Borussia Dortmund — yangiliklari Matbuot

🚨 Vensan Kompani Nataniel Braunni asosan qaysi pozitsiyada o'ynatishni rejalashtirayotgani haqida:

Nataniel Braunnni fulbek sifatida taklif qilganmiz. U chap va o'ng qanotda o'ynay olishini bilamiz. Hozircha u biroz oldinroq harakat qilishi kerak, chunki bizda Jamol yo'q, Serj yo'q, Lenni esa endigina qaytdi. Odatda mantiqiy qarorlar qabul qilishga to'g'ri keladi va Nene buni yaxshi uddalayotganidan omadimiz keldi.

🚨 Braunnning o'z universalligi haqida:

Men shunchaki o'yin vaqtiga ega bo'lishni xohlayman. Qayerda o'ynashim unchalik muhim emas — o'n raqam ostidami, chap yoki o'ng qanotdami. Albatta, chap qanot himoyachisi pozitsiyasini afzal ko'raman, lekin o'zimni hamma joyda qulay his qilyapman. Jamoa menga yordam bermoqda, chunki bizda juda kuchli futbolchilar bor. Bu jamoaning turli pozitsiyalarida o'ynashni osonlashtiradi.

Sky Sport xabariga ko'ra, Yurgen Klopp Florian Virts va unga nisbatan bildirilayotgan tanqidlar haqida fikrlarini o'rtoqlashdi:

Men yaqinda Flo bilan gaplashdim, bu bizning birinchi tanishuvimiz edi. Yoqimli suhbat bo'ldi, ortiqcha hurmat ko'rsatishlarsiz. Menda uni "ochish" kerak degan his uyg'onmadi. Hammasi juda normal o'tdi.

Futbolda har bir murabbiy uchun eng katta muammo - iqtidorli o'yinchilarni maydonda shunday joylashtirish va integratsiya qilish kerakki, ular maksimal foyda keltirsin va eng yaxshi natija ko'rsatsin. O'ylaymanki, Liverpulda u markazda va yarim qanotlarda o'ynashi kerakligini juda yaxshi tushunishadi, bular uning zonalari.

Ammo Flo o'zi ham shuni tushunishi kerak: u shunday o'ynashi kerakki, murabbiyda uni almashtirish haqida hatto xayol ham kelmasin. Top-klublarda futbol shunday ishlaydi. Bunda biz unga yordam bera olmaymiz, bu uning shaxsiy vazifasi.

O'ylaymanki, Liverpulda uni qanday to'g'ri ishlatishni tushunishadi, shunda Florian shunchaki o'z futbolini o'ynashi kerak, eng muhimi shu. Umid qilamanki, terma jamoada ham unga shunday imkoniyat beraman. Tabiiyki, kimdir mening jamoamda o'ynamoqchi bo'lsa, u pressing borasida dunyodagi eng yaxshilardan biri bo'lishi kerak.

Dortmundda "o'nlik" pozitsiyasida Sindzi Kagava o'ynardi. U biror marta yakkakurashga kirishgan deb o'ylamayman, lekin u men ishlagan eng yaxshi kontrpressing ustalaridan biri edi. Gap jismoniy kuchda emas, gap futbolni tushunish darajasining yuqoriligi va bu ishga katta xohish bilan yondashishda.

Sof futbol nuqtai nazaridan, Flo borasida menda hech qanday shubha yo'q. Na menda, na jamoamdagilarda. Ammo Jeymi Karrager, Gari Nevill va boshqalar futbolchilarga nisbatan umuman sabrli emasligi meni ajablantirmaydi, bu Angliya.

Gregor Kobel Manuel Noyer haqida fikr bildirdi:

Uning shuncha yildan keyin hamon yuqori saviyada o'ynayotgani kishini hayratga soladi. U hali ham eng yaxshilardan biri. Men unga qarshi o'ynashdan doim xursandman. Buncha yillar davomida bunday darajada to'p surish — aqlbovar qilmas holat. Hammasi joyida bo'lishi kerak: jismoniy va ruhiy tayyorgarlik. Uning o'yinini kuzatish, maydonda o'yinni qanday o'qishini, his qilishini va harakat qilishini ko'rish doim yoqimli.

Gregor Kobel Manuel Neuer haqida o'z fikrlari bilan o'rtoqlashdi:

Ushbu yillar davomida namoyish etib kelayotgan darajasi kishini hayratga soladi. U hamon eng yaxshilar qatorida. Unga qarshi maydonga tushishdan doim xursandman. Bunchalik uzoq vaqt davomida bunday yuqori saviyada o'ynay olish — bu shunchaki aqlbovar qilmas holat.

Jismoniy va ruhiy jihatdan hamma narsa joyida bo'lishi kerak. Uning futbol o'ynashini, o'yinni qanday o'qishini, his qilishini va maydonda nimalar qilayotganini kuzatish doimo yoqimli.

Harri Keyn bugun o'zining munosib «Oltin butsa» sovrinini qabul qilib oldi.

Taqdirlash marosimida Keyn «Bavariya»ni tark etib, APLga qaytish niyati yo'qligini tasdiqladi.

«Men ketganimda, albatta, bir kun qaytaman deb o'ylagandim. Ammo hozir menda bunday istak yo'q. Men Myunxenda juda baxtliman».

🎤❤️ Rio Ferdinand Harri Keyn haqida fikr bildirdi:

«Sen Yevropa «Oltin butsa»sini yutding, Angliya terma jamoasi tarixidagi eng yaxshi to'purarga aylanding. Yana kim, do'stim? Agar «Oltin to'p»ni Harri Keyn olmasa, unda kim olishi kerak? Rostini aytganda, bu yerda variantlar yo'q: faqat Harri Keyn»

Rio Ferdinand Xarri Keyn haqida o'z fikrlarini bildirib o'tdi:

"Sen Yevropa "Oltin butsa"sini yutding, Angliya terma jamoasining jahon chempionatidagi eng yaxshi to'purari bo'lding. Xo'sh, yana kim? Xarri Keyn o'rniga "Oltin to'p"ni yana kim yutishi kerak? Qo'yinglar-chi, bu sovrin uchun faqat bitta nomzod bor — Xarri Keyn".

✔️🏆 Bavariya rahbarlari Harri Keyn "Oltin to'p"ni yutishi kerak deb hisoblamoqda.

✨ Maks Eberl:

U bunga ortig'i bilan loyiq. Futbolni sevgan har bir inson Harri Keyn kabi shaxslarni hurmat qiladi. Harri Keyn to'qqizinchi raqamli hujumchi kabi gol uradi, o'ninchi raqamli futbolchi kabi fikrlaydi va oltinchi raqamli o'yinchi kabi mehnat qiladi. Gerd Myuller kabi u har bir vaziyatda raqibdan ko'ra ko'proq vaqtga ega bo'lgandek tuyuladi. U – fenomen, yetakchi, kuchli shaxs va u ko'p yillar davomida qanchalik istisno darajadagi futbolchi ekanligini isbotlab kelmoqda.

✨ Gerbert Xayner:

Bir necha yildan so'ng yosh hujumchilar haqida gap ketganda, ularni Harri Keyn bilan solishtirishadi. U hujumchilarning yangi avlodi uchun navbatdagi bosqichni ifodalaydi va shaxs sifatida ham professionallik hamda kamtarlik bir-birini inkor etmasligini ko'rsatmoqda. Harri Keyn sportdagi buyuklik xarakterdagi buyukliksiz to'liq bo'lmasligi g'oyasini mujassam etadi. U sovrinning munosib sohibi bo'lardi.

✨ Yan-Kristian Dreezen:

Bir narsa aniq: joriy yilning asosiy individual sovrinlari haqida gap ketganda, Harri Keynni e'tibordan chetda qoldirib bo'lmaydi. Harri – hech qanday keraksiz shov-shuvlarsiz global superyulduz va XXI asrning eng yaxshi hujumchilaridan biri. U – o'rnak olishga arziydigan va zamonaviy professional futbolchining prototipi. Gerd Myuller, Frans Bekkenbauer va Karl-Xaynts Rummenigge o'z yo'lida "Oltin to'p"ni yutib, o'yin tarixida iz qoldirishgan. Men uchun Harri Keyn aynan shu kompaniyaga mansub.

Lotar Matteus:

Men uchun Harri Keyn — "Oltin to'p"ga asosiy da'vogar. Men bir o'yin yoki bir jahon chempionatiga emas, butun yilga qarayman. Bir nechta o'yinchi "Barselona" bilan Ispaniya chempionligini qo'lga kiritdi, keyin Ispaniya bilan jahon chempioni bo'ldi, lekin u yerda hammadan yaqqol ustun bo'lgan O'SHA o'yinchi bormidi? Lamin Yamal borasida aytishim mumkinki — yo'q.

Lionel Messi "Inter Mayami" bilan MLSda g'olib chiqdi, bu liga Yevropa darajasida emas. U jahon chempionatida sakkizta gol urdi, lekin ikkita penaltidan ham foydalana olmadi. Kilian Mbappe Fransiya bilan jahon chempionati yarim finaliga chiqdi, lekin "Real Madrid" bilan sovrin yutmadi. Xuddi shu narsa angliyalik Jud Bellingemga ham tegishli.

Keyn "Bavariya" bilan ikkita ichki sovrinni qo'lga kiritdi. Uning na jahon chempionati, na Chempionlar ligasi finaliga chiqmagani — yagona kamchilik. Qolgan jihatlarda u ajoyib o'yin ko'rsatdi va menimcha, biror marta ham pasayish kuzatilmadi. U va Rodri — maydonda o'z harakatlari bilan gapiradigan va maydon tashqarisidagi voqealar bilan e'tiborni tortmaydigan futbolchilar.

Men uchun Keyn — "Oltin to'p"ga eng ko'p loyiq bo'lgan o'yinchi.

Bishof «Bavariya»dagi 8-raqam va yangi mavsumga tayyorgarlik haqida gapirdi:

«Bavariya»da o'ynayotganingizda, qaysi raqamda bo'lishingizdan qat'i nazar, doim diqqat markazidasiz. Shunga qaramay, jamoada raqamlar ko'pchilik uchun ahamiyatga ega. Bunday muhim raqamni kiyish – o'zgacha tuyg'u. Menga bu yoqadi va mos keladi. Menga ishonch bildirganlaridan minnatdorman. Endi navbatdagi qadamni tashlamoqchiman va bunga qodir ekanimga ishonaman. Bu men uchun katta motivatsiya! Sakkizinchi raqamli libosni g'urur bilan kiyishni intiqlik bilan kutyapman. Bolaligimda 10-raqamni orzu qilardim, lekin hozir himoyaviyroq o'ynayapman, shuning uchun 8-raqam mos tushadi. Leon (Goretska)ga hurmat yuzasidan biroz kutdim, keyin Aleks Pavlovich bilan gaplashdim. U bu yerda uzoqroq vaqt davomida bo'lgan, do'stimiz, lekin Pavlo o'z raqamida qoladigan bo'ldi. Shuning uchun so'radim va menga ruxsat berishdi»

Yangi o'yinchilar Ismael Saibari va Nataniel Braun haqida:

«Neneni yuqori baholayman, u tizimimizga juda mos tushadi. Chap qanot himoyachisi markazga o'tib, hujumda qatnashishi qanchalik muhimligini o'zimda his qilganman. Uning texnikasi va uzatmalari yaxshi, shuningdek, himoyada ham mustahkam. Saibari jahon chempionatida ajoyib o'ynadi, uning o'yinni o'qish qobiliyatini avval ham ko'rgandik. U universal o'yinchi va bizga yordam beradi»

Avgust oyidagi qiyin start haqida:

«Murabbiyimiz bo'shashishimizga yo'l qo'ymaydi. Startning shiddatli bo'lishi yaxshi. O'ylaymanki, har qanday futbolchi tinimsiz mashg'ulotlardan ko'ra o'yinlarda qatnashishni afzal ko'radi. Dortmund va Shtutgartga qarshi o'yinlarga tayyor bo'lamiz»

Ta'til va jismoniy holat haqida:

«Ha, albatta. Men bu tanaffusni imkoniyat deb bildim. «Bavariya» fitnes-murabbiylari bilan aniq rejamiz bor edi, shuningdek, shaxsiy murabbiyim bilan ham qo'shimcha ishladim. Kim nima bilan shug'ullanishini hamma bilishi muhim edi. Ba'zan futboldan uzilishni yoqtiraman, lekin televizorni butunlay o'chirib qo'ya olmaysiz - jahon chempionatining bir nechta o'yinini ko'rdim. Shunga qaramay, dam olishga muvaffaq bo'ldim. Avval do'stlarim bilan ketdim, keyin oilam va qiz do'stim bilan vaqt o'tkazdim. Oxirgi ikki-uch hafta esa juda intensiv shug'ullandim»

Maks Eberl transfer nomzodlari haqida:

Mening fikrimcha, bu boradagi pozitsiyamiz aniq. U 3 kun ichida o'zgargani yo'q. Transfer bozori o'ta o'zgaruvchan. Katta transferlar amalga oshirilmoqda. O'ylaymanki, avgust oyi juda qizg'in o'tadi. Biz nimalar sodir bo'lishiga, qaysi klublar qiziqish bildirayotganiga, qaysi klublar Chempionlar ligasi yoki Yevropa ligasiga yo'llanma olib, o'yinchilarga muhtoj bo'lishiga bog'liqmiz. Harakatlar bor, buni ayta olaman. Yigitlarning bozori bor, ammo yaqin kunlarda biror narsa sodir bo'lishini hozircha ayta olmaymiz.

Mavsumdagi maqsadlar haqida:

O'tgan mavsumimiz ajoyib o'tdi. Maqsad — bu natijani takrorlash. Shuni unutmasligimiz kerakki, bu o'z-o'zidan bo'lmaydi, bu katta mehnat va aniq strategiya mevasi. Ha, biz ligani favorit sifatida boshlaymiz. O'ylaymanki, "Dortmund", "Leyptsig", yangi murabbiy va yangi o'yinchilarga ega "Leverkuzen" raqobatchilarimiz bo'ladi, garchi transfer oynasi hali yopilmagan va biz ularni to'liq baholay olmaymiz. Ehtimol, 1-2 ta kutilmagan jamoalar ham paydo bo'lar. Biz favorit ekanligimizni anglaymiz va cho'qqida qolib, yana chempionlikni qo'lga kiritmoqchimiz, yangi mavsumdagi maqsad shu. O'tgan mavsumda dubl qayd etib, yuqori marra o'rnatdik. Uchinchi musobaqada [Chempionlar ligasi] yana bir o'yin o'tkazishni istardik. Biz buning ustida ishlaymiz.

Kecha e'lon qilingan anonslarning davomi sifatida, gollandiyalik hujumchi Doniyell Malenning Il Messaggero gazetasiga bergan to'liq intervyusini taqdim etamiz. Hujumchining Rim nashriga aytgan so'zlari quyidagicha:

Xansi Flik:

Menimcha, Karim Adeyemi bugun kechqurun ko'rsatgan o'yinidan ko'ra kattaroq salohiyatga ega.

U o'zining kuchli jihatlarini yanada yaxshiroq namoyish eta oladi, ammo bu tabiiy hol, chunki u jamoa bilan atigi bir hafta mashg'ulot o'tkazdi.

Mashg'ulotlarda men Karimni butunlay boshqa darajada ko'ryapman. Uning tezligi va hujumlarni yakunlash mahorati — uning asosiy ustunliklari va buni ko'rish yoqimli.

Maks Eberlning "Bavariya"dagi vaziyat bo'yicha asosiy bayonotlari:

Nataniyel Braun — biz albatta qo'lga kiritishimiz kerak bo'lgan futbolchi, u ko'plab pozitsiyalarda o'ynay oladi.

Alfonso Devis jamoada qoladi.

Yangi chap qanot vingeri sotib olinmaydi (Dias, Ibragimovich, Devis va Braun bu pozitsiyada o'ynay oladi).

Dastlab chap qanot vingerini sotib olishni rejalashtirgandik, ammo Saybari bilan bog'liq vaziyatdan so'ng rejalarni o'zgartirdik.

Boshqa yangi transferlar bo'lmaydi.

Boe, Palin'ya va Saragosa sotuvga qo'yilgan, ularning "Bavariya"dagi kelajagi yo'q.

Bara Sapoko Ndiaye Leon Goretskaning tarkibdagi o'rnini egallaydi. Shartnoma hali imzolanmagan, ammo unga jamoa bilan birga bo'lishga ruxsat berildi.

Saybari jamoaga Osiyoda qo'shilishni xohlagandi, lekin avval reabilitatsiyadan o'tishi kerak. U turdan keyin jamoaga kelib qo'shiladi.

Maykl Olise jamoada qoladi. Unga 11-raqam taklif qilingandi, ammo u o'zining 17-raqamini saqlab qolishni istadi.

Musiala, Gnabri va Karl Osiyo turiga bormaydilar. Ular jamoaga keyinroq qo'shilishadi.

Florian Wirtz o'ziga nisbatan tanqidiy qarashi va ambitsiyalari haqida gapirdi:

Men har doim juda va juda o'z-o'zimga tanqidiy bo'lganman. O'ylaymanki, agar siz eng yuqori cho'qqiga chiqishni va dunyoning eng yaxshilaridan biriga aylanishni istasangiz, bu juda zarur.

Albatta, biror narsaga bir necha kun yoki hafta davomida qattiq yopishib olishning keragi yo'q. O'ziga ishonish va bor kuching bilan harakat qilish muhim.

Menimcha, Premer-ligani yutish ambitsiyasi men bu yerda bo'lishimning asosiy sabablaridan biri, chunki men klub bilan birga yuksak marralarni zabt etishni xohlayman.

Liverpul har doim sovrinlar yutgan yoki hech bo'lmaganda ular uchun kurashgan. Biz bunga qaytishni istaymiz va men ham bunga o'z hissamni qo'shmoqchiman.

✨ Vensan Kompani Bundesliga mavsumi starti haqida:

O'zini xuddi birinchi marta degandek his qilyapman. Muvaffaqiyatga erishishimizga ishonchim komil, ammo noaniqlik insonga energiya beradi. Hammasini noldan boshlayapmiz: hisobimizda hali sovrinlar yo'q, barchasini qaytadan isbotlashimiz kerak. Shtutgart bilan o'yin qiyin kechadi, ammo yangi mavsum va yangi imkoniyatlar tayyorgarlikda ustunlik beradi. Barchamiz startni kutyapmiz.

✨ Chempionlik poygasi haqida:

Hammasi toza varaqdan boshlanadi, hech bo'lmaganda mening tasavvurimda. Yakuniy jadvalni bashorat qilish mening ishim emas. O'tgan mavsumdagi kabi kuchli bo'lishimizga, hatto ayrim jihatlarda undan ham yaxshiroq bo'lishimizga umid qilaman. Dortmundning kuchli tarkibini ko'rdik; ertaga Shtutgart qanday bo'lishini ko'ramiz. Dortmund juda mustahkam bo'ladi va Shtutgart ham shunday darajaga chiqa olsa, ajablanmayman.

✨ Jamol Musiala haqida:

Umuman olganda, Jamol o'zini nisbatan yaxshi his qilyapti. Bugun u jamoa mashg'ulotlarida qatnashmoqda. Ertaga u tarkibda bo'lmaydi. U dori vositalarining oshirilgan dozasiga o'rganmoqda. Qachondir u tarkibga qaytadi va o'ynaydi. Biz mutaxassislar bilan maslahatlashgan holda qaror qabul qilyapmiz. Uning ahvoli yaxshilanmoqda.

✨ Maks Eberl bilan shartnoma uzaytirilishi haqida:

Rahbarlarimning shartnomalari haqida ko'p gapirmayman. Hamkorligimiz borasida doim halolman. Qiyin pallalarda biz doimo o'z ishimizga e'tibor qaratamiz va kerakli joyda yordam beramiz. Mening ish muhitim – eng muhimi; Maks va Kristof bilan ish muhitimiz a'lo darajada ekanligidan juda omadliman.

✨ Tarkib haqida:

Lennart Karl ertaga qaytadi, ammo u qanchalik katta rol o'ynay olishini kutib ko'rishimiz kerak. Ismael Saybari juda yaxshi o'sishga erishmoqda; bu safar asosiy tarkibda maydonga tushadimi yoki yo'q, ko'ramiz. Yaqin haftalarda o'yinlarimiz juda ko'p, shuning uchun bugungi mashg'ulotdan keyin qaror qabul qilamiz. U o'zining ilk 90 daqiqasini o'tkazishga yaqin qolgan.

✨ Nene Braun va o'yin pozitsiyalari haqida:

Rafael Gerreyru ba'zida o'nlik pozitsiyasida o'ynaganini ko'rdik. Hujumkor o'yinimizda o'nlik va qanot himoyachisi pozitsiyalari ko'p jihatdan o'xshash. Shuning uchun Konrad Laymer, Rafael Gerreyru yoki Nene Braun u yerda o'ynashi ajablanarli emas. U yoshlar jamoalarida ham shu pozitsiyada o'ynagan. U qanot himoyachisi sifatida rejalashtirilgan, ammo ko'plab boshqa pozitsiyalarda ham o'ynay oladi. Xuddi shu narsa Konrad Laymerga ham tegishli. Bizda kuchli tarkib bor; ba'zida tarkibda ko'proq o'yinchi bo'lgandan ko'ra, turli pozitsiyalarda o'ynay oladigan bir nechta futbolchiga ega bo'lish yaxshiroq.

Harri Keyn yangi shartnoma bo'yicha muzokaralar haqida:

Mening shartnomam yakunlanishiga bir yil qoldi, shuning uchun bu haqda gaplashish uchun ayni vaqt. Biz buni kelasi hafta yoki undan keyin muhokama qilamiz. Ikkala tomon ham bu borada xotirjam.

Keyn «Oltin to'p»ni yutish imkoniyatlari haqida:

O'tkazgan mavsumimdan juda faxrlanaman. «Oltin to'p» — individual nuqtai nazardan olish mumkin bo'lgan eng katta mukofot. Ammo «Oltin to'p» mening qo'limda emas. Men o'yinlar borasida qo'limdan kelgan barcha ishni qildim. Albatta, agar bu sodir bo'lsa, ajoyib bo'lardi. Lekin yakuniy qarorgacha hali 2-3 oy bor. Jamoamiz va terma jamoa bilan erishgan yutuqlarimizdan g'oyatda faxrlanaman. Hozir men uchun eng muhimi — shu mavsumga diqqatni qaratish. Oldimizda katta ambitsiyalar va maqsadlar turibdi.

Keyn Superkubok doirasidagi «Dortmund»ga qarshi bahsda asosiy tarkibda maydonga tushishi haqida:

Bu aniq emas. Murabbiy bilan bu borada gaplashdim. Tayyorgarlikning atigi bir haftasi o'tdi, ammo men bunday tezkor o'tishlarga o'rganib qolganman. Faoliyatim davomida deyarli har yili shunday turnirlarda o'ynaganman. Kutish va ko'rish kerak. 90 daqiqa o'ynaymanmi yoki 45, bu haftada o'zimni qanday his qilishimga bog'liq.

Tom Bishof «Bavariya»dagi 8-raqam haqida fikr bildirdi:

«Bavariya»da raqamingizdan qat'i nazar, doim diqqat markazidasiz. Ammo ko'pchilik uchun raqamlar muhim ahamiyatga ega. Men uchun bunday nufuzli raqamni kiyish o'zgacha tuyg'u. Bu menga yoqadi va mos keladi. Menga ishonch bildirib, ushbu raqamni topshirishganini qadrlayman. Endi keyingi qadamni tashlamoqchiman va bunga qodir ekanimga ishonchim komil. Shu bois bu men uchun katta rag'bat! Sakkizinchi raqamda maydonga tushishni intiqlik bilan kutyapman va buni g'urur bilan amalga oshiraman».

Vensan Kompani Maykl Olise atrofidagi mish-mishlar va uning shaxsiy hayotiga oid savollarga javob berdi:

Bu mavzu men uchun hech qachon ochiq bo'lmagan. Qolganlari esa shaxsiy hayot, bu sizning ishingiz emas. U hozir ta'tilda va buni munosib o'tkazishi kerak.

Ertangi o'yin sardori haqida:

Manu o'yinni boshlaydi va u sardor bo'ladi.

FIFA va Infantino haqida:

Mening qat'iy fikrim bor. Ammo mavsumoldi tayyorgarlik boshlangandan beri bu diqqat markazimda emas. Gazeta o'qishga vaqtim yo'q. Bu mening ishim emas, lekin ko'p gap-so'zlar bo'layotgan ekan, demak nimadir sodir bo'lmoqda. Biror narsa deyishdan oldin vaziyatni chuqurroq o'rganishni istayman.

Darvozabonlar holati bo'yicha:

Manu bizning birinchi raqamli darvozabonimiz, buni aniq aytishni yoqtiraman. Lekin biz Yonas Urbigni yaxshi ko'ramiz. Uning rivojlanishida davom etishini istaymiz. U kubok finalida va Chempionlar ligasining muhim bahslarida o'ynadi. Maqsad — unga o'yin amaliyotini berish. Qachon va qanday bo'lishini mavsum davomida ko'ramiz.

Ertangi raqib haqida:

Aston Villa — juda yaxshi murabbiyga ega top jamoa. Ularning tarkibi keng va iqtidorli futbolchilari ko'p. Ular bizdan ko'ra ko'proq o'rtoqlik o'yinlari o'tkazishdi, ammo bu biz uchun yaxshi sinov. Jamoamizning jismoniy holati haqida ko'p narsalarni bilib olamiz.

Mavsumdagi maqsadlar haqida:

O'tgan mavsumni yaxshilash qiyin, gap faqat sovrinlarda emas, balki kiritilgan gollar va o'yinlar sonida ham. Bu imkonsiz emas, lekin qiyin. Hozir maqsadimiz — Chempionlar ligasini yutish, bunga shubha yo'q. Bundesliga, Kubok va Chempionlar ligasida g'alaba qozonish uchun butun jamoa sog'lom va tayyor bo'lishi kerak.

Premyer-liga va Bundesliga solishtiruvi:

Ligalar o'rtasidagi solishtiruvlar juda oddiy, moliyaviy resurslarga qarash kerak. Premyer-ligada eng katta mablag' bor, shuning uchun u dunyodagi eng yaxshi liga. Menimcha, Bundesliga ikkinchi o'rinda. Premyer-ligada iqtidorlar ko'p, chunki katta pul bilan ko'plab yulduzlarni sotib olish mumkin. Ammo Bundesligada kuchli muxlislik madaniyati va har bir klubda yetishib chiqayotgan iqtidorli o'yinchilar bor.

Malen "Il Messaggero" gazetasiga bergan intervyusida jamoaviy muvaffaqiyatni shaxsiy ko'rsatkichlaridan ustun qo'yishini ta'kidladi:

Hujumchi uchun ko'p gol urish va jamoaga g'alaba qozonishda yordam berish har doim yoqimli. Oxir-oqibat, o'tgan yilgi katta muvaffaqiyat mening natijamda emas, balki Chempionlar ligasiga yo'llanma olganimizda edi. "Roma" u yerda ko'p yillar davomida o'ynamagan. O'tgan yili erishgan yutuqlarimizni takrorlash orzu bo'lardi.

Shu sababli, niderlandiyalik futbolchi uchun haqiqiy yutuq 14 ta gol emas, balki "Roma"ning Yevropaning nufuzli klublar turniriga qaytishi bo'lgan.

Shunga qaramay, hujumchi yangi mavsumda o'z o'yinini yaxshilash va jamoaga ta'sir o'tkazish istagini yashirmaydi. Eng yaxshi to'purar bo'lish imkoniyati haqidagi savolga Malen shunday javob berdi:

Yuqori saviyada o'ynash muhim. Gap faqat gol urishda emas, balki ko'plab vaziyatlar yaratish va golli uzatmalar berishda ham. Men hujumni yakunlash bo'yicha o'z mahoratimni bilaman va agar haftadan haftaga o'sib borsam, nimaga erishishimni kim biladi deysiz.

Malen bilan to'liq intervyu ertaga e'lon qilinadi.

Ruven Kasper Bundesligadagi klublarning xalqaro bozordagi faoliyatini tanqid qildi:

Mavsumdan so'ng «Leyptsig» turnega chiqdi; bizdan tashqari bu yozda faqat «Dortmund» safarga chiqmoqda, «Paderborn» esa sentyabrda AQShga uchadi. Bu juda kam. Bundesliga klublari strategikroq fikrlashi kerak. Angliya klublari dunyo bo'ylab chiqmoqda, bu esa nemis klublari ham proaktiv bo'lishi kerakligini anglatadi. Uyda o'tirib olib, keyin daromadlar kamayayotganidan shikoyat qilib bo'lmaydi. Agar hech narsa qilmasangiz, natija ham bo'lmaydi.

«Bavariya» — Bundesliganing xalqaro marketingidagi kashshof va asosiy kuch. Biz liga va klublardan global miqyosda raqobatbardosh bo'lish uchun ko'proq hamkorlikdagi sa'y-harakatlarni ko'rishni istaymiz. Nemis futboliga, Bundesligaga ko'proq ko'rinish kerak.

Afsuski, AQSh va Yaponiya kabi mamlakatlarda media daromadlari kamaymoqda. Bu liga uchun biz bilan birgalikda faollikni oshirish bo'yicha strategik mexanizmlarni izlashni o'ta muhim qiladi. «Bavariya Myunxen» hamma joyga bora olmaydi. Biz liga sifatida harakat qilishimiz va kichikroq bozorlarni ham rivojlantirishimiz kerak.

🎙 Karim Adeyemi bilan intervyu:

❓Flik seni "Barsa"ga o'tishga qanday ko'ndirdi?

🗣 Adeyemi: "Ko'ndirish" — bu unchalik to'g'ri so'z emas. U shunchaki menga qo'ng'iroq qilib, o'tishni xohlaysanmi, deb so'radi. Men albatta, dedim, chunki bu dunyodagi eng buyuk klub va bunday imkoniyatlar hayotda bir marta bo'ladi. Uni meni ishontirishi shart emasdi. Men unga anchadan beri ishonaman va uni juda hurmat qilaman.

❓Flik sendan nimalarni kutmoqda deb o'ylaysan?

🗣 Adeyemi: Umid qilamanki, u mendagi maydonda jamoaga bera oladigan narsalarni ko'rmoqda. U meni terma jamoadan juda yaxshi biladi va biz yaqinmiz.

❓O'tmishda "Barsa"ga o'tish imkoniyati bo'lganmi?

🗣 Adeyemi: Kichik aloqalar bo'lgandi, lekin aniq hech narsa yo'q edi.

❓2025-yilgi Chempionlar ligasida "Barsa"ga qarshi o'ynagansan. Bu jamoaga qarshi o'ynash qanday tuyg'u?

🗣 Adeyemi: Uf. Bu o'ynash mumkin bo'lgan eng yaxshi o'yinlardan biri. Buyuk jamoa, buyuk klubga qarshi turasan va eng yaxshilarga qarshi o'ynaganingda doim motivatsiya yuqori bo'ladi. O'sha ikki o'yin haqiqatan ham qiyin bo'lgan, lekin biz ulardan zavq olgandik.

❓Javob o'yinida deyarli hisobni tenglashtirib qo'yayozdinglar.

🗣 Adeyemi: Sal qoldi, ha. Biroz omad kulib boqqanida yutib ketishimiz ham mumkin edi.

❓Sen hech qachon "Kamp Nou"da o'ynamagansan. Bu tajriba qanday bo'ladi deb o'ylaysan?

🗣 Adeyemi: O'ylashimcha, bu ajoyib bo'ladi. Nazarimda, u hali to'liq qurib bitkazilmagan, lekin do'stim, bu boy tarixga ega stadion va uning bir qismi bo'lish yoqimli bo'ladi.

❓Terma jamoaga qaytish istaging bor deb o'ylayman. "Barsa"dagi o'yin bunga yordam beradimi?

🗣 Adeyemi: O'ylashimcha, ha, lekin yakunda buni maydonda isbotlashim kerak. Terma jamoaga qaytamanmi yoki yo'q, buni faqat o'zim hal qila olaman. Ishonchim komilki, agar yaxshi o'ynasam, terma jamoaga chaqiruv olaman.

❓Hayoting davomida ko'rgan "Barsa" o'yinlari orasida o'ziga xos xotiralaring bormi?

🗣 Adeyemi: Ha, albatta. Eng buyuk va tarixiy o'yinlardan biri PSJga qarshi bo'lgan. O'ylashimcha, bu tarixdagi eng aqldan ozdiradigan o'yinlardan biri. Bundaylari bir nechta edi, lekin aynan shuni tanlagan bo'lardim.

❓O'zingni futbolchi sifatida qanday ta'riflagan bo'larding?

🗣 Adeyemi: Menda tezlik bor, albatta, lekin o'yinga boshqa sifatlarni ham qo'sha olaman: tezlik, yakkama-yakka vaziyatlarda o'ynash, qanotlarda harakat qilish, hujumchi pozitsiyasida o'ynash... Men o'zimni universal futbolchi deb bilaman va o'ylashimcha, aynan shu narsa meni biroz o'ziga xos qiladi.

❓Futbolni qanday boshlaganingni eslaysanmi?

🗣 Adeyemi: Ha, men Myunxenda, kichik bir klubda o'ynaganman. Eng boshidan kattaroq yigitlar bilan o'ynaganman. Ko'chada o'ynaganimda ham o'zimdan kattalar bilan to'p surardim.

❓Bir jamoada o'ynagan eng yaxshi futbolching kim?

🗣 Adeyemi: O'ylashimcha, Marko Roys eng yaxshilaridan biri edi. Tomas Myuller ham.

❓Qarshi o'ynagan eng yaxshi futbolching-chi?

🗣 Adeyemi: O'sha o'yinda u eng yaxshi sport formasida emasdi, lekin bir marta Krishtianuga qarshi o'ynaganman va u eng yaxshilardan biri.

❓Sen uchun eng yaxshisi — Messi?

🗣 Adeyemi: Albatta.

❓Futboldagi eng yaqin do'sting kim?

🗣 Adeyemi: Aytish qiyin, lekin Marko Roysni aytgan bo'lardim, bizning munosabatlarimiz yaxshi.

❓Bu mavsumdan nimalar kutyapsan?

🗣 Adeyemi: Menda bu juda yaxshi mavsum bo'lishi haqida oldindan sezgi bor, umid qilamanki, ko'plab sovrinlar bilan. Bizni buyuk ishlar kutmoqda, biz hamma narsaga erishmoqchimiz va bunga qodirmiz — buning uchun har kuni mashg'ulot qilamiz va bor kuchimizni beramiz.

❓Chempionlar ligasi finalchisi bo'lgansan. "Barsa"da revansh olishing mumkin deb o'ylaysanmi?

🗣 Adeyemi: Albatta, mening orzuim — Chempionlar ligasini yutish. Men bunga juda yaqin kelgandim, lekin afsuski, yutqazdik va bu mening orzuimligicha qolmoqda. Buning uchun har kuni mehnat qilyapman.