France — yangiliklari Matbuot

Zinedin Zidan (Fransiya terma jamoasi ustozi): "Mbappe — dunyoning eng yaxshi futbolchisi. Va men uning jamoamiz sardori bo'lib qolishini istayman"

Benatia (Marselning sobiq sport direktori): "Men Mbappeni juda yaxshi ko'raman va u buni biladi! Ammo uning "Oltin to'p" uchun kurashdagi o'z nomzodi haqidagi fikrlari... Kilianning intervyusi menga yoqmadi.

Men Mbappening futbol haqida gapirganini yoqtiraman. U ajoyib futbol tafakkuriga ega, u futbol bilan yashayotgani seziladi va men buni juda qadrlayman. Men umuman Mbappening o'yin mahoratiga shubha qilmayman. Shuning uchun, ochig'ini aytsam, agar u "Oltin to'p"ni qo'lga kiritsa, umuman ajablanmayman.

Biroq, Mbappega aytgan barcha gaplarini gapirish shart emas edi. Ayniqsa, ushbu sovrin uchun da'vogar bo'lgan boshqa futbolchilar bilan yaxshi munosabatda ekanligini hisobga olsak. Men uchun Kilianning so'zlari biroz g'alati ko'rindi".

Asher shur (fransuz sharhlovchisi): "Dembele va Mbappe tez orada Fransiya terma jamoasida uchrashishadi... Ko'rasiz, yaqin kunlarda biz hali bu haqda gaplashamiz.

Mojaro keltirib chiqarmoqchi emasman, lekin Dembele Mbappening so'nggi bayonotlarini o'ziga qaratilgan deb qabul qilgan bo'lishi mumkinligiga ishonchim komil. Shuning uchun endi ularning o'zaro munosabatlarini diqqat bilan kuzatish kerak".

🐢 Kilian Mbappe:

Men shunchaki gol urish g'oyasiga berilib ketganman, chunki bu mening ishim — hammasi shu.

Men xudbin emasman.

Fransiya terma jamoasi tarixidagi eng ko'p golli uzatmani amalga oshirgan futbolchi bo'la turib, qanday qilib xudbin bo'lishim mumkin?

Demak, tarixda o'tgan barcha fransuz futbolchilari xudbin bo'lishgan, chunki ular mendan kamroq golli uzatma berishgan.

Tyerri Anri:

Kilian Mbappe «Oltin to'p»ga loyiq. Individual jihatdan u dunyodagi eng yaxshisi edi.

U Chempionlar ligasi, La Liga va jahon chempionatining eng yaxshi to'purari bo'ldi.

Odamlar uning sovrinsiz qolganini aytishlari mumkin, ammo bunday holatlar avval ham bo'lgan. «Oltin to'p»ni sovrinlarsiz ham yutishgan.

Jerom Roten (TV-ekspert, Fransiya terma jamoasi sobiq yarim himoyachisi):

Kilian, men seni tinchlantirib qo'yay: hech kim seni dunyoning eng yaxshi futbolchisi deb hisoblamaydi! O'tgan mavsumda sen bitta ham jamoaviy sovrin yutmading... Shuning uchun jim yur!

Nima, Mbappe'ning intervyusi haqiqatan ham jiddiy edimi?! Hazil emasmi?! Bunga javob berish kerakmi?! U bilan doim shunday holat yuz beradi... Mbappe'ning barcha gaplari oldindan o'ylangan, ayniqsa bu intervyu chiqish sanasini hisobga olsak. Kilian bunday gaplarni «Betis»ga qarshi omadsiz o'yindan keyin ham aytmoqda, lekin hech qisi yo'q... Uni faqat «Oltin to'p» qiziqtiradi.

So'nggi yillarda «Oltin to'p» sohiblari Mbappe qilayotganidek, bu sovrinni yutish istagi haqida ochiqchasiga shunchalik faol gapirishganmi?! Bir necha oy oldin uni «Bernabeu»da hushtakbozlik bilan kutib olishganini unutdingizmi?

Kristof Dyuqarri (Fransiya terma jamoasi sobiq futbolchisi):

Rotenning fikri-chi? Nega Mbappe dunyoning eng yaxshi futbolchisi bo'la olmaydi?! U o'tgan mavsum klub miqyosida 44 ta gol urdi va JCH tarixidagi eng yaxshi to'purarga aylandi. Bugun qaysi futbolchi Kilian'dan yaxshiroq ekanini ayta oladi?

Ha, Mbappe mukammal emas va u hech qanday sovrin yutmadi... Lekin «Oltin to'p» — bu individual sovrin, shuning uchun u buning uchun kurashishga haqli. Roten juda qattiqqo'l deb hisoblayman. Qolaversa, o'tgan mavsumda jamoaviy darajada barcha sovrinlarni yutgan yoki individual jihatdan yetarlicha yorqin o'yin ko'rsatgan futbolchi yo'q.

Shuning uchun Mbappe «Oltin to'p» uchun kurashda boshqa futbolchilar bilan teng imkoniyatlarga ega. U o'zini dunyoning eng yaxshisi deb hisoblashi meni ajablantirmaydi. Boshqa futbolchilarning ham o'z argumentlari bor, albatta. Har holda, Mbappe «Men hamma narsaga erishdim» demayapti. U shunchaki bu kurashdagi o'z imkoniyatlarini himoya qilmoqda.

Pikon (Relevo sobiq jurnalisti):

Hozir «Madrid» futbolchilaridan birortasi OAVga chiqib, o'z yutuqlari bilan maqtanishi kerak bo'lgan vaqt emas.

Ayniqsa, bu klubga o'tganidan beri birorta ham yirik sovrin yutmagan va transferidan biroz oldin «Madrid» 3 mavsum ichida 2 ta Chempionlar ligasi, 2 ta La Liga va Ispaniya Kubogini yutganini televizor orqali tomosha qilgan futbolchiga tegishli.

📻 Riolo (RMC Sport jurnalisti): "Men Mbappe bilan nimadir noto'g'ri deb o'ylayman. Uning umuman futbol o'ynashga xohishi qoldimi?! Va u o'zi aslida nima istaydi?! Har kuni ertalab uyg'onganda "yana qanday qilib o'zimga ko'proq zarar yetkazsam bo'ladi?" degan o'y bilan uyg'onayotgandek taassurot qoldiradi. U bunchalik qo'pol xatolarni tasodifan doimiy ravishda sodir eta olmaydi.

Biz Fransiya terma jamoasining qancha sobiq futbolchilari Belgiya bilan o'yinda jamoani qo'llab-quvvatlash uchun kelganini ko'rdik. Men Mbappe barcha o'yinlarga borishi kerak edi demayapman, lekin dushanba kuni "Stad de Frans"da barcha buyuk faxriylar — butun fransuz futbol oilasi yig'ilgandi.

Men Mbappe u yerga borishga majbur edi demayapman, lekin "sizlarning men haqimdagi fikrlaringiz menga baribir" degan signalni yuborish o'rniga, hech bo'lmasa biror narsa qilish mumkin edi. Lekin har narsaning chegarasi bor. Qachondir ijobiy signal yuborish kerak.

"Stad de Frans"ga kelish — "Yo'q, xohlamayman". Madridda qolish [jarohatdan tiklanish uchun] — "Yo'q, xohlamayman". Tungi klubdan chiqayotganda ko'rinmaslik — "Yo'q, xohlamayman". Velosipedda sayr qilmaslik, chunki Mourinyu buni xohlamaydi — "Yo'q, xohlamayman".

Yetar, Mbappe! Bu yerda sen allaqachon barcha chegaralardan o'tib ketyapsan. To'xta!"

🗣️ Leni Yoro Fransiya terma jamoasidagi debyuti haqida:

«O'ylashimcha, bundan ortig'ini orzu qila olmasdim. Belgiyaga qarshi uy uchrashuvi, oilam tribunada. Bu ajoyib o'yin bo'ldi.

Albatta, biz darvozamiz daxlsizligini saqlab qolishga umid qilgandik, ammo Fransiya g'alaba qozondi, shuning uchun shikoyat qilmaymiz. Bu shunchaki hayratlanarli edi».

Antonio Vergara Italiya terma jamoasidagi debyutidan juda mamnun.

Futbolchi La Repubblica gazetasiga qisqacha intervyu berdi:

Bu aqlbovar qilmas darajada hayajonli edi: Italiya ranglarini himoya qilish — bu chinakamiga o'zgacha va noyob tuyg'u. Buncha chempionlar orasida o'zimni erkin his qildim; oxir-oqibat, fransuzlar ham oddiy odamlar-ku. Natijadan ko'nglim qolgani yo'q.

Menga o'ng qanotda o'ynash ko'proq yoqadi, chunki chap oyoqda o'ynaydigan futbolchi sifatida markazga o'tib, o'z kuchli oyog'imdan foydalana olaman. Ammo men to'liq Mansinining ixtiyoridaman.

Terma jamoada Kampaniyadan bo'lgan bir nechta futbolchilar bor. Donnarumma Fransiya bilan o'yinda bir nechta aqlbovar qilmas seyvlarni amalga oshirdi. Xudoga shukurki, u biz bilan!

Dyugarri (Fransiya terma jamoasi sobiq futbolchisi): "Mbappe uyg'onishi kerak. Gollar urish bo'yicha unda hech qanday muammo yo'q — u baribir ko'p gol urmoqda. Ammo shu bilan birga, u jamoaviy sovrinlarni qo'lga kiritishni to'xtatdi. U na "Madrid"da, na Fransiya terma jamoasida hech narsa yutmayapti.

Bir paytlar Mbappe sovrinlar yutishni boshlashi kerak bo'ladi. Zidan [terma jamoada] unga taxminan shunday deydi: "Sen biz g'alaba qozonishimizni xohlaysanmi yoki shunchaki gol urib, o'zingni ko'z-ko'z qilishing yetarlimi?". Qaysidir pallada savol aynan shunday qo'yiladi".

S. Kanisares ("Madrid" sobiq darvozaboni): "Keyn va F. Ruis "Oltin to'p"ga Mbappe va Yamaldan ko'ra ko'proq loyiq. Menimcha, ular bu yil kattaroq yutuqlarga erishishgan".

Eduardo Kamavinga: «Mbappe himoyada yordam berishga qodir»

«Madrid» yarim himoyachisining matbuot anjumani

«Shubhasiz, 2026-yilgi Jahon chempionati uchun Fransiya terma jamoasi qaydnomasiga kirmaslik meni ruhiy jihatdan qiynadi. Hayotimda hamma narsa juda tez sodir bo'lmoqda, shuning uchun umidsizlik — men uchun yangi hislar. Qanday bo'lmasin, eng muhimi — bu vaziyatdan o'tib ketish. Rim bir kunda qurilmagan. Oldinda hali vaqtim ko'p».

«Zidan qo'l ostida Fransiya terma jamoasiga chaqiruv olish men uchun juda muhim. Bu xuddi g'alaba kabi. Bu taslim bo'lmaganimni va avvalgi darajamga qayta olganimni ko'rsatadi. Endi menga bildirilgan ishonchni oqlashim kerak. Avvaliga Zidan qarshisida bo'lish o'zgacha va biroz g'alati tuyuldi. Biz hammamiz uning Fransiya uchun nimalarni anglatishini bilamiz».

«Terma jamoada chap qanot himoyachisi sifatida o'ynay olamanmi? Jamoada chap qanot himoyachilari yetarlicha. Shuning uchun bu variantdan voz kechishimiz mumkin (kuladi). Jamoaga yordam berish uchun tayanch yarim himoyachisi yoki markaziy yarim himoyachi pozitsiyasida o'ynay olaman. Eng ma'qul pozitsiyam? Buni o'zingiz ham bilasiz (kuladi)».

««Madrid» asosiy tarkib o'yinchisi bo'lishim uchun nima yetishmayapti? Albatta, barqarorlik. Ilgari ham o'zimni yaxshi ko'rsatganman, lekin aynan barqarorlik muhim. Maydonda diqqatni jamlash va imkon qadar kamroq xato qilish kerak».

«Mbappening Fransiya terma jamoasida chap qanot hujumchisi sifatida o'ynashi haqida? Kilian 2022-yilda ham chap qanotda o'ynagan. Bilaman, Zidan qo'l ostida u bu pozitsiyada yaxshi o'yin ko'rsatadi. Mbappe himoyada yordam berishga qodir-mi? Ha. Sizga aksini aytmoqchi emasman. Men hujumchilardan aqldan ozgan darajadagi himoya ishlarini bajarishni so'ramayman. Biz ulardan shunchaki o'z ishlarini qilishlarini so'raymiz. Agar biz, qolgan futbolchilar, hujumchilarni himoya qilish uchun qora ishni bajarishimiz kerak bo'lsa, bu biz uchun muammo emas».

«Kurtua Fransiya va Belgiya o'rtasidagi ertangi o'yinda maydonga tushmasligidan juda xursandman (kuladi)».

Umtiti ("Barselona" sobiq himoyachisi): "Aynan Mbappe bu yil "Oltin to'p"ni yutishi kerak, chunki u dunyoning eng yaxshi o'yinchisi.

Kilian "Madrid" tarkibida va Fransiya terma jamoasi safida JCH-2026da ajoyib mavsum o'tkazdi, ko'plab gollar urdi. Mbappe "Oltin to'p"ga loyiq.

Nacho: "Oltin to'p"mi? Agar ovoz berishim kerak bo'lsa, men Mbappeni tanlagan bo'lardim. Har yili u yanada tezroq bo'lib bormoqda va ko'proq gol urmoqda"

Zinedin Zidan (Fransiya terma jamoasi ustozi): «Mbappe hujumning uchta pozitsiyasida o'ynay oladi. Uning uchun «to'qqizlik» pozitsiyasi eng maqbuli ekanligini bilmayman. Masalan, menga u chap qanot hujumchisi sifatida ko'proq yoqadi.

Tchuameni nima uchun yaqinlashib kelayotgan o'yinlar uchun qaydnomaga kiritilmadi? U ikki oy davomida o'ynamadi. U uchun Madridda qolib, jarohatdan tiklanish jarayonini davom ettirish yaxshiroq bo'ladi», — dedi mutaxassis.

Kilian Mbappe: «Mourinho menga gol urishni aytdi»

«Madrid» forvardining ikkinchi qism intervyusi

«Individualist bo'lish buyuk to'purar bo'lish uchun kerakmi? Barcha futbolchilar — individualistlar, darvozabondan tortib to hujumchigacha. Ba'zan tomoshabinlarga ayrim pozitsiyalardagi futbolchilar unchalik qiziq emasligini aytish, hurmatsizlikni anglatmaydi.

«To'qqizliklar» doimo diqqat markazida bo'ladi — ba'zan haqli ravishda, ba'zan esa yo'q. Shunday o'yinlar bo'ladiki, men gol uraman, lekin boshqa futbolchilar mendan yaxshiroq harakat qiladi. Ammo raqib darvozasini ishg'ol qilish — futboldagi eng qiyin va eng qadrli narsa. Shuning uchun ba'zan barcha shon-shuhrat sizga nasib etishi, ba'zan esa aksincha bo'lishi tabiiy hol».

«O'yinimda nimani yaxshilashim mumkin? Himoyada ko'proq ishlashni boshlash va yanada samarali hujumchiga aylanish. Yevropada men kabi raqib darvozasi oldida bunchalik ko'p xavfli vaziyat yarata oladigan futbolchilar kam. Cho'qqida joy oz, men esa o'z o'rnimni yo'qotishni istamayman».

«Qaysi yosh futbolchilar meni hayratda qoldiradi? Yamal barcha kerakli sifatlarga ega. Guler cho'qqiga chiqa oladi. Endrik — juda iqtidorli futbolchi va tug'ma to'purar. Shuningdek, menga Estevao yoqadi. Zair-Emeri va Due buyuk karyera qurishadi».

«O'tgan mavsum jamoaviy natijalar bo'yicha men uchun eng yomoni bo'ldimi? Yo'q, har bir mavsum tajribangizni boyitadi. Men doimo, ayniqsa mag'lubiyatlardan imkon qadar ko'proq saboq olishga harakat qilaman. «Madrid» safida to'p surish — bu sharaf. Bu klub bizga shu mavsumda yaxshiroq natija ko'rsatish uchun nimalar ustida ishlashimiz kerakligini tushunishga yordam beradi».

«Bernabeu»dagi muxlislar hushtakbozligi? Bunday holatlar bo'lib turadi. Bilasizmi, «Madrid»ning qancha o'yinchisiga hushtak chalishgan?! Ularning barchasi sog'-salomat, to'g'rimi? «Madrid»ga o'tayotganingizda, nimaga imzo chekayotganingizni anglaysiz. Menga qaratilgan hushtakbozlik meni unchalik xafa qilmaydi. Muxlislar o'z noroziligini shu tarzda ifoda etishini tushunaman».

«Mourinho juda aqlli va bu meni hayratda qoldiradi. Albatta, ajablanmayman. Mourinho agar bunday intellektga ega bo'lmaganida, biz bilgan Mourinho bo'lmasdi. U nima qilayotganini va qayerga ketayotganini biladi. Bu futbolchilar uchun muhim. U bilan muvaffaqiyatga erishish uchun barcha imkoniyatimiz bor. Mourinho menga: «Gol ur», dedi (kuladi)».

Mourinhodan nima kutyapman? Shunchaki meni maydonga tushirsa bo'ldi (kuladi). Shundan so'ng, qolgan barcha narsaga moslasha olaman deb o'ylayman. Hech qanday maxsus kutishlarim yo'q. Shunchaki o'zi bo'lib qolishi yetarli».

«JCH-2026 men uchun muvaffaqiyatsizlik bo'ldimi? Pff, yo'q! Agar turnirdan darhol keyin so'raganingizda, «Ha» deb javob bergan bo'lardim. Endi esa bu muvaffaqiyatsizlik emas deyman. Lekin baribir achinarli, chunki Ispaniya yarim finalda o'yinni bizdan ko'ra yaxshiroq nazorat qildi. Ularni JCHdagi g'alaba bilan tabriklayman».

«PSJ» men ketganimdan beri ikki marta YeCHLni yutdi, «Madrid» esa birorta ham yirik sovrin yutmadi? Men bunga 2+2=4 deb qarayman. «PSJ» bu sovrinlarni yutdi va biz ularni tortib ololmaymiz. «PSJ»ni bu g'alabalar bilan tabriklayman.

Biz, «Real Madrid» va qolgan barcha jamoalar maydonga bir maqsad bilan chiqamiz — ketma-ket ikki marta YeCHLni yutgan jamoani cho'qqidan ag'darish. 23/24-mavsumda Enrike qo'l ostidagi «PSJ» bilan YeCHL yarim finaliga qadar yetib bordik. O'sha yil klub uchun yangi siklning boshlanishi edi.

«PSJ»da o'ynaganimda, Yevropaning istalgan boshqa klubiga o'tishim mumkin edi. Lekin men doimo «PSJ»da qoldim. «PSJ» rahbariyatidan so'rang, 7 yil davomida men uchun qancha takliflar kelib tushgan. Men Parijda qoldim, chunki baxtli edim. «PSJ» mening uyim edi».

«Peres bilan to'g'ridan-to'g'ri aloqam bormi? Buni «Madrid»dagi barcha futbolchilardan so'rang. Balki ularning ba'zilari Peres bilan bevosita muloqot qilar. Lekin mening u bilan to'g'ridan-to'g'ri aloqam yo'q».

«Fransiya terma jamoasi tarixida klublar tarixidagiga qaraganda ko'proq iz qoldirdimmi? Hammasi nimani «iz» deb hisoblashingizga bog'liq. Men o'ynagan barcha jamoalarda meni maqtashadi. Shunchaki terma jamoa bilan menda ko'proq hissiyotli va romantik tarix bor».

Kilian Mbappe: "O'tgan mavsumning eng yaxshi futbolchisi deb o'zimni hisoblayman"

"Madrid" forvardi bilan bo'lgan intervyuning birinchi qismi (ikkinchisi birozdan so'ng e'lon qilinadi)

"Oltin to'p"? Men o'zimni o'tgan mavsumning eng yaxshi futbolchisi deb hisoblayman. Hech bir o'yinchi mavsumni mendan yaxshiroq o'tkazmadi. Nazarimda, bu yil "Oltin to'p"ni qo'lga kirita olaman. Men har doim "Oltin to'p"ni chinakamiga ko'zga ko'ringan futbolchi olishi kerak deb hisoblaganman. Albatta, jamoaviy sovrinlar ham muhim, axir futbol — bu jamoaviy sport turi.

Ammo "Oltin to'p" — bu individual sovrin. Bu boradagi tasavvurim Messi va Ronaldu davrida shakllangan. "Oltin to'p"ni oddiy o'yinchilarga emas, balki istisno darajadagi futbolchilarga topshirishadi. Va o'ylaymanki, bu yil men boshqalar erisha olmagan narsaga erishdim. Aynan shuning uchun ham "Oltin to'p"ni yuta olishimga ishonaman.

Bir necha yil davomida o'zimni dunyoning eng yaxshi futbolchisi deb hisoblaganman. Ammo keyin Messi taqdirlash marosimiga kelib g'olib bo'lardi, men esa: "Eng yaxshi o'yinchi sahnada turibdi", derdim. Ronaldu yutganida ham xuddi shu gapni aytardim...

Boshqa o'yinchilar haqida gap ketganda esa, ularga qarab, hatto ularda "Oltin to'p" bo'lsa ham, hech qachon ular bilan o'rin almashishni istamaganman. Ammo bu yaxshi holat, chunki bunday narsalar sening motivatsiyangni oshiradi va yo'ling atrofida o'ziga xos tarix yaratadi.

Jahon chempionatlari tarixidagi eng yaxshi to'purar unvoni nomzodligim uchun dalilmi? Mundialni faqat o'ziniki qilib olish juda qiyin. Bu buyuk o'yinchilar, yulduzlar, sport tarixidagi eng yaxshi futbolchilar turniri. Bir o'ylab ko'ring: 27 yoshimda men allaqachon JCh tarixidagi eng yaxshi to'purarman...

Bundan tashqari, bu aqlbovar qilmas yutuq, chunki men ko'pchilik Ronaldu bilan bir qatorda tarixning eng yaxshi o'yinchisi deb biladigan Messining rekordini yangiladim. Bunday yutuqlar — o'zgacha narsa.

10 yil oldin ko'pchilik bu vaqtga kelib menda "Oltin to'p" bo'ladi deb o'ylaganmi? Ha, lekin o'shanda Messining 39 yoshgacha o'ynay olishini va yana uchta "Oltin to'p" yutishini bilmasdik. Ronaldu bilan birgalikda ular boshqa futbolchilarga unchalik ko'p "Oltin to'p" qoldirishmadi. Qolaversa, sovrin dunyoning eng yaxshi futbolchisiga emas, balki eng yaxshi jamoaning eng yaxshi o'yinchisiga nasib qilgan davrlar ham bo'lgan...

Faoliyatimni Chempionlar ligasi va "Oltin to'p"siz yakunlashni tasavvur qila olamanmi? Ha. Bularning barchasini maydonda yutib olish kerak, garchi "Oltin to'p" ovoz berishga ham bog'liq bo'lsa-da. Ammo o'n yillikni ko'zlashdan avval, aynan hozir sodir bo'layotgan voqealarga e'tibor qaratish kerak. Menda "Oltin to'p"ni shu yilning o'zidayoq yutish uchun ajoyib imkoniyat bor.

30 yoshga yaqinlashgan sari o'sishim? Faoliyatim davomida rivojlanishda davom eta olaman. Hozir futbol ancha taktik va shiddatli bo'lib qoldi, murabbiylar esa o'z jamoalari ustidan ko'proq nazoratga ega. Biz moslashishimiz kerak, chunki futbol hech kimni kutib o'tirmaydi.

Ilgari maydonda ma'lum bir rol bilan cheklanib qolardim va shunga amal qilardim, chunki bu yetarli ekanini bilardim. Ammo endi men ancha universal o'yinchiga aylandim.

Odamlar "eng yaxshi Mbappe"ni ko'rib bo'lishdimi? Agar "ha" desam va bu mavsumda avvalgidan yaxshiroq o'yin ko'rsatsam, yolg'on gapirgan bo'laman. Agar "yo'q" desam va bu mavsumda avvalgidan yomonroq o'ynasam... Hammasi maydonda hal bo'ladi. Ba'zi muxlislarga mening boshqa versiyalarim ko'proq yoqqan bo'lishi mumkin. Balki menga ham.

O'zimni egoist deb hisoblaymanmi? Yo'q. Shunchaki gol urishga bo'lgan ishtiyoqim baland, chunki bu mening ishim. Men egoist emasman. Qanday qilib bir vaqtning o'zida ham egoist, ham Fransiya terma jamoasi tarixidagi eng yaxshi assistent bo'la olaman? Aks holda, o'sha ro'yxatdagi boshqa o'yinchilarni ham egoist deb atashga to'g'ri kelardi, chunki ular mendan kamroq golli uzatma berishgan.

Biksant Lizararyu (Fransiya terma jamoasi sobiq himoyachisi): «Mbappe «Oltin to'p»ni yutishi kerakmi? Siz o'tgan mavsumda birorta ham sovrin yutmagan futbolchiga bu mukofotni bera olmaysiz. «Oltin to'p» uchun ovoz berishda jamoaviy sovrinlar juda yuqori baholanishi kerak.

Fabián

Fabián Ruis — eng taassurotli futbolchi emas, lekin juda va juda samarali. U Chempionlar ligasi va Jahon chempionatida g'olib chiqqan yagona futbolchi. Shu bois, 2024-yilda Rodri bilan sodir bo'lganidek, aynan Ruis «Oltin to'p»ni qo'lga kiritsa, ajablanmayman», — dedi Lizararyu.