«Everton» bosh direktori Angus Kinnear Jek Grilish bilan aloqalar va uning «Manchester Siti»dagi holati haqida gapirdi.
Angus Kinnear, «Everton» bosh direktori, Jek Grilish haqida quyidagicha fikr bildirdi:
Jek Grilish — biz aloqani saqlab qolayotgan o'yinchi. O'tgan mavsum oxirida u shart bo'lmasa ham, aynan bizda reabilitatsiya o'tashga qaror qilgani sir emas. U to'g'ri ko'k rangga oshiq bo'lib qoldi, ammo hozir Jek «Manchester Siti» o'yinchisi bo'lib qolmoqda va biz buni hurmat qilishimiz kerak. Eng muhimi — u qaytdi. U juda jiddiy jarohat olgandi va tiklanish uchun ulkan ish bajardi.
Duayt MakNil «Kristal Pelas» muxlislarining gol urilgandan keyingi qo'shig'ini futbol olamidagi eng sevimli qo'shig'i deb atadi.
🎙️ Duayt MakNil:
🗣️ «Qiziq, menga «Pelas»ga qarshi o'ynash har doim yoqqan, ayniqsa «Selxerst Park»da! Garchi bu biroz g'alati bo'lsa-da, ular gol urganida menga yoqardi, chunki ularning gol urgandan keyingi qo'shig'i (krichalkasi) menga juda yoqadi».
«Rostini aytsam, bu futbol olamidagi eng sevimli qo'shig'im bo'lsa kerak! Ularning qarshisida o'ynashni intiqlik bilan kutyapman».
Roberto De Zerbi Sandro Tonali'ni «Tottenxem»ga qanday ko'ndirgani haqidagi qiziqarli voqeani so'zlab berdi.
🎤 Roberto De Zerbi Sandro Tonali'ning «Tottenxem»ga o'tishi tarixi haqida gapirib berdi:
«Voqea juda oddiy. Mavsum tugashidan oldinroq Sandro ketishni istayotganini tushunib yetgandim, bizda esa «Breshiya» menejeri bilan umumiy tanishimiz bor edi.
Do'stimga xabar yubordim: «Sandroga aytib qo'y, agar ligada qolsak, uning ortidan boraman».
O'n daqiqadan so'ng do'stim javob qaytardi: «Sandro bilan gaplashdim, u bunga tayyor». O'shanda men: «Endi ligada qolish uchun yana bitta o'yinda g'alaba qozonishimiz kerak!» dedim.
«Nyukasl»ning «Vest Xem»ga qarshi o'yinini 90 daqiqa davomida tomosha qildim, Sandro birinchi bo'limni juda yaxshi o'tkazdi. O'zimga tinmay takrorlardim: «Agar ligada qolsak, ortingdan boraman. Ortingdan boraman. Ortingdan boraman».
«Everton»ga qarshi oxirgi o'yinda g'alaba qozonganimizdan so'ng, ertasi kuni soat to'rtda Sandroga yozdim: «Sandro, sen bilan gaplashib olishim kerak».
O'n daqiqadan so'ng telefon orqali bog'landik, yana ikki kundan keyin esa Italiyaga qaytdim va biz uning uyida uchrashdik».
Shon Daych o'zi boshqarishni eng ko'p istaydigan klub haqida fikr bildirdi. Murabbiy "Manchester Yunayted" haqida o'z fikrlari bilan o'rtoqlashdi.
🗣️ Shon Daych o'zi boshqarishni eng ko'p istaydigan klub haqida fikr bildirdi:
«Ha, bu „Manchester Yunayted“. Bu juda murakkab ish, ammo uni qo'lga kiritish imkoniyati ham o'zgacha narsa. Barchaga ma'lumki, bu klub qanchalik buyuk. „Yunayted“ ulkan global kuch va ta'sirga ega. Menga doim „Old Trafford“ga tashrif buyurish yoqqan, u yerda natijalarim ham yomon bo'lmagan».
Brennan Jonson o'zining transferi haqida keskin fikr bildirgan Jeymi O'Xara va Gabbi Agbonlaxorga javob qaytardi.
Brennan Jonson Jeymi O'Xara va Gabbi Agbonlaxorga javob qaytardi. Ular «Kristal Pelas»ning Duayt Maknilni sotib olib, Jonsonni «Everton»ga jo'natishini «axlatni axlatga almashtirish» deb atab, ustidan kulishgandi.
Men bu ikkisining birgalikdagi yutuqlaridan ko'proq sovrin yutganman. 😂
Roberto De Zerbi «Tottenhem»dagi munosabatlar, Solanke, Kulusevski va Kinski haqida gapirdi.
🎤 Roberto De Zerbi Yan Pol van Xekega yozgan xabari haqida gapirib berdi:
Van Xeke haqida gapiradigan bo'lsam, «Everton»ga qarshi o'yindan so'ng unga quyidagicha xabar yozdim: «Bor yo'qol», sen Ryutterga golli uzatma berib, «Tottenhem»ni Chempionshipga ravo ko'rmoqchi eding, endi esa xohlasang ham, xohlamasang ham oldimga kelishing shart, tanloving yo'q.
Bu o'yindan darhol keyin, «Tottenhem» stadionidagi kabinetimda sodir bo'ldi — men qizimga xabar yozgandim, keyin esa Yanga.
🎤 Roberto De Zerbi aprel oyida «Sanderlend»dan uchralgan 0:1 hisobidagi mag'lubiyatdan so'ng futbolchilarning holati haqida:
Premer-ligada jon saqlab qolganimizdan faxrlanardim va xursand edim, ammo o'tgan mavsum mening yutug'im deb hisoblamayman — bu futbolchilarning mehnati.
Chunki men kelganimda, «Sanderlend»ga qarshi o'yindan so'ng kiyim almashtirish xonasida futbolchilarni ko'rdim.
Bu haqda matbuot anjumanida aytmagandim, lekin hammasi shunday bo'lgan: ular kiyim almashtirish xonasi polida yotib yig'lashardi. Men esa: «Biz o'lib qoldikmi?», deb so'radim.
🎤 De Zerbi Solankeni Premer-ligadagi eng yaxshi hujumchilardan biri deb atadi:
U menga futbolchi sifatida ham, inson sifatida ham yoqadi. Premer-ligada Dom Solankedan kuchliroq hujumchilar unchalik ko'p emas.
O'ylashimcha, uning o'yin sifati o'ziga bo'lgan ishonchiga bog'liq. Avvalo transfer oynasi yopilishini kutishimiz kerak, shundan so'ng Solanke haqida batafsilroq gaplashamiz.
Har holda, uni saqlab qolmoqchiman, chunki u menga futbolchi sifatida yoqadi. U to'liq shakllangan hujumchi. U himoya ortiga yorib kirishi, to'pni korpus bilan yopishi, pas o'yiniga qo'shilishi va Premer-ligada mavsumiga 15–20 ta gol urishga qodir.
🎤 Deyan Kulusevskining holati haqida:
Kulusevski o'zini yaxshi his qilyapti, u tarkibimizdagi eng yaxshi o'yinchilardan biri.
Tiklanish jarayonini tezlashtirish uchun unga ortiqcha bosim o'tkazishni istamasdim, ammo imkon qadar tezroq safga qaytishiga umid qilaman.
🎤 Roberto De Zerbi «Tottenhem» rahbariyati bilan munosabatlari haqida:
Biz juda yaxshi ishlayapmiz, bu klublardagi faoliyatim davomidagi rahbariyat bilan bo'lgan eng yaxshi aloqam.
🎤 Antonin Kinski haqida:
Biz Kinski bilan boshlayapmiz, chunki u birinchi raqamli darvozabon bo'lishga loyiq. U ulkan salohiyatga ega o'yinchi. U yetuk, xarakterga ega va men uning sifatlariga ishonaman.
Sandro Tonali "Tottenxem"ning yangi mavsumdagi maqsadlari va jamoaviy birlik haqida gapirdi.
🚨 Sandro Tonali "Tottenxem"ning kelgusi mavsumi haqida o'z fikrlari bilan o'rtoqlashdi:
"Hozir eng muhimi — jamoa bo'lib qolish. O'tgan mavsum qanchalik og'ir bo'lganini bilamiz. Har bir o'yin — bu haqiqiy sinov. Yangi mavsumda biz 100 foizdan ko'proq kuch sarflashimiz, diqqatni jamlashimiz va har bir bahsda g'alaba qozonish uchun borimizni berishimiz kerak".
