Islombek Ismoilov: "Bugun yirik mag'lubiyatga loyiq emas edik"
Neftchi futbolchisi Islombek Ismoilov jamoasining yirik hisobdagi mag'lubiyati haqida o'z fikrlari bilan o'rtoqlashdi.
Islombek Ismoilov: “Bugun yirik mag’lubiyatga loyiq emas edik”
Super Liga yangiliklari Matbuot
Super Liga
Mirko Yelichich: "Ikkita xato ikkita golga olib keldi"
Superliga 17-turidan o‘rin olgan "Qo‘qon-1912" – "Lokomotiv" uchrashuvidan so‘ng "Lokomotiv" bosh murabbiyi Mirko Yelichich matbuot anjumanida ishtirok etdi.
Superliga 17-turidan o‘rin olgan "Qo‘qon-1912" – "Lokomotiv" (2:1) uchrashuvidan so‘ng "Lokomotiv" bosh murabbiyi Mirko Yelichich matbuot anjumanida ishtirok etdi.
🎤 Mirko Yelichich: "Ikkita xato ikkita golga olib keldi"
Sergey Lushchan: "Terma jamoa Jahon chempionatiga chiqqanidan keyin futbolda bum bo'lishi kerak edi"
"Mash'al" bosh murabbiyi Sergey Lushchan O'zbekiston futbolidagi holat bo'yicha o'z fikrlarini bildirib o'tdi.
Superliga 17-turidan o'rin olgan "Qizilqum" – "Mash'al" (2:0) uchrashuvidan so'ng "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Terma jamoa Jahon chempionatiga chiqqanidan keyin futbolda bum bo'lishi kerak edi, lekin vaziyat boshqacha tus oldi".
Quvondiq Ro'ziyev: «Buxoro» bilan kuchli uchlikdan joy olish uchun kurashamiz»
«Buxoro» jamoasining yangi futbolchisi Quvondiq Ro’ziyev debyut o’yini, jamoaga moslashish va mavsumdagi maqsadlar haqida intervyu berdi.
«Buxoro» jamoasi tarkibiga yaqinda kelib qo’shilgan tajribali futbolchi Quvondiq Ro’ziyev kecha debyut uchrashuvini o’tkazib, o’z hisobiga assist yozdirib qo’ydi. Mahoratli futbolchi klub matbuot xizmatiga intervyu berib, dastlabki taassurotlari bilan o’rtoqlashdi.
– Quvondiq aka, avvalambor «Buxoro» tarkibidagi debyut uchrashuvingiz va qo’lga kiritilgan ishonchli g’alaba bilan tabriklaymiz! Birinchi o’yiningizda chiroyli assistni amalga oshirdingiz. Dastlabki taassurotlaringiz qanday?
– Avvalambor Buxoro ahlini muhim g’alaba bilan tabriklayman. Barcha futbolchilar murabbiylarimiz ko’rsatmalarini astoydil bajarishga harakat qildi va o’ylagan rejalarimiz amalga oshdi. O’yin oxirigacha sabr qildik va ijobiy natijani qo’lga kiritdik. Debyut uchrashuvimda jamoam g’alabasiga hissa qo’shganimdan xursandman.
– Jamoamiz tarkibiga kelib qo’shilganingizga hali ko’p bo’lmadi, moslashish jarayonlari qanday kechmoqda?
– Jamoaga asta-sekin moslashyapman. Bu yerda ham oldin bir jamoada harakat qilgan bir nechta do’stlarim bor. Ko’rinib turibdi, jamoamiz juda ahil va yaxshi kollektiv yig’ilgan, shu sababli moslashish jarayoni oson kechmoqda.
– «Buxoro» jamoasiga transfer oynasining so’nggi kunida kelib qo’shildingiz. Jamoamizga kelish varianti qanday paydo bo’ldi? Qaror qabul qilishda nimalar muhim bo’ldi?
– Jamoaga kelishimga direktorimiz Shavkat Salomovning hissasi katta bo’ldi. Murabbiy meni o’z jamoasida ko’rishni xohlashini tushuntirdi. Shu sababli jamoaning ko’rsatayotgan o’yini va turnir jadvalidagi o’rnidan kelib chiqib, «Buxoro» taklifini o’ylab o’tirmasdan qabul qildim.
– Ayni vaqtda «Buxoro» jamoasi musobaqa jadvalida kuchli uchlikda bormoqda. Jamoaning potensialini qanday baholaysiz?
– Jamoamizning yuqori uchlikda turishi to’satdan bo’lib qolgani yo’q. Buning tagida katta mehnat bor, nafaqat futbolchilar, murabbiylar, butun rahbariyat, hammaning mehnati yotibdi. Shu sababli hozirgi kunda Superligada yuqori o’rinlarda bo’lish men o’ylaymanki, ajoyib natija. Chunki «Navbahor», «OKMK», «Nasaf» kabi kuchli jamoalar bilan qizg’in kurash kechmoqda va bu oxirigacha davom etsa kerak.
– Keyingi turda sobiq jamoangiz «Neftchi» klubiga qarshi maydonga tushamiz. Mazkur bellashuvdan nimalar kutyapsiz?
– Albatta, amaldagi chempionlarga qarshi o’ynash har doim qiziq bo’ladi. Menimcha, o’yin kuni muxlislar stadionni to’ldirishadi. Tabiiyki, biz muxlislar qarshisida har doim g’alaba uchun to’p suramiz. Muxlislar qo’llab-quvvatlashi bizga qo’shimcha kuch bag’ishlaydi. Shu sababli g’alaba qozonish uchun bizda imkoniyat bor deb o’ylayman va buning uchun maydonda bor kuchimizni ishga solamiz.
– Buxorolik muxlislar mavsum davomida sizdan ko’p narsa kutishadi. Boisi jamoamiz tarkibidagi eng tajribali futbolchilardan biri siz…
– Buni juda yaxshi his qilib turibman. Jamoaga yordam berish uchun kelganman. Bu har bir futbolchining vazifasi deb o’ylayman. Jamoa chempionat oxirida kuchli uchlikdan joy olishi uchun bor kuchim bilan harakat qilaman. Muxlislar ishonchi uchun katta rahmat aytib qolaman.
Islom Ismoilov: «Neftchi»ning g‘alabasi va jamoadagi jarohatlar haqida»
«Neftchi» bosh murabbiyi Islom Ismoilov «Andijon»ga qarshi o‘yindan so‘ng jamoasidagi jarohatlar, yosh futbolchilar va kelgusi rejalar haqida gapirdi.
«Bobur arena»da bo‘lib o‘tgan «Andijon» - «Neftchi» (0:3) o‘rtasidagi vodiy derbisidan keyin tashkil qilingan matbuot anjumanida dastlab mehmonlar ustozi Islom Ismoilov qatnashdi.
Birinchi navbatda ajoyib g‘alaba bilan muxlislarimizni tabriklayman. Stadionda ajoyib atmosfera hosil qilishdi. Xuddi uyda o‘ynagandek bo‘ldik. O‘yin og‘ir o‘tishi aniq edi. Sababi, vodiy derbisi va ikkala jamoa ham hujumkor futbol o‘ynaydi. Shunga qaramasdan g‘alaba qozondik. Lobanovskiyning gapi bor: natija qoladi, o‘yin unutiladi. Ba’zi paytlarda sifatsiz yoki yaxshi o‘ynamasdan ham natija muhim hisoblanadi.
O‘yindan oldin futbolchilarimizga bergan ko‘rsatmamizda ko‘proq o‘yin intizomiga e’tibor qaratdik. Bunga sabab bo‘ladigan juda ko‘p omillar bor edi. Uchrashuvni yuqori intensivlikda boshlay olmasdik. Shuning uchun intizom muhimligini tushunib turdik.
Birinchi taymda «Andijon» jamoasi tashabbusga ega bo‘lgan bo‘lishi mumkin. Biz ularga o‘ynash uchun imkoniyat berdik. Bu oldindan ishlab chiqilgan rejaga asosan edi. Ikkinchi taymda ozgina tempni ko‘tardik va o‘z o‘yinimizni o‘ynashni boshladik. Raqibni xatolar qilishga majbur qildik.
Himoyadan pas bilan chiqib ketishga harakat qildik. Maydon sifati bunga yo‘l qo‘ymasdi va ko‘proq uzun paslarga o‘tdik. Qisqa paslarimizni raqib jarima maydoni atrofida qilishga harakat qildik. Havoda to‘p uchun kurashlarda ko‘proq ikkinchi to‘plarni yutqazib qo‘ydik. Birinchi taymda bu narsa yaqqol ko‘zga tashlandi.
Tanaffusdan keyin o‘zimizni pressing uslubimizga qaytishga qaror qildik. Shu bilan raqibni ko‘p xato qilishga majbur qildik. Umuman olganda, «Andijon» jamoasi ham yaxshi o‘yin ko‘rsatdi. Yaxshi murabbiy ishlayapti. O‘ylaymanki, bu murabbiy bilan «Andijon» jamoasi hali ko‘plab yutuqlarga erishadi.
Usmonali Ismonaliyevning qizil kartochka olishi o‘yin natijasiga ta’sir qildi, deb o‘ylaysizmi?
Bu futbol, har narsa bo‘lishi mumkin edi. Balki raqib 11 futbolchi bilan o‘ynaganda ham o‘z golimizni urishimiz mumkin edi. O‘sha holatgacha bo‘lgan vaziyatni oladigan bo‘lsak, ikkinchi taymni hujumkorlik bilan boshladik va raqibni aynan shu holatda xato qilishga majbur qildik. O‘sha vaziyatga yaqin turgandim. Raqib ataylab qo‘pol o‘ynamagandi, ammo bu qoida va u hamma uchun bir xil. Qonun-qoida bo‘yicha bu 100 foiz qizil kartochka edi. Balki bu ham ta’sir qilgan bo‘lishi mumkin. Lekin biz yigitlarga ishondik va ishlab chiqilgan rejamiz ham bor edi. Baribir birinchi taymga nisbatan ikkinchi taymda o‘yinimizni kuchaytirmoqchi edik.
Bungacha asosan himoyachi sifatida o‘ynagan Muhsin Ubaydullayev bugun yarim himoyada o‘ynadi. Bu taktikangizmidi?
Ha, bu jarohatlar bilan bog‘liq. Jarohatlar ko‘payib ketdi. Yovan Jokich, Abror Ismoilov, Anvar G‘ofurov, bugun mana Ratinyo jarohat oldi. Bunaqa holatda jamoa keyingi o‘yinlarga qanday tayyorgarlik ko‘radi? Asosiy yetakchi futbolchilarimiz bitta-bitta safdan chiqishyapti. Bizda boshqa imkoniyat yo‘q edi. Ikrom Aliboyevni nima uchun zaxirada qoldirgandik? Chunki unda sariq kartochkalar soni uchta edi. «Buxoro» bilan uchrashuvni hisobga olgan holda uni zaxirada ushlab turgandik. Afsuski, u ham bugun to‘rtinchi sariq kartochkasini oldi va yana bir o‘yinchimiz safdan chiqdi. Muhsin bu pozitsiyada o‘ynagan. Bunga o‘tgan uchrashuvda tayyorgarlik ko‘rishni boshlagandik. «Qizilqum»ga qarshi oxirgi 20 daqiqalikda aynan «Andijon» uchun tayyorgarlik sifatida o‘zgarishlarni qilganmiz va o‘sha holatda Muhsin o‘zini oqlagan.
Yosh futbolchi Abdug‘aniyevning o‘yini haqida fikringiz?
Insonni quvontiradi. Buning ustiga birinchi o‘rinda ketayotgan «Neftchi»dek jamoada bunday futbolchining o‘ynashi o‘zi uchun katta yutuq. Murabbiy sifatida biz ham katta tavakkalchilikka qo‘l uryapmiz. Bizda boshqa imkon ham yo‘q. Hozirga qadar berilgan ishonchni to‘liq oqlayapti. Ishlashdan to‘xtamasa, u ham Husanov darajasidagi yuqori saviyadagi himoyachi bo‘ladi. 18 yoshida Superligada ishonchli o‘ynayapti. Ungacha 3-4 ta uchrashuv o‘tkazgan bo‘lsa, birorta xato qilmagan.
Yozgi seleksiyada «Andijon» «Neftchi» futbolchilari — Izzatillo Po‘latov va Asilbek Jumayevga qiziqqan ekan. Ularning mahoratini yanada oshirish maqsadida «Andijon»ga bersa bo‘lmasmidi?
Po‘latovni bermoqchi bo‘ldik, keyinchalik «Andijon» buni xohlamadi. Asilbek Jumayevga kelsak, bizda Abror Ismoilov jarohat olgandan keyin iloji yo‘q bu pozitsiyaga o‘yinchi ushlab turishimiz kerak edi.
O‘zingiz aytganingizdek, bir qator o‘yinchilar jarohat olib safdan chiqyapti. OCHL Elit musobaqasida bunday yo‘qotishlar bilan qanday ishtirok etmoqchisizlar?
Hayronman. Bu bo‘yicha murabbiylar shtabi bilan yana maslahat qilamiz. Hozir bir nima deyish qiyin. Har bir uchrashuv og‘ir o‘tyapti. Bunday yo‘qotishlarga uchrayversak, iloji yo‘q, yoshlarga ham ko‘proq imkoniyat beramiz. Lekin vaziyatdan chiqib ketishga harakat qilyapmiz. Yozgi tanaffusdan keyin o‘yinlar yanada qiyin o‘tyapti. Qayerdadir ochko, qayerdadir futbolchilarni yo‘qotyapmiz. Umid qilamanki, bu vaziyatdan chiqib ketamiz. Nasib qilsa, OCHL Elit musobaqasigacha barcha o‘yinchilar to‘liq safga qaytishadi.
Emilian Karas va Bashar Resan "Al-Husayn"ga qarshi o'yin oldidan fikrlarini bildirdi
Emilian Karas va Bashar Resan OChL elit bosqichi doirasidagi "Al-Husayn"ga qarshi o'yin oldidan o'z fikrlari bilan o'rtoqlashdi.
"Paxtakor" va "Al-Husayn" jamoalari o'yini oldidan matbuot anjumanida murabbiy Emilian Karas hamda futbolchi Bashar Resan ishtirok etdi.
Karas: - Bir necha oy oldin Iordaniya futboli haqida hech narsa bilmas edim. Iordaniya terma jamoasining darajasi ancha yuqori ekan. Jahon chempionatida munosib ishtirok etishdi. Adashmasam, "Al-Husayn"ning 7 nafar yoki undan ko'proq futbolchisi mundialda ishtirok etdi. Shuningdek, "Al-Husayn"ning Kubok va Chempionatdagi natijalarini kuzatib bordim. Jamoa tarkibida yaxshi futbolchilar bor. Vaziyatdan foydalanib, muxlislarni stadionga chorlab qolamiz. Muxlislarning qo'llab-quvvatlashi biz uchun juda muhim.
Biz Superligada ko'p ochko yo'qotdik. "Buxoro"ga qarshi so'nggi o'yinda barchasi yaxshi edi. O'yinni nazorat qilayotgandik. Men buni jismoniy holat bilan bog'lamayman. Menimcha, muammo konsentratsiyada bo'ldi. O'zingiz bilasiz, 2:0 hisobi futboldagi eng noqulay hisoblardan biri. Raqibning birinchi golini esa o'zingiz ko'rdingiz. Shundan so'ng ularda ruhiy ustunlik va ishtiyoq paydo bo'ldi. Biz yana shunday vaziyatlar takrorlanmasligi ustida ishlayapmiz.
Aynan qanday o'yin namoyish etishimizni aniq ayta olmayman. Hech qaysi bir jamoa maydonga yutqazamiz deb chiqmaydi, buni bilasiz. Ushbu bosqich bir o'yindan iborat. Bu esa juda muhim omil omil. Ko'plab hisobga olishimiz kerak bo'lgan jihatlar bor, ob-havo. Ertaga "Paxtakor" g'alaba olib keladigan o'yin namoyish etadi.
Resan: - Ertaga oson o'yin bo'lmaydi. "Al-Husayn"ning ko'plab futbolchilari Jahon chempionatida o'ynadi. Biz to'rt kun oldin "Buxoro"ga qarshi o'ynadik. Ikkita mashg'ulot o'tkazishga ulgurdik, biri tiklanish uchun va ikkinchisi taktik mashg'ulot. Nasib ertaga yaxshi natijaga erisha olamiz. "Al-Husayn" hali yangi mavsumda o'yin o'tkazmadi. Shuning uchun murabbiylar shtabi raqibni o'rganishda biroz qiyinchilikka duch kelgan bo'lishi mumkin.
Ayman Osiyodagi eng yaxshi hujumchilardan biri. U mundialda qanday o'ynaganini ko'rdingiz. Mundialga saralashda ko'plab gol urdi va mundialning o'zida ham. U mendan Superliga darajasini va hayot qanday ekanligini so'radi. Men O'zbekistonda mahalliy chempionat kuchliligini aytdim. Hozir bir uch nafar iroqlik bir jamoada o'ynamoqdamiz. Biz "Paxtakor"ga ko'proq yordam berishimiz kerak.
To'rt hafta oldin maydon yaxshi holatda edi. Ertangi o'yinni "Paxtakor" uchun emas, o'zbek futboli uchun tomosha qilishadi. Qolaversa, ochiq futbol o'ynaydigan jamoalar uchun maydon holati yaxshi bo'lishi o'ta muhim. Ertaga bunday kamchiliklarga e'tibor bermay, faqatgina natija haqida o'ylaymiz. Maydon holati bizga hech qanday muammo tug'dirmaydi.
Sergey Tokov: G'alabaga loyiq edik
Sergey Tokov o'tgan o'yin haqida o'z fikrlarini bildirib o'tdi.
Sergey Tokov:
G'alabaga loyiq edik
Timur Kapadze: Surxon bilan o'yinda g'alabaga haqli edik
Navbahor bosh murabbiyi Timur Kapadze Surxon ustidan qozonilgan g'alabadan so'ng o'z fikrlari bilan o'rtoqlashdi.
Navbahor bosh murabbiyi Timur Kapadzening Surxon - Navbahor (0:1) o'yinidan keyingi matbuot anjumanidagi fikrlari.
Ulug'bek Baqoev: «Rostini aytsam, hisob 0:0 bo'lib qoladi, deb o'ylagandim»
«So'g'diyona» bosh murabbiyi Ulug'bek Baqoev «Andijon»ga qarshi o'yindan keyin o'z fikrlari bilan o'rtoqlashdi.
«So'g'diyona» bosh murabbiyi Ulug'bek Baqoev «Andijon»ga qarshi o'yindan keyingi matbuot anjumanida ishtirok etdi.
— O'yinda ikki teng kuchli raqib o'zaro bahs olib bordi. Umuman olganda, butun uchrashuv davomida yaxshi, ishonchli o'yin bo'ldi. To'p nazorati, xavfli hujumlar ham «Andijon» tomonidan, ham bizning jamoa tomonidan bo'ldi. Birinchi taym — 0:0, ikkinchi taymda ham xuddi shunday holat kuzatildi. Ularda ham vaziyatlar bo'ldi, bizda ham.
Rostini aytsam, hisob 0:0 bo'lib qoladi, deb o'ylagandim. Ammo futbolchimiz mahorati va vaziyatni ijro etishi o'z so'zini aytdi. U gol urdi, juda chiroyli gol bo'ldi. Shuning uchun jamoamizni, futbolchilarimizni o'zini ayamagani, o'yin intizomi va g'alaba bilan tabriklamoqchiman! Endi keyingi o'yinga tayyorlanamiz. «Andijon» jamoasiga esa keyingi uchrashuvlarda omad va yaxshi o'yin tilayman.
— Bugungi kunga kelib, u yaxshi o'ynayapti, jamoaga foyda keltiryapti. Agar u bo'lmay qolsa, keyin bu savolga javob berishim mumkin. Hozir bu savolga javob berish qiyin. Menimcha, uning vaziyatlarni ijro etishi umuman olganda jamoaga natija olib kelyapti. Biz uning kuchli tomonlarini bilamiz. Shuning uchun uni ayrim o'yin vaziyatlaridan ozod qilishga harakat qilamiz, toki u uchrashuv davomidagi vaziyatlarni yakunlay olsin. Unda bu yaxshi chiqyapti. Agar Doriev bo'lmasa... bilmadim, qandaydir o'ynaymiz, ehtimol.
— Hozir bu haqda aniq aytish qiyin. Hozir shifokor o'z ishini qiladi, oyog'ini tekshirib ko'radi. Ertaga MRT qilishadi. Menimcha, tizzasida jiddiy jarohat yo'q. U yerda nimadir bo'lgan, xolos. Yaxshi natija bo'lishidan umid qilamiz. 👍
Murabbiy Andijon ustidan qozonilgan g'alaba va Doriyev haqida fikr bildirdi
Murabbiy Andijonga qarshi kechgan bahs, Doriyevning o'yini va jarohat olgan Golban haqida fikr bildirdi.
O‘yin haqida fikringiz?
O‘ylaymanki, bugun ikkita teng kuchli jamoa o‘zaro bahs olib bordi. Har ikki jamoa to‘pni nazorat qilishga harakat qilib, vaziyatlar yaratishga urindi. Birinchi taymda ham, ikkinchi bo‘limda ham deyarli bir xil ssenariy takrorlandi. To‘g‘risi, men o‘yin 0:0 hisobida yakun topsa kerak deb o‘yladim. Lekin Doriyevning chiroyli goli jamoamizga g‘alaba keltirdi. Gʻalaba bilan muxlislarimizni tabriklayman. "Andijon" jamoasiga keyingi bahslarda omad. Endi biz navbatdagi uchrashuvga hozirlik ko‘ramiz.
Doriyev oxirgi uchrashuvlarda o‘zini ko‘rsatib kelmoqda va gollar uryapti. Doriyevsiz jamoani qanday tasavvur qila olasiz?
Ayni paytda Doriyev jamoamizda o‘ynayapti va ko‘p foyda keltiryapti. Doriyevsiz qanday o‘yin namoyish etishimiz haqida hozir biron gap ayta olmayman. Agar usiz o‘ynab ko‘rsak, shundan so‘ng gapirishim mumkin. Biz o‘yinchilarimizning kuchli-kuchsiz tomonlarini bilamiz. U o‘zini yaxshi ko‘rsatishi uchun kerak paytda ba’zi ishlardan ozod qilganmiz. Hozircha unda hammasi yaxshi ketyapti.
O‘yin oxirlarida Golban jarohat oldi. Uning holati qanday?
Bu borada shifokorimiz bilan hali to‘liq gaplashmadim. MRT qilgach hammasi oydinlashadi deb o‘ylayman. Menimcha, bu jarohat og‘ir emas. Tez orada safimizga qaytishiga umid qilamiz.
Nemanya Chalasan: «Qizil kartochka olganimdan so'ng juda xavotirlandim»
Andijon himoyachisi Nemanya Chalasan Paxtakorga qarshi o'yindagi qizil kartochka va jamoaning durang natijasi haqida gapirdi.
«Andijon»ning o'z maydonida «Paxtakor»ga qarshi o'tgan uchrashuvi shiddatli va keskin kurashlar ostida o'tdi, faqat gol yetishmadi. Qolaversa, qizil kartochkalar bilan ham yodda qoladigan bo'ldi. Mezbonlardan ikkita, mehmonlardan bir nafar o'yinchi maydondan chetlatildi.
Uchrashuvdagi dastlabki qizil kartochka «Andijon»ning serbiyalik himoyachisi Nemanya Chalasanga ko'rsatildi.
Futbolchi esa «Paxtakor»ga qarshi o'yin, qizil kartochka va stadiondagi muhit haqida intervyu berdi.
- Nemanya, o'yin sizda qanday taassurot qoldirdi?
- O'ylaymanki, agar biz maydonda 11 ga 11 bo'lib qolganimizda g'alaba qozonishimiz mumkin edi. Menda shunday ichki tuyg'u bor edi. Qolavresa, ishqibozlarimiz bizni faqat oldinga undashdi va ularning daldasi, ko'magida albatta gol kiritgan bo'lardik.
- O'yin chog'ida uch marta qizil kartochka ko'rsatildi, shulardan biri sizga. O'sha holatni qanday izohlab bergan bo'lardingiz?
- Men olgan qizil kartochkaga kelsak, to'pni maydon markazidagi Cheranga uzatmoqchi bo'ldim. Lekin raqib mening bu rejamni oldindan o'qidi va to'pni egallab oldi. Qo'limdan keladigan yagona ish – qoidani buzishdan iborat edi. Bu mening xatoim va jamoaga pand berib qo'yganimni yaxshi tushunib turibman. Martinga kelsak, u qizil kartochkaga munosib ish qilmagandi.
- Maydonda yuz bergan voqealardan kelib chiqib, xulosa qilsak, 0:0 natijasi o'yinga mos keladimi?
- Rostini aytsam, o'yin oxirida deyarli tengma-teng tarkib bilan to'p surganimizda bemalol bellashuvni yutgan bo'lardik. Boya aytganimdek, muxlislarimiz bizga g'alaba qozonishimizga yordam berishardi. Kamchilik bo'lib o'ynab, 0:0 hisobidagi durangga kelsak, buni yomon natija deb hisoblab bo'lmaydi. Natijadan ko'nglim to'ldi.
- Olgan qizil kartochkangiz faoliyatingizdagi nechanchisi?
- Men tez-tez qizil kartochka oladigan o'yinchilar sirasiga kirmayman. O'ylaymanki, agar xotiram pand bermayotgan bo'lsa, bu faoliyatimdagi uchinchi qizil kartochkadir.
- Stadiondagi muhit sizga yoqdimi?
- Stadiondagi muhit har doim ham qoyilmaqom darajada. Bu borada ishqibozlarimizga teng keladigani yo'q. Ularning bizga ko'rsatayotgan beqiyos darajadagi qo'llab-quvvatlashlari uchun katta rahmat aytaman.
- Birinchi davra nihoyasiga yetdi. Jamoaning ishtirokini qanday baholaysiz?
- Futbolda har doim o'sish va rivojlanish uchun joy qoladi. Mavsumning ikkinchi qismida xatolarimizni to'g'rilashimizga va yanada kuchliroq o'yin namoyish qilishga harakat qilamiz.
- Qizil kartochka olgan paytingizda ishqibozlar sizni qarsaklar bilan kuzatib qo'yishdi. Shundan so'ng kiyim xonaga yo'l oldingiz. Jamoani ozchilik bo'lib qoldirganingizdan va gol o'tkazib yuborish ehtimoli borligini o'ylab, bundan qay darajada qayg'urdingiz?
- Yashirmayman, men juda ham bundan qayg'urdim. Albatta, muxlislarning meni maydondan olqishlar bilan kuzatib qo'yishgani yuragimni to'lqinlantirib yubordi. Ularga buning uchun katta rahmat aytmoqchiman. Tabiiyki, jamoaga pand berib qo'yar ekansan, albatta bundan iztirobga tushasan. Ishqilib, durang natijani ushlab qolaylik, yutqazib qo'ymasak bo'ldi, degan fikr xayolimdan ketmadi.
- Qizil kartochka olganingizdan so'ng Boake ham ortingizdan kiyimxonaga qizil kartochka olgan holda yo'l oldi. Uni kiyimxonada ko'rganingizdan hayron qolgandirsiz?
- Martinning ham kiyimxonaga tushganini ko'rib to'g'risi hayron qoldim. Ammo bu futbol va ushbu o'yinda istalgan voqea yuz berishi mumkin. Maydonda doim katta bosim hukmronlik qiladi. Ba'zi-ba'zida ehtiroslar ustunlik qilib, qoida buzganingni ham bilmay qolar ekansan.
Murabbiy "Mash'al"ga qarshi o'yin va Doriyevning shartnomasi haqida
Murabbiy "Mash'al"ga qarshi o'yin, hakamlar bilan bog'liq vaziyat va Doriyevning klub bilan shartnomasini uzaytirgani haqida gapirib o'tdi.
O'yin haqida fikringiz?
Uchrashuvni yaxshi boshladik, tezkor vaziyat sodir etib gol urdik. Ikkinchi taym boshida ham tezkor to'p kiritdik, uchinchi golni urganimizdan so'ng yengil o'yinga o'tdik. Shundan so'ng "Mash'al" ham o'z imkoniyatidan foydalandi. Raqib qanotlar orqali qarshi hujumda o'ynashini bilardik va shunga ko'ra hozirlik ko'rgandik. Ikkita ketma-ket mag'lubiyatdan so'ng yutib olganimiz yaxshi bo'ldi. Futbolchilarimiz ruhi ko'tarildi, turnir jadvalida o'z mavqeimizni yaxshilab oldik. Jamoamiz muxlislarini g'alaba bilan tabriklayman.
"Mash'al"ning hisobga olinmagan golida yon hakamga ko'p e'tiroz bildirdingiz va natijada sariq kartochka oldingiz. Nima uchun aynan qanot hakamiga ko'p e'tirozlar bo'ldi?
Menga holat shunday ko'rindiki, "Mash'al"ning hujumi paytida raqib o'yinchisi to'pni qo'li bilan o'ynadi. Bu vaziyatda o'yinni to'xtatish kerak bo'ladi, lekin bahs davom ettirildi va "Mash'al" gol urdi. Shu bois men hakamga o'z fikrimni aytdim.
Maydonga yoshlarni o'yin tugashiga kam vaqt qolganida tushirdingiz. O'yin amaliyoti uchun bu kamlik qilmaydimi?
Superligada o'ynash uchun avvalo buni isbotlash kerak. Biz murabbiylar futbolchilarni kuzatib boramiz va shunga qarab ularning maydonda harakat qilishini belgilaymiz. Kim nimaga loyiq bo'lsa, shuni oladi. Shuning uchun bugun ba'zilarga dam berdik, ba'zilar ko'p o'ynadi, ba'zilar kam. Bu borada ish ketyapti. To'g'ri, hamma ko'proq o'ynashni xohlaydi, lekin har bir xato golga olib kelishi mumkin. Shu bois har qanday raqibni hurmat qilgan holda o'yin ko'rsatamiz. Shuningdek, tavakkal qilishni xohlamayman.
Doriyevning klub bilan qancha muddat shartnomasi bor va kelasi yil ham jamoada qoladimi?
Doriyev yaqinda klub bilan shartnomasini uzaytirdi. Adashmasam, uch-to'rt yilga uzaytirdi. Uning o'yinga o'zini bag'ishlashi, mahorati bizga qo'l kelyapti. Doriyev ko'zi yonib futbol o'ynaydi. Shu qatorda yoshlarga o'rnak bo'lib kelyapti va legioner sifatida maydonda o'zini namunali tuta olyapti.
Sergey Lushchan: G'alaba biz uchun olti ochkoga teng bo'lardi
Superliga 15-turidan o'rin olgan "Mash'al" – "So'g'diyona" uchrashuvidan so'ng "Mash'al" bosh murabbiyi Sergey Lushchan o'z fikrlari bilan o'rtoqlashdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Agar g'alaba qozonganimizda bu biz uchun olti ochkoga teng bo'lardi".
Timur Kapadze Navbahor - Xorazm o'yini haqida fikr bildirdi
Navbahor bosh murabbiyi Timur Kapadze jamoasining Xorazm ustidan qozongan yirik g'alabasi (5:1) haqida o'z fikrlari bilan o'rtoqlashdi.
Jamoamiz bosh murabbiyi Timur Kapadzening "Navbahor" - "Xorazm" (5:1) o'yinidan keyingi matbuot anjumanidagi fikrlari.
Aleksandr Xomyakov: Futbolchilar robot emas
Buxoro bosh murabbiyi Aleksandr Xomyakov o‘tgan uchrashuvdan so‘ng jamoaning jismoniy holati, tarkibdagi o‘zgarishlar va o‘yin uslubi haqida gapirdi.
Jamoamiz bosh murabbiy Aleksandr Xomyakovning uchrashuv haqida fikrlari:
Kutganimizdek, o‘yin juda og‘ir kechdi. Ayniqsa, bahsning so‘nggi daqiqalari juda keskin o‘tdi. Bu oson o‘yin bo‘lmasligini avvaldan bilardik. Yigitlarga rahmat aytaman. Ular uzoq vaqtdan keyin o‘z maydonimizda o‘ynashdi va muxlislarimizni xursand qilishni istashdi. Birinchi bo‘limda, ayniqsa uning boshlanishi va o‘rtalarida rejalashtirgan ishlarimizning ko‘pi amalga oshdi, yaxshi imkoniyatlar yaratdik. Ammo ikkinchi bo‘limda, ayniqsa o‘yin oxirida, son jihatidan ustun bo‘lishimizga qaramay, kelishilgan rejadan chetga chiqib ketdik. Hujum qilish o‘rniga hisobni saqlab qolishga harakat qilib, past blokda himoyalanishga o‘tib oldik. Yaxshiyamki, hisobni saqlab qolishga erishdik. Eng muhimi, bugun uch ochkoni qo‘lga kiritganimizdan xursandman.
— Bugungi g‘alaba bilan tabriklaymiz. Raqib bir kishi kam bo‘lib qolganidan keyin nega qarshi hujumlar kamayib ketdi? Bu hisobni saqlab qolish uchun qilingan taktika edimi yoki futbolchilar berilgan vazifani bajara olishmadimi? Qarshi hujumlarda tezlik yetishmadi, ko‘p holatlarda to‘pni ushlab qolish bilan cheklanishdi.
Ikkinchi bo‘lim boshlarida raqib darvozasi oldida imkoniyatlarimiz bo‘lmadi, deb aytolmayman. Lekin 60-daqiqalardan keyin jismoniy jihatdan kuch yetishmay qoldi. Raqibning zaxiradan tushgan futbolchilari o‘yinga yaxshi kirishdi va himoyamizga katta bosim o‘tkazishdi. Bizda esa zaxiradan tushgan futbolchilar o‘yin ritmiga to‘liq moslasha olishmadi va jamoaga kutilgan darajada yordam bera olishmadi. Shuning uchun ham aytamanki, bu juda og‘ir o‘yin bo‘ldi, oxirgi daqiqalari esa haqiqiy asab sinoviga aylandi. Afsuski, ikkinchi bo‘limda asosan himoyalanishga majbur bo‘ldik. Ammo eng muhimi — natijani saqlab qoldik. Hozirgi vaziyatda uch ochko olganimizdan mamnunman. Balki ayrim vaziyatlarda mahorat yetishmadi, ayrim paytlarda esa sabr kamlik qildi. Lekin futbolchilarning fidoyiligi har doimgidek yuqori darajada bo‘ldi. Ular bor kuchini maydonda qoldirishdi.
— Filipovichni qachon maydonda ko‘rishimiz mumkin? Uning jarohati haqida ham ma’lumot bersangiz.
Filipovich tiklanish jarayonini deyarli yakunladi. Ma’lumotlarga ko‘ra, u to‘liq sog‘ayish arafasida va yaqin kunlarda jamoa mashg‘ulotlariga qaytadi. U tezroq safga qaytib, avvalgidek jamoaga yordam berishini umid qilyapmiz.
— Yaqinda Bashelaishvili jamoani tark etdi. Uning o‘rniga akademiyadan yana futbolchi jalb qilish imkoniyati bormi? Iqtidorli o‘yinchilar ko‘p, ammo hozircha faqat ikki nafar yosh futbolchiga imkoniyat berilmoqda. Buning sababi nimada?
Biz Bashelaishvili bilan shartnomani bekor qildik. Uning o‘rniga boshqa futbolchini jalb qilish masalasini hozircha ko‘rib chiqmayapmiz. Albatta, jamoani kuchaytirish uchun kamida yana bir-ikki nafar futbolchi kerakligini yaxshi tushunaman. Hozircha vaziyat shu.
— Jamoa nega 90 daqiqa davomida bir xil sur’atda o‘ynay olmayapti? Buning asosiy sababi nima, deb o‘ylaysiz?
O‘zi qaysi jamoa 90 daqiqa davomida bir xil tempda o‘ynay oladi? Buning iloji yo‘q. Biz kuchga asoslangan futbol o‘ynaymiz. Hozirgi iqlim va ob-havo sharoiti butun o‘yin davomida doimiy pressing va bosim o‘tkazish imkonini bermaydi. Qolaversa, «Lokomotiv»ga qarshi tinimsiz bosim bilan o‘ynash ham xavfli. Ular pressingdan yaxshi chiqib keta oladi va himoya ortida katta bo‘shliqlar qoldirishimizga sabab bo‘ladi. Bu esa katta tavakkalchilik. Faqat chiroyli futbol ko‘rsatish uchun ochilib o‘ynab, keyin o‘z darvozamiz oldida muammoga duch kelishning hech qanday ma’nosi yo‘q. Ayni paytda taqvim juda zich, ob-havo ham og‘ir. Futbolchilarni to‘liq tiklab olishga ulgurmayapmiz. Jarohatlar, charchoq — bularning hammasi to‘planib bormoqda. Amalda deyarli bir xil tarkib bilan o‘ynayapmiz. Futbolchilar robot emas, ular ham inson. Shuning uchun ulardan har doim bir xil darajadagi tempni talab qilish qiyin. Shu bois yana bir bor yigitlarga bugungi maydonda ko‘rsatgan fidoyiligi uchun minnatdorchilik bildiraman.
Super Liga
Sergey Lushan: «Imkoni boricha jamoani Superligada saqlab qolishga harakat qilamiz»
Mash'al bosh murabbiyi Sergey Lushan jamoaning Superligadagi qiyin ahvoli va tarkibni yangilash jarayoni haqida gapirdi.
«Mash'al» — «Andijon» bahsidan keyin mezbonlar bosh murabbiyi Sergey Lushan matbuot anjumanida qatnashdi.
Fikr bildirish qiyin. O'yinimiz o'xshamadi. Maydonga tushishyapti, ammo qo'lidan hech nima kelmayapti. Bu intellekt saviyamiz shunday. Keyin nima bo'ladi, bilmayman. Raqib jamoani g'alaba bilan tabriklayman. Rostini aytsam, tabriklayverib, o'zim ham charchadim. Shunga qaramay, bugungi o'yinda ijobiy jihatlar ham bo'ldi. Biz tarkibni taxminan 80 foizga yangilash yo'lidan boryapmiz. Bugun ko'rgan bo'lsangiz kerak, maydonga juda yosh futbolchilarni, hali bolaligicha bo'lgan yigitlarni tushirdik. Ulardan har biri, jumladan, zaxiradan maydonga tushgan futbolchilar ham o'zini munosib ko'rsata oldi. Yana bir yigit esa markaziy himoyachi. Biz motivasiyasi bor shu futbolchilarga tayanamiz.
Mening tushunishimcha, tajribali futbolchilarda motivasiya deyarli butunlay yo'qolgan. Bunga sabab bo'layotgan ayrim holatlarni men ham tushunishga harakat qilaman. Bu haqda avval ham gapirganman, shuning uchun yana qaytib o'tirishni istamayman. Agar futbolchilarga yetib borolmasak, ularni ishontirolmasak, tushuntira olmasak, nima qilaman? Axir, faqat biz emas, boshqa klublarda ham shunday vaziyatlar bor. Ba'zi paytlarda sabr qilish kerakligini tushunish lozim.
Hozircha ularga yetib borolmayapmiz. Nima qila olaman? Men ularni ham tushunishga harakat qilaman. Har holda, biz hammamiz Xudoning panohida yuribmiz. Imkoniyat hali bor. Hamma narsa bo'lishi mumkin. Hozircha biz izlanishdamiz. Nimani sinab ko'rmaylik, o'xshamayotgan paytlar bor. Buning faqat ikki xil izohi bor, deb o'ylayman. Yoki bu yerda yig'ilgan futbolchilarning salohiyati shu daraja — ular bundan ortig'iga qodir emas. Yoki bu vaziyatning yarim yildan beri futbolchilar faqat bazada yashab, mashg'ulot o'tkazayotgani bilan bog'liq tomoni bor. Ular pul degan tushunchaning o'zi qanday ko'rinishda bo'lishini ham unutib qo'yishgan, shekilli. Balki ikkalasi ham ta'sir qilayotgandir. Balki ham u sabab, ham bu sabab bordir. Lekin buning bizga yengilligi yo'q.
Yana bir bor aytaman: oldimizda ikki vazifa bor edi. Birinchisi — imkoni boricha jamoani Superligada saqlab qolishga harakat qilish. Agar buning uddasidan chiqa olmasak, keyingi mavsum uchun yangi jamoa shakllantirish. Hozir, asosan, shu ish bilan shug'ullanyapmiz.
O'ylaymanki, keyingi o'yinda ham sizlar hali hech qachon ko'rmagan yana ikki nafar futbolchini maydonda ko'rasiz. Bugun uch nafar yangi futbolchi o'ynadi. Keyingi bahsda yana bir-ikki nafar futbolchini sinab ko'ramiz. Ya'ni, tarkibni bosqichma-bosqich 80 foizga yangilashga o'tamiz. Albatta, biz majbur bo'lib qo'yayotgan pozisiyalar ham bor. Aslida bizga ma'qul bo'lgan ikki-uchta pozisiya bor. Qolgan pozisiyalarda esa yo o'yinchilarning imkoniyati yetmayapti, yoki ularning xohishi yo'q. Shuning uchun tarkibni o'zgartirishga majburmiz. Boshqa variantimiz yo'q.
Jamoa Superligada qoladimi yoki yo'qmi — buni yolg'iz Xudo biladi. Har holda, imkoniyatimiz butunlay tugagani aniq bo'lmaguncha ishlashda, harakat qilishda, nimadir o'ylab topishda va izlanishda davom etamiz.
Bilasizmi, nimadir o'ylab topish juda qiyin. Ayniqsa, mavsumoldi yig'inlar bo'lib, yangi futbolchilarni olib kelish imkoniyati bo'lganda, muammoni hal qilish osonroq. Futbolchini almashtirishingiz, boshqasini olib kelishingiz mumkin. Bizda esa bor narsa shu. Qo'limizdagi futbolchilar bilan ishlashga harakat qilyapmiz. Ularga ham tushuntiryapmiz: boshqa futbolchilarimiz yo'q. Agar hammamiz birga bo'lsak, demak, bir maqsad sari birga harakat qilishimiz kerak. Hozir esa bizda shunday vaziyat: kimdir xohlayapti, lekin qodir emas; kimdir qodir, lekin xohlamayapti. Hozircha mana shu holatni bir joyga yig'ishning uddasidan chiqa olmayapmiz. Shunga qaramay, yaxshi jihatlar bormi? Ha, bor. 👍
Aleksandr Xomyakov: Buxoro – Neftchi uchrashuvi haqida
Superliga 18-turidan o'rin olgan "Buxoro" – "Neftchi" uchrashuvidan so’ng "Buxoro" bosh murabbiyi Aleksandr Xomyakov matbuot anjumanida qatnashdi.
Superliga 18-turidan o'rin olgan "Buxoro" – "Neftchi" (4:1) uchrashuvidan so’ng jamoamiz bosh murabbiyi Aleksandr Xomyakov matbuot anjumanida ishtirok etdi.
Laylo Tasheva: Sobiq jamoam darvozasiga gol urish oson kechmadi
Dinamo-W futbolchisi Laylo Tasheva sobiq jamoasiga qarshi kechgan bahs va kiritilgan gol haqida o'z taassurotlari bilan o'rtoqlashdi.
Dinamo-W jamoasi futbolchisi Laylo Tasheva o'tgan uchrashuvdan so'ng o'z fikrlari bilan o'rtoqlashdi:
To‘g‘risi, o‘yin oson kechmadi. Har ikki jamoa ham g‘alaba uchun oxirigacha kurashdi. Qiyin bahs bo‘ldi, lekin qizlarimiz so‘nggi daqiqalargacha harakat qilishdi va yakunda g‘alaba qozondik. Jamoamizni ushbu muhim g‘alaba bilan tabriklayman.
Bugun sobiq jamoam darvozasiga gol urdim. Albatta, Dinamoga yordam berganim va gol kiritganimdan xursandman. Lekin raqib mening sobiq jamoam bo‘lgani uchun goldan keyin ichimdan biroz boshqacha hissiyotlar o‘tdi.
Aleksandr Xomyakov: Yigitlar haqiqiy qahramonlik ko'rsatishdi
Superliga 17-turidan keyin "Buxoro" bosh murabbiyi Aleksandr Xomyakov "OKMK" ustidan qozonilgan g'alaba haqida fikr bildirdi.
Superliga 17-turidan o'rin olgan "Buxoro" – "OKMK" (2:0) uchrashuvidan keyin "Buxoro" bosh murabbiyi Aleksandr Xomyakov matbuot anjumanida ishtirok etdi.
Avvalo, sizlarni ham g‘alaba bilan tabriklayman. O‘yin juda og‘ir kechdi. Albatta, oson bo‘lmasligini oldindan taxmin qilgandik. Raqib jamoa, mening nazarimda, yaxshi o‘yin ko‘rsata oladigan jamoalardan biri. Ularga qarshi harakat qilish juda qiyin bo‘ldi.
Yaxshiyamki, yana bir bor yigitlar sabr-toqat namoyon qilishdi. Bugun sabr qilish, o‘z imkoniyatlarimizni kutish juda muhim edi. Biz aynan shu vaziyatlarni kutishimiz kerak edi.
Umuman olganda, hamma narsa ham reja bo‘yicha kechmadi. Birinchi taymda ikki nafar himoyachimizdan ayrildik. Keyin o‘yin oxirida yana bir himoyachimiz qizil kartochka oldi.
Shunga qaramay, juda hissiyotlarga boy, ko‘p kuch talab qilgan o‘yin bo‘ldi. Yana bir bor aytaman, yigitlar haqiqiy qahramonlik ko‘rsatishdi. O‘yin oxirigacha bardosh berib, g‘alabani qo‘lga kiritishdi. Buning uchun ularga katta rahmat aytaman.
Islom Ahmedov: «Qizil kartochka barcha rejalarimizni buzib yubordi»
«Andijon» bosh murabbiyi Islom Ahmedov «Neftchi»ga qarshi o'yindan so'ng mag'lubiyat sabablari va jamoadagi transferlar haqida gapirdi.
Vodiy derbisi doirasidagi «Andijon» - «Neftchi» o'yinidan keyingi matbuot anjumanining ikkinchi qismida mezbonlar bosh murabbiyi Islom Ahmedov qatnashdi.
Muxlislarimizdan uzr so'raymiz. Juda alamli mag'lubiyatga uchradik. Bizni tinmay qo'llab-quvvatlab kelayotgan ishqibozlarimiz oldida juda uyatdamiz. O'yinga kelsak, qizil kartochkagacha uchrashuv tizgini bizning nazoratimiz ostida o'tayotgandi. Birgina qizil kartochka hamma rejalarimizni buzib yubordi. Uni joyini to'ldirgunimizcha birinchi golni o'tkazib yubordik.
- Mag'lubiyatni asosiy sababchisi kim deb o'ylaysiz?
Mag'lubiyatga uchragandan keyin baribir murabbiy aybdor bo'ladi. Qo'ldan kelgancha tayyorgarlik ko'rdik. Birinchi taymda yomon o'ynamadik. Hujumlarimiz ko'p bo'ldi, to'pni nazorat qildik. Ikkinchi taymni boshidagi kutilmagan qizil kartochka barcha rejalarimizni buzdi. U o'yinchimizni ham atay qildi, deb ayta olmaymiz. Balki emosiyada o'zini to'xtata olmagandir. Futbolchilarimiz ham professional bo'lishi va o'zini boshqarishni ham bilishi kerak. Qizil kartochka xissiyot orqali yuz berdi. Qolgan joyda futbolchilarimiz 100 foiz borini berishdi. Ayblash noto'g'ri.
- O'sha qizil kartochka butun boshli jamoaning o'yinini, tayyorgarligini o'zgartirib yubordi. Oxirgi uchrashuvlarda qizil kartochkalar ko'paymoqda. Buni oldini olish uchun jamoada ruhiy tayyorgarlik ham olib boriladimi?
Baribir futbol hissiyotlarga boy. Tushuntiramiz, gapiramiz. Futbolchilar ham o'zini boshqarishni bilishi kerak. Futbolchilar maydonda o'zini boshqara bilishi kerak. O'yinchilarimiz ham atay qilishyapti, deb o'ylamayman.
- «Andijon» yozgi ta'tilgacha yaxshi o'yin ko'rsatayotgandi. Yozgi tanaffusdan so'ng 6 ta o'yin o'tdi va 5 ochko oldi, xolos. Bu natija murabbiylar shtabini o'ylantirmayaptimi?
Albatta. Izlanyapmiz, kamchiliklar ustida ishlayapmiz. Ko'rib chiqamiz. O'yin tomonlama yomon o'ynamayapmiz. Biroq yakuniy hujumlar bo'yicha bizda muammolar bo'layotgandi. Mana, yangi hujumchi oldik. Bugun ham yaxshi o'ynayotgandik, ammo qizil kartochkadan keyin vaziyat o'zgardi.
- Shoxmalik Komilov nega o'yin qaydnomasiga kiritilmadi?
Qaydnomaga 20 ta o'yinchi kiritiladi. Hamma o'yinchilarga imkoniyat beramiz. Mashg'ulotlar jarayonida kuzatib boramiz. Har bir chiziqqa o'yinchilar qoldirishimiz kerak bo'ladi. Bizda raqobat kuchli. Bu uchrashuvda Shoxmalikka dam berishga qaror qildik. U safimizga yig'inimiz yakunlanayotgan paytda qo'shildi. Hali bizning o'yin uslubimizni to'liq tushunib yetgani yo'q. Shu bois futbolchiga dam berib turdik.
- Bu mag'lubiyatni omad bilan bog'laysizmi? Holbuki, jamoangizda gol urish uchun bir nechta yaxshi vaziyatlar bo'ldi, darvozabon, himoyachilar qaytarib qolishdi...
Omaddan ko'ra, taqdir deb o'ylaymiz. Harakat qildik, bugun yutqazish peshonamizga yozilgan ekan.
- Jamoaga qabul qilingan Nodirxon Ne'matxonov ko'p o'tmasdan shartnomani bekor qilib ketdi. Shuningdek, darvozabon Rustamjonovni ketishiga nima sabab bo'ldi?
Nodirxon Ne'matxonovga «Qizilqum»dan o'yin amaliyoti bo'yicha aniq taklif berishgan. Bizda aytganimizdek, raqobat kuchli. Ko'proq o'yin amaliyotiga ega bo'ladigan joyga o'zi tanladi. Rustamjonov bilan 6 oyga kelishilgan ekan va u «Respublika FA» jamoasiga ketdi.
- Yozgi transferlardan ko'nglingiz to'ldimi?
Ochig'i, ro'yxatimizda bir qator o'yinchilar bor edi. Ularni hammasini ham ololmadik. Oxirgi kungacha futbolchilar bilan aloqada bo'ldik. Olishga harakat qildik. YAxshiki, Rustam Turdimurodovni jalb qila oldik.
- «Neftchi» Izzatilla Po'latovni «Andijon»ga qo'yib yuborishga rozi bo'lgan ekan, lekin «Andijon» bu taklifni rad etibdi. SHu holatga to'xtalib o'tsangiz.
Rahbariyat hal qiladi. Ayrim sabablarga ko'ra o'xshamadi.
Islombek Ismoilov: Muxlislarga qo'llab-quvvatlagani uchun rahmat
Islombek Ismoilov safar o'yinida o'zlarini uyidagidek his qilganliklarini va muxlislarga minnatdorchilik bildirdi.
Islombek Ismoilov:
O‘z uyimizda o‘ynagandek tuyuldi, bu uchun muxlislarga rahmat!
Imeda Ashortia: Xudoga shukr, hozir o'zimni ancha yaxshi his qilyapman
Andijon jamoasi futbolchisi Imeda Ashortia jarohatidan so'ng o'zini qanday his qilayotgani va safga qaytish jarayoni haqida gapirdi.
Jamoamizning gruziyalik tajribali futbolchisi Imeda Ashortia yaqinda jarohat olib, safdan chiqqandi. U davolanish uchun yurtiga borib keldi.
Hozirgi holati borasida Ashortia klub matbuot xizmatiga quyidagilarni aytdi:
Mashg'ulot paytida Toshkentning Lokomotiv jamoasiga qarshi o'yin oldidan jarohat oldim. Xudoga shukr, hozir o'zimni ancha yaxshi his qilyapman. Kerak bo'lgan barcha muolajalarni o'tab bo'ldim. Jarohat oson emasdi, lekin, Xudoga shukr, hozir ahvolim ancha yaxshilandi. Hozirgacha uch-to'rtta individual mashg'ulot o'tkazishga ulgurdim. Yaqin kunlarda jamoa bilan birga mashg'ulotlarni boshlayman. Imkon qadar tezroq safga qaytishga umid qilyapman. Men doim qo'limdan kelgan barcha ishni qilaman va jamoaga imkon qadar tezroq qaytish uchun bor kuch-g'ayratimni sarflayman.
Eslatib o'tamiz, Andijon jamoamiz Superliganing 17-turi doirasida 13 avgust kuni Bobur arenada Neftchini qabul qiladi. Vodiy derbisida barcha muxlislarimizni stadionda kutamiz.
Mirko Yelichich: Dinamo bizdan yaxshiroq o'ynadi
Mirko Yelichich Dinamo bilan bo'lgan o'yin va Aleksey Kozlovning qizil kartochkasi haqida fikr bildirdi.
Mirko Yelichich:
Og'ir o'yin bo'ldi. "Dinamo"ga qarshi doimo yaxshi o'yinlar bo'lgan. Bu jamoa ochiq o'yin namoyish qilishga tayyor. Biz ham shunday ochiq o'yin ko'rsatadigan jamoamiz. Bu kabi o'yinlar ham bo'lib turadi, bugun raqib bizdan yaxshiroq o'ynadi. Yaxshi o'yin ko'rsata turib, 3 ochkoni boshqasi olishi albatta, yoqimli emas. Chiroyli o'yin ko'rsatgani uchun raqiblarni tabriklayman. Biz esa oldinga intilishda davom etamiz.
— O'tgan o'yinda Aleksey Kozlovning qizil kartochkasidan keyin rejalarda o'zgarishlar bo'ldimi?
Bu haqda gapirish juda qiyin. Nikita Shevchenko bunday o'yinlarda o'ynamagan va albatta, bosimni his qilishi tabiiy. O'yinni xato bilan boshlagandan keyin u o'ziga kelishi qiyin bo'ldi.
Feruza Turdiboyeva: Lokomotiv jamoasiga moslashishim oson kechdi
Dinamo-W ustidan qozonilgan g'alabadan so'ng Lokomotiv-W futbolchisi Feruza Turdiboyeva o'z fikrlari bilan o'rtoqlashdi.
Feruza Turdiboyeva (Dinamo-W 1:2 Lokomotiv-W o'yini qahramoni):
Ikkinchi davrada Lokomotiv jamoasiga kelib qo'shildim. Jamoaning ichki muhiti juda yaxshi. Uzoq vaqtdan beri futbolda bo'lganim sabab ushbu jamoa a'zolari bilan yaxshi tanish edim. Bu ham moslashib ketishimga katta yordam berdi. Bir so'z bilan aytganda jamoa menga yoqdi.
Bugun Dinamoga qarshi qiyin o'yin bo'ldi. Juda ko'plab vaziyatlarga ega bo'ldik. Ammo, o'z imkoniyatlarimizdan foydalana olmadik. Raqib yaxshi qarshilik ko'rsata oldi. Shunga qaramay g'alaba qozonishni uddaladik. Bundan xursandman. Jamoadoshlarimni va jamoamiz muxlislarini g'alaba bilan tabriklayman.
Aleksandr Xomyakov: Paxtakor bilan o'yinda yigitlar xarakter ko'rsata olishdi
Buxoro bosh murabbiyi Aleksandr Xomyakov Paxtakor bilan durangdan so'ng o'z fikrlari bilan o'rtoqlashdi.
Superliga 16-turidan o'rin olgan "Paxtakor" – "Buxoro" (2:2) uchrashuvidan keyin "Buxoro" bosh murabbiyi Aleksandr Xomyakov matbuot anjumanida ishtirok etdi.
- O'yin haqida fikringiz?
O'yindan va natijadan qoniqdim. Muhimi, nima uchun bu erga kelganimizni futbolchilarga uqtira oldik. To'g'risi, 2:0dan keyin vaziyatni o'nglashimizga ishonmagandim. Futbolchilarimizga rahmat, ular xarakter ko'rsata olishdi. Biz o'yinni tashlab yubormadik, jiddiy raqibga qarshi durang qayd eta oldik.
- "Paxtakor"ga qarshi alohida yondashuv bo'ldimi?
Albatta, biz har bir raqibdan kelib chiqib tayyorgarlik ko'ramiz. O'tkazib yuborilgan gollarni oladigan bo'lsak, o'tkazmasak ham bo'lardi, lekin xatolar yuzaga keldi. Aytib o'tganimdek, ikkita gol o'tkazganimizdan so'ng hammasi tugashi ham mumkin edi, ammo tavakkalga qo'l urdik. Men hamma sirlarni ochmoqchi emasman. Shuni aytishim mumkin, har bir o'yinga o'z rejamiz bo'yicha hozirlik ko'ramiz. Bu yerda eng muhimi, tanaffusdan keyin o'yinni tashlab yubormaslik edi. Shunday qildik va oxirigacha o'ynadik. Jamoamizdagi hamma mas'uliyatni oxirigacha his qilib turibdi. Zaxiradan tushganlarning o'yinni kuchaytirgani ham yordam berdi.
- Jamoangiz safarda "Paxtakor" bilan durang qayd etdi, lekin umumiy o'yinlarni oladigan bo'lsak, "Buxoro" mehmonda "Mashal" bilan "Navbahor"ni mag'lub eta olgan. Safar uchrashuvlarida nima yetishmayapti?
Biz o'z imkoniyatlarimizni juda yaxshi bilamiz va shuni bilgan holda o'z o'yinimizni namoyish etamiz. Futbolda xatolarni kechirish mumkin, lekin o'yinchi harakat qilmasa buni kechirib bo'lmaydi. Jamoamizdagi hamma buni yaxshi biladi. To'g'ri, ko'p uchrashuvlarda omad yuz o'girdi. "Surxon"ga mag'lub bo'ldik. OKMK bilan yaxshi o'ynab yutqazdik. Turli sabablarga ko'ra, yutqazyapmiz. Aniq sababini bilmayman. "Buxoro" uchinchi o'rinda va buni ko'pchilik yaxshi deb qabul qilyapti. Shunga qaramay, qo'lni tushirmaymiz, har bir bahs biz uchun muhim. Klublardagi moliyaviy holatni zo'r deb bo'lmaydi, shundan kelib chiqib yuqori o'rinni saqlab qolish biz uchun o'ta muhim sanaladi.
- Mavsum oxirigacha uchinchi o'rinni saqlab qolish uchun jamoaning kuchi etadimi?
Men yil boshidayoq maqsadimiz har bir o'yinda bor kuchni ishga solish deb aytganman. Hozir ham shu fikrdaman, o'yinchilarimiz maydonda borlarini berishini xohlayman. Biz uchun hozircha kelajak yo'q, biz uchun faqat bugun bor. Agar hozirgi o'rnimizni chempionat oxirigacha saqlab qolsak yaxshi bo'lardi. Lekin men uchinchi o'rin uchun kurashamiz deb baralla gapirmayman. Bu katta gapirish bo'ladi. Aytib o'tganimdek, hozirgi kun bilan yashayapmiz. O'yinni o'tkazdikmi, biroz dam olib keyingi bahsga hozirlik ko'ramiz. Avvalgi xizmatlar biz uchun rol o'ynamaydi, bugungi o'yinni o'ylashimiz kerak.
Islom Ahmedov: Hujum chizig'ini kuchaytirish ustida ishlayapmiz
Andijon bosh murabbiyi Islom Ahmedov So'g'diyona bilan o'yindan so'ng jamoaning hujum chizig'ini kuchaytirish bo'yicha muzokaralar olib borilayotganini aytdi.
"So'g'diyona" - "Andijon" (1:0) o'yinidan keyin "Andijon" ustozi Islom Ahmedov matbuot anjumanida ishtirok etdi.
O'yinga keladigan bo'lsak, to'pni nazorat qildik, hujumlarga ham o'tdik. Baribir bizda hujumdagi tajovuzkorlik yetishmadi. Futbolchilarimiz borini berib harakat va mehnat qilishdi. Buning uchun ularga hech qanaqa e'tirozimiz yo'q. Hujumni yakunlashda kamchiliklarimiz ko'rinib qoldi.
- 10 avgust kuni yozgi transfer oynasi yopiladi. Jamoada yana yangi o'yinchilarni ko'rishimiz mumkinmi?
Bu masala bo'yicha rahbariyat bilan birga izlanyapmiz. Ayniqsa, hujum chizig'ini kuchaytirish bo'yicha istayapmiz. Bu borada bir-ikkita futbolchilar bilan muzokaralar olib boryapmiz. Baribir ularni o'z jamoalari bilan amaldagi shartnomalari borligi uchun ushbu jarayon biroz qiyin kechyapti.
- "Andijon"ni keyingi turda o'z uyida "Neftchi"ga qarshi vodiy derbisi kutmoqda. Bugungi mag'lubiyatdan keyin futbolchilarni ruhlantirish va bo'lajak jiddiy uchrashuvga tayyorlash rejasi qanday bo'ladi?
Hozircha yigitlarimizga ikki kunlik dam berdik. Futboldan biroz chalg'ib, oilasi bilan birga bo'lib, ruhiy tomonlama o'zlariga kelib olishlari uchun shunday qildik. 9 avgustdan o'z bazamizda yig'ilib vodiy derbisiga tayyorgarlik ko'ramiz. Bu o'yinni ko'rib chiqib, yo'l qo'yilgan kamchiliklar ustida ko'proq ishlaymiz.
Anvar G'ofurov: G'alaba muxlislar mehnati evaziga qo'lga kiritildi
Surxon bosh murabbiyi Anvar G'ofurov Qo'qon-1912 jamoasiga qarshi o'yindan so'ng o'z fikrlari bilan o'rtoqlashdi.
— Uchrashuv haqida fikrlaringiz?
— Avvalo, bugungi g‘alaba bilan barcha muxlislarimizni tabriklayman. Har ikki jamoa uchun ham bu uchrashuv juda muhim edi, chunki ikkala jamoaga ham ochkolar zarur edi. Shu sababli maydonda kurashlarga boy va shiddatli o‘yin kechdi. Raqibimiz ham uchrashuvga puxta tayyorgarlik ko‘rganini namoyish etdi.
Futbolchilarimiz bugun bor kuch va imkoniyatlarini ishga solishdi. Ularning mehnati evaziga muhim uch ochkoni qo‘lga kiritdik. Albatta, hali ustida ishlashimiz kerak bo‘lgan jihatlar ko‘p. Oldinda yanada yaxshiroq o‘yin ko‘rsatish uchun mehnat qilishda davom etamiz. Fursatdan foydalanib, jamoamizni qo‘llab-quvvatlash uchun uzoq yo‘l bosib kelgan barcha muxlislarimizga samimiy minnatdorchilik bildiraman.
— O‘yindagi yagona gol muallifi Richard Fridayni almashtirishga nima sabab bo‘ldi? U yaxshi o‘yin namoyish etayotgan edi.
— Uchrashuv davomida maydondagi har bir futbolchining jismoniy holatini muntazam kuzatib boramiz. Richard ham o‘z vazifasini yaxshi bajardi, biroq o‘yinning o‘sha pallasida biroz charchagani sezildi.
Gol o‘tkazib yuborganidan keyin Qo‘qon jamoasi hujumkor o‘yinga o‘tdi va barcha kuchini oldinga tashladi. Biz esa qarshi hujumlardan unumli foydalanish va o‘yin tempini saqlab qolish maqsadida yangi kuchlarni maydonga tushirdik. Shu sababli Richardni almashtirishga qaror qildik. Bu individual qarordan ko‘ra, jamoaviy taktika va uchrashuvning borishidan kelib chiqqan qaror edi.
Ulug'bek Baqoyev: "Doriyev ko'zi yonib futbol o'ynaydi"
Superliga 15-turidan o'rin olgan "Mash'al" – "So'g'diyona" uchrashuvidan so'ng jamoa bosh murabbiyi Ulug'bek Baqoyev matbuot anjumanida ishtirok etdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "So'g'diyona" bosh murabbiyi Ulug'bek Baqoyev matbuot anjumanida ishtirok etdi.
Murabbiy mag'lubiyat sabablari va klubdagi moliyaviy muammolar haqida gapirdi
Murabbiy mag'lubiyat sabablari, jamoa himoyasidagi muammolar hamda klubdagi moliyaviy qiyinchiliklar haqida o'z fikrlari bilan o'rtoqlashdi.
— O'yin haqidagi fikringiz?
— Fikr aytmasdan ketsa ham bo'ladi-ya (kuladi). Xo'sh, nimadir aytishning o'zi mushkul. 1:3 hisobida imkoniyatni boy berdik. Haqli mag'lubiyat bo'ldi, himoyada bunaqa o'yin ko'rsatmasligimiz kerak edi. Hozir nimadir orzu qila olmaymiz, ishlashda davom etamiz, oldimizda boshqa variant yo'q. Raqibni g'alaba bilan tabriklayman. Bugun g'alaba qozonganimizda bu biz uchun olti ochkoga teng bo'lardi. Lekin afsus...
— Bugun asosiy gollarni Lyupcho Doriyev urdi.
— Nega shunday bo'lganini Doriyevning o'zidan so'rash kerak. U yaxshi futbolchi. Agar unga jarima maydonchasi yaqinida zarba yo'llash imkonini bersangiz, odatda gol bilan tugaydi. Boshqalar ura olmadi, lekin Doriyev urdi.
— Azizbek Choriyevning o'yini haqidagi fikringiz?
— Markaziy himoyada muammolar borligi sabab shu futbolchini o'ynatdik. O'rinbosarlarimizdan to'rt nafari muntazam asosiy tarkib bilan shug'ullanib kelyapti. Xolmatovni, Choriyevni ko'rdingiz. Tez orada boshqa o'yinchilarni ham ko'rasiz. Choriyev himoyada zo'r o'ynadimi? Yo'q. Lekin birinchi o'yini bo'lgani uchun yomon emas.
— Ibrohimovning jarohati haqida?
— U tizzasidan jarohat oldi va tez orada sog'ayib safimizga qaytadi deb umid qilib qolamiz.
— "Bunyodkor" mablag' yo'qligi sabab safar o'yiniga bora olmadi. "Mash'al"da ham moliyaviy qiyinchiliklar bor. Klubning boshiga "Bunyodkor" holati tushmasmikin?
— "Bunyodkor"dagi vaziyatni to'liq bilmayman. Bizda esa holat boshqalar kabi, qariyb yarim yildan beri maosh olmayapmiz. "Bunyodkor" o'yinini boshqa kunga qoldirish imkoniyati ko'rib chiqilsa bo'lardi, yanayam aniqini bilmadim. Hammamiz vaziyat o'nglanishiga umid qilyapmiz. Superliganing yarim jamoasida qiyinchilik bor deb o'ylayman. Tez orada hammasi joyiga tushsa kerak.
Murabbiy "Mash'al"ga qarshi o'yin va Doriyevning shartnomasi haqida
Murabbiy Mash'al ustidan qozonilgan g'alaba, hakamlar bilan bahs va legioner Doriyevning shartnomasi haqida fikr bildirdi.
— O‘yin biz uchun juda yaxshi boshlandi. Darhol gol urdik. Birinchi bo‘limda o‘yinni to‘liq nazorat qildik, ikkinchi bo‘limda ham vaziyatlar yaratishda davom etdik. Yana tezkor gol urildi, undan keyin uchinchi gol ham keldi va o‘ynash ancha yengillashdi.
Biz "Mash'al" jamoasini yaxshi o‘rgangan edik. O‘yindan oldin ularni tahlil qilganmiz. Ular qarshi hujumlarda, ayniqsa qanotlardan juda tez harakat qiladigan jamoa.
Ketma-ket ikkita mag‘lubiyatdan keyin bugungi g‘alaba futbolchilarga, avvalo, ruhiy jihatdan katta ishonch berdi. Bu natija turnir jadvalidagi holatimiz uchun ham muhim edi.
Shu sababli yigitlarni g‘alaba bilan tabriklayman va endi O‘zbekiston chempionati navbatdagi uchrashuviga tayyorgarlikni davom ettiramiz.
— Birinchi bo‘limda "Mash'al"ning ilk goli urilganda siz yon hakamga qattiq e'tiroz bildirdingiz. Hatto ogohlantirish ham oldingiz. Nima sababdan aynan yon hakamga bunchalik e'tiroz qildingiz?
Men vaziyatni shunday ko‘rdimki, "Mash'al"ning hujumi vaqtida ularning futbolchisi to‘pni qo‘li bilan o‘ynadi. Shu sababli o‘yin to‘xtatilishi kerak edi.
Ammo hakam o‘yinni davom ettirdi va natijada "Mash'al" gol urdi. Men hakamlarga aynan shuni aytdim: mening fikrimcha, to‘p futbolchining qo‘liga tekkan edi. Bu qoida buzilishi hisoblanadi, shuning uchun gol hisobga olinmasligi kerak edi. E'tirozimning sababi shu.
Yosh futbolchilarga imkoniyat berish masalasida, bugun ikki nafar yosh futbolchini maydonga so‘nggi 7–8 daqiqalarda tushirdingiz. Bu ularning o‘yin amaliyoti uchun kam emasmi?
Maydonga tushish uchun avvalo futbolchi bunga loyiq ekanini isbotlashi kerak. Kimning saviyasi qanday bo‘lsa, shunga yarasha imkoniyat oladi.
Bugun ayrim futbolchilarga dam berdik, ayrimlari ko‘proq vaqt o‘ynadi. Yosh futbolchilar esa kecha yoshlar jamoasi safida ham maydonga tushishgandi. Bu odatiy jarayon.
Albatta, har bir futbolchi ko‘proq vaqt o‘ynashni xohlaydi. Lekin vaziyat shundayki, har qanday xato golga sabab bo‘lishi mumkin. Futbolda esa bitta gol ham o‘yin taqdirini o‘zgartirib yuboradi.
Biz raqibni hurmat qilamiz, futbolni hurmat qilamiz. Shu sababli ortiqcha tavakkal qilmaymiz va futbolchilarga zarur bo‘lgan vaqtni beramiz.
— Doriyev bilan shartnoma qancha muddatga tuzilgan? U yangi mavsumda ham jamoada qoladimi?
Yaqinda uning shartnomasi uzaytirildi. Nazarimda, uch yoki to‘rt yilga. Aniq muddatini rahbariyat yaxshi biladi.
Bugungi o‘yinini o‘zingiz ham ko‘rdingiz. Uning mahorati, fidoyiligi, maydondagi ishtiyoqi juda yuqori.
U yosh futbolchilarimiz uchun haqiqiy o‘rnak. Legioner futbolchi qanday harakat qilishi kerakligini amalda ko‘rsatmoqda.
U gol uradi, jamoaga foyda keltiradi, samarali o‘ynaydi. Nafaqat o‘yini, balki ruhiy tomondan ham yosh futbolchilarga yordam beradi va ularning rivojlanishiga hissa qo‘shadi.
Shu sababli unga alohida minnatdorchilik bildiraman.