Inter — yangiliklari Matbuot

Janluka Manchini «Inter»ga o'tishdan nega voz kechgani va «Roma»dagi kelajagi haqida gapirdi:

«Inter» meni qo'lga kiritishni juda istagandi, ammo rad javobini berdim. Avval aytganimdek, qalbga buyruq berib bo'lmaydi. «Roma» bilan o'zgacha munosabatdaman: bu yerga kelgan ilk kunimdan o'zimni jamoaning bir qismi deb his qilaman va yillar o'tishi bilan bu bog'liqlik yanada mustahkamlandi. Bu yerda qolib, muhim rol o'ynashni juda istadim. Oila a'zosiga aylanganingizdan so'ng, uni tark etish qiyin.

«Inter» A Seriyaning yaqqol favoriti ekanligi haqidagi savolga futbolchi shunday javob berdi:

Reyting tuzishni yoqtirmayman. «Inter»ning so'nggi yillardagi o'yinini hisobga olsak, ular har doim mavsumni favorit sifatida boshlashadi. Ammo ko'plab jamoalar kuchli chempionat o'tkazish uchun bor kuchini ishga soladi va biz ham ular qatoridamiz. Har bir o'yin haqida o'ylaymiz, jamoa sifatida, yagona kollektiv bo'lib fikrlaymiz. Yaxshi va yomon damlar bo'ladi, bizning vazifamiz esa doimiy ravishda o'sishda davom etishdir.

Jon Stounz o'zining yangi raqami haqida fikr bildirdi:

"Mendan oldin ushbu raqamda to'p surgan afsonaviy o'yinchilardan keyin 6-raqamni kiyib yurganimdan faxrlanaman".

Radio KissKiss efirida Matias Olivera jurnalistlar bilan suhbatlashdi.

🔘 Muxbir: Mati, gapni qisqa qilaylik: mashg'ulotlar yig'inining ikkinchi bosqichi yakuniga yetib qoldi va sizda sinyor Allegri bilan yaqindan tanishish imkoniyati bo'ldi. Murabbiy bilan ilk uchrashuvingizni qisqacha tasvirlab bera olasizmi? U sizga qanday savollar beryapti? Konte va Allegri o'rtasida qanday farqlarni sezdingiz?

«U katta tajribaga ega ajoyib murabbiy va biz har kuni o'rganyapmiz. Rostini aytsam, men ikkinchi yig'in vaqtida keldim va hozirgacha u bizdan nima talab qilayotganini tushunishga harakat qilib, mashg'ulotlar o'tkazmoqdaman [kuladi]».

Sbor o'z nihoyasiga yetmoqda. Kastel-di-Sangroda «Napoli» — «Aris» uchrashuvi qoldi. Muxlislarga biror narsa demoqchimisiz?

Ular, albatta, Kastel-di-Sangrodagi har bir mashg'ulotga kelishmoqda va bu haqiqatan ham ajoyib! Biz yig'inni ushbu o'yin bilan yakunlayapmiz va barcha uni ko'ra olishiga umid qilamiz.

Mavsumdagi maqsadingiz haqida gapirib bera olasizmi? Shaxsiy va «Napoli»ning maqsadlari haqida?

Mening shaxsiy maqsadim har doim jamoaga yordam berishga harakat qilishdir. O'ylaymanki, agar jamoa yaxshi o'ynasa, bu shaxsan men uchun ham albatta yaxshi. Biz oxirigacha, har bir o'yinda kurashamiz, keyin esa nima bo'lishini ko'ramiz.

Netflix uchun intervyu bergan Xavyer Zanetti «Inter»ning tarixiy g'alabasi haqida so'zlab berdi:

Jozé kelishi bilan u boshqacha murabbiy ekanligini tushundim. Jozé biz uchun kalit shaxs edi, u biz Yevropada ham g'alaba qozona olishimizga ishontirdi. Biz ahil jamoa edik va hamma tayyor edi. Bu mening so'nggi imkoniyatim edi. Moratti kiyim almashtirish xonasiga kirganida, Jozé unga: «Prezident, agar beshta o'yinchi sotib olsak, Chempionlar ligasini yutamiz», degandi. Bu oson emasdi, lekin orzuimiz ushalishi uchun tinmay mehnat qildik.

«Chelsi»ga qarshi o'yinda u bizga xavotir olmaslikni, «Chelsi»ni yaxshi bilishini va agar ko'rsatmalariga amal qilsak, ularni yengishimizni aytdi. «Barselona»ga qarshi bahsda Eto'O men uchun qo'shimcha himoyachi vazifasini bajargandi. Jamoaviy ruh ustun keldi, biz bir-birimiz uchun kurashdik. Mourinyu mendan bor kuchini beradigan insonni topdi. U uchun biz oila edik, u esa biz uchun oila edi. «Bavariya»ga qarshi finaldan keyin u endi murabbiyimiz bo'lmasligini bilardik, hech kim bu haqda gapirishni istamasdi, lekin biz buni bilardik. Chempionlar ligasidagi g'alaba faoliyatimizdagi eng emotsional lahza bo'ldi.

😱 Joze Mourinyu: «Men «MYu» bilan shartnoma imzolagan edim, ammo «Chelsi»ni tanladim»

2013-yilda men «Chelsi»ni boshqardim, ammo o'sha vaqtda hech kim bilmagan bir voqea yuz bergandi. O'ylaymanki, endi bu haqda gapira olaman — bu haqiqat hech kimga zarar yetkazmaydi, biz ishlayotgan loyihaning asosiy maqsadi ham aynan halol bo'lishdan iborat.

Gap shundaki, Madridning «Real» klubidan ketganimda, ser Aleks Fergyusonning vorisi bo'lish uchun «MYu» bilan shartnoma imzolagan edim.

Albatta, men juda faxrlangan edim, chunki «MYu» ulkan jozibaga ega. Garchi Madridning «Real» klubini dunyodagi eng buyuk klub deb hisoblasam-da, tan olishim kerak: «MYu» bu cho'qqiga juda va juda yaqin kelgan.

Ammo futbolni shunchaki yaxshi ko'rish boshqa narsa, aniq bir klubni, ya'ni «Chelsi»ni yaxshi ko'rish esa butunlay boshqa narsa. Bu tuyg'u ancha kuchliroq. Aslida, «Real»dan ketganimdan so'ng, shunchaki meni yaxshi ko'rishlarini his qilishim hayotiy zarurat edi.

🎬 Aytgancha, bugun, 11-avgust kuni Netflix platformasida Joze Mourinyu haqidagi hujjatli film namoyishi boshlanadi.

Zlatan Ibragimovich Netflix uchun bergan intervyusida shunday dedi:

Men Chempionlar ligasida g'alaba qozonishni juda xohlardim va Italiyadagi besh yillik faoliyatimdan so'ng yangi chaqiriq izlayotgan edim. «Barselona» men bilan bog'langanda, o'zimga «la'nati bo'lsin!» dedim. Ammo «Barselona»ga ketishimdan oldin Joze menga shunday dedi: «Sen u yerga Chempionlar ligasi uchun ketyapsan, lekin eslab qol, biz uni shu yil yutmoqchimiz». Men esa unga: «Qanaqa ahmoqsan!» deb javob berdim.

Yarim finalda Pep bilan gaplashib turganimda, Mourinyu orqadan yaqinlashdi. U nima deganini aniq eshitmadim, lekin u «biz hatto o'n kishi bo'lib qolsak ham, bugun finalga chiqamiz» qabilida gapirdi. Va Joze haq bo'lib chiqdi.

Eshli Yang Antonio Kontening «Inter»dagi ish uslubi haqida esladi:

Eshli Yang: «Ba'zida mashg'ulot bazasiga ertalab soat 9 da kelardik. Nonushtadan so'ng, taxminan 10 larda, maydonga chiqib, 11 da mashg'ulotni boshlashimiz kerak edi. Shuning uchun barcha yigitlar tayyorgarlik ko'rishardi. Keyin soat 10:45 lar atrofida bo'lardik va o'zaro: «Yaxshi, chiqishga tayyormiz», derdik.

O'shanda asosiy jamoa murabbiylaridan biridan: «Mister tayyormi?», deb so'rardik, u esa: «Yo'q, hali tayyor emas», deb javob berardi. Keyin jamoa menejerini uning oldiga yuborardik. U qaytib kelib: «Xo'sh, murabbiy tushlikka soat 12 da borishi kerakligini aytdi. Xonalaringga borib dam olinglar — soat 14:00 da shug'ullanamiz», derdi. Barcha futbolchilar bir-biriga qarab: «Axir biz ertalab to'qqizdan beri shu yerdamiz-ku. Nega?», deb so'rashardi.

Bu uning bizni sinash usullaridan biri edi — kimdir uning eshigini taqillatib kirishini yoki kimdir munosabat bildirishini ko'rmoqchi bo'lardi. Jamoada uzoq vaqtdan beri bo'lgan, tajribali futbolchilar ko'p edi va ular o'z fikrlarini unga ochiq aytishni xohlashardi. Oxir-oqibat ular shunday qilishdi ham».

Joze Mourinyu Netflix uchun bergan intervyusida «Barselona» va «Inter»dagi faoliyati haqida gapirdi:

«Barselona»ni boshqarishni qanchalik xohlaganman? «Inter»ni qanchalik xohlagan bo'lsam, shunchalik. Men shunchaki top-klubda ishlashni maqsad qilgandim, xolos. «Inter»dagi faoliyatimning boshlanishi qiyin kechgan, chunki tarkib yoshi katta futbolchilardan iborat edi va ularning ko'pchiligi og'ir shartnomalarga ega edi. Ular maydonga tushishmasa ham, o'zlarini jamoa uchun muhim ekanliklarini his qilishlari uchun harakat qilardim. Figu, Zanetti, Kordoba, Materatssi — jamoa faxriylari ajoyib insonlar edi. Ularda o'zlari sevgan klub bilan birgalikda orzularini ro'yobga chiqarish istagi hamon saqlanib qolgandi. Ularga bu orzuni amalga oshirishda yordam berish men uchun sharaf edi: bu juda ajoyib guruh edi.

Bizda aniq bir ssenariy bor edi: uni men yozardim, lekin maydonda ular harakat qilishardi. Biz yechimlarni birgalikda topardik — hammasi mukammal edi. Chempionlar ligasimi? Yevropada boshqacha yondashuv kerak: yanada yuqoriroq darajaga ko'tarilish zarur — eng katta sinov ham aynan shu. Chempionlar ligasida g'alaba qozonish uchun barcha kerakli jihatlarga ega bo'lishing kerak, 2008/09 yilgi mavsumda esa bizda bu narsa yo'q edi».

Joze Mourinyo Netflix uchun bergan intervyusida Zlatan Ibragimovichning «Barselona»ga o'tishi haqida shunday dedi:

Ibragimovich «Barselona»da? Eng muhim o'yinchimizni yo'qotish og'ir zarba bo'lgan. Yordamchilarimdan biri yig'lab: «Uzsiz biz halok bo'lamiz», degandi. Bizga nima kerakligini bilardik: tezkor jamoa va kreativ o'yinchi. Massimo Moratti muzokaralarda aqlbovar qilmas ishni amalga oshirdi: Ibragimovichni shunchaki pulga sotish o'rniga, ham pul, ham Eto'Oni qo'lga kiritdi.

«Mag'lubiyat — bu g'alabali yo'lning boshlanishi xolos. «Manchester Yunayted»dan uchralgan mag'lubiyat o'sha yo'lning boshlanishi edi. «Inter»dagi ishim o'sha paytda hali yakuniga yetmagandi», — deya qo'shimcha qildi murabbiy.

Zlatan Ibragimovich Netflix uchun bergan intervyusida Joze Mourinyo bilan ishlagan davrlari haqida gapirib o'tdi:

«Inter»da Joze oldindan aytib bo'lmas darajada edi, har kuni nimadir sodir bo'lardi. U mening o'yin uslubimni o'zgartirdi, maydonda o'zimni yengilmas his qilardim, u meni istalgan raqibni yo'q qilishga qodir qotilga aylantirdi. O'sha yili men eng yaxshi to'purar bo'ldim, gollar urdim, ularning ba'zilarini takrorlab bo'lmasdi. Bu mening egom emas, bu faktlar. Men va Joze g'alaba qozonishni xohlardik va men bunga tayyor edim.

U mening kallamga har bir o'yinda eng yaxshisi ekanligimni isbotlash kerakligini quyib qo'ydi. «Atalanta» bilan 2:2 hisobida durang o'ynayotgan edik, ertasi kuni esa A Seriyaning eng yaxshi futbolchisi sovrinini olishim kerak edi. Ammo tanaffusda u menga shunday dedi: «Uni olayotganingda, o'zingdan uyalasan». Men dovdirab qoldim. «Sen onangga buni loyiq emasligingni, o'yiningga qarab bunga haqli emasligingni aytishing kerak». Ikkinchi bo'limda men aqlbovar qilmas ruh bilan maydonga qaytdim, o'yladim: «Endi bu ahmoqning fikrini o'zgartiraman». U mening o'yinga bo'lgan psixologik yondashuvimni o'zgartirdi, u bu borada eng zo'ri. Va buning uchun men uni hurmat qilaman.

Mavsumning ilk turida "Fiorentina"ga qarshi bahs oldidan Janluka Manchini Sky Sport nashriga intervyu berdi. U o'zining "Roma"ga bo'lgan sadoqati, yangi mavsumdan kutayotganlari hamda jamoaning yangi futbolchilari, xususan, Rodrigo More haqida fikrlarini bildirdi. 🎙

Jon Stounz o'zining yangi klubidagi faoliyati va his-tuyg'ulari haqida gapirdi:

Bu ajoyib libos, futbol tarixidagi eng chiroyli liboslardan biri. Bu klubning buyukligini har qadamda his qilib turibsan. Men ushbu chaqiriqdan juda ruhlanganman, o'zim uchun yangi bo'lgan o'yin uslubi bilan tanishmoqchiman. Men o'z qulaylik hududimdan chiqdim.

Kristiano Juntoli «Atalanta»ning transfer siyosati, Mauritsio Sarri va klub rejalari haqida gapirdi:

«Agar kengroq qaraydigan bo'lsak, «Atalanta»ning eng katta xaridi bu Mauritsio Sarri bo'ldi, biz uni juda muhim raqibdan tortib olishga muvaffaq bo'ldik.

Keyin biz Edersonni qolishga ko'ndirdik, Gaetanoni imzoladik, chunki bizga italyan futbolini yaxshi biladigan pleymeyker kerak edi. Shuningdek, klub uchun qilgan barcha ishlaridan keyin ketishni istagan Jimsitiga ham qarshilik qilmadik.

Biz bunga tayyor edik va darhol Kristensenni taklif qildik, u 10 yoshga yoshroq, chunki biz kelajak haqida o'ylayapmiz. Loyihalar vaqt va sabr talab qiladi, ularni g'ishtin-g'ishtin qurish kerak, ammo biz transfer oynasining so'nggi daqiqalarigacha diqqatli bo'lamiz».

⏳ Juntoli falsafani o'zgartirish vaqt va sabr talab qilishini ta'kidladi:

«Eng avvalo, biz o'z o'zligimizni topmoqchimiz. «Atalanta»ning kuchi har doim buyuk mavsumlarni g'ishtin-g'ishtin qurishda bo'lgan. «Atalanta» to'qqiz yil davomida Jan Pero Gasperini qo'l ostida bo'ldi, keyin uning shogirdi Ivan Yurichni va undan keyin Raffaele Palladinoni yollashga harakat qildi, ammo Sarri futbolga butunlay boshqacha yondashuvni, xususan, uch himoyachi sxemasidan voz kechishni taklif qilmoqda. Buni klub bilan muhokama qilganimda, ular meni to'liq qo'llab-quvvatlashdi. Vaqt va sabr kerak bo'ladi, ammo biz muvaffaqiyatga erisha olishimizga ishonchimiz komil. Biz nima xohlayotganimizni bilamiz va bunga erishamiz».

🤫 Noa Lang, Assane Diao va Sebastiano Espozito haqidagi savolga Juntoli potentsial transferlar bo'yicha izoh berishdan bosh tortdi:

«Shuni aytishim mumkinki: o'ylaymanki, Raspadori, Zalevski, shuningdek, Sulemana va ShDK hech kimdan qolishmaydi. Biz qo'limizdagi o'yinchilardan mamnunmiz, shuning uchun boshqalar haqida gapirishni istamayman. Biz o'z yo'limizda davom etamiz, bu yo'l murakkab va mashaqqatli bo'lishini bilamiz».

😎 Kolashinatsning ketishi ehtimoliga kelsak, Juntoli hozircha xavotirga o'rin ko'rmayapti:

«Hozircha bizdan hech kim hech narsa so'ramadi. O'yinchilar kundalik ishlariga e'tibor qaratishgan. Keyin nima bo'lishini ko'ramiz».

🚨 Mati, sen ba'zan Urugvay terma jamoasi safida markaziy himoyachi sifatida o'ynaysan. «Napoli»da ham shunday o'yinchiga ehtiyoj bor. Agar seni markaziy himoyada o'ynashga chaqirishsa, o'zingni qulay his qilasanmi? Bu sening odatiy pozitsiyangmi yoki moslashishing kerakmi?

«Albatta, ha! Agar jamoaga shu pozitsiyada o'ynashim kerak bo'lsa, o'ynayman. Agar kerak bo'lmasa, bu ham muammo emas. Lekin men yordam bera olaman.»

🚨 Menga Janubiy Amerika futboli juda yoqadi; Urugvay — haqiqatan ham o'zgacha mamlakat: kichik bo'lishiga qaramay, futbolga bo'lgan ishtiyoqi juda yuqori. Mati, sen har doim maydonda o'sha mashhur urugvaycha matonatni ko'rsata olasanmi?

«Albatta, bu bizning qonimizda bor. Lekin bu vaziyatga bog'liq: ba'zi o'yinlarda bu ko'rinmasligi mumkin, ammo men har doim avvalgidek futbolka uchun borimni berishga harakat qilaman. Bu yerda beshinchi mavsumimni boshlayapman. Vaqt juda tez o'tmoqda, lekin men har doim «Napoli» uchun bor kuchimni sarflashga intilganman, chunki menga bo'lgan munosabat uchun har doim minnatdorman. Muxlislar, shahar va albatta, klubdan minnatdorman.»

🚨 Bolaligida Urugvayda futbol o'ynagan kichkina Olivera kimga o'xshashni orzu qilgan? Kim sening kumiring edi?

«Mehnatsevarlik, kamtarlik va fidoyilik bugun shu yerda qolishimga hamda ikkita Skudetto va Superkubokni yutishimga sabab bo'ldi. Bu men bolaligimdan orzu qilgan narsalar edi. Futbolchi sifatida yutish va shu yerda qolish nasib etdi. Men har doim terma jamoamizdagi Martin Kaseresga qarab o'sganman. U har doim menga yoqadigan o'yinchi bo'lgan, lekin bizda u kabi o'yinchilar ko'p.»

🚨 Mati, A Seriya kabi murakkab va taktik jihatdan qiyin ligada senga o'xshagan himoyachiga qanday asosiy sifat kerak?

«Bugungi kunda futbolda yuqori darajada qolish uchun hamma narsaga ega bo'lish kerak deb o'ylayman. Sen har doim o'zingda yetishmayotgan jihatlar ustida ishlashing kerak, men buni har kuni qilishga harakat qilaman.»

🚨 «Napoli»dagi besh yilingni eslading: ikkita Skudetto, Superkubok, Spaletti, Konte va Allegri kabi uchta ajoyib murabbiy. Chempionlar ligasi yoki chempionatda sizga eng ko'p muammo tug'dirgan raqib bormi? Ayniqsa yoqtirmaydigan o'yinching bormi?

«Jamoalar juda ko'p... So'nggi yillarda A Seriyada bir nechta chempionlar bo'ldi va ko'plab jamoalar Skudetto uchun kurashmoqda. Lekin yaqin o'tmishda, ayniqsa o'tgan yili, bu albatta «Inter»: biz ularga qarshi yaxshi o'ynadik, lekin ular haqiqatan ham kuchli jamoa.»

🚨 O'yinchi sifatida seni asabiylashtiradigan va uchrashganda «bugun oson bo'lmaydi» deb o'ylaydigan raqibing bormi?

«Aniq bir ismni ayta olmayman, lekin juda ko'p ajoyib o'yinchilar bor.»

🚨 Mati, sen ajoyib gap aytding: sen ko'k libosda besh yildan beri o'ynayapsan, bu uzoq vaqt. «Napoli» bilan shartnoma imzolaganingda bunday uzoq va muvaffaqiyatli martabaga ega bo'lishingni kutmagan bo'lsang kerak?

«Ha, bu aqlbovar qilmas holat. Kelganimda jamoadoshlarim bilan birga erishgan yutuqlarimizni boshdan kechiraman deb o'ylamagan edim. Bu juda ajoyib, biz ko'p yaxshi ishlarni qildik va shu ruhda davom etishni istaymiz.»

🚨 Neapol haqida do'stlaringga nimalar deysan?

«Neapol menga juda ko'p narsani o'rgatdi. Bu shahar futbolga bo'lgan munosabati bilan butunlay boshqacha dunyo. Oilam va do'stlarim kelganda o'zlarini Urugvaydagidek his qilishadi, bundan juda xursandman. Bu yerda ekanligimdan baxtliman.»

🚨 Futbol bilan 24/7 yashaydigan shahardagi shov-shuvga qanday dosh berasiz?

«Bunga biroz o'rganib qoldim. Muxlislarni tushunish kerak. Biz buni tushunamiz va his qilamiz, chunki bolaligimizda biz ham narigi tomonda, tribunada bo'lganmiz.»

Marko Materassi:

Joze keldi va barchani hayratda qoldirdi, chunki u benuqson italyan tilida gapirardi. U muxlislarni birinchi intervyusidanoq o'ziga qanday rom etishni bilardi. Joze halol inson. Men yoshim o'tib qolganini, 35 yoki 36 yoshda ekanligimni bilardim. Ammo halol murabbiyga duch kelsangiz, hatto o'ynamasangiz ham, o'zingizni baxtli his qilasiz. Chempionlar ligasi — aql bovar qilmas yutuq, ko'pchiligimiz uchun bu oxirgi imkoniyat edi.

Samuel Eto'O:

Joze menga to'qqizinchi raqamli futbolka tushirilgan suratni yubordi, bu aql bovar qilmas, o'ziga xos ishora edi. Ko'p o'tmay menga Massimo Moratti qo'ng'iroq qildi. «Chelsi»ga qarshi o'yin oldidan kiyim almashtirish xonasida Joze ajoyib nutq so'zladi. Biz bir-birimizga uning «Stemford Brij»ni boshi egilgan holda tark etishiga yo'l qo'ya olmasligimizni aytdik. O'sha o'yinda men gol urdim. Tyago Motta «Barselona»ga qarshi o'yinda maydondan chetlatilganda, Mourinyo mening ismimni qichqirganini eshitdim, so'ngra mendan o'zimni qurbon qilib, chap qanotda o'ynashimni so'radi. Men ushbu guruh va Mourinyo bilan «Inter» tarixida go'zal sahifa yozishimizga ishongan edim.

Eshli Yang «Inter»dagi faoliyati va Antonio Konte qo'l ostidagi mashg'ulotlar haqida gapirib berdi:

«Men «Inter»ga kelganimda, g'alati tuyulsa-da, barchada Kontening noodatiy va hayratlanarli mashg'ulotlari haqida hikoyalar bor edi. Biz juda ko'p yugurardik va seshanba, payshanba yoki yakshanba kunlari seni qayerga olib borishi noma'lum bo'lgan aqldan ozdiradigan yugurishlar kutayotganini bilarding. Men uchun bu telbalik edi, lekin aynan shu narsa menga 40 yoshgacha o'ynashim uchun kerakli chidamlilikni berdi deb o'ylayman. Yurak-qon tomir tizimi uchun yuklamalar haqiqatan ham juda katta edi, ular seni aqlbovar qilmas darajada ishlashga majbur qilardi. Italiyada o'yinlar katta energiya talab qiladi».

«Konte shunday derdi: «Qaranglar, 60-daqiqada nimalar bo'lyapti». Ko'plab jamoalar «San-Siro»ga kelib, 60-daqiqaga kelib taslim bo'lishardi, biz esa aksincha, kuchayardik. Hech bir jamoa biz bilan sur'at va jismoniy tayyorgarlik borasida raqobatlasha olmasdi. Bu bizni ruhiy jihatdan sinashning bir usuli edi. Bizning yugurish mashg'ulotlarimiz g'ayritabiiy edi. Futbolchilar uchun g'ayritabiiy. Men ilgari hech qachon bunchalik ko'p yugurmaganman».

Eshli Yang «Inter» va «Atalanta» o'rtasidagi o'yin xotiralari bilan o'rtoqlashdi:

«Bir safar biz «Atalanta» maydonida mehmon bo'lganmiz. O'sha o'yinda gol urganimizni eslayman, ikkinchi bo'limda esa ulardan ancha kuchliroq ko'ringandik. O'yindan so'ng ularning ayrim futbolchilari bilan gaplashganimda, ular: «Sizlarning jismoniy tayyorgarlik darajangiz umuman boshqacha», deyishgandi. «Atalanta» ustozi Gasperini esa o'z shogirdlari biznikidan ko'ra jismonan yaxshiroq tayyorlangan deb hisoblardi. Keyin, o'yindan so'ng u Konte oldiga kelib: «Mashg'ulotlarda nima qilayotganingizni bilmayman, lekin sizlar jismonan ancha ustunsizlar», degan. Vaholanki, «Atalanta» aynan yuqori jismoniy tayyorgarligi bilan nom qozongan edi».

Eshli Yang sobiq murabbiyi va jamoasidagi muhit haqida gapirib berdi:

Aynan o'sha o'yinchilarni keyinchalik jamoadan ketkazishdi. Ular u yerda uzoq qolishmadi. Vaqt o'tishi bilan bunday narsalarga o'rganib qolasan. Ko'p jihatdan aynan shu narsa o'yinchilar o'rtasida birlikni yuzaga keltirdi, jamoa ahil edi. Jamoaviy ruh bo'yicha bu men bo'lgan eng yaxshi kiyinish xonalaridan biri edi.

Murabbiyning barchasini boshqarish uslubi tufayli o'yinchilar yagona jamoa bo'lib qolishdi. Uning har doim o'z rejasi bo'lgan va u hech qachon undan voz kechmagan. G'alaba qozonayotgan paytingda, bunday yondashuvni shubha ostiga olishning iloji yo'q.

Uning nega bir jamoada bir-ikki yildan ortiq qolmasligining sababi bor. Oxir-oqibat tushunib yetasan-ki, ehtimol, buning sababi aynan shunda.

Joze Mourinyo Netflix uchun bergan intervyusida «Barselona»ga qarshi o'yinlar va o'sha davrdagi bosim haqida gapirdi:

«Barselona» ayyor jamoa edi, qolaversa, ularda Messi bor edi: u xuddi suv ichgandek osonlik bilan gol urardi. O'sha vaqtda safarda urilgan gollar ikki barobar qimmatga ega edi, shuning uchun javob o'yinida ular uchun ikkita gol urishning o'zi yetarli edi. Aynan shu bois ular atrofimda dushmanona muhit yaratishdi. Bosim chidab bo'lmas darajada edi. Agar teng tarkibda o'ynash qiyin bo'lgan bo'lsa, biz o'n kishi bo'lib qolganimizdan so'ng, hamma bizni mag'lub bo'lgan deb hisoblagandi.

Men Gvardiolaga shunday degandim: «Bunday yo'l bilan g'alaba qozonish oson, lekin bugun siz yuta olmaysiz».

Agar faoliyatimdagi eng hissiyotli tanaffusni tanlashim kerak bo'lsa, aynan o'shani tanlagan bo'lardim. Men oilalarimiz, farzandlarimiz, muxlislarimiz, tariximiz va afsonaga aylanish haqida gapirganman — bu to'g'ridan-to'g'ri yurakdan chiqqan nutq edi. Yigitlarning maydonga ko'zlarida yosh bilan qaytishganini ko'rdim: ularning har biri borini berdi. Gap endi futbol o'ynash haqida emas, balki qamalga bardosh berish haqida ketayotgandi. O'sha bosqichdan o'tish xuddi finalda g'alaba qozonishdek gap edi. Bu men uchun eng go'zal mag'lubiyat bo'lgan.

Joze Mourinyu Netflix uchun bergan intervyusida «Inter»dagi faoliyati va klubdan ketish jarayoni haqida gapirib berdi:

«O'sha «Inter» aqlbovar qilmas darajada edi, yigitlar juda o'zgacha edi. Men hech qachon o'sha jamoa bilan ishlaganimdek zavq olmaganman. Ammo o'yindan keyin juda og'ir bo'ldi: men allaqachon ketishimni bilar edim.

Meni klubda, muxlislar va futbolchilar yaxshi ko'rishardi — bundan yaxshiroq joy bo'lishi mumkin emasdi. Lekin men turli mamlakatlarda g'alaba qozonishni va keyin ketishni xohlardim. Men «Real Madrid»ga o'tishni istaganman. Final oldidan kechqurun «Real» men bilan shartnoma imzolashni xohladi: ular g'alabadan keyin fikrimdan qaytishim mumkin deb o'ylashgan. Ammo hurmat yuzasidan rad javobini berdim.

Trebl men uchun hamma narsani anglatardi, lekin xayolimda bitta narsa bor edi — finalni yutish va ketish. Agar men futbolchilar bilan birga samolyotga o'tirib, muxlislar bilan birga stadionga bayram qilishga borganimda, qolib ketgan bo'lardim. Shuning uchun qochib ketishimga to'g'ri keldi.

Men Madridda qolishga qaror qildim va Milanga qaytmadim — buni shunchaki qila olmasdim. Men o'sha his-tuyg'ulardan qochdim: ishim yakuniga yetgan edi».