Real Madrid — yangiliklari ↔ Bog'langan

"Real Madrid" ustozi Joze Mourinyoning "El Chiringuito" nashriga bergan intervyusining ikkinchi qismi:

"Lamin Yamalni "Real Madrid"ga olib kelarmidim? Yo'q. U ajoyib futbolchi, lekin bizda allaqachon top-darajadagi tarkib bor. Xans-Diter Flik qo'l ostidagi "Barselona" menga yoqadi, ammo mening futbolchilarim eng yaxshisi".

"Arda Gulerga muxlisman. O'ylashimcha, u Luka Modrich bosib o'tgan yo'ldan boradi: faoliyatining boshida "o'nlik" pozitsiyasida o'ynagan bo'lsa, keyinchalik markaziy yarim himoyachi, oxirida esa tayanch yarim himoyachisiga aylanadi".

"Rahbariyatdan Yan Diomandeni sotib olishni so'raganmidim? Yo'q. Garchi uni transfer qilishni talab qilmagan bo'lsam-da, uni jamoamda ko'rishni istaganman. U hujumning har ikki qanotida ham o'ynay oladigan ajoyib futbolchi".

"Benfika"da uzoqroq qolish imkoniyatini ko'rib chiqqandim. Biroq "Real Madrid" men bilan bog'langach, kelajagim borasida qaror qabul qilish juda oson kechdi. "Madrid"ga qaytish men uchun juda katta ahamiyatga ega. Shu bilan birga, birinchi tashrifimdan farqli o'laroq, bu safar "Real Madrid"ni hech qanday sovrin yutmagan holda qabul qilib oldim. Yangi sovrin yutgan murabbiyni tayinlash osonroq. Klubga qaytganimning sababi shuki, rahbarlar meni allaqachon yaxshi bilishadi".

"Bernardu Silva "Madrid"ga maydonda borini beradi. U o'yinni o'zgartira oladi. Uning "Real Madrid" safida to'p surishidan barchamiz juda xursandmiz".

📻 Radio Marca jurnalisti Valentin Mourinyu haqida o'z fikrlari bilan o'rtoqlashdi:

Mourinyu menda juda yoqimli taassurot qoldiradi. U doim men uchun buyuk murabbiy bo'lib tuyulgan. Bu hatto Joze uchun unchalik muvaffaqiyatli bo'lmagan davrlarga ham tegishli, o'shanda OAV uni haddan tashqari ko'p «hujum» qilgandi.

Bugungi Mourinyu boshqacha — u «Madrid»dagi birinchi davriga qaraganda ancha vazminroq. U hali ham futbolchilarni ruhan tayyorlay olishiga ishonaman. Shu bilan birga, o'zi ba'zan keltirib chiqargan «yong'inlarni» o'chirish uchun u ancha sezgirroq bo'lib qoldi, deb o'ylayman.

Bundan tashqari, Mourinyu «Madrid»ga boshqa murabbiylardan ko'ra ko'proq sodiq ekanini ko'ryapman. Eng muhimi, u Peresning hurmatiga sazovor, bu esa Alonso'da yetishmayotgan jihat edi. Shu sababli, Mourinyu qiyin qarorlar qabul qila boshlaganida yuzaga kelishi mumkin bo'lgan jamoaviy kelishmovchiliklarni bartaraf etib, kiyinish xonasini boshqara oladi.

Marca xabariga ko'ra, Joze har doim mashg'ulotga birinchi bo'lib keladi va futbolchilarning punktualligi, ularning mashg'ulotlardagi diqqati hamda energiya darajasini qat'iy nazorat qiladi.

U hech narsani o'z holiga tashlab qo'ymaydi.

⚽️ Marca xabariga ko'ra, «Real» ushbu transfer oynasida boshqa bitimlarni amalga oshirishni rejalashtirmayapti.

Yangi xaridlar bo'lmaydi, faqat favqulodda holatlar — to'satdan ketish yoki jiddiy jarohatlar bundan mustasno.

Ayni damda Diomande Golden Boy sovrini uchun da'vogarlar reytingida 3-o'rinni egallab turibdi. Endrik esa ushbu ro'yxatning 8-pog'onasidan joy olgan.

Shu bilan birga, yakuniy ovoz berish jarayoni keyinroq bo'lib o'tadi va Golden Boy g'olibi noyabr oyida ma'lum bo'ladi.

🐐 Rasman: Luka Modrichning qizi Ema «Real Madrid» ayollar akademiyasiga qo'shildi.

U avvalroq «Milan» safida to'p surgan va aprel oyida «Inter»ni mag'lub etib, U-13 turniri g'olibi bo'lgan.

Italiyaga ko'chib o'tishidan avval Ema Ispaniyada «Madrid CFF» va «Madrid CFF 2010» jamoalarida o'ynab, 23 ta gol urishga muvaffaq bo'lgan.

📰 Marca xabariga ko'ra, Mourinyo "Real Madrid" mashg'ulotlariga har doim birinchi bo'lib yetib keladi. Murabbiy futbolchilarning punktualligi, diqqati va motivatsiyasini diqqat bilan kuzatib boradi.

Mourinyo har bir detalga juda katta ahamiyat beradi. Portugaliyalik mutaxassis kim mashg'ulot bazasiga erta kelayotgani va kim kechikayotganini, kim mashg'ulotlarda jamlangan holda ishlayotgani, kimda esa charchoq alomatlari yoki jarayonga befarqlik borligini ko'rishni istaydi.

Mourinyo o'tgan mavsumda jamoa duch kelgan kiyinish xonasidagi muammolardan qochmoqchi. Shu bois u futbolchilarda yillar davomida shakllangan va ketma-ket ikki mavsum sovrinsiz qolishga olib kelgan zararli odatlarni yo'qotish niyatida.

🎙 Joze Mourino bilan intervyu:

❓ Yuzingizga nima bo'ldi?

Yosh futbolchi mashg'ulot vaqtida tasodifan to'p bilan urib oldi, o'sha paytda ko'zoynak taqqan edim. Ammo bu uni keyingi o'yinga chaqirmaslik uchun sabab bo'la olmaydi.

❓ Jamoa bilan ishlash haqida:

Hozircha qattiqqo'l va talabchan tomonimni ko'rsatishga hojat qolmayapti — futbolchilar bunga asos bermayapti. Ularning xulq-atvori a'lo darajada. Men ulardan mashg'ulotdan bir soat oldin kelishni, mutaxassislar nazorati ostida to'g'ri ovqatlanishni va jarohatlarning oldini olish uchun har kuni zalda ishlashni so'radim. Bular zamonaviy futbolning oddiy talablari. Men haqiqatan ham "Real Madrid"da ishlashdan zavq olyapman. Valdebebasga kelgan ilk kunimdan hammaga aytdim: biz bu yerga klub manfaati yo'lida ishlash uchun kelganmiz. Hozir men chin dildan xursandman.

❓ Haqiqatan ham mashg'ulot bazasida yotasizmi?

Ha. Farzandlarim ulg'ayib qolishgan va Londonda yashashadi. Oila Madridda bo'lmaganida, deyarli butun vaqtimni bazada o'tkazaman. Bu yerda menga qulay, tinch va shinam.

❓ Qanday o'zgardingiz?

Juda ko'p. Ham inson, ham murabbiy sifatida. Yetukroq bo'ldim, kamroq hissiyotga beriladigan bo'ldim va o'zimni yaxshiroq nazorat qilishni o'rgandim.

👑 Karles Puyol Joze Mourinyo haqida:

Biz buyuk murabbiy haqida gapiryapmiz. Men u bilan hali «Barselona»da bo‘lgan paytimda tanishganman va o‘sha vaqtdayoq uning futboldan qanchalik chuqur xabardor ekanini ko‘rgandim.

Keyinchalik Mourinyo aqlbovar qilmas murabbiylik faoliyatini qurdirdi. U «Real Madrid»ni boshqarganida, o‘rtamizda juda jiddiy raqobat bo‘lgan.

The Athletic xabariga ko'ra, «Real Madrid» so'nggi daqiqalarda Rodrini «Barselona»ni tanlamaslikka ishontirishga uringan.

Madridliklar futbolchi bilan bog'lanib, o'z qarorida qat'iymi yoki yo'qligini bilishga harakat qilishgan, ammo kech bo'lgandi — Rodri faqat «Barselona»ga o'tishni istagan.

📰 Marca xabariga ko'ra, "Real" yozgi transferlar oynasini 95 foizga yakunladi deb hisoblamoqda. Madridliklar rahbariyati va murabbiylar shtabi yozgi transferlar bozoridagi ishlardan juda mamnun.

Martin Subimendining transferi borasida esa "Real" futbolchiga qiziqish bildirayotgani haqidagi xabarlarni rad etdi.

Fernandes Santos xabariga ko'ra, Portugaliyaning "Portu" klubi "Real Madrid" himoyachisi David Ximenesning transferi shartlarini o'rganib chiqdi.

Shuningdek, futbolchiga "Almeriya", "Real Ovyedo" va "Kadis" klublari ham qiziqish bildirmoqda.

«Roma» klubi rasmiy sayti orqali Rodrigo Mora transferi amalga oshganini e'lon qildi.

«Roma» Rodrigo Moraning «Portu»dan o'tganini mamnuniyat bilan e'lon qiladi. Kelishuv futbolchini to'liq sotib olish sharti bilan yakunlandi. 2007-yilda tug'ilgan hujumkor yarim himoyachi «ajdarlar» safida 80 ta o'yin o'tkazib, 16 ta gol urgan. «Jallorossi» safidagi yangi sarguzashtlari uchun Mora 86-raqamli libosni tanladi. Rimga xush kelibsan, Rodrigo!

📰 Marca xabariga ko'ra, "Real Madrid"da Mourinyuning qaytishi va tarkibdagi o'zgarishlar sabab yangi mavsum oldidan optimistik kayfiyat hukm surmoqda. "Qirollik klubi" vakillari so'nggi ikki muvaffaqiyatsiz mavsumdan so'ng yuqori motivatsiyaga ega.

Bundan tashqari, klubdagi ba'zi vakillar hozirgi tarkib Peres davridagi eng kuchli tarkiblardan qolishmasligini, ham o'yinchilarning mahorati, ham zaxira o'rindig'ining chuqurligi bo'yicha yuqori saviyada ekanligini ta'kidlashmoqda.

📺 Pedrerol (El Chiringuito boshlovchisi): "Mourinyuning qaytishi – "Real"ning yozdagi eng yaxshi transferi"

Joze Mourinyu:

Men Rodri bilan bir necha bor gaplashdim. «Real Madrid» bu o'yinchiga juda jiddiy taklif bilan chiqdi. Lekin unda ikkilanishlar bor edi. Uning ikkilanishlari menda ham shubha uyg'otdi. Rodri bizga nisbatan juda hurmat bilan munosabatda bo'ldi, shuning uchun unga omad tilayman. Lekin unchalik ham katta omad emas.

📰 Jurnalist B. Fernandes xabariga ko'ra, «Portu» «Kastilya» himoyachisi Davi Ximenesga qiziqish bildirmoqda. Portugaliyaliklar 22 yoshli futbolchini o'z safiga qo'shib olish imkoniyatlarini o'rganib chiqishgan.

Segundada ishtirok etayotgan «Almeriya», «Oviedo» va «Kadis» klublari ham Ximenesga befarq emas. Shuningdek, La Liganing ikki klubi ham ispaniyalik futbolchiga qiziqmoqda, biroq transferni amalga oshirish uchun ular avval o'z tarkibidagi futbolchilarni sotishlari kerak.

Tarkibingizdagi futbolchilar sizni qoniqtiradimi? Rodri yetishmayaptimi?

Joze Mourino: "Yo'q, menga Rodri yetishmayapti deb o'ylamayman. Bizda yechimlar bor, sifatli futbolchilarimiz bor. Balki siz ularga qarab, avvalgi o'yinlariga qarab baho berayotgandirsiz, lekin men futbolchilarni rivojlantirish qobiliyatiga egaman deb o'ylashni yoqtiraman. Bugun boshqacha bo'lgan futbolchi, ertaga yanada mukammalroq bo'lishi mumkin. Bizda ajoyib, to'liq shakllangan tarkib bor".

"Barselona" Rodrini "Real"dan tortib oldi deb hisoblaysizmi?

Joze Mourino: "Yo'q, bunday deb o'ylamayman. Bilmadim, lekin yo'q".

Rodri bilan gaplashdingizmi?

Joze Mourino: "Ha, ha, bir necha marta gaplashganman. "Real Madrid" unga juda yaxshi taklif bergandi. Menimcha, "Real" va "Manchester Siti" o'rtasidagi munosabatlar juda yaxshi. "Siti" bilan muzokara olib bormagan holda, klub Rodri bilan bog'landi va jiddiy taklif qildi. Rodri ikkilandi. Uning shubhalari menda ham shubha uyg'otdi. U ajoyib futbolchi va biz bilan juda hurmat bilan munosabatda bo'ldi. U haqida yomon gapira olmayman, lekin "Real" shunday darajadagi klubki, u yerda ikki marta o'ylaydigan futbolchilar bo'lmasligi kerak. Ularga murojaat qilsangiz, futbolchi: "Qachon kelishim kerak?" deb so'rashi kerak. Gap shunda, lekin u juda xushmuomala bo'ldi va men unga omad tilayman – albatta, juda ko'p emas, lekin omad tilayman".

Bu transfer "Barselona"ning "Real" ustidan qozongan g'alabasi sifatida talqin qilinmoqda.

Joze Mourino: "G'alabalar maydonda qo'lga kiritiladi. G'alabalar – bu ochkolar, bu sovrinlar. G'alabalar shulardan iborat".

Joze Mourinyo "El Chiringuito" nashriga bergan intervyusida "Real"dagi faoliyati, tarkib va transferlar haqida gapirdi.

"Qanday o'zgarganman? Men ancha vazminroq va xotirjamroq murabbiyga aylandim. Har doim xatolarimdan saboq olaman, lekin afsuslanmayman. Oxir-oqibat genlar g'alaba qozonadi deb hisoblayman".

"O'yinchilardan nima talab qilaman? Sog'lom fikr: mashg'ulot boshlanishidan 5 daqiqa emas, bir soat oldin bazaga kelish, to'g'ri nonushta qilish, sport zalda shug'ullanish... Hozircha o'zimning tajovuzkor yetakchi sifatidagi qirralarimni namoyon etishga hojat qolmayapti, chunki "Real" futbolchilari o'zlarining benuqson xatti-harakatlari bilan meni himoya qilishmoqda".

"Men "Real"ga klub uyg'otgan muhabbat, zimmamga yuklangan mas'uliyat va hali hech narsa yutmagan bolaning his-tuyg'ulari bilan qaytdim".

"Ko'zim ostidagi ko'karish? Men hech kim bilan mushtlashganim yo'q. Bu to'p tegishi natijasida yuz berdi. Mashg'ulot vaqtida ko'zoynakda edim va Lakosta to'p bilan urib oldi. Ammo bu Lakostani "Shalke"ga qarshi o'yin qaydnomasiga kiritmaslik uchun sabab bo'lmadi (kuladi)".

"Men haqiqatan ham "Real" bazasida tunayman. Birinchi kelganimda xotinim va yosh bolalarim bilan yashardim. Hozir ular Londonda. Ular Madridda bo'lganida juda xursandman, lekin bo'lmaganlarida Valdebebasda tunayman. Mashg'ulot bazamizda o'zimni juda qulay his qilaman".

"Mbappe – fenomenal futbolchi. Mashg'ulotlardagi o'yini bilan meni kuldiradi. U stratosfera darajasida harakat qilmoqda. Mbappe ta'tildan 14-avgustda qaytishi kerak edi, lekin 12-avgustdayoq yetib keldi. Kilian "Shalke"ga qarshi o'ynashni xohladi. U juda tirishqoq".

"Bellingem ajoyib JCH-2026 o'tkazdi, biroq Mbappe tarixga kirdi. Biz to'g'ri yo'ldamiz. Bo'lajak mavsum oldidan aynan futbolchilar motivatsiyaga ega".

"O'tgan mavsumdagi Mbappening o'yini haqida hukm chiqarish mening vazifam emas. Yakunda Alonso va Arbeloa buning uchun javob berishdi. Men har doim g'alaba yoki mag'lubiyat ko'plab omillarga bog'liqligini aytaman. Aybni yoki maqtovni faqat alohida shaxslarga yuklashni qabul qilmayman".

"Qo'shimcha transferlar kerakmi? Yo'q. "Real"ning hozirgi tarkibi menga yoqadi. Yechimlar, sifat va futbolchilarimiz bor. 2026-yilgi transfer oynasi men uchun yopiq. Tarkib to'liq shakllantirilgan. Rodri bo'lmasa ham".

"Rodri bilan bir necha bor gaplashdim. "Real" unga juda foydali taklif berdi. Ammo Rodri ikkilandi, bu esa meni ham ikkilantirdi. Rodri – favqulodda futbolchi, lekin "Real" – boshqa daraja. "Real" klubga o'tishdan oldin ikki marta o'ylaydigan futbolchilarga ega bo'la olmaydi. "Real"dan qo'ng'iroq bo'lsa, "Qachon kelay?" deb javob berish kerak".

"Madrid muxlislarining Vinisiusga hushtakbozlik qilishi? Buni nima keragi bor?! U dunyoning eng yaxshi futbolchilaridan biri. Vinisiusning o'yinini kuzatish – bu imtiyoz. Uni hushtakbozlik bilan kutib oluvchilar futbolchini hurmat qilishmaydi. Vinisius "Real"ni yaxshi ko'radi. U bilan kelajagi haqida gaplashganda shunday dedim: "Vini, qayerga ketmoqchisan? "Real"dan ketganingdan keyin bu klub nimani anglatishini tushunib yetasan. Ketma. Bunga arzimaydi".

"Negreyra ishi"? Men buni hali birinchi marta Madridda bo'lganimdayoq sezgandim".

Joze Mourino rasman «Real Madrid» jamoasining yangi bosh murabbiyi sifatida tanishtirildi.

📻 Cope xabariga ko'ra, Joze Mourinyoning ko'zi ostidagi ko'karish «Shalke»ga qarshi o'yin vaqtida sezilib qolgan. Bu jarohat «Real Madrid»ning yaqinda o'tkazilgan mashg'ulotlaridan birida to'p yuziga tegishi oqibatida yuzaga kelgan.

AS xabariga ko'ra, "Man Siti" Rodri transferidan 80 million yevro ishlab oladi, ispaniyalik futbolchining o'zi esa to'rt yil davomida yiliga qariyb 34 million yevro maosh oladi. 🚨

Yakunda komissiya to'lovlari va bonuslarni hisobga olgan holda, "Barselona" Rodri uchun 210 million yevrodan ortiq mablag' sarflashi mumkin.

🚨 «Real Madrid» tarkibiga yangi futbolchi qo'shib olishi uchun avvalo amaldagi o'yinchilardan birini sotishi talab etiladi.

Kataloniya OAV xabariga ko'ra, «Chelsi» «Real Madrid» bilan Karreras transferi bo'yicha muzokaralarni boshladi. Londonliklar 23 yoshli himoyachi uchun 25 million yevro taklif qilishgan.

Biroq, «qaymoqranglilar» o'z tarbiyalanuvchisi bilan faqat 50 million yevro evaziga xayrlashishga tayyor.

Bernardu Silva «Real Madrid» matbuot xizmatiga bergan intervyusida klubga o'tgani hamda o'z his-tuyg'ulari haqida gapirib o'tdi.

Men juda baxtliman. «Madrid» muzeyiga kirib, o'sha xonani va sovrinlarni ko'rganingizda... «Real Madrid» qanchalik buyuk ekanini bilsam-da, 15 ta Chempionlar ligasi sovrini hamon meni hayratda qoldiradi.

Klub muzeyida shuncha ko'p Chempionlar ligasi kuboklariga ega bo'lish — bu juda o'zgacha narsa! 15 karra Chempionlar ligasi g'olibi bo'lgan klubda to'p surish hammaga ham nasib qilavermaydi. «Madrid»ga o'tganimdan juda faxrlanaman. Ushbu klub uchun maydonda bor kuchimni beraman.

Bolaligimdan «Real Madrid»dek buyuk klubda o'ynashni orzu qilganman. Shu bois ham juda baxtliman.

«Madrid»da ekanimdan juda xursandman. Tez orada «Santyago Bernabeu»da debyut o'yinimni o'tkazaman va «Madrid» muxlislari bilan uchrashaman.

Endi ishlash vaqti keldi, zotan «Real Madrid» aynan sovrinlari bilan mashhur.

"Real" sobiq futbolchisi Benito Mbappe va Vinisiusning o'yin uslubi haqida o'z fikrlarini bildirib o'tdi:

Agar Mbappe va Vinisius mudofaadagi vazifalarini bajarmasa, ularni himoya qilishga Bernardu majbur bo'ladi. U esa sheriklari uchun doimiy ravishda yugurib, ertami-kechmi charchab qoladi.

Natijada esa matbuotda "Bernarduning "Real"ga mos kelmasligi" haqida yozishni boshlashadi.

🎙 Bernardu Silva:

«Real Madrid»ning 15 ta Chempionlar ligasi kubogini ko'rish har doim hayratlanarli bo'lgan, ammo ularni ushbu klub o'yinchisi sifatida ko'rish – butunlay o'zgacha tuyg'u.

«Real Madrid» kabi klubda o'ynash hammaga ham nasib etavermaydi.

Men bu yerda ekanligimdan juda xursandman. Tez orada «Santyago Bernabeu»da o'ynayman va muxlislar bilan uchrashaman. Endi bizning vazifamiz – ushbu klubda doim qabul qilinganidek, g'alaba qozonishda va sovrinlarni qo'lga kiritishda davom etish.

🗣️ Joze Mourinyo Kilian Mbappe haqida:

Mbappe 14-avgust kuni qaytishi kerak edi, ammo u "Shalke 04"ga qarshi o'yinga tayyorgarlik ko'rish uchun 12-avgustdayoq yetib keldi. U astoydil shug'ullanmoqda, mashg'ulotlarda katta fidoyilik va ishtiyoq bilan ishlamoqda.

❌ "Real Madrid" ommaviy axborot vositalari uchun cheklovlarni kuchaytirishda davom etmoqda. Avvalroq klub Movistar va DAZN telekanallariga "Santyago Bernabeu" stadionida o'yin oldidan dasturlar o'tkazishni taqiqlagan edi, endilikda esa jurnalistlar yangi futbolchilarning taqdimot marosimlarida ham ishtirok eta olmaydilar.

Shu bilan birga, muxlislar marosimlarni "Real Madrid"ning rasmiy kanali orqali bepul kuzatib borishlari mumkin.

Real Madrid klubi rasman Bernardo Silvani jamoaning yangi futbolchisi sifatida tanishtirdi.

📰 AS jurnalisti R. Martin xabariga ko'ra:

Bugun Endrik yana individual tarzda shug'ullandi.

Katta ehtimol bilan, hujumchi «Espanol»ga qarshi o'yinni o'tkazib yuboradi.

Luka Modrich:

Men "Madrid"da o'ynaganman. "Madrid" — dunyoning eng buyuk klubi, lekin men "Milan" ham ayni shu darajada deb hisoblayman. Bu yerga kelganingizda, buni o'zingiz tushunib yetasiz.

📰 AS xabariga ko'ra, Karreras "Real Madrid"da asosiy tarkibdan joy olish uchun qattiq kurash olib boradi.

Mourinyu 23 yoshli kanteranoga "qaymoqranglilar"ning asosiy chap qanot himoyachisi bo'lish uchun Kukurelyaga qarshi adolatli raqobat va'da qildi.

«Roma»dan ketganiga ikki yildan oshgan bo'lsa-da, Joze Mourino va «jallorossi» o'rtasidagi bog'liqlik saqlanib qolmoqda. Il Corriere dello Sport xabariga ko'ra, kecha «Real» bosh murabbiyi sifatidagi taqdimoti chog'ida portugaliyalik mutaxassis «Roma» muxlislari haqida iliq fikrlarni bildirib o'tdi.

Xususan, u «Roma»ning yangi xaridi, vatandoshi Rodrigo Mora haqida quyidagilarni aytdi:

Rodrigo Mora — Portugaliya futbolining eng buyuk iqtidorlaridan biri. U texnik jihatdan juda kuchli, o'yin taqdirini o'zgartira oladigan kreativ futbolchi. O'ylaymanki, «Roma» muxlislariga u juda yoqadi, men esa bu muxlislarni hech qachon unutmayman.

📻 M. Ruis (Cope jurnalisti):

"Vaqt o'tishi bilan "Madrid"ning yangi futbolchilarni o'ta yopiq tarzda tanishtirishi sababi tushunarli bo'ladi. Shubhasiz, klubning bunday tadbirlarni aynan shunday tashkil etish uchun o'z sababi bor"

📻 A. Romero (Cadena SER jurnalisti):

Rodrini qo'lga kirita olmaslik — Peres davridagi "Madrid"ning eng katta xatolaridan biri. Rodri uchun ustuvor variant aynan "Real Madrid"ga o'tish edi.

📻 Talavera (Cadena SER tahlilchisi):

Rodrining transfer qilinmagani "Madrid" uchun tizimli xato, chunki u jamoani kuchaytirishi aniq edi. "Madrid"ga Rodri shunchalik kerak ediki, muxlislar klub Bernardo va Kukurelyani imzolaganiga ham e'tibor berishmayapti...

📻 Valentin (Radio Marca jurnalisti):

"Madrid"da Rodrini sotib olish bo'yicha qaror qabul qilish cho'zilib ketdi, chunki uning kerakligiga shubhalar bor edi. Klub uni qo'lga kiritishni 100 foiz istayotganini ko'rsata olmadi. Keyin esa "Barselona" paydo bo'ldi va futbolchi ularning foydasiga tanlov qildi.

📰 AS gazetasi direktori o'rinbosari Ronsero:

Men ham minglab madridlik muxlislar kabi Rodrining transferidan juda xursand bo'lardim. Ammo kelishuv barbod bo'lganidan keyingi dastlabki xafagarchilikdan so'ng, men vaziyatni tahlil qildim va uni kengroq nuqtai nazardan baholadim.

Rodri o'zining ustuvor maqsadi "Barselona" ekanligini aytgan bo'lsa-da, dastlab u "Real" bilan yiliga 15 million yevro maosh evaziga 4 yillik shartnoma shartlarini kelishib olgandi.

Ammo ma'lum bo'lishicha, keyinchalik Rodri Gvardiola, Laporta, Flik va Deku bilan ham suhbatlashgan... Va yakunda u futbol jannati bo'lmish "Real"dan voz kechishga qaror qildi. Qolaversa, buni men aytmayapman. Rodrining o'zi avvalroq "Real Madrid"ni tarixdagi eng yaxshi klub deb atagan.

Shu bois, Rodrining o'zi eng yaxshi deb bilgan jamoadan voz kechishi meni xavotirga solmaydi. U bosim kamroq bo'lgan va Chempionlar ligasidagi ko'plab muvaffaqiyatsizliklarga o'rganib qolgan "Barselona"ni tanladi. "Real"da esa La Liga o'yinidagi durang ham jiddiy inqirozni keltirib chiqarishi mumkin.

Keling, Rodrining pastroq saviyada o'ynash qarorini hurmat bilan qabul qilaylik. U 2027/28 yilgi mavsumda "Monjuik"da to'p surar ekan, "Bernabeu" o'zining barcha jilosi bilan porlab turadi...

Rodri — ajoyib futbolchi, ammo u hayotidagi eng katta imkoniyatni qo'ldan boy berdi. Har bir buyuk o'yinchi kamida bir marta "Real" libosida maydonga tushishi kerak.

Biroq, endi juda kech. "Real Madrid" boshqa hech qachon Rodrini sotib olishga urinmaydi.

Diomande, Endrik va Pitarch Golden Boy sovrini uchun da'vogarlik qilayotgan 100 nafar futbolchi ro'yxatiga kiritildi.

Eslatib o'tamiz, mazkur sovrin Yevropa chempionatlarining oliy divizionida to'p surayotgan 21 yoshgacha bo'lgan futbolchilarga topshiriladi.

Golden Boy sovrini g'olibi noyabr oyida ma'lum bo'ladi.

📝 Rodra (ESPN muxbiri): "Real Madrid" kelasi hafta jamoaning har bir yangi o'yinchisi va Mourinyuni alohida taqdimot qiladi.

📰 B. Fernandes (jurnalist): "Dumfrisning taqdimoti 21-avgustga rejalashtirilgan".

⚽️ Rodra xabariga ko'ra, Strasbur «Real»ga futbolchining huquqlarining 70 foizi uchun 10 million yevro to'laydi.

Bu «Real» tarbiyalanuvchisi uchun asosiy jamoada debyut qilmasdan amalga oshirilgan eng qimmat transferga aylanadi.

Villanueva (sport jarohatlari bo'yicha ekspert):

Mendi sentyabr-oktyabr oylari atrofida safga qaytadi. Biroq, 31 yoshli himoyachining tiklanish jarayoni yanada cho'zilib ketishi ham mumkin.

Marca xabariga ko'ra,

«Real Madrid» uchun yozgi transfer oynasida Mendi bilan xayrlashish juda qiyin bo'ladi, chunki u jiddiy jarohatdan tiklanmoqda.