surxon» safiga qo‘shildi.
«Neftchi» jamoasi safida to‘p surgan, O‘zbekiston U-18 terma jamoasi a’zosi Mo‘minxon Bahodirxonov mavsum yakuniga qadar ijara asosida jamoamiz safida faoliyat olib boradi.
Iqtidorli futbolchi 2026-yil yakuniga qadar jamoamiz bilan shartnoma imzoladi. Mo‘minxon Bahodirxonov O‘zbekiston U-18 terma jamoasi safida Osiyo chempioni bo‘lgan hamda Jahon chempionatida ishtirok etgan.
Yangi futbolchimizga jamoamiz safida muvaffaqiyatli faoliyat, yorqin o‘yinlar va muhim g‘alabalarga munosib hissa qo‘shishini tilaymiz!
Abdug'afur Haydarov faoliyatini «Dinamo» safida davom ettiradi.
Abdug'afur Haydarov faoliyatini «Dinamo» safida davom ettiradi. 🔵
«Andijon» jamoasi «Paxtakor» futbolchisi Rustam Turdimurodovni ijaraga oldi.
«Andijon» jamoasi «Paxtakor» futbolchisi Rustam Turdimurodovni ijaraga oldi. 🔵
«Navbahor» klubi Muhammadqodir Hamraliyevni oʻz safiga qoʻshib oldi.
«Navbahor» klubi Muhammadqodir Hamraliyevni oʻz safiga qoʻshib oldi. 🔵
Quvondiq Ro'ziyev faoliyatini Buxoro jamoasida davom ettiradi.
Quvondiq Ro'ziyev faoliyatini Buxoro jamoasida davom ettiradi 🔵
Tajribali yarim himoyachi Quvondiq Ro'ziyev transfer oynasining so'nggi kunida “Buxoro” jamoasi bilan shartnoma imzoladi.
“Buxoro” jamoasi transfer oynasining so'nggi kunida tajribali yarim himoyachi Quvondiq Ro'ziyevni o'z safiga qo'shib oldi. ✅
Birinchi davrada “Navbahor” safida to'p surgan futbolchi “Buxoro” bilan shartnoma imzoladi.
Ma'lumot uchun, Quvondiq Ro'ziyev 1994-yilda tavallud topgan. Faoliyati davomida “Lokomotiv”, “Turon”, “Qo'qon-1912”, “Sri Pahang” (Malayziya), “Neftchi” hamda “Navbahor” kabi klublar safida to'p surgan. Ro'ziyev futbolchilik faoliyatida 300 dan ortiq rasmiy bellashuvlarda maydonga tushgan.
Klub rahbariyati va murabbiylar shtabi Quvondiq Ro'ziyevning ulkan tajribasi va mahoratiga, yangi marralarni zabt etishda, hal qiluvchi pallalarda ishonchli o'yin ko'rsatib, jamoaning g'alabalari va yutuqlarini mustahkamlashda muhim rol o'ynashiga ishonch bildiradi.
“Buxoro” ahil oilasiga xush kelibsan, Quvondiq! 🔵
Tajribali yarim himoyachi Quvondiq Ro'ziyev "Navbahor" klubi bilan xayrlashdi. Futbolchi joriy mavsumda Superligada 13 ta o'yinda maydonga tushgandi.
✔️ Quvondiq Ro'ziyev jamoamizni tark etdi
Jamoamiz safini 31 yoshli tajribali yarim himoyachi Quvondiq Ro'ziyev tark etdi. “Lochinlar” tarkibiga 4 yillik tanaffusdan so'ng, bu yil yana qo'shilgan tajribali futbolchi joriy mavsumda jamoamiz tarkibida Superliga doirasidagi 13 ta uchrashuvda maydonga tushib, 614 daqiqa harakat qilgan.
Biz jamoamiz safida o'tkazgan o'yinlari uchun Quvondiq Ro'ziyevga minnatdorchilik bildirib, uning kelgusi faoliyatida omad va zafarlar tilab qolamiz.
🔵 "Navbahor" PFK matbuot xizmati.
«Neftchi» PFK milliy terma jamoa yarim himoyachisi Abdulla Abdullayev bilan shartnoma imzolaganini rasman e'lon qildi.
Jamoamiz yozgi transfer oynasida tarkibni kuchaytirishda davom etmoqda. «Neftchi» PFK rahbariyati Superliga va milliy terma jamoamiz safida tajriba orttirgan tayanch yarim himoyachisi Abdulla Abdullayev bilan shartnoma imzoladi.
Abdulla Abdullayev faoliyati davomida o‘zining yuqori mahorati, maydonni yaxshi ko‘ra olishi, to‘p bilan ishlashdagi ishonchliligi va jangovar xarakteri bilan ajralib kelgan. Uning tajribasi va yarim himoyadagi ko‘p qirrali o‘yini jamoamizning ikkinchi davradagi muhim vazifalarini amalga oshirishda katta ahamiyat kasb etadi.
Yangi futbolchimizdan «Neftchi»ning sariq-qora libosida munosib o‘yinlar, muhim g‘alabalar va jamoaviy maqsadlarimiz sari qo‘shiladigan katta hissa kutib qolamiz.
Klub rahbariyati, murabbiylar shtabi va ko‘p sonli fidoiy muxlislarimiz nomidan Abdullaga «Neftchi»dagi faoliyatida omad, sog‘lik va katta muvaffaqiyatlar tilaymiz!
«Neftchi»ga xush kelibsiz, Abdulla!
«Surxon» klubi «Neftchi» jamoasi futbolchisi Mo‘minxon Bahodirxonovni ijaraga oldi.
«Surxon» klubi «Neftchi» jamoasi futbolchisi Mo‘minxon Bahodirxonovni ijaraga oldi. 🟡
Rustam Turdimurodov «Paxtakor»dan «Andijon» safiga qaytdi. Hujumchi joriy mavsumning ikkinchi qismini «burgutlar» safida o'tkazadi.
Yozgi transfer oynasi yopilishi arafasida «Andijon» jamoasi tarkibni iqtidorli hujumchi Rustam Turdimurodov bilan kuchaytirdi.
Rustam 2004 yilning 4 aprel kuni Toshkentda tavallud topgan. Futbolchi uchun jamoamiz begona emas. U 2024 yilda «Andijon»ga qo'shilgan va 2025 yilning yarmigacha faoliyat olib borgan. O'shanda Rustam «Burgutlar» tarkibida bir yarim yil mobaynida 43 ta o'yinda maydonga tushib, 11 ta gol muallifiga aylangan.
Joriy yilning birinchi yarmini «Paxtakor»da o'tkazgan hujumchi 13 ta uchrashuvda 5 ta gol urdi. Oradan bir yil o'tib, «Paxtakor» hujumchisi yana o'zi uchun qadrdon bo'lgan «Andijon»ga qaytdi.
Ishonamizki, Rustam mavsumning ikkinchi qismida o'zining ajoyib o'yinlari va gollari bilan jamoamizga foyda keltiradi. Jamoamizning ahil oilasiga qaytganing bilan, Rustam!
Xorazm klubi tarkibni yangi futbolchilar bilan to'ldirdi. Jamoa safiga Andijonning sobiq a'zosi, rossiyalik himoyachi hamda braziliyalik hujumchi kelib qo'shildi.
Xorazm klubi tarkibni yangi futbolchilar bilan to'ldirdi. Jamoa safiga Andijonning sobiq a'zosi, rossiyalik himoyachi hamda braziliyalik hujumchi kelib qo'shildi.
«Xorazm» futbol klubi «Andijon» yarim himoyachisi Sardor Azimovni o'z safiga qo'shib olganini e'lon qildi.
«Xorazm» futbol klubi o'z tarkibini yangi futbolchi bilan to'ldirdi. Jamoa safiga Sardor Azimov kelib qo'shildi.
Sardor Azimov
Tug'ilgan yili: 01.06.1995
Ampluasi: Yarim himoyachi
Qaysi jamoadan keldi: «Andijon» futbol jamoasi
«Andijon» klubi Hamidullo Karimov, Habibullo Habibullayev va Diyorbek Madaminov bilan shartnomalarni uzaytirdi.
«Andijon» klubi o'z tarkibini saqlab qolish yo'lida navbatdagi qadamni tashladi. Jamoa uch nafar futbolchi bilan amaldagi kelishuvni uzaytirdi.
Klub matbuot xizmati xabariga ko'ra, Hamidullo Karimov, Habibullo Habibullayev va Diyorbek Madaminov bilan yangi shartnomalar imzolandi.
Hamidullo Karimov 2029-yilning 31-dekabriga qadar, Habibullo Habibullayev va Diyorbek Madaminov esa 2028-yilning 31-dekabriga qadar «burgutlar» safida qoladigan bo'ldi.
Fikr qoldirish va reaksiya uchun Telegram orqali kiring.