Everton — yangiliklari Matbuot

Aleksandr Golovin «Monako» safidagi to'qqizinchi mavsumini muvaffaqiyatli boshladi. Filipe Luis qo'l ostida rossiyalik futbolchi asosiy tarkibning ajralmas qismiga aylangan va oltita o'yinda bitta gol hamda ikkita golli uzatmaga mualliflik qilgan.

Bir necha kun avval futbolchining agenti Aleksandr Klyuyev Golovin kelajagi borasidagi vaziyatga to'xtalib, Filipe Luisning o'yinchi qolishida muhim rol o'ynaganini ta'kidlagandi. Endi esa Golovinning o'zi «Bookmaker-ratings» nashriga bergan intervyusida voqealar rivojiga o'z munosabatini bildirdi:

«Spartak» va «Zenit» bilan aloqalar haqiqatan ham bo'lgan, ammo hech narsa aniq ko'rinish olmagan. Yozilganlarning bir qismi haqiqat, lekin aniq tafsilotlar kelib chiqmadi.

Golovin so'zlariga ko'ra, «Monako» uning ketishiga rozi bo'ladigan taklifni qabul qilib olmagan. Shu bilan birga, futbolchining o'zi ham jamoani tark etishga yuz foiz tayyor bo'lmagan:

«Monako»ga taklif etilgan summa ma'qul kelmadi. Qolaversa, baribir ketishim uchun avvalo o'zim xohlashim kerak edi. Aniqrog'i, bu yozda hamma narsa Rossiya transfer oynasi yopilishiga yaqin sodir bo'ldi. Oyna yopilishiga ikki-uch kun qolganida, men ketishni chin dildan xohlayotganimga 100 foiz amin emasdim. Shuning uchun hozircha bunga hojat yo'q degan qarorga keldim.

«L'Equipe» ma'lumotiga ko'ra, «Spartak» Golovin uchun 19 million yevro taklif qilgan, «Monako» esa 20–25 million yevro kutgan. Rossiyalik futbolchi bu summani «normal» deb atab, har qanday klub ko'proq daromad olishni istashini qayd etdi.

Golovin o'zining tarbiyalanuvchisi bo'lgan SSKAning prinsipial raqibi «Spartak»ka o'tishi mumkinligi haqida ham alohida to'xtaldi. 2024-yilda futbolchi bu transferni «utopiya» deb atagan bo'lsa, endilikda variantni istisno etmayapti:

Agar boshqa variantlarim bo'lmasa va faqat «Spartak» qolsa, men uchun bu muammo tug'dirmaydi. Ko'pchilik buni unchalik to'g'ri qaror emas deb hisoblaydi. Ammo do'stlarim baribir menga: «O'zing uchun eng maqbuli deb bilgan ishni qil», deyishadi. Hamma meni qo'llab-quvvatlaydi.

Shu bilan birga, Golovin qachondir Rossiyaga qaytish istagini yana bir bor tasdiqladi:

Men har doim Rossiyaga qaytishimni aytganman. Ammo o'z vaqtida. Shuning uchun bu qachon sodir bo'lishini bilmaymiz: qishdami, yozdami yoki umuman sodir bo'lmasligi ham mumkin.

Rossiyalik futbolchi Saudiya Arabistoni variantini ham rad etdi. Transfer oynasi boshida bu variant futbolchi uchun ustuvor ekani haqida mish-mishlar tarqalgan, muddat tugashiga yaqin esa agenti Saudiya klublari qiziqishini tasdiqlagan edi:

Agar «Monako»dan ketsam, katta ehtimol bilan uyga qaytishni va Rossiyada yashashni xohlaganim uchun ketaman. Yoki boshqa Yevropa klubiga o'tishim mumkin. Saudiya Arabistoni — ikkinchi darajali variant. Aslida bu mumkin, ammo ehtimoli kam.

«Monako»ning moliyaviy ehtiyojlari fonida Golovinning sotilishi ham qishda, ham keyingi yozda istisno qilinmaydi. 30 yoshli rossiyalik futbolchining klub bilan shartnomasi 2029-yilga qadar mo'ljallangan.

Futbolchining o'zi kelajakda nima kutayotganini hali bilmaydi:

Men har doim Rossiyaga qaytishimni aytganman. Ammo o'z vaqtida. Shuning uchun bu qachon sodir bo'lishini bilmaymiz: qishdami, yozdami yoki umuman sodir bo'lmasligi ham mumkin. «Hammasi hal bo'ldi, yozda yoki qishda qaytaman» deb aytish qiyin. Ko'ramiz. Hozircha biror variantni 100 foiz istisno qilmagan bo'lardim. Har qanday holatda ham Rossiyaga qaytishni, u yerda o'ynashni va yashashni xohlayman. Bu mening uyim va ertami-kechmi bu sodir bo'ladi.

Gordon: «Angliya terma jamoasi sifatida biz Ispaniya kabi o'yinni nazorat qila olmaymiz. Bu bizning qonimizda yo'q. Hatto buni o'rganish mumkinmi, bilmayman, chunki endi Ispaniyada o'ynab, bu haqda ancha chuqurroq bilim bilan gapira olaman. Ularning to'pni nazorat qilish uslubi butunlay boshqacha. Bu men u yerda o'ynab ko'rgan barcha narsalardan keskin farq qiladi.

Biz buni qachondir xuddi shunday qila olamizmi, bilmayman, lekin o'yinimizni albatta yaxshilashimiz mumkin. Yoki biz boshqa yo'ldan borib, o'z kuchli tomonlarimizdan: jismoniy kuch, to'g'ridan-to'g'ri o'yin va qarshi hujumlardan foydalanishimiz mumkin. Variantlardan birini tanlash kerak. Futbol o'yinlarida g'alaba qozonishning yagona mukammal yo'li yo'q. Qaysi yo'lni tanlashimizni ko'rish qiziq bo'ladi».

❓«Barselona»da to'pni ushlab turish va Tomas Tuxel aytganidek, inglizlar DNKsida bo'lmagan o'sha muhim jihatlarni topish bo'yicha nimani o'rganding? «Barselona»dagi bu qisqa davr ichida nimani o'rganding?

Gordon: «Aytganimdek, bu inglizlar DNKsida yo'q va men buni Ispaniyada o'ynay boshlaganimdan keyingina tushunib yetdim. O'ylaymanki, biz inglizlarni ham ispanlar kabi o'rgatishadi. Biz to'pni qanday ushlab turishni bilamiz. Biroq farq shundaki, Ispaniyadagi ba'zi o'yinchilar qanday qaror qabul qilishadi. Bu bizga tabiiy ravishda berilmaydi. Ba'zan ularning to'p bilan qabul qilgan qarorlariga qarab, o'zimga o'zim: «Buni qanday payqaganingni bilmayman», deb o'ylayman. Ular shunchaki boshqacha tuzilgan. Buning sababi nimada, bilmayman. Balki biz buni hech qachon aniq belgilay olmasmiz, lekin ularda aniq boshqacha narsa bor.

Shu bilan birga, biz doimo boshqa mamlakatlarga qarab, ular kabi bo'lishga intilishni to'xtatishimiz muhim, chunki biz ular emasmiz. Biz inglizmiz va bizda ularda yo'q bo'lgan o'z kuchli tomonlarimiz bor. Balki biz o'zimiz kuchli bo'lgan jihatlardan maksimal darajada foydalanadigan tarzda o'ynashni boshlashimiz kerakdir».

❓La Ligada ajoyib start olding. Albatta, Xansi Flik senga yuqori talablar qo'ymoqda. Uning talablari Tomas Tuxelning talablariga qanchalik o'xshash?

Gordon: «Xo'sh, ikkalasi ham nemislar, shuning uchun ikkalasi ham pressingni juda yaxshi ko'rishadi. Bundan tashqari, ikkalasi ham juda ochiq-oydin. Ular haqiqatan ham yaxshi insonlar, lekin aytganimdek, eng avvalo ular juda ochiq-oydin va men buni qadrlayman. Men murabbiy tomonidan qattiq ochiqlikni afzal ko'raman. Men qayerdaligimni va qaysi darajada ekanligimni bilishni istayman. Ikkalasi bilan ham munosabatlarim a'lo darajada. Ikkalasi ham juda va juda talabchan. Tomas dunyodagi eng kuchli terma jamoalardan birini, Xansi Flik esa dunyodagi eng kuchli klubni boshqarayotganini hisobga olsak, ular shunday bo'lishga majbur ekanligini aytish mumkin. Shuning uchun ular o'yinchilardan juda ko'p narsani talab qilishga majbur.

«Barselona» kabi klub bilan shartnoma imzolaganingda, bunday bosim har bir o'yinda seni ta'qib qilishini tushunasan. U yerda durang deyarli mag'lubiyatdek qabul qilinadi. Ochko yo'qotish yoki kuchsiz o'yin qabul qilinmaydi. Lekin men har doim aynan shunday bosimni istaganman. Aynan shuning uchun ham men eng yuqori darajada o'ynashni xohlaganman. Bu menga juda yoqadi».

❓Kelganingdan so'ng deyarli darhol ispan tilini bilishing bilan barchani hayratda qoldirding. Ishlaring qalay va tilni bunchalik tez o'rganishga qanday erishding?

Gordon: «Men ispan tilini hali «Everton»da o'ynab yurganimda o'rgana boshlaganman. Men mustaqil o'qiganman. Menda har doim shunday maqsad bo'lgan. Menda o'qituvchi yoki shunga o'xshash narsa bo'lmagan. Albatta, so'nggi bir necha oy ichida menda o'qituvchilar bor va men muvaffaqiyatlarga erishmoqdaman. Men ispan tilida gapirilayotgan narsalarning ko'p qismini tushunaman va ancha yaxshi gapira olaman, lekin ispan tilida gapirish va haqiqatan ham erkin gapirish — bu ikki xil narsa.

Kimdir men bilan juda tez gaplashsa, ba'zan biroz yo'qolib qolaman. Shuning uchun hozircha ispan tilidagi matbuot anjumanlarida qatnashishdan biroz ikkilanib turibman, chunki men ingliz tilida aytadigan narsalarimni aynan o'sha tilda ham ayta olishni xohlayman. Men o'ylayotgan narsalarimni haqiqatan ham ifoda etishni istayman. Men intervyularda juda umumiy javoblar bilan cheklanib qolishni xohlamayman, chunki men bunday odam emasman. Men juda mexanik eshitilishni istamayman. Shuning uchun ispan tilim haqiqatan ham mukammal bo'lguncha kutmoqchiman».

Folarin Balogun AQSH terma jamoasiga chaqirilmadi. Bosh murabbiy bu qarorga izoh berdi:

«U boshidan o'tkazgan barcha narsalardan so'ng, u APL klubi bilan shartnoma imzolash arafasida edi. Yuz bergan voqealarni inobatga olgan holda, biz u o'zini qanday his qilayotgani, nimalarni tuyayotgani va sahifani yopish vaqti kelganini muhokama qildik. Hozir u oyog'idagi kichik muammodan tiklanishga e'tibor qaratgan».

Aytish joizki, Filipe Luis avvalroq Balogun Liga 1 qayta boshlanishiga barcha o'yinchilar bir xil formada kelishi uchun individual mashg'ulotlarni davom ettirishini ta'kidlagan edi.

🎙 Denis Zakariya:

Men bu o'yinchini va uning qanday inson ekanligini yaxshi bilaman. U juda professional. O'ylaymanki, transferi atrofidagi bu voqealar unga yanada ko'proq kuch bag'ishladi. U «Lans»ga qarshi o'yinda ajoyib harakat qildi. «Chelsi»mi? Menimcha, bu uning uchun yaxshi variant bo'lardi, ammo bu yerda qolish afzalroq.

Denis Zakariya Lamin Kamara haqida:

Men uni ham futbolchi, ham inson sifatida bilaman. U juda professional. O'ylashimcha, (Chelsi'ga o'tishi haqidagi transfer mish-mishlari) unga yanada ko'proq kuch bag'ishladi.

Lans'ga qarshi o'yinda u ajoyib harakat qildi. Chelsi? Men unga bu yaxshi, lekin bu yerda undan ham yaxshiroq, deb aytdim.

Aleksandr Golovinning agenti: «Sasha — «Monako» yetakchilaridan biri, uning qolgani yaxshi bo'ldi».

«Sasha «o'nlik» pozitsiyasida o'zini juda qulay his qiladi, lekin boshqa pozitsiyalarda ham a'lo darajada o'ynay oladi. U jamoaga kerak bo'lgan joyda harakat qiladi. Kecha, masalan, «Lans»ga qarshi o'yinda Sasha chap qanotda o'ynadi.

Uning Filipe Luis bilan aloqasi juda yaxshi, murabbiy unga ishonadi. Sasha — jamoa yetakchilaridan biri va u maydondagi o'yini bilan bunga javob qaytarishga harakat qilmoqda.

Shubhasiz, uning «Monako»da qolgani faqat foyda keltirdi», — deya «Sovetskiy sport» nashri Klyuevning so'zlarini keltirib o'tadi.

Bundan tashqari, «Sport24» ham Sashaning agenti bilan bog'landi, u «Spartak» haqidagi savolni izohsiz qoldirdi:

🔴 Golovin o'tishi bilan bog'liq tarix davom etmoqdami?

«Hozir vaziyat quyidagicha rivojlanmoqda: Aleksandr Rossiya terma jamoasi ixtiyoriga uchib ketmoqda. Aleksandr shunga e'tibor qaratgan».

🔴 «Spartak» bilan bog'liq tarix tugadimi?

«Izohsiz».

🔴 Golovin kelajakda RPLga qaytishni rejalashtiryaptimi?

«Yaqin kelajak uchun rejalar — terma jamoaga borish. Kengroq qilib aytganda, Aleksandrning «Monako» bilan shartnomasi 2029-yilgacha mo'ljallangan. Qachondir Golovin, albatta, Rossiyaga qaytadi».

🔴 Aleksandr SSKA tarbiyalanuvchisi ekanligini hisobga olsak, «Spartak»ga o'tish realmi?

«Izohsiz», — dedi Klyuev.

Roberto De Zerbi ertangi o'yin uchun tarkib haqida gapirar ekan, avvalroq «boshqa o'yinchilarni» maydonga tushirishini aytgan edi:

Mening fikrimcha, Lukas Bergvall «boshqa o'yinchi» emas. Matis Tel ham. Qolganlariga esa qarab chiqish kerak.

Balki kamroq o'ynaganlarga imkon berarman. Menga omad kulib boqdi: himoya markazida van Xekke va van de Ven bor — top darajadagi himoyachilar. Ammo Ben Devis, Senesi, Tosin ham van Xekke va van de Vendan qolishmaydi.

Premer-ligadagi kabi kayfiyatda o'ynamoqchiman. Kayfiyat va ruh o'sha-o'sha.

Hujumkor o'yinni yaxshilash haqida:

Bugun o'yinchilar bilan uchrashuvda maydonning oxirgi uchdan bir qismi haqida gaplashdik. Agar dastlabki 30 daqiqani («Everton»ga qarshi o'yin) tahlil qilsak, bitta muvaffaqiyatliroq qaror o'yin borishini o'zgartirishi mumkin edi.

Ertangi «Liverpul»ga qarshi o'yin tarkibi haqida:

Tarkibni tanlash qiyin emas — bunday o'yinchilar borligidan omadliman. Ularning saviyasiga ishonaman. Qiyinligi shundaki, yaxshi o'yinchilar ko'p, boshqa muammolar tufayli emas.

Roberto De Zerbi gol urishda qiynalayotgan hujumchilarini qo'llab-quvvatladi:

Solanke — yaxshi o'yinchi. U formada bo'lishi va tushkunlikka tushmasligi kerak, chunki biz bilan u ko'p gollar urishi mumkin.

Savinyo va Marmush «Manchester Siti»da kam o'ynashgan, chunki u yerda asosiy tarkibda bo'lishmagan. Bu yerda esa hammasi boshqacha: ularning zimmasida ko'proq mas'uliyat bor. Ular ko'nikib, vaziyat o'zgarganini tushunishlari kerak. Ammo sifat jihatidan ikkisi ham juda yaxshi.

Jeyms Meddison va «o'nlik» pozitsiyasi uchun boshqa variantlar haqida:

U biz uchun yana bir muhim o'yinchi. U yaxshi jismoniy formada bo'lishi kerak. O'tgan matbuot anjumanida Premer-ligadagi o'zgargan intensivlik haqida gaplashgan edik. U qattiqroq ishlashi kerak, o'zi shunday qilayotgan ham edi.

Kudus «o'nlik» pozitsiyasida o'ynay oladi. Marmush ham u yerda o'ynashi mumkin. Biz boshlang'ich tarkibga tushirayotgan o'yinchilarning xususiyatlaridan kelib chiqishimiz kerak.

Ularning barchasi «o'nlik»da o'ynay oladi, lekin ular bo'sh zonalarga chiqishlari va ba'zan jarima maydoniga kirishlari kerak. Robertson birinchi bo'limda ko'p uzatma berdi, shuningdek, Fernandesh jarima maydoniga kirmadi — buni yaxshilashimiz kerak.

Shu bilan birga, himoya haqida unutmaslik muhim. Mening uslubim — hujum qilish va gol urish, men buni o'zgartirmoqchi emasman.

Risharlison haqida:

Men o'tgan matbuot anjumanida aytganman. Oxirgi 45 kun ichida nima bo'lganini bilaman. Buni tushuntirish noto'g'ri. Men bunday qilmayman, bu bizning munosabatlarimiz haqida emas. Muammo — o'yinchi va klub o'rtasida. Men klub tarafidaman. Murabbiy va klub — birga.

Mavsum boshida uni qolishga ko'p marta ko'ndirganman, lekin u xohlamadi. Men har kuni uni qolishga yolvora olmayman.

«Everton»ga qarshi o'yindan so'ng Matis Tel bilan suhbat haqida:

O'yindan keyin unga korpusni qanday qo'yishni tushuntirayotgan edim. O'yin vaqtida u meni eshitmadi, chunki o'yinga diqqatini qaratgan edi. U katta iqtidor, agar maydonda nimadir deyishim kerak bo'lsa, tushuntirish uchun aynan shu lahzani tanladim.

Roberto De Zerbi «shporlar»ning rivojlanishiga optimistik qaraydi:

«Everton»ga qarshi o'yinga o'n kun qolganda barcha o'yinchilar bilan to'liq ishlay boshladik. O'ylaymanki, yaxshi ishlayapmiz. 30 daqiqa, 25 daqiqa juda yaxshi o'ynadik. O'sha lahzada ikkita gol urishimiz mumkin edi.

Keyin, balki, ishonchni yo'qotdik, chunki gol ura olmadik. Bizga aniq qo'shish kerak. Va men o'z o'yinchilarimga juda ishonaman.

Bizga qo'shish kerak, ha. Agar gol ura olmasak, murabbiy aybdor deyish mumkin, — ha, men buni qabul qilaman, muammo yo'q. Biz hali birorta o'yinni yutmadik, ha. Biz hafsalamiz pir bo'ldi, afsus.

Ammo yaxshi tomonlari ham bor — aytganimdek, oxirgi ikki o'yinda gol o'tkazib yubormadik. Va yaxshilash kerak bo'lgan narsalar ustida ishlay boshlayapmiz. Mening loyiham va g'oyamda hech narsa o'zgarmadi.

🗣️ Ser Devid Bekxem:

«Klub, qaysiki men sevaman? Albatta, men har doim otamdan o'tgan «Yunayted» muxlisiman.

Ochiqchasiga aytganda, bizni yana Chempionlar Ligasida ko'rish ajoyib.

«Yunayted» muxlisi sifatida men har doim har bir mavsumga nisbatan ijobiy munosabatdaman. Har bir mavsum boshlanishiga. Men ijobiy bo'lishim kerak».

❤️ Devid Bekxem Kobbi Maynu haqida:

«Sizga shuni aytishim mumkinki, u juda ajoyib o'yinchi.

U «Manchester Yunayted» bilan yashaydi va nafas oladi, shuning uchun bizda bunday yigitlar qancha ko'p bo'lsa, shuncha yaxshi».

🗣️ Devid Bekxem — Kobbi Maynu haqida:

Kobbi — haqiqatan ham o'zgacha futbolchi. U butun qalbi bilan «Manchester Yunayted»ga sodiq va butunlay shu klub bilan yashaydi. Tarkibda bunday o'yinchilar qancha ko'p bo'lsa, jamoa shunchalik kuchli bo'ladi.

Roy Kin Maykl Kerrikning «Everton»ga qarshi o'yindagi o'zgarishlari haqida fikr bildirdi:

Chetdan qaraganda, hamma o'zgarishlar o'yinni o'zgartirib yuborganini va bu yaxshi tomonga bo'lmaganini ko'rdi. Kunya va Reshford bir vaqtning o'zida maydonni tark etmasligi kerak edi. Buni tushunish uchun hatto murabbiylik litsenziyasi ham shart emas.

Biz hammamiz Dorgu Shouning o'rniga tushadi deb o'ylagandik, ammo yakunda «Yunayted» hujumdagi muvozanatni butunlay o'zgartirib yubordi. «Manchester Yunayted» tarkibida yetarlicha sifatli hujumchilar bo'la turib, hujum chizig'ida Dorguga tayanmasligi kerak.

Ha, o'tgan mavsumda bu ba'zan ish bergan bo'lishi mumkin, ammo hozir vaziyat boshqacha. «Yunayted»da bunday qarorlarni qabul qilmaslik uchun yetarlicha hujumkor o'yinchilar bor.

Ba'zan bitta kichik tanlov butun o'yinni barbod qilishi mumkin. Bugun, nazarimda, aynan shunday holat yuz berdi.

🗣️ Roy Kin Markus Reshfordning «Everton»ga qarshi o'yindagi harakatlari haqida gapirdi:

Markus bu mavsumdagi har bir o'yinda o'sib bormoqda. Balki hozircha gollar va assistlar yo'qdir, lekin u baribir o'yinga ta'sir o'tkazayotganini inkor etib bo'lmaydi.

O'ylashimcha, «Barselona»dagi ijara unga ham shaxsiy, ham futbol nuqtai nazaridan juda katta yordam berdi. Vaqt o'tishi bilan u yana gol urishni boshlaydi.

🎤 Roberto De Zerbi Sandro Tonali'ning «Tottenxem»ga o'tishi tarixi haqida gapirib berdi:

«Voqea juda oddiy. Mavsum tugashidan oldinroq Sandro ketishni istayotganini tushunib yetgandim, bizda esa «Breshiya» menejeri bilan umumiy tanishimiz bor edi.

Do'stimga xabar yubordim: «Sandroga aytib qo'y, agar ligada qolsak, uning ortidan boraman».

O'n daqiqadan so'ng do'stim javob qaytardi: «Sandro bilan gaplashdim, u bunga tayyor». O'shanda men: «Endi ligada qolish uchun yana bitta o'yinda g'alaba qozonishimiz kerak!» dedim.

«Nyukasl»ning «Vest Xem»ga qarshi o'yinini 90 daqiqa davomida tomosha qildim, Sandro birinchi bo'limni juda yaxshi o'tkazdi. O'zimga tinmay takrorlardim: «Agar ligada qolsak, ortingdan boraman. Ortingdan boraman. Ortingdan boraman».

«Everton»ga qarshi oxirgi o'yinda g'alaba qozonganimizdan so'ng, ertasi kuni soat to'rtda Sandroga yozdim: «Sandro, sen bilan gaplashib olishim kerak».

O'n daqiqadan so'ng telefon orqali bog'landik, yana ikki kundan keyin esa Italiyaga qaytdim va biz uning uyida uchrashdik».

«Oltin to'p» topshirish marosimi yaqinlashmoqda. Aytishlaricha, Harri Keyn favorit, Lamin Yamal esa ikkinchi o'rinda. Shu bois biz ushbu ikki futbolchini baholash uchun aynan siz eng munosib nomzod deb o'yladik.

🗣 Gordon: «Men bu borada gapiradigan odam emasman (kuladi)».

❓Siz bu haqda nima deb o'ylaysiz?

🗣 Gordon: «Mening fikr bildirishim qiyin, chunki o'zim hali bunday darajada emasman. Bu vaziyatda men ham siz kabi shunchaki ushbu ikki futbolchining muxlisiman. Mening nazarimda, erishgan yutuqlarini hisobga olsak, sovrin ulardan biriga nasib etishi kerak. Laminning bunchalik yoshligida erishgan yutuqlari... U aqlbovar qilmas futbolchi. Hozir u mutlaqo boshqa darajada. 19 yoshda bunday ishlarni qilish — bu shunchaki aqldan ozish».

❓Lamin hozir dunyodagi eng yaxshi vinger hisoblanadimi?

🗣 Gordon: «O'ylayman-ki, ha. Agar faqat futbol mahorati va ko'nikmalari haqida gapiradigan bo'lsak, men uchun u shubhasiz birinchi raqamli futbolchi. Ammo o'tgan mavsumga nazar tashlasak, Harrida ham boshqalardan kam bo'lmagan jiddiy dalillar bor, chunki uning mavsumi tarixiy bo'ldi. Urilgan gollar soni, Jahon chempionatida biz uchun qilgan ishlari... Ikkalasining ham juda jiddiy argumentlari bor. Ikkalasiga ham omad tilayman».

❓Biz Harri Keyn haqida gaplashdik, ammo Jahon chempionatining eng yaxshi futbolchisi va ayni vaqtda g'olibi Rodri bo'ldi. Hamma uning qanchalik kuchli ekanini biladi, lekin siz uni qanday baholaysiz?

🗣 Gordon: «Sizga bu haqda aytib o'tirishim shart emas, chunki biz uzoq vaqtdan beri uni kuzatishdan zavq olib kelamiz, men esa unga qarshi o'ynaganman va u qanchalik yaxshi futbolchi ekanini doim bilganman. Endi u bilan birga o'ynayotganimdan juda xursandman, chunki futbol nuqtai nazaridan u — daho. Uning xotirjamligi, to'pni deyarli yo'qotmaslik qobiliyati... Unga qarshi o'ynaganimda, doim u mendan bir qadam oldinda ekanini his qilardim. Bunday futbolchining jamoamda borligi yaxshi. Eng avvalo, aynan shu xotirjamlik haqida gap ketyapti. Unga qarshi o'ynashga majbur bo'lganimdan ko'ra, jamoamda u bilan birga bo'lish menga ancha xotirjamlik bag'ishlaydi».

Tiago Skuro RMC Sport uchun bergan intervyusida qishki transferlar haqida to'xtalib o'tdi. Uning so'zlaridan iqtiboslar:

Biz qishda ketadigan futbolchilarni ko'ramiz.

Gap birinchi navbatda Folarin Balogun haqida ketmoqda. U "Everton"ga o'tishi kerak edi, ammo taklifni rad etdi.

Agar Balogun bo'yicha kelishuvga erishganimizda, hammasi yaxshi bo'lardi. Ammo oxirgi daqiqada yuz bergan voqealar qishki rejalarni biroz o'zgartiradi.

Reja: amerikalik futbolchi uchun variant topish hamda Lamin Kamara va Golovinga mavsumni yakunlab qo'yish imkonini berish.

Bu ideal reja, ammo qishda nima bo'lishi ustidan nazorat va ishonchimiz yo'q. Shunga qaramay, niyatimiz shunday.

Shuningdek, Skuro yozgi transfer oynasi haqida ham o'z fikrlarini bildirdi:

Yozda qilgan barcha ishlarimizdan unchalik ham mamnun emasman, rejani 100 foiz bajarishning iloji yo'q edi. Yechimlar izlash va tuzatishlar kiritish kerak. Ochig'ini aytsam, bu transfer oynasidan qoniqmadim. Agar sotuvlar bo'yicha boshqa muddatlar bo'lganida, balki boshqa futbolchilarni imzolash uchun ko'proq vaqt bo'lardi.

Klub Lamin Kamarani saqlab qolganidan xursand. Biroq bir nechta pozitsiyalarda muammolar bor: Erik Lirani imzolashning iloji bo'lmadi (yevropalik bo'lmaganlar uchun limit xalaqit berdi), o'ng qanot vingeri va chap qanot himoyachisiga o'rinbosar yetishmayapti:

Agar jamoa balansini yaxshilash imkoniyati tug'ilsa, biz buni qilamiz. Hujumkor futbolchilarimiz ko'p, ammo boshqa pozitsiyalarda variantlar yetishmayapti. Hammasi ham bizning nazoratimizda emas.

De Zerbi Matis Telning o'yinidan unchalik ham mamnun emas. 😬

Murabbiy fransiyalik futbolchi maydonda o'z vazifasini to'liq bajarmayapti, deb hisoblaydi va undan jamoa uchun ko'proq mehnat qilishini kutmoqda. 👀

O'yindan so'ng De Zerbi Tel bilan alohida suhbatlashib, undan aynan nima talab qilinishi va qaysi pozitsiyada harakatlanishi kerakligini tushuntirib o'tdi. 🤝

🗣 Gari Nevill — Kobbi Maynuning «Everton»ga qarshi o'yini haqida:

Kobbi — bu o'yindagi yagona ijobiy jihat. Jamoa dahshatli o'yin o'tkazdi, ammo uni kuzatish yoqimli edi.

Bunday chiqishdan keyin men Andrey Santos transferini tushunmayapman: Maynu — ko'proq universal o'yinchi va ko'plab jihatlarda foyda keltira oladi.

Unda yarim himoyachi uchun zarur bo'lgan tabiiy xotirjamlik bor. Hatto atrofda hamma narsa noto'g'ri ketayotganda ham, u to'p bilan ishonchli harakat qiladi.

«Manchester Yunayted» o'rnida bo'lganimda, jamoani aynan shunday futbolchilar atrofida qurgan bo'lardim. Unga barqaror o'yin amaliyoti, mas'uliyat va rivojlanish imkoniyatini berish kerak.

🗣 Maykl Kerrik:

«Juda hafsalamiz pir bo'ldi, ayniqsa ikki marta hisobda oldinda borganimizdan keyin. Bir ochkoni qo'lga kiritdik, ammo his-tuyg'ular mag'lubiyatga teng.

Ikki gol o'tkazib yubordik? Ha, ikkita ajoyib zarba bo'ldi, lekin jamoa sifatida yaxshiroq harakat qilishimiz kerak bo'lgan vaziyatlar bor va bunga ko'z yumib bo'lmaydi. Biz kamroq gol o'tkazishimiz kerak.

Mavsum boshlanishi unchalik yomon emas. Yaxshiroq o'ynashimiz ham mumkin edi, ammo hammasi iziga tushib ketadi.

Reshford qaytganidan keyin yaxshi ko'rinmoqda. U formada, bugun undan xavf sezilib turdi. Uni almashtirishga to'g'ri keldi – u biroz noqulaylik sezdi.

Yashiradigan joyi yo'q – biz bu o'yinda g'alaba qozonishimiz kerak edi. Jarima maydoni tashqarisidan ikkita chiroyli zarba yo'llashdi va g'alabasiz ketayotganimizdan xafamiz.

Ba'zi narsalarni yaxshiroq bajarishimiz kerak edi. Bu gollarning oldini olish uchun ishonchliroq o'ynashimiz mumkin edi».

🚨 Sandro Tonali "Tottenxem"ning kelgusi mavsumi haqida o'z fikrlari bilan o'rtoqlashdi:

"Hozir eng muhimi — jamoa bo'lib qolish. O'tgan mavsum qanchalik og'ir bo'lganini bilamiz. Har bir o'yin — bu haqiqiy sinov. Yangi mavsumda biz 100 foizdan ko'proq kuch sarflashimiz, diqqatni jamlashimiz va har bir bahsda g'alaba qozonish uchun borimizni berishimiz kerak".