Liverpool — yangiliklari Matbuot

Luis Dias yangi mavsum haqida:

Men ko'plab gollar urishni va samarali uzatmalarni amalga oshirishni istayman. Albatta, asosiy maqsad — imkon qadar ko'proq sovrin yutish. Muxlislar bilan birgalikda o'ziga xos lahzalarni kutib qolaman.

Tiago Alkantara podkastda «Liverpul»dagi faoliyati haqida iliq xotiralari bilan o'rtoqlashdi.

🛑 «Liverpul» haqida:

«Bu ishchi shahar. Odamlar mendan doim Liverpul haqida so'rashadi: nega tribunalar, nega odamlar jamoaga bunday munosabatda? Men esa shunday javob beraman: «Gap g'alaba yoki mag'lubiyatda emas, balki bor kuchingni berishda».

Bu men ko'rgan yagona buyuk jamoa, u o'zini kibrli tutmaydi. U xuddi hammasini o'z mehnati bilan qozonishi kerakdek harakat qiladi».

🛑 2021/22 yilgi mavsum yakunidagi g'oliblik paradi haqida:

«Barselona»da 2012/13 yilgi mavsumda biz barcha uy uchrashuvlarida g'alaba qozonib, 100 ochko jamg'arganmiz va «Real»ga qarshi o'yinda chempionlikni nishonlaganmiz.

O'sha kun aqldan ozdiradigan darajada edi – raqamlar nuqtai nazaridan bu aql bovar qilmasdi. Ertasi kuni parad bo'ldi, odamlar ko'chaga chiqdi, 700 ming kishi, bu juda ajoyib edi.

Ammo men «Liverpul»da Chempionlar ligasi finalida «Real»dan uchralgan mag'lubiyatdan keyingi kun boshdan kechirgan narsalarim tengsiz edi.

Biz yutqazdik, hamma xafa va tushkun edi. Keyin esa to'satdan bu energiya almashinuvi sodir bo'ldi – bu shunchaki aql bovar qilmas edi».

🛑 Yurgen Klopp va klub haqidagi xotiralar:

«O'ylashimcha, u men qo'l ostida o'ynagan eng iqtidorli murabbiy. U jamoa atrofida va ichida qanday o'sishni shakllantirganini kuzatish hayratlanarli edi. Kirkbidagi mashg'ulot bazasidagi intensivlik xuddi o'yin kunidek edi.

Doimiy paslar, doimiy yugurishlar – Yurgen qo'l ostida o'ynash juda yoqimli va qiziqarli edi. U yaxshi futbolchi bo'lishing uchun mos kelishing kerak bo'lgan standartlarni o'rnatadi. U dangasa futbolchilarni yoqtirmaydi, shuning uchun ko'p ishlashing uchun darajani belgilab beradi.

Bir kuni u mendan tayanch yarim himoyachisi pozitsiyasida harakat qilib, o'yinni o'zgartirishimni so'radi. U nimani nazarda tutayotganini tushundim, chunki bizga uch ochko kerak edi, biz esa o'zimizga xos o'ynamayotgan edik. Xotiralardan etim jimirlab ketadi, chunki men qanotlarga paslar bera boshladim va hamma hujum tizimini tushuna boshladi.

Bu go'zal klubdagi o'sha davrning bir qismi bo'lish aql bovar qilmas edi. Men qayerga borsam ham doim «qizil» bo'lib qolaman».

Arne Slot yozda Niderlandiya terma jamoasi bosh murabbiyi lavozimiga tayinlanishi mumkinligi haqidagi xabarlarga munosabat bildirdi:

So'nggi bir necha hafta, ayniqsa oxirgi kunlarda Niderlandiya terma jamoasidagi lavozim haqida ko'plab xabarlar tarqaldi. Ularda go'yoki men uzoq davom etgan muzokaralardan so'ng, maosh va shartnoma muddati kabi masalalar tufayli taklifni rad etganim aytildi.

Bu mish-mishlar haqiqatga to'g'ri kelmaydi. Biz muzokaralarning bunday bosqichiga yetib bormaganmiz. Karyeramning hozirgi bosqichida men har kuni o'yinchilarim bilan mashg'ulot maydonida ishlashni afzal ko'raman. Terma jamoada ishlashda esa bu imkonsiz.

Shu sababli men muzokaralarni davom ettirmaslikka va shartnoma shartlarini muhokama qilmaslikka qaror qildim. Bir kun kelib o'z mamlakatim sharafini bosh murabbiy sifatida himoya qilish men uchun katta sharaf bo'lardi. Biroq, hozir buning uchun mos vaqt emas.

«Monako»ga qarshi o'yindan so'ng Virjil van Deyk va jurnalist o'rtasidagi suhbat:

— Virjil, yuklamalar haqida gapiradigan bo'lsak: Jahon chempionati oldidan siz klub safida boshqa har qanday futbolchiga qaraganda ko'proq daqiqa o'ynagansiz. Bunday hajmdagi yuklamani yana ko'tara olishingizga ishonasizmi? Va har hafta muhim rol o'ynashingizni hisobga olsak, bunga yana tayyormisiz?

— Ha. Men sizni hozir yoshim 35 da deb, bunga qodir emasligimni aytasiz deb o'ylagandim.

— Yo'q, savol ko'proq markaziy himoyadagi vaziyat bilan bog'liq.

— Albatta. Oxir-oqibat, o'zingizga qarashingiz kerak. Bu yerda omad kerak deb aytmagan bo'lardim, lekin o'zingizga bog'liq bo'lgan barcha ishni qilishingiz shart. Men uchun bu mutlaq minimum.

Men har bir o'yinga tayyor bo'lish uchun mas'uliyatni his qilaman. Agar har uch kunda o'ynash kerak bo'lsa, demak, har uch kunda tayyor bo'lish lozim. Men o'yinlarga kerakli holatda yetib kelish uchun ham uyda, ham mashg'ulot bazasida qo'limdan kelgan barcha ishni qilyapman.

Hozir o'zimni yaxshi his qilyapman. Qolaversa, men futbolchi sifatida umuman kech ochilganman, shuning uchun, balki... Xullas, bor gap shu.

O'zimni normal his qilyapman va muvaffaqiyatli «Liverpul»ning bir qismi bo'lishni istayman. Bizni qayerga bormaylik, qo'llab-quvvatlaydigan butun dunyodagi muxlislarimiz biz bilan faxrlanishlarini xohlayman.

Buning uchun esa g'alaba qozonish, har safar bu libosni kiyish nimani anglatishini ko'rsatib berish kerak. Men uchun bu mutlaq minimum.

Shunday ekan, men ishlashda davom etaman.

Virjil van Deyk nima uchun uzoqroq ta'til olgani va nima uchun AQSHga uchmagani haqida gapirdi:

Men o'zimga yaxshi dam olish imkoniyatini berishlarini so'radim, chunki bunga nafaqat jismoniy, balki ruhiy jihatdan ham ehtiyojim borligini his qildim.

O'tgan yil juda og'ir kechdi: mavsumoldi tayyorgarlik boshlanishidan oldingi davrdan tortib, Jahon chempionatidan chiqib ketgan kunimizgacha bo'lgan vaqtni hisobga olganda, to'liq dam olishim kerakligini tushundim.

Natijada, menda Rayan, Flo va Aleksga qaraganda taxminan uch kun ko'proq dam olish imkoniyati bo'ldi.

Men uchun Amerikaga uchmaslik prinsipial jihatdan muhim edi, chunki okean ortiga borib, keyin qaytishda yana tiklanish jarayonini o'tkazishni istamadim.

Shaxsan men uchun eng yaxshi variant – Kirkbidagi bazada qo'shimcha bir necha kun o'tkazish, jamoa qaytguniga qadar barcha testlardan o'tish va ular kelganidan so'ng darhol to'liq mashg'ulotlarga qo'shilishga tayyor bo'lish deb qaror qildim.

Virgil van Deyk Jeremi va Ronaldning ilk o'yini haqida o'z fikrlari bilan o'rtoqlashdi:

Menimcha, Jeremi yaxshi o'ynadi, Ronald ham. Bu yaxshi boshlanish, umid qilamanki, ular shu ruhda davom etishadi.

Aytganimdek, u yaxshi harakat qildi. O'yin oxirida biroz charchab qolganini sezdim, ammo bunchalik uzoq tanaffusdan keyin ilk 45 daqiqani o'tkazganda bu normal holat.

Endi hamma narsa uning tiklanishiga bog'liq. Ertaga ertalab mashg'ulotlarga qaytamiz va navbatdagi qiyin raqib – Nyukaslga qarshi o'yinga tayyorgarlik ko'ramiz.

Biz o'yinlar orqali o'zaro tushunishni shakllantiramiz. Bu yagona yo'l demagan bo'lardim, lekin o'yinlar mashg'ulotlardan tubdan farq qiladi.

The Times jurnalisti Pol Joys Florian Wirtz bilan intervyu uyushtirdi. Futbolchi Angliya Premyer-ligasidagi ilk mavsumi, o'rgangan saboqlari hamda kelgusi rejalar haqida gapirdi.

🛑 O'tgan mavsum haqida

«Men ko'p narsani o'rgandim. Premyer-ligadagi futbol qanday ekanligini tushundim va ikkinchi mavsumga ancha yaxshiroq tayyorman, chunki meni nimalar kutayotganini bilaman. Yangi mavsum boshlanishini intiqlik bilan kutyapman. Bir yildan buyon Angliyada o'ynayapman va bu yerda futbol uslubi Germaniyadagidan butunlay farq qilishini ko'p marta aytganman. Endi hammasi qanday ishlashini tushunaman. Birinchi mavsumimni baholash qiyin. Albatta, o'zimdan qoniqmagan o'yinlar ham bo'ldi, lekin maydonda o'zimni yaxshi his qilgan uchrashuvlar ham yetarli edi. O'tgan mavsum klub uchun og'ir kechdi. Umid qilamanki, endi har bir futbolchi o'zini ko'rsatishi uchun bizda kerakli energiya va kayfiyat bo'ladi».

🛑 «O'nlik» pozitsiyasi haqida

«Albatta, murabbiy bilan «o'nlik» pozitsiyasida o'ynash haqida gaplashdik, chunki qaysi pozitsiyada o'ynashingni bilish muhim. Men turli pozitsiyalarda harakat qila olaman, lekin hujumchi ortidagi pozitsiya — mening eng sevimli va eng yaxshi joyim. Nima bo'lishini ko'ramiz».

🛑 Iraola qo'l ostidagi mashg'ulotlar haqida

«O'ylaymanki, so'nggi uch yil ichida «Bornmut»da u jamoa bilan nimalarga qodirligini ko'rsatdi. Biz u bilan ishlashni intiqlik bilan kutyapmiz. Ikki haftadan buyon shug'ullanyapman va hammasi menga yoqyapti. Uning futbolga bo'lgan yondashuvi menga ma'qul, shuning uchun mavsum boshlanishini kutyapman».

🛑 Isak bilan hamkorlik haqida

«Monako» va «Lids»ga qarshi o'yinlarda yaxshi kombinatsiyalar qildik, birgalikda bir nechta vaziyat yaratdik. U juda yaxshi futbolchi va u bilan birga o'ynash menga yoqadi. O'zaro tushunish ustida ishlashimiz kerak, ammo hozircha hammasi yaxshi ko'rinyapti».

🛑 Yangi mavsumdan kutishlar haqida

«Men shunchaki o'z ishimni yaxshiroq bajarishga, jamoaga yordam berishga harakat qilyapman. Klub muvaffaqiyatga erishishiga hissa qo'shmoqchiman. O'zimning eng yaxshi versiyamga aylanishni istayman. Imkon qadar ko'proq sovrinlar yutishimiz uchun bor kuchimni ishga solaman».

The Athletic nashri jurnalisti Jeyms Pirs «Monako»ga qarshi o'yindan so'ng «Liverpul»dagi muammoli nuqtalar va avgust oyi uchun rejalarni tahlil qildi:

🛑 Arauxoning transferi Jeremi Jakening to'liq mashg'ulotlarga qaytishi bilan bog'liq. Ulardan biri Premer-liganing birinchi turida «Nyukasl»ga qarshi bahsda van Dayk bilan juftlik hosil qiladi;

🛑 Jonsning yo'qligi «Inter»ning unga bo'lgan qiziqishi bilan bir vaqtga to'g'ri keldi. Vaziyat qanchalik tez oydinlashsa, shunchalik yaxshi, chunki Jonsni sotib, o'rniga hech kimni olmaslik mantiqsiz bo'lardi;

🛑 Mak Allister dushanba kuni jamoa ixtiyoriga qaytishi kerak. Yoz davomidagi barcha mish-mishlarga qaramay, argentinalik futbolchi bo'yicha aniq takliflar kelib tushmadi va Iraola uni jamoada saqlab qolish niyatida ekanini ochiq aytdi;

🛑 Gravenberxga yuklamani kamaytiradigan profil tayanch yarim himoyachisining xarid qilinmagani ham xavotir uyg'otmoqda;

🛑 Agar PSJ Barkolya uchun 145 million funt sterling talabini pasaytirmasa, «Liverpul» muqobil variantlarga o'tishga majbur bo'ladi;

🛑 O'tgan mavsum «Xall»ning Premer-ligaga chiqishiga yordam bergan Kumasni ijaraga berish masalasi, katta ehtimol bilan, transfer oynasining so'nggi kunlarigacha ortga suriladi;

🛑 Ngumoa Munyos bilan bir vaqtda maydonga tushdi va o'ng qanotda harakat qildi, ammo uning o'yini qarama-qarshi qanotdan markazga o'tish unga ancha qulayroq ekanini yana bir bor isbotladi.

Agar «Tottenxem» Gakpo uchun «Liverpul» rad eta olmaydigan taklif bilan chiqmasa, «Nyukasl»ga qarshi o'yinda chap qanot uchun uch nafar futbolchi – Gakpo, Ngumoa va Munyos da'vogarlik qiladi;

🛑 Jamoaga muvozanat kerak, demak, o'ng qanotda tabiiy harakatlana oladigan futbolchi xarid qilinishi lozim. Ko'rib chiqilayotgan variantlar orasida PSJning 18 yoshli vingeri Ibraim Mbaye ham bor.

Jeyms Pirs o'ng qanot uchun boshqa nomlarni keltirmagan bo'lsa-da, uning so'zlari boshqa variantlar ham borligidan dalolat beradi.