Sunderland — yangiliklari Matbuot

Gregori Lorensi Paishao, Yevropa ligasi qur'asi va transfer oynasining yakuni haqida fikr bildirdi:

Yevropa kuboklarida omadli yoki omadsiz qur'a bo'lmaydi, deb hisoblayman. Har qanday holatda ham bu qiziqarli turnir bo'ladi, unda ajoyib o'yinlar ko'rsata oladigan ko'plab kuchli jamoalar ishtirok etadi. Biz ushbu uchrashuvlar bilan bog'liq umidlarni oqlashga umid qilamiz va ishqibozlarimizni xursand qila olishimizga ishonaman.

(«Sanderlend» bilan Paishao uchun kurash haqida) Yo'q, hech qanday kurash yo'q. Har holda, sport direktori yoki murabbiy bo'lganingizda, albatta, eng yaxshi o'yinchilaringizni saqlab qolishni xohlaysiz. Bugungi kunda Igor «OM» uchun juda muhim o'yinchilardan biri, ammo bu u ketadi degani emas. Transfer oynasi yopilishiga yana bir necha kun qoldi va bu vaqt ichida ko'p narsa sodir bo'lishi mumkin. U katta talabga ega o'yinchi va ambitsiyalaringiz bo'lsa, kuchli tarkibga ega bo'lish muhim.

Hozir iqtisodiy cheklovlar ham mavjud, shu sababli yechim izlashga majburmiz. Bu oson emas, chunki o'yinchini sotish uni almashtirish imkoniyatiga ega bo'lishimizni kafolatlamaydi. Yana bir necha kun qoldi va ko'p narsa o'zgarishi mumkin. Bugungi kunda, albatta, hali ko'plab imkoniyatlar bor. Biz eng yaxshi o'yinchilarimizni saqlab qolishni istaymiz, tarkibni kuchsizlantirish niyatimiz yo'q, ammo iqtisodiy jihatdan, xususan, UEFA va DNCG talablariga rioya qilishimiz kerak bo'lgan cheklovlar mavjud.

Metali:

«Ha, Nyukasldan taklif bo'lgandi, lekin men Sanderlendni tanlaganim aniq»

🎤 Roberto De Zerbi Yan Pol van Xekega yozgan xabari haqida gapirib berdi:

Van Xeke haqida gapiradigan bo'lsam, «Everton»ga qarshi o'yindan so'ng unga quyidagicha xabar yozdim: «Bor yo'qol», sen Ryutterga golli uzatma berib, «Tottenhem»ni Chempionshipga ravo ko'rmoqchi eding, endi esa xohlasang ham, xohlamasang ham oldimga kelishing shart, tanloving yo'q.

Bu o'yindan darhol keyin, «Tottenhem» stadionidagi kabinetimda sodir bo'ldi — men qizimga xabar yozgandim, keyin esa Yanga.

🎤 Roberto De Zerbi aprel oyida «Sanderlend»dan uchralgan 0:1 hisobidagi mag'lubiyatdan so'ng futbolchilarning holati haqida:

Premer-ligada jon saqlab qolganimizdan faxrlanardim va xursand edim, ammo o'tgan mavsum mening yutug'im deb hisoblamayman — bu futbolchilarning mehnati.

Chunki men kelganimda, «Sanderlend»ga qarshi o'yindan so'ng kiyim almashtirish xonasida futbolchilarni ko'rdim.

Bu haqda matbuot anjumanida aytmagandim, lekin hammasi shunday bo'lgan: ular kiyim almashtirish xonasi polida yotib yig'lashardi. Men esa: «Biz o'lib qoldikmi?», deb so'radim.

🎤 De Zerbi Solankeni Premer-ligadagi eng yaxshi hujumchilardan biri deb atadi:

U menga futbolchi sifatida ham, inson sifatida ham yoqadi. Premer-ligada Dom Solankedan kuchliroq hujumchilar unchalik ko'p emas.

O'ylashimcha, uning o'yin sifati o'ziga bo'lgan ishonchiga bog'liq. Avvalo transfer oynasi yopilishini kutishimiz kerak, shundan so'ng Solanke haqida batafsilroq gaplashamiz.

Har holda, uni saqlab qolmoqchiman, chunki u menga futbolchi sifatida yoqadi. U to'liq shakllangan hujumchi. U himoya ortiga yorib kirishi, to'pni korpus bilan yopishi, pas o'yiniga qo'shilishi va Premer-ligada mavsumiga 15–20 ta gol urishga qodir.

🎤 Deyan Kulusevskining holati haqida:

Kulusevski o'zini yaxshi his qilyapti, u tarkibimizdagi eng yaxshi o'yinchilardan biri.

Tiklanish jarayonini tezlashtirish uchun unga ortiqcha bosim o'tkazishni istamasdim, ammo imkon qadar tezroq safga qaytishiga umid qilaman.

🎤 Roberto De Zerbi «Tottenhem» rahbariyati bilan munosabatlari haqida:

Biz juda yaxshi ishlayapmiz, bu klublardagi faoliyatim davomidagi rahbariyat bilan bo'lgan eng yaxshi aloqam.

🎤 Antonin Kinski haqida:

Biz Kinski bilan boshlayapmiz, chunki u birinchi raqamli darvozabon bo'lishga loyiq. U ulkan salohiyatga ega o'yinchi. U yetuk, xarakterga ega va men uning sifatlariga ishonaman.

— «Sanderlend»ga qarshi o'yinda belgilangan penalti uchun uzr so'rashdimi?

«Bu suhbatlar maxfiy qoladi — shunday bo'lishi kerak ham. Gap uzr so'rashda emas, gap qaror boshqacha bo'lishi kerak edi, degan fikrga qo'shilamizmi yoki yo'q, shunda. Ular boshqacha fikrda bo'lishsa ham, biz yaxshiroq bo'lishga harakat qilishimiz va birgalikda oldinga intilishimiz kerak».

Iraola «Fulxem» haqida: «Atigi uch tur o'tdi, biror narsa haqida xulosa chiqarishga hali erta. «Fulxem» uchta mag'lubiyatga uchradi, ammo ular o'z o'yinlarida yaxshi harakat qilishdi, barcha mag'lubiyatlar minimal hisobda qayd etildi. Bu qiyin o'yin bo'ladi, ularda juda texnik jamoa bor, ularga qarshi muvaffaqiyatli pressing qilish qiyin».

Mavsum startidagi 3 ta mag'lubiyatga («Chelsi» va yevrokuboklardagi «Sanderlend» hamda «Pelas») qaramay, bugun oson g'alabaga umid qilib bo'lmaydi, ayniqsa tayanch zonasida.

Mavsum startida «Fulxem»:

• 5,4xG to'pladi («Liverpul» kabi).
• o'yinchilar bosib o'tgan masofa bo'yicha chempionat yetakchilari.
• aniq uzatmalar soni bo'yicha faqat «Siti»dan ortda qolmoqda.
• raqib jarima maydonchasidagi to'pga tegishlar soni bo'yicha APL yetakchilari hisoblanadi.

🗣️ Deklan Rays:

«Mening jahon chempionatidagi jarohatimmi? Yozda uch hafta mutlaqo dam oldim va jarohatdan xotirjam tiklanish uchun umuman hech narsa qilmadim. Yangi va ishga tayyor holda qaytdim. Hozir o'zimni a'lo darajada his qilyapman, juda yaxshi saviyada o'ynayapman va bu kelgusida ham davom etishiga umid qilaman».

Mavsum starti haqida:

«Qaytganimizdan beri murabbiy birinchi kundan boshlab bor kuchi bilan ishlamoqda. U bizdan ko'proq narsani talab qilmoqda, bir-birimizdan ko'proq narsani talab qilishga va barcha turnirlarda yana kurashishga chorlamoqda. Boshlanishi yaxshi, endi esa bizni «Sanderlend»ga qarshi qiyin safar o'yini kutib turibdi.

Edegor? Uning mahorati doim o'zi bilan bo'lgan va hech qachon shubha uyg'otmagan. O'tgan mavsumda u yelkasidan ikki marta jarohat oldi, keyin esa tizzasidagi yon bog'lamini shikastlab oldi. Bu oson emas. Ammo jahon chempionatida va joriy mavsum boshida biz o'zimiz biladigan va yaxshi ko'radigan o'sha Martinni ko'rdik. U bizning sardorimiz. Biz unga to'pni uzatishda davom etishimiz kerak, qolganini esa u o'zi hal qiladi».

Tomas Menyo o'zining Angliya chempionatiga o'tishi haqida fikr bildirdi:

Premer-ligaga o'tish mening maqsadim edi. Boshqa klublar ham qiziqish bildirishgandi. Sanderlendda dam olish kunlari stadionga 50 ming muxlis keladi, ular futbolga juda ishtiyoqmand.

🗣 Rejis Granit Jakaning ketishi haqidagi mish-mishlar yuzasidan fikr bildirdi:

Bu mavzu yopiq. Granit o'z kelajagi borasida juda aniq fikr bildirgan; u "Sanderlend"ni yaxshi ko'radi, u "Sanderlend"da qolishni istaydi va klub kelajagini qurishni xohlaydi. U yaxshi sardor va ajoyib yetakchi.